နေ့လယ်ဘက် အချိန်ကြာမြင့်စွာ အိပ်စက်သူများ ဆီးချိုရောဂါဖြစ်ပွားနိုင်

 
 နေ့လယ်တွင် တစ်နာရီထက်ကြာအောင် တစ်ရေးတစ်မော အိပ်စက်ခြင်းသည် အမျိုးအစား-၂ ဆီးချိုရောဂါအတွက် သတိပေးလက္ခဏာတစ်ခုဖြစ်နိုင်ကြောင်း ဂျပန်သုတေသီများကပြောသည်။
၎င်းတို့သည် လူပေါင်းသုံးသိန်းကျော်ပါဝင်သော စောင့်ကြည့် လေ့လာမှုများကို စိစစ်ပြီးနောက် ယင်းဆက်စပ်မှုကို တွေ့ရှိခဲ့ခြင်း ဖြစ်သည်။

ရေရှည်နာမကျန်းဖြစ်မှုများနှင့် မစစ်ဆေးရသေးသော ဆီးချို ရောဂါခံစားနေရသူများသည် နေ့ခင်းဘက်အချိန်များတွင် မကြာ ခဏဆိုသလို မောပန်းလေ့ရှိကြကြောင်း ဗြိတိန်နိုင်ငံမှ ကျန်းမာရေး ပညာရှင်များက ပြောသည်။
သို့သော် တစ်ရေးတစ်မောအိပ်စက်ခြင်းကြောင့် ဆီးချိုရောဂါ ဖြစ်ပွားစေနိုင်သည် (သို့မဟုတ်) ရောဂါဖြစ်လာနိုင်သည့် အန္တရာယ် များကို တိုးပွားလာစေသည်ဆိုသော အထောက်အထားမတွေ့ရဟု ၎င်းတို့ကပြောသည်။

တိုကျိုတက္ကသိုလ်မှ သုတေသီများပြုလုပ်ခဲ့သည့် လေ့လာမှု ရလဒ်ကို ဂျာမနီနိုင်ငံ မြူးနစ်မြို့ရှိ ဆီးချိုရောဂါလေ့လာရေး ဥရောပ အဖွဲ့အစည်းအဝေးသို့ တင်ပြထားသည်။
၎င်းတို့၏လေ့လာမှုအတွင်း နေ့ခင်းဘက် မိနစ် ၆၀ ထက်ကြာ အောင် အိပ်စက်ခြင်းကြောင့် အမျိုးအစား-၂ ဆီးချိုရောဂါ ဖြစ်နိုင် သည့်အန္တရာယ် ၄၅ ရာခိုင်နှုန်း ပိုများလာခြင်းကြား ဆက်စပ်မှုရှိ ကြောင်း တွေ့ရှိခဲ့သည်။ သို့သော် မိနစ် ၄၀ မပြည့်သော တစ်ရေး အိပ်စက်မှုများကြောင့် ယင်းအန္တရာယ်ကို ပိုများလာစေသည်ဆို သော အထောက်အထားကို မတွေ့ရဟု ဂျပန်သုတေသီများက ပြောသည်။

နေ့ခင်းဘက် ကြာမြင့်စွာ အိပ်စက်လေ့ရှိခြင်းမှာ ညဘက်အိပ် ရေးပျက်ခြင်းကြောင့် ဖြစ်နိုင်သည်။ ယင်းကဲ့သို့ အိပ်စက်ပုံ ကမောက်ကမဖြစ်မှုကြောင့် နှလုံးရောဂါ၊ လေဖြတ်ခြင်း၊ နှလုံးသွေးကြောဆိုင် ရာ ပြဿနာများနှင့် အမျိုးအစား-၂ ဆီးချိုရောဂါအပါအဝင် အခြား သော ဇီဝဖြစ်ပျက်မှုဆိုင်ရာ ရောဂါများ ဖြစ်ပွားနိုင်သောအန္တရာယ် ပိုများလာနိုင်သည်။

အလုပ် (သို့မဟုတ်) လူမှုဘဝပုံစံများဖြစ်သော အိပ်ရေးပျက်မှုကြောင့် အစာစားလိုစိတ် ပိုများလာနိုင်ပြီး အမျိုးအစား-၂ ဆီးချိုရောဂါဖြစ်နိုင်သည့် အန္တရာယ်ကို မြင့်တက်စေနိုင်သည်။
သို့သော် နေ့ခင်းဘက် ခေတ္တခဏအိပ်စက်ခြင်းကြောင့် နိုးနိုး ကြားကြားရှိမှုနှင့် လန်းဆန်းမှု ပိုများစေနိုင်သည်ဟု သုတေသီများ က ပြောသည်။
—Ref: MNT

http://www.7daydaily.com/story/76213

ညဘက်တွင် လူရွှင်တော် ဝတ်စုံဖြင့် လူအများကို ခြောက်လှန့်နေသူ တစ်ဦးကို ကင်တက်ကီ ရဲတပ်ဖွဲ့ဖမ်းဆီး

ပုန်းကွယ်ချောင်းမြောင်းနေတတ်သည့် လူရွှင်တော်ဟု လူသိများပြီး ကြောက်စရာ လူရွှင်တော်ဝတ်စုံဖြင့် လူအများကို အထိတ်တလန့် ဖြစ်စေခဲ့သူ တစ်ဦးကို အမေရိကန်နိုင်ငံ၊ ကင်တက်ကီ ရဲတပ်ဖွဲ့က ဖမ်းဆီးလိုက်သည်။

အသက် ၂၀ အရွယ်ရှိ ဂျိုနသန် မာတင်သည် ကင်တက်ကီရှိ မစ်ဒယ်လ်ဘရို အရပ်တွင် လူရွှင်တော်ပုံ ဝတ်စုံနှင့် မျက်နှာဖုံးတို့ကို ဝတ်ဆင်ကာ ညဘက် လှည့်လည် သွားလာနေလေ့ရှိသည်။ ၎င်း၏ အသွင်အပြင်ကြောင့် လူအများ စိတ်ချောက်ချားပြီး ရဲတပ်ဖွဲ့ထံ ဆက်သွယ်တိုင်ကြားမှု တစ်ဒါဇင်ထက်မနည်း ပြုလုပ်ခဲ့ကြသည်။

မာတင်သည် လက်တွေ့အားဖြင့် မည်သူ့ကိုမျှ ရန်ပြုတိုက်ခိုက်မှု မရှိခဲ့သေးချေ။ ရဲများက ၎င်း၏ လူရွှင်တော်ဝတ်စုံနှင့် ပုံရိပ်ကို လုံခြုံရေး ကင်မရာ မှတ်တမ်းများဖြင့် စုဆောင်းပြီး မာတင် အဓိက သွားလာတတ်သည့် နေရာများကို ကင်းပုန်းချ စောင့်ဖမ်းခဲ့ခြင်း ဖြစ်သည်။ စက်တင်ဘာ ၂၃ ရက်တွင်မူ မာတင်ကို  လူရွှင်တော် ဝတ်စုံပြည့်ဖြင့် ဖမ်းမိခဲ့သည်။ ၎င်းသည် လူနေတိုက်ခန်း တစ်ခုအနီး သစ်ပင်များကြား ပုန်းလျှိုးကွယ်လျှိုး ဝပ်နေခဲ့စဉ် အဖမ်းခံရခြင်းဟု သိရသည်။

၎င်းသည် အများပိုင် ဧရိယာတွင် မျက်နှာဖုံး ဝတ်ဆင်မှု၊ အများပြည်သူကို အထိတ်တလန့် ဖြစ်စေမှုများဖြင့် စွဲချက်တင်ခံရမည် ဖြစ်သည်။ ကင်တက်ကီ ရဲတပ်ဖွဲ့က အခြားသူများ အနေဖြင့်လည်း လူမြင်ကွင်းတွင် လူရွှင်တော်အဝတ်အစားဖြင့် သွားလာမှုမျိုး ပြုလုပ်ပါက ရာဇဝတ်ကြောင်း ပုဒ်မဖြင့် တရားစွဲဆို ခံရမည်ဟု သတိပေးထားသည်။

“လူမြင်ကွင်းမှာ လူရွှင်တော်လို ဝတ်စားပြီး သွားလာနေတာ၊ ကားမောင်းတာတွေဟာ တခြားသူတွေအတွက် သက်ရောက်မှုတွေ ရှိနိုင်ပြီး ကိုယ့်အတွက်ရော၊ သူတစ်ပါးအတွက်ပါ အန္တရာယ်ရှိတဲ့ အခြေအနေတွေ ပေါ်ပေါက်လာစေနိုင်ပါတယ်”ဟု ကန်တက်ကီ ရဲတပ်ဖွဲ့မှ ပြောရေးဆိုခွင့်ရ အရာရှိ တစ်ဦးက ပြောကြားခဲ့သည်။

အမေရိကန်တွင် ကြောက်စရာ လူရွှင်တော် ဝတ်စုံဖြင့် ညဘက် လျှောက်သွားနေကြောင်း တိုင်ကြားမှုများသည် ကန်တက်ကီတွင်သာ မကဘဲ မြောက်ကာရိုလိုင်းနား၊ တောင်ကာရိုလိုင်းနား၊ အလာဘားမားနှင့် ဂျော်ဂျီယာတို့တွင်လည်း ရှိခဲ့သည်။ သို့သော် ယင်းတို့အနက် အများစုသည် ဖြစ်ရပ်မှန် မဟုတ်ခဲ့ကြောင်း ရဲများက စစ်ဆေးတွေ့ရှိခဲ့သည်။
Ref: BBC

http://www.7daydaily.com/story/76369

ဘာမှ မပြောဘဲနေတာ မကောင်းတဲ့အချိန် (၃)ချိန်

play

၁ - သူ့ပြဿ     နာကို ကိုယ့်ပြဿ     နာလုပ်ပြီး သင့်ကို အပြစ်တွေတင်နေတဲ့အချိန်မျိုးမှာ မပြောဘဲ ငြိမ်မနေသင့်ပါဘူး။ အခြေအနေကို အမြန်ဆုံးပြီးစေချင်တာကြောင့် သင့်ဘက်က ငြိမ်နေတယ်ဆိုပေမဲ့ အခြေအနေကို အမှန်အတိုင်းသိမြင်အောင် တစ်ဖက်လူကို ပြန်ရှင်းပြသင့်ပါတယ်။ ဒီလိုမှ မဟုတ်ရင်တော့ သူတို့ကိုယ်တိုင် အပြစ်မရှိဘူးလို့ ထင်လာပြီး သင့်ကိုနိုင်တာ အကျင့်ဖြစ်သွားပါလိမ့်မယ်။

play

၂ - သင့်ကို ဒုက္ခပေးရုံသက်သက်ရည်ရွယ်ပြီး လုပ်နေတယ်ဆိုရင် မပြောဘဲ ငြိမ်မနေသင့်ပါဘူး။  ဘာအကြောင်းမှမရှိဘဲ သင့်ကို လိုက်လံတိုက်ခိုက်နေတာဟာ သင့်အတွက် လက်ခံဖို့ ခက်ပါတယ်။ သူတို့ ဒီလို လိုက်တိုက်ခိုက်နေတာကို လက်ခံထားတယ်ဆိုပေမဲ့ သင်မကြိုက်ဘူး ဆိုတာတော့ သူတို့သိအောင် ပြထားသင့်ပါတယ်။

play

၃ - နားလည်မှုလွဲတဲ့အခါမျိုးမှာလည်း ငြိမ်မနေသင့်ပါဘူး။ သူတို့က သင့်အတွက်ကောင်းတယ်ထင်လို့ ဒီလိုပြုမူနေကြတာ ဖြစ်ပြီး သင်ကလည်း ဘာမှမပြောတဲ့အခါ အဆင်ပြေတယ်လို့ ထင်သွားတတ်ကြပါတယ်။ ဒီအခါမျိုးမှာလည်း သင့်ဘက်က အဆင်မပြေကြောင်း ပြောထားသင့်ပါတယ်။
***ဘယ်အရာကိုပဲ ပြောပြော တည်ငြိမ်စွာ ပြောသင့်ပါတယ်။ အလွန်အကျွံခံစားတာမျိုး မလုပ်သင့်ပါဘူး။
Photos & Source: Lifehack

 http://www.duwun.com.mm/lifestyle/relationships/-id5510012.html?utm_source=facebo