ပွင့်လင်းရာသီ ရောက်ရှိလာချိန်တွင် နှစ်စဉ် ဖြစ်ပွားမှု များသည့် ခွေးရူးပြန်ရောဂါ မဖြစ်ပွားအောင် သတိပြု နေထိုင်ရန် လိုအပ်ကြောင်း မွေးမြူရေးနှင့် ကုသရေး ဦးစီးဌာန ရောဂါပျံ့နှံ့မှု လေ့လာရေး ဌာနစုမှ တာဝန်ရှိသူတစ်ဦး၏ သတိပေး ပြောကြားချက်အရ သိရသည်။
အဆိုပါ ခွေးရူးပြန် ရောဂါသည် Rabies ဟုခေါ်သည့် ဗိုင်းရပ်စ်ပိုး တစ်မျိုးကြောင့် ဖြစ်ပြီး ယင်းဗိုင်းရပ်စ်ပိုး ကူးစက်ခံရပါက ဦးနှောက်နှင့် အာရုံကြောမကြီးသို့ ရောက်ရှိ၍ ရောဂါ လက္ခဏာများ ပြလေ့ရှိကြောင်း၊ ခွေးရူးပြန်ရောဂါ ဗိုင်းရပ်စ်ပိုး သယ်ဆောင်ထားသည့် တိရစ္ဆာန်က ကိုက်မိခြင်း၊ ခြစ်မိခြင်း၊ ရောဂါရှိသူနှင့် တိရစ္ဆာန်၏ သွားရည်မှ တစ်ဆင့် မိမိခန္ဓာကိုယ်၏ ပေါက်ပြဲနေသည့် အရေပြားနှင့် ထိတွေ့ခြင်း၊ မျက်စိ၊ ပါးစပ်အတွင်းသို့ ရောက်ရှိသွားပါက ရောဂါ ကူးစက်နိုင်ကြောင်း သိရသည်။
''ရာသီဥတုက ဆောင်းရာသီဆိုပေမဲ့ အအေးလျော့တယ်။ ဒီအတွက် ခွေးရူးပြန် ရောဂါဖြစ်ပွား လာနိုင်ပါတယ်။ အိမ်မွေးတိရစ္ဆာန် တွေကိုလည်း ကာကွယ်ဆေး ထိုးထားပေးသင့်တယ်။ အန္တရာယ်ကို ကြိုတင်ကာကွယ်တာ အကောင်းဆုံးပါ'' ဟု ၎င်းက ဆက်လက် ပြောကြားခဲ့သည်။
မြန်မာနိုင်ငံ၌ ခွေးရူးပြန် ရောဂါနှင့် ပတ်သက်၍ စစ်ဆေး ပေးနိုင်သည့် ရောဂါရှာဖွေရေး ဓာတ်ခွဲခန်းမှာ ရန်ကုန်တိုင်း ဒေသကြီး အင်းစိန်မြို့နယ်နှင့် မန္တလေး ဒေသကြီး စဥ့်ကိုင်မြို့နယ်တို့၌သာ ရှိသေးကြောင်း၊ ယင်းအတွက် ရောဂါပျံ့နှံ့မှုကို လေ့လာရာတွင် ၎င်းဒေသ နှစ်ခုအတွင်း တွေ့ရှိ ချက်ကိုသာ နိုင်ငံ အတိုင်းအတာ အဖြစ် သတ်မှတ်၍ မှတ်ယူနေရကြောင်း သိရသည်။
မြန်မာနိုင်ငံတွင် ခွေးရူးပြန် ရောဂါကြောင့် သေဆုံးမှုမှာ ၂ဝ၁ဝ ပြည့်နှစ်တွင် ၂ဝ၅ ဦး၊ ၂ဝ၁၁ ခုနှစ်တွင် ၂၄ဝ ဦး အသီးသီး ရှိခဲ့ပြီး နှစ်စဉ်လူဦးရေ ၂ဝဝ ကျော် သေဆုံးမှု ရှိနေသည့် အတွက် ကြိုတင် ကာကွယ်သင့်ကြောင်း သိရသည်။
https://www.facebook.com/photo.php?fbid=510057705758732&set=a.351047714993066.
No comments:
Post a Comment