စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ညဘက်တွင် လူရွှင်တော် ဝတ်စုံဖြင့် လူအများကို ခြောက်လှန့်နေသူ တစ်ဦးကို ကင်တက်ကီ ရဲတပ်ဖွဲ့ဖမ်းဆီး


ပုန်းကွယ်ချောင်းမြောင်းနေတတ်သည့် လူရွှင်တော်ဟု လူသိများပြီး ကြောက်စရာ လူရွှင်တော်ဝတ်စုံဖြင့် လူအများကို အထိတ်တလန့် ဖြစ်စေခဲ့သူ တစ်ဦးကို အမေရိကန်နိုင်ငံ၊ ကင်တက်ကီ ရဲတပ်ဖွဲ့က ဖမ်းဆီးလိုက်သည်။

အသက် ၂၀ အရွယ်ရှိ ဂျိုနသန် မာတင်သည် ကင်တက်ကီရှိ မစ်ဒယ်လ်ဘရို အရပ်တွင် လူရွှင်တော်ပုံ ဝတ်စုံနှင့် မျက်နှာဖုံးတို့ကို ဝတ်ဆင်ကာ ညဘက် လှည့်လည် သွားလာနေလေ့ရှိသည်။ ၎င်း၏ အသွင်အပြင်ကြောင့် လူအများ စိတ်ချောက်ချားပြီး ရဲတပ်ဖွဲ့ထံ ဆက်သွယ်တိုင်ကြားမှု တစ်ဒါဇင်ထက်မနည်း ပြုလုပ်ခဲ့ကြသည်။

မာတင်သည် လက်တွေ့အားဖြင့် မည်သူ့ကိုမျှ ရန်ပြုတိုက်ခိုက်မှု မရှိခဲ့သေးချေ။ ရဲများက ၎င်း၏ လူရွှင်တော်ဝတ်စုံနှင့် ပုံရိပ်ကို လုံခြုံရေး ကင်မရာ မှတ်တမ်းများဖြင့် စုဆောင်းပြီး မာတင် အဓိက သွားလာတတ်သည့် နေရာများကို ကင်းပုန်းချ စောင့်ဖမ်းခဲ့ခြင်း ဖြစ်သည်။ စက်တင်ဘာ ၂၃ ရက်တွင်မူ မာတင်ကို  လူရွှင်တော် ဝတ်စုံပြည့်ဖြင့် ဖမ်းမိခဲ့သည်။ ၎င်းသည် လူနေတိုက်ခန်း တစ်ခုအနီး သစ်ပင်များကြား ပုန်းလျှိုးကွယ်လျှိုး ဝပ်နေခဲ့စဉ် အဖမ်းခံရခြင်းဟု သိရသည်။

၎င်းသည် အများပိုင် ဧရိယာတွင် မျက်နှာဖုံး ဝတ်ဆင်မှု၊ အများပြည်သူကို အထိတ်တလန့် ဖြစ်စေမှုများဖြင့် စွဲချက်တင်ခံရမည် ဖြစ်သည်။ ကင်တက်ကီ ရဲတပ်ဖွဲ့က အခြားသူများ အနေဖြင့်လည်း လူမြင်ကွင်းတွင် လူရွှင်တော်အဝတ်အစားဖြင့် သွားလာမှုမျိုး ပြုလုပ်ပါက ရာဇဝတ်ကြောင်း ပုဒ်မဖြင့် တရားစွဲဆို ခံရမည်ဟု သတိပေးထားသည်။

“လူမြင်ကွင်းမှာ လူရွှင်တော်လို ဝတ်စားပြီး သွားလာနေတာ၊ ကားမောင်းတာတွေဟာ တခြားသူတွေအတွက် သက်ရောက်မှုတွေ ရှိနိုင်ပြီး ကိုယ့်အတွက်ရော၊ သူတစ်ပါးအတွက်ပါ အန္တရာယ်ရှိတဲ့ အခြေအနေတွေ ပေါ်ပေါက်လာစေနိုင်ပါတယ်”ဟု ကန်တက်ကီ ရဲတပ်ဖွဲ့မှ ပြောရေးဆိုခွင့်ရ အရာရှိ တစ်ဦးက ပြောကြားခဲ့သည်။

အမေရိကန်တွင် ကြောက်စရာ လူရွှင်တော် ဝတ်စုံဖြင့် ညဘက် လျှောက်သွားနေကြောင်း တိုင်ကြားမှုများသည် ကန်တက်ကီတွင်သာ မကဘဲ မြောက်ကာရိုလိုင်းနား၊ တောင်ကာရိုလိုင်းနား၊ အလာဘားမားနှင့် ဂျော်ဂျီယာတို့တွင်လည်း ရှိခဲ့သည်။ သို့သော် ယင်းတို့အနက် အများစုသည် ဖြစ်ရပ်မှန် မဟုတ်ခဲ့ကြောင်း ရဲများက စစ်ဆေးတွေ့ရှိခဲ့သည်။
Ref: BBC

http://www.7daydaily.com/story/76369

No comments:

Post a Comment

Related Posts Plugin for WordPress, Blogger...