စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







တကယ် ကျန်းမာချင်ပါသလား

                       
လောကမှာ အပြောနဲ့  အလုပ် တစ်ထပ်တည်းကျဖို့ ဆိုတာ (တကယ်)မလွယ်ပါဘူး။ သို့ သော် “တကယ်ဖြစ်ချင်..တကယ်လုပ်..အဟုတ်ဖြစ်ရမည်” ဆိုတဲ့ ဆောင်ပုဒ်လေး အတိုင်း တကယ်ကျန်းမာချင်သူများ အောက်ပါ နည်းလမ်း(၁၀)သွယ်အတိုင်း ကျင့်ကြံ လိုက်နာခြင်းဖြင့် အမှန်ပင်ကျန်းမာစေမှာဖြစ်လို့  ယခုပင် ကြိုးစားကြည့်စေ လိုပါတယ်။
 

(၁) အရက်/ဘီယာ/အားဖြည့်အချိုရည်တွေ လျော့သောက်ပြီး၊ လ္ဘက်ရည်ကြမ်း (လ္ဘက်ခြောက်ရေနွေး) ပိုသောက်ပေးပါ။ (ဆေးလိပ် တွေပါ ဖြတ်လိုက်ပါဦး)
 

(၂) ဥပမာ အသင့်စား အစားအသောက်များဖြစ်ကြတဲ့ ကြက်ဥချောင်း/၀က်အုချောင်း/အသား-ငါးသေတ္တာဗူးအမျိုးမျိုး/စည်သွပ် ဗူးအမျိုးမျိုး/သစ်သီးဗူး-သစ်သီးခြောက်များ/ထုံချိုင်းအသားလုံးအမျိုးမျိုး …တို့ ကို လျော့စားပြီး၊ လတ်လတ်ဆတ်ဆတ် သား-ငါး-သစ်သီးဝလံ တို့ ကို ပိုစားပေးပါ။
 

(၃) ဆား(အငန်) တွေလျော့စားပြီး၊ အချဉ် ပိုစားပေးပါ။
 

(၄) သကြား (အချို အရသာအမျိုးမျိုး) တွေ လျော့စားပြီး၊ သဘာဝအချို အတိုင်းသာ စားပေးပါ။
 

(၅) အစားလျော့စားပြီး၊ ပါးစပ်ထဲမှာ အချိန်ကြာကြာ ၀ါးပေးပါ။ (ပါးစပ်ထဲမှာ အချိန် ကြာကြာ ၀ါးခြင်းက တင့်တိမ်ရောင့်ရဲလွယ် စေတာကြောင့် အစားအများကြီး ပိုမစား မိတော့ဘဲ ကိုယ်အလေးချိန် တိုးလာမှာမစိုးရိမ်ရတော့ပါဘူး။ ဒါ့ပြင် ညက်ညက်ဝါး စားတာကြောင့် အစာကျေစေပြီး အစာအိမ် နဲ့  အူတွေကို ကျမ္မာစေပါတယ်)
 

(၆) အပြောလျော့ပြီး၊ အလုပ်နဲ့ သက်သေပြပါ။ (ဆိုလိုတာကတော့ “ပိန်အောင် လုပ်တော့မယ်၊ ၀ိတ်ချတော့မယ်” လို့ အသံ နဲ့ ဟစ်ကြွေးမနေဘဲ၊ အစားလျော့စားပြီး သင့်တင့်တဲ့ ကိုယ်လက်လှုပ်ရှားအားကစားကို မှန်မှန် လုပ်ပေးရမှာပါ)
 

(၇) လောဘလျော့ပြီး၊ ဒါနပွားများပါ။ (အ-ကုသိုလ်စိတ်တွေ ဖိစီးနေတဲ့အခါ၊ ခန္ဒာ ကိုယ်ထဲမှာ လှည့်ပတ်စီးဆင်းနေတဲ့ သွေးရည်က သူ့ အလိုလို ညိုမည်းပျစ်ခဲ လာ တာကြောင့် နှလုံးထိခိုက်စေပါတယ်။ ရုပ်ရည်ခက်ထန်ကြမ်းတမ်းစေတဲ့အပြင် အသားအရည်မကြည်လင်တော့ဘဲ အရွယ်ကျမြန်စေပါတယ်)
 

(၈) စိုးရိမ်သောက ဗျာပါဒတွေလျော့ချပြီး၊ အိပ်ရေး၀၀ (ပို) အိပ်ပေးပါ။ (အကောင်းဆုံး စိတ်တည်ငြိမ်ဆေးကတော့ “တရားမှတ်ခြင်း” ပါဘဲ)
 

(၉) ကား/ဆိုင်ကယ်/စက်ဘီး/ဆိုက္ကား စတဲ့ ယာဉ်အမျိုးမျိုးတို့ လျော့စီးပြီး၊ လမ်းများ များ လျှောက်ပေးပါ။
 

(၁၀) ဒေါသ မာန်မာန တွေလျော့ပြီး၊ စိတ်လက်ပေါ့ပါး (ပြုံးရွှင်) စွာနေပါ။ ( “ပျော်ပျော်နေ. .သေခဲ” ပါတဲ့)


https://www.facebook.com/MyawadyNews/photos/a.351047714993066.76926.3510186

No comments:

Post a Comment

Related Posts Plugin for WordPress, Blogger...