ဘဝအတွက် ပစ်မှတ်ဆိုတာ

လူတိုင်းက ပစ်မှတ်ဆိုရင် စက်ဝိုင်းတစ်ဝိုင်းရဲ့ အလယ်တည့်တည့်ဆီကိုပဲ အာရုံရောက်သွားကြတာများပါတယ်။ မြားပစ်ပြိုင်ပွဲဆိုရင် စက်ဝိုင်းတည့်တည့်ထိတဲ့ မြားချက်နဲ့ အမှတ်ကို တွက်လေ့ရှိကြတယ်။ တကယ့်ဘ၀တွေမှာ အလယ်တည့်တည့် ထိဖို့ဆိုတာ သိပ်မလွယ်တဲ့ ကိစ္စတွေဆိုတာ အားလုံး သိကြမှာပါ။ ပစ်မှတ်နဲ့ ထိချက်ဟာ လူ့ဘ၀အတွက် အရေးကြီးတာ မှန်ပေမယ့် အလယ်တည့်တည့် ထိရုံနဲ့ ပစ်မှတ်မဟုတ်ဘူးဆိုတဲ့ ဆရာတစ်ဦး ရဲ့သင်ကြားမှုကိုလည်း မှတ်သားဖူးပါတယ်။

တစ်နေ့တော့ တက္ကသီလာကျောင်းကြီးမှာ လေးအတတ်ပြိုင်ပွဲတစ်ခု ကျင်းပပါတယ်။ အနယ်နယ်ကနေ ကျောင်းလာတတ်တဲ့ မင်းညီမင်းသားတွေ မြားပစ်ပြိုင်ပွဲဝင်ကြတယ်။ ဒီပွဲမှာ နိုင်တဲ့သူဟာ အလွန်ထင်ရှားတဲ့ ဘွဲ့ တစ်ခုကို ထပ်မံရရှိမှာဖြစ်လို့ မင်းညီမင်းသားတွေက သိပ်ပြီးစိတ်ဝင်စားကြတဲ့ပွဲလို့လည်း ဆိုနိုင်တယ်။

မြားပစ်ပြိုင်ပွဲမှာ ရာဝဏတိုင်းက မင်းသားလေးရဲ့ မြားချက်ဟာ စက်ဝိုင်းတည့်တည့်ကို မှန်ထားတယ်။ ဒီမြားချက်ကို နိုင်အောင် ပစ်ဖို့ဆိုတာ သူ့မြားကို အလယ်ကခွင်းပြီး ထိအောင်ပစ်နိုင်မှပဲ ဖြစ်မယ်လို့ ကြေညာ လိုက်တော့ ကြည့်နေတဲ့ ပရိသတ်အပေါင်းဟာ လက်ခုပ်သြဘာပေးပြီး ချီးကျူး ဂုဏ်ပြုကြ တယ်။

အဲဒီအချိန်မှာ တက္ကသီလဆရာကြီးက ထိုင်ရာကလည်းမထ၊ လက်ခုပ်လည်းမတီး၊ ၀မ်းသာပုံလည်းမပေါ်၊ ချီးကျူးမှုလည်းမပြု ငြိမ်သက်စွာထိုင်နေတာကိုတွေ့ရတယ်။

ဒီတော့ မြားပစ်ထားတဲ့ တပည့်ဖြစ်သူက အားမလိုအားမရဖြစ်ပြီး ဆရာ့ထံပါးကို ဒူးထောက်ခစားကာ

"ဆရာကြီးခင်ဗျား … တပည့် ဘာမှားပါသလဲ။ တပည့် မြားချက်ဟာ အလယ်တည့်တည့် စရွေးကိုက်ထိပါတယ်။ ဆရာကြီး အလိုမကျပုံပေါ်ပါတယ်။ အဘယ်ကြောင့်ပါလဲခင်ဗျာ" လို့ မေးလိုက်တယ်။ ဒီတော့ ဆရာက

"ငါ့တပည့် .. ပစ်မှတ်ဆိုတာ အလယ်ခေါင်တည့်တည့်လောက်သိရုံနဲ့ သင့်ကို ငါမချီးကျူးနိုင်။ တကယ့် ပစ်မှတ်ကို သင်သိအောင် ထပ်ကြိုးစားပါ" လို့ပြောပြီး ထသွားတော့တယ်။

maukkha
https://www.facebook.com/searchmyanmar/photos/a.356889637687313.84429.12061627