ပြန်လည်ပြုပြင်အသုံးပြုခြင်း (Recycling)

ကျွန်တော်တို့ကမ္ဘာမြေကြီးဟာ လူတွေအသုံးပြုပြီး စွန့်ပစ်ထားတဲ့ အမှိုက်သရိုက်တွေနဲ့ ဖုံးလွှမ်းနေပါတယ်.... ဒီအမှိုက်တွေကို မြေမြှုပ်ပြီးထားမယ်ဆိုရင် ဆွေးမြေ့ပျက်စီးဖို့အတွက်လည်း အချိန်အများကြီးပေးရပါတယ်... အမှိုက်တွေကို မီးရှို့ဖျက်ဆီးတဲ့အခါမှာလည်း လေထုညစ်ညမ်းမှုတွေဖြစ်ပေါ်စေပြီး ဖန်လုံအိမ်အကျိုးဆက်တွေအထိဖြစ်လာတဲ့အပြင် ကမ္ဘာ့ရာသီဥတုကမောက်ကမဖြစ်ရတဲ့အထိ အကျိုးသက်ရောက်မှုတွေရှိပါတယ်.... ရေထဲစွန့်ပစ်တဲ့အခါကျတော့လည်း ရေထုညစ်ညမ်းမှုဖြစ်ပြီး ရေနေသတ္တဝါတွေရဲ့ ဂေဟစနစ်တွေကိုပါ ထိခိုက်စေပါတယ်...

ဒါကြောင့် ကျွန်တော်တို့လူသားတွေရဲ့ အမှိုက်ထုတ်လုပ်မှုပမာဏကို လျှော့ချဖို့လိုအပ်လာပါတယ်... အသုံးပြုပြီး စွန့်ပစ်မယ့်ပစ္စည်းတွေကိုလည်း အလွယ်တကူဆွေးမြေ့ပျက်စီးလွယ်တဲ့ အရာဝတ္ထုတွေနဲ့ အစားထိုးသုံးစွဲလာကြရပါတယ်... အမှိုက်စွန့်ပစ်မှုကို စနစ်တကျစီမံဆောင်ရွက်လာရသလို အမှိုက်တွေထဲက ပြန်လည်အသုံးပြုနိုင်မယ့်ပစ္စည်းတွေကိုလည်း ရွေးချယ်ပြီး ပြန်လည်ပြုပြင်အသုံးပြုကြရပါတယ်... ဒါမှသာ ကျွန်တော်တို့ ကမ္ဘာ့ပတ်ဝန်းကျင်ကို ထိခိုက်ယိုယွင်းစေမယ့် အချက်တွေကို အတတ်နိုင်ဆုံးလျှော့ချနိုင်မှာဖြစ်ပါတယ်....

ပတ်ဝန်းကျင်မှာရှိတဲ့ စွန့်ပစ်ပစ္စည်းတွေကိုအသုံးပြုပြီး လူ့အသုံးအဆောင်တွေပြန်လည်ပြုလုပ်ကြတာဟာ ကမ္ဘာအနှံ့မှာ ခေတ်စားလာခဲ့ပါတယ်.... အမှိုက်ကရတဲ့ပစ္စည်းတွေနဲ့ အိမ်တွင်း အိမ်ပြင်အလှဆင်မှုတွေလုပ်ခဲ့သလို အိမ်တစ်လုံးလုံးတည်ဆောက်နိုင်ခဲ့တာမျိုးကိုလည်း သတင်းတွေမှာ မကြာခဏဖတ်ရှုရပါလိမ့်မယ်... ဒီလိုပြန်လည်ပြုပြင်အစားထိုးနိုင်ဖို့အတွက် စက်ရုံအလုပ်ရုံကြီးတွေမလိုသလို ပစ္စည်းကိရိယာတန်ဆာပလာတွေလည်း များများစားစားမလိုပါဘူး... အကြံအစည်အတွေးအခေါ် (idea) ကောင်းကောင်းတစ်ခုရှိရင်ပဲ အကောင်အထည်ဖော်လုပ်ဆောင်နိုင်ပါပြီ...

ဒီပုံလေးမှာတော့ ရေသန့်ဗူးခွံအဟောင်းတွေနဲ့ လူစီးလှေတစ်စင်းဖန်တီးထားတာကိုတွေ့မြင်နိုင်ပါတယ်... ဒီထက်ရိုးရိုးရှင်းရှင်းလုပ်ထားတဲ့ ရေသန့်ဗူးလှေတွေနဲ့ တခြားစွန့်ပစ်ပစ္စည်းထုတ်ကုန်တွေကိုလည်း facebook မှာ မကြာခဏတွေ့မြင်နိုင်ပါတယ်.... အဲ့ဒီတော့ ကျွန်တော်တို့ပတ်ဝန်းကျင်မှာရှိနေတဲ့ စွန့်ပစ်ပစ္စည်းတွေကိုလည်း ဘယ်လိုအကျိုးရှိတဲ့ အသုံးအဆောင်ပစ္စည်းမျိုးအဖြစ် ဖန်တီးနိုင်မလဲဆိုတာကို စဉ်းစားကြည့်ကြပါစို့... အားလပ်တဲ့အချိန်မှာ ကိုယ့်မိသားစုနဲ့အတူ စွန့်ပစ်ပစ္စည်းတွေကနေ ဒီလိုအသုံးအဆောင်ပစ္စည်းလေးတွေဖန်တီးရင်း ကိုယ့်ရဲ့စိတ်ကူးဥာဏ်ကို ကွန့်မြူးနိုင်သလို ကိုယ့်ရင်သွေးကလေးတွေရဲ့ တီထွန်ဖန်တီးနိုင်စွမ်းကိုလည်း မြှင့်တင်ပေးနိုင်ပါတယ်... ဒီနည်းနဲ့ သင့်အိမ်တွင်းအိမ်ပြင်ပတ်ဝန်းကျင်ကို အလှဆင်နိုင်သလို အမှိုက်စွန့်ပစ်မှုကိုလည်း လျှော့ချနိုင်မှာဖြစ်တဲ့အတွက် ကမ္ဘာလောကကြီးရေရှည်တည်တံ့လှပဖို့ တစ်ထောင့်တစ်နေရာက ဝင်ရောက်ကူညီရာလည်းရောက်မှာဖြစ်ပါတယ်လို့ တင်ပြလိုက်ရပါတယ်....
----------------------------------------------------------------
Image Source: Amazing Facts


နှိုင်းရင့်နွေ

http://www.facebook.com/photo.php?fbid=401867283244442&set=a.351047714993066.7