ဝက် တစ်ကောင်ရဲ့ နောက်ဆုံးခရီးကို လူတွေစည်စည်ကားကားနဲ့ အသုဘချတယ်ဆိုရင် ယုံမှာလား။ တရုတ်နိုင်ငံက ၁ တန်အလေးချိန်ရှိတဲ့ ဧရာမ၀က်ကြီးကိုတော့ အသုဘပို့ဆောင်တဲ့ လူတွေ စည်စည်ကားကားရှိခဲ့တယ်လို့ဆိုပါတယ်။ သိတဲ့အတိုင်း တရုတ်နဲ့ ၀က်ဟာ ခွဲခြားလို့ မရတဲ့ စကားလုံးပါ။ ဒီလိုပဲ ဟော့ဒီ ဧရာမ၀က်ကြီးကိုတော့ သူတို့ဒေသမှာ ဘုရားတစ်ဆူလို ကိုးကွယ်ခဲ့ကြပါသတဲ့။ ကျီးကျန်းပြည်နယ်၊ ရုံရှင်းဒေသက အဆိုပါဝက်ကြီး ပြီးခဲ့တဲ့အပတ်က သေဆုံးသွားတော့ ဒေသခံလူတွေဟာ အဆိုပါဝက်ကြီးအတွက် အသုဘချပေးခြင်းဖြစ်ပါတယ်။ အသုဘကြိုးခွေတွေနဲ့ ပန်းတွေ ခြံရံလို့ သူတို့ရဲ့ ၀က်ကြီးနောက်ဆုံးခရီးကို လိုက်ပါပို့ဆောင်ကြပါတယ်။
ဒီဝက်ကြီးကတော့ ငယ်ငယ်ကထည်းက ဘုန်းတော်ကြီးတွေက မွေးစားခဲ့လို့ ၀က်သားဖြစ်မယ့်ဘေးက ဝေးလို့ အေးအေးချမ်းချမ်း ဘ၀ကို ဖြတ်သန်းနိုင်ခဲ့ပါသတဲ့။ “ဒီကောင်ကြီးက ချစ်ဖို့ကောင်းသလို နူးလည်း နူးညံပါတယ်၊ ပြီးတော့ သူ့ကို ဘယ်သူမှလည်း မနှောက်ယှက်ကြပါဘူး” လို့ သူ့ကို မွေးစားခဲ့တဲ့ လူတွေ ကဆိုပါသတဲ့။
ရွာသားတွေဟာ အဆိုပါ ၀က်ကြီးရဲ့ ခန္ဓာကိုယ်ကို ၀က်ဘုရင်ကြီးအဖြစ် ကိုးကွယ်ဖို့ လိုချင်နေကြပါသတဲ့။ သူ့ကို မွေးမြူထားခဲ့သူကတော့ “ဒီ ၀က်ကြီးကို ရုပ်ထုအဖြစ် ထုလုပ်သင့်ပါတယ်။ ဒါမှ နောင်လားနောင်သားတွေလည်း ဒီဝက်ကြီးကို အမြဲတမ်း ရိုသေကိုင်းရှိုင်းနေအောင်ပေါ့” လို့ ဆိုသွားပါသတဲ့။
သြော်… အံတော့ အံသြစရာပါပဲ.. သူ့ဓလေ့နဲ့သူ၊ သူ့ ကိုးကွယ်မှု့နဲ့ ပါတ်သတ်ပြီးတော့ ဘာမှ မပြောလိုတော့ပါဘူးလေ။ ယုံကြည်ရာကိုးကွယ်လို့ သူ့ဟာနဲ့သူ စိတ်ချမ်းသာပြီး သူများတွေကို ဒုက္ခမပေးရင် ကောင်းတာပါပဲလေ။
by AH
ထူးခြားဆန်းပြား ကမ္ဘာတစ်လွှား
No comments:
Post a Comment