ဖခင်တစ်ဦး၏ ရင်တွင်းစကား

ပထမဆုံး ငါပြောချင်တာက မင်းဟာ ငါ့သမီး အတွက် ပထမဆုံးနဲ့ အရေးကြီးဆုံးသော မိသားစုဝင် ဖြစ်လာခဲ့ပြီဆိုတာဘဲ။ ငါတို့ဟာ ငါသမီးရဲ့ဘဝမှာ မင်းနဲ့ စာရင် နောက်တန်းကို ရောက်သွားပါပြီ။ ဒီလို အဆင့် ကျသွားလို့ ငါ မင်းအပေါ် ဘယ်လိုမှ သဘောမထားဘူးဆိုတာ ယုံပေးပါ။ ငါတို့ ကျေကျေနပ်နပ်ကြီး လက်ခံနိုင်ပါတယ်။ ဒါပေမဲ့ တစ်ခုတော့ တောင်းဆိုချင်တယ်။ မင်းသူ့ကို ငါ့သမီးကို ပျော်အောင်ထားပေးပါ။

ပျော်အောင် ထားပေးမယ်လို့လည်း တထစ်ချ ယုံကြည်ထားပါတယ်။ ငါတို့နဲ့ တူတူ နေတုံးကထက် မင်းနဲ့ နေတဲ့ အခါ ပိုပျော်ရွှင်လိမ့်မယ်လို့ မျှော်လင့်ပါတယ်။ ဖခင် တစ်ဦးရဲ့ ပူပန်တတ်မှု သဘာဝကို အခွင့်အရေး ယူပြီး ထပ်တလဲလဲ ပြောပါရစေ။ မင်း သမီးလေးကို ပျော်အောင် ထားပေးပါနော်။

သမီးဟာ ငါ့တို့အတွက် ဘယ်တုံးကမှ ဝန်ထုတ်ဝန်ပိုး မဖြစ်ခဲ့ပါဘူး။ ငါ အသက်ရူနေတာဟာ ပျော်နေတာဟာ ဒီသမီးလေး ရှိလို့ပါဘဲ။ ဒါဆို သူ့ကို ငါဘာလို့ လက်ထပ်ပေးလိုက်ရလည်းလို့ မေးရင် ဒါဟာ သဘာဝ တရားကို မလွန်ဆန်နိုင်လို့ပါ။ လက်ထပ်ပြီးတော့လည်း သူ့ကို မင်းနဲ့ ထည့်ပေးလိုက်ရတော့မယ်။ တကယ် ဟာတာတာ အကူအညီ မဲ့သွားသလိုပါဘဲ။

သမီးဟာ ငါတို့ တစ်အိမ်လုံးကို ပျော်ရွှင်စေခဲ့တဲ့သူပါ။ မင်းရဲ့အိမ် ဂေဟာကိုလည်း ပျော်အောင် လုပ်ပေးလိမ့်မယ်လို့ ထင်ပါတယ်။

တကယ်တော့ ငါ့ဘဝကို မင်းကို ထိုးအပ်လိုက်တယ် ပြောရင် မမှားပါဘူး။ မင်းလက်ထဲမှာ သူဆက်ပြီး နွေးနွေးထွေးထွေး ရှိနေမယ်။ ဘဝ လှပနေမယ် ဆိုတာ ငါ ယုံကြည်ပါတယ်။

သမီးဟာ ငါ့အတွက်တော့ မင်းသမီးလေး တစ်ပါးပါ။ ဒါကြောင့် မင်းဆီ ရောက်တဲ့အခါ ဘုရင်မ တစ်ပါးလို ထားပေးဖို့ ပြောချင်ပါတယ်။

ငါတို့ဟာ သမီးကို ဒီလို အခြေအနေမျိုး ရောက်အောင် သွေးချွေးတွေနဲ့ ရင်နှီးပြီး ပြုစု ပျိုးထောင်ပေးခဲ့ရပါတယ်။ ဒါပေမဲ့ ငါ့သမီးကို ငါတို့က မင်းအတွက် ဂရုစိုက်မှု၊ အကြင်နာ၊ မေတ္တာ၊ သူ့ရဲ့အလှ အားလုံး ခြုံပြောရရင် သူ့ဘဝ တစ်ခုလုံးကို ငါတို့အတွက် ချန်မထားခဲ့ဘဲ ယူသွားဘို့ ပြောပြထားပြီးသားပါ။ အဲဒါတွေ အားလုံးအတွက် တစ်ခုဘဲ ပြန်ပေးပါ။ ငါ့သမီးက်ိုသာ ပျော်အောင် ထားပေးပါ။

ပုထုဇဉ်တို့ရဲ့ထုံးစံ အတိုင်း သူ တစ်ခါတစ်လေ မှားနိုင်ပါတယ်။ သူ့ကို မင်း ဆူနိုင်ပါတယ်။ မေတ္တာပြန်ထားဖို့တော့ မမေ့ပါနဲ့။ သူဟာ ဖခင်ဖြစ်တဲ့ ငါ့ရဲ့အမြင်မှာ နူးညံ့တဲ့ ပန်းလေး တစ်ပွင့်ပါ။

သမီး အားငယ်နေရင် မင်းသူနဲ့ ခဏလေး အတူ နေပေးလိုက်ပါ။ သမီးလေး နေမကောင်းရင် လစ်လျု မပြုပါနဲ့၊ နည်းနည်းလေး ဂရုစိုက်ပေးလိုက်ပါနော်။ မင်းဟာ သူ့အတွက် အကောင်းဆုံး ဆေးတစ်ခွက်ပါ။
ဆက်လက်ဖတ်ရှုပေးပါ
 သူဟာ လင်သားဖြစ်တဲ့ မင်းအပေါ်မှာ တာဝန် မကျေ လစ်ဟင်းခဲ့ရင် ဆုံးမပေးပါ။ အခုထိ မယား တာဝန်တွေကို သင်ယူနေတုံးဘဲလို့လည်း နားလည်ပေးပါ။ မင်းအပေါ် ကြမ်းတမ်းမှာ မဟုတ်ဘူးလို့ ငါယုံပါတယ်။ သမီးကို ပျော်အောင် ထားပေးပါနော်။

သမီးကိုငါ နှစ် လ ရှည်ကြာ မတွေ့ရလို့လည်း ဘာမှ မဖြစ်ပါ။ တယ်လီဖုန်း မပြောဖြစ်လို့လည်း အရေးမကြီးပါ။ သမီးငါ့ကို သတိ မရလေ ကောင်းလေပါဘဲ။ မင်းနဲ့ ပျော်နေလေ ငါပျော်လေပါဘဲ။ မင်းကို ပြောခဲ့တဲ့ အတိုင်းဘဲ ငါရဲ့ ကြီးမားတဲ့ ရည်ရွယ်ချက်က သူပျော်နေဖို့ ဘဲလေ၊ သူပျော်အောင် ထားဖို့က မင်းရဲ့လက်ထဲမှာ ရှိနေတာ မဟုတ်လား။

ဒါတွေဟာ ငါ့ရင်ထဲက စကား အမှန်တွေပါ။ အခုအချိန်မှာတော့ အခုမှ ပူပူနွေးနွေး ဖြစ်လာတဲ့ သမက်ဖြစ်တဲ့ မင်းအတွက် အဓိပ္ပာယ် အပြည့်အဝ ရှိချင်မှ ရှိအုံးမှာ၊ ဒါပေမဲ့ တစ်နေ့ မင်းတို့မှာလည်း သမီးလေးတွေ ရလာတဲ့အခါမှာ အသေအချာ သဘောပေါက်လာမှာပါ။

ကဲ ဒါတွေ အားလုံးရဲ့အနှစ်ချုပ်ကတော့ “သမီးကို ပျော်ရွှင်စေလို့ပါဘဲ။”

ကျေးဇူးပါ။

(မင်္ဂလာဆောင်ပွဲတွင် ဖခင်တစ်ဦး ပြောသော စကားဖြစ်ပါသည်။ အနည်းငယ် ပိုသည်ဟု ထင်မိသော်လည်း သမီး အပေါ် ထားရှိသော ဖခင် တစ်ဦးကို အထူး ပေါ်လွင်စေသဖြင့် ဘာသာပြန် တင်ပြအပ်ပါသည်။)

Photo : music2movies
လူပိန်း (ရိုးရာလေး)


https://www.facebook.com/searchmyanmar/photos/a.356889637687313.84429.120616