လက်ဆေးနည်းမှန်ကျန်းမာရန်

ကျွန်ုပ်တို့သတိမပြုမိပါ။ သို့သော် သူတို့သည် ကျွန်ုပ်တို့လက်ပေါ်မှာ ရှိနေကြသည်။ ကျွန်ုပ်တို့၏ ပါးစပ်၊ မျက်စိ၊ နှာခေါင်း၊ အစာများမှတစ်ဆင့် ခန္ဓာကိုယ်အတွင်းသို့ဝင်ရန် ကြိုးစားနေကြသည်။ ထိုမျှမ ကကျွန်ုပ်တို့ချစ်ခင်ရသော ကျွန်ုပ်တို့၏မိသားစုဝင်များသို့ ကူးစက်ရန် အခွင့်အရေးစောင့်နေ၏။ သူတို့ ဆိုသည်ကား ကျွန်ုပ်တို့ကို ဒုက္ခပေးနိုင်သော ပိုးမွှားများပေးတည်း။

ထိုပိုးမွှားတို့သည် သင့်ကိုမည်မျှအထိ အန္တရာယ်ပေးနိုင်သနည်း။

အသည်းရောင် အသားဝါ (Hepatitis A)၊ ဝမ်းကိုက်၊ ဝမ်းဖော၊ ဝမ်းရောင်၊ တိုက်ဖွိုက် (Typhoid)၊ တုပ် ကွေး (Influenza) မှသည် အသက်အန္တရာယ်ပေးသော ဗိုင်းရပ်(စ်) (Virus) ရောဂါအမျိုးမျိုးထိ ဖြစ်စေ နိုင်ပါသည်။ ဤမျှလောက်ဒုက္ခပေးနိုင်သော ထိုရောဂါများကို လက်ဆေးရုံမျှဖြင့် ကာကွယ်နိုင်ပေ သည်။ ကောင်းလေစွတကား။ သို့သော် လက်ဆေးခြင်းဆိုသည်မှာ ကျွန်ုပ်တို့သိသော လက်ဆေးခြင်း ထက် ပိုမိုလေးနက်သည့်စနစ်တကျ လက်ဆေးသောနည်းကို သုံးမှသာထိုရောဂါပိုးများကို ဖယ်ရှားနိုင် မည်ဖြစ်သည်။

မည်ကဲ့သို့ စနစ်တကျ လက်ဆေးရမည်နည်း။

စနစ်တကျလက်ဆေးရာတွင် လုံလောက်သောရေနှင့် ဆပ်ပြာကို အသုံးပြုရပါမည်။ ဆပ်ပြာသည် ပိုးမွှားများကို အထူးသဖြင့် ဗိုင်းရပ်(စ်)ကို သေစေနိုင်ပါသည်။ လက်ကိုရေ၊ ဆပ်ပြာများဖြင့် ၁၅-၃၀ စက္ကန့်ဆေးလျှင် လက်မှာကပ်နေသော ပိုးမွှားများ၏ ၉၉ ရာခိုင်နှုန်းကို ဖယ်ရှားနိုင်ပါသည်။

စနစ်တကျလက်ဆေးနည်းတွင် ဆပ်ပြာဖြင့် အောက်ပါနေရာများကို ပွတ်တိုက်ဆေးကြောရပါမည်။

၁။ လက်ဖဝါးအချင်းချင်း

၂။ လက်ချောင်းများအကြား

၃။ လက်ဖမိုး

၎။ လက်မအရင်း

၅။ လက်ချောင်းများကျော်ဘက်

၆။ လက်သည်း

၇။ လက်ကောက်ဝတ်

ထို့နောက် ရေဖြင့်ဆေးပြီးသန့်ရှင်းသော ကိုယ်ပိုင်လက်သုတ်ပုဝါဖြင့် သုတ်ရပါမည်။

ဤအဆင့်များကို စနစ်တကျပြုလုပ်လျှင် ၁၅-၃၀ စက္ကန့်ကြာပါသည်။ ကလေးများကို ဤမျှကြာကြာ လက်ဆေးစေရန် ကဗျာလေးများရွတ်ဆိုရင်း လက်ဆေးစေဖို့ အကြံပြုအပ်ပါသည်။

မည်သည့်အခါမှာ လက်ဆေးရမည်နည်း။

အိမ်သာအသုံးပြုပြီးလျှင်၊ အညစ်အကြေးများ ကိုင်တွယ်ပြီးလျှင်၊ အစာစားပြီးလျှင် လက်ဆေးရမည်ကို များသောအားဖြင့်သိကြပါသည်။ ထို့အပြင်အစာမစားခင်၊ မိသားစုအတွက် အစားအသောက်များ မပြင် ဆင်ခင်၊ မျက်ကပ်မှန်မတပ်ခင်၊ နေမကောင်းသူများကို မပြုခင်နှင့်ပြုစုပြီးလျှင် အများကိုင်သော တံခါး လက်ကိုင် ခလုတ်အစရှိသော Common Surfaces များကိုကိုင်ပြီးလျှင် လက်ဆေးရပါမည်။

ဤအချက်များကို အလွတ်ရရန်မလိုပါ။ အလေ့အကျင့်လုပ်ရန်သာ လိုပါသည်။ နည်းမှန်လမ်းမှန် စနစ် တကျလက်ဆေးခြင်းဖြင့် ကျွန်ုပ်အပါအဝင် ကျွန်ုပ်မိသားစုမှသည် ကျွန်ုပ်၏ရပ်ကွက်၊ ကျွန်ုပ်၏ဒေသ၊ ကျွန်ုပ်၏နိုင်ငံတစ်နိုင်ငံတစ်ခုလုံး မဖြစ်သင့်သောရောဂါများကို ထိရောက်စွာကာကွယ်နိုင်သည့်အ တွက် လက်ဆေးခြင်းကိုစနစ်တကျပြုရန် ဋီကာဖွဲ့လိုက်ခြင်း ဖြစ်ပါသည်။

ဤမျှလွယ်ကူအသုံးဝင်သော လက်ဆေးခြင်းများကို UNICEF က ၂၀၀၈ ခုနှစ်မှစ၍ အောက်တိုဘာ ၁၅ ရက်နေ့ကို ကမ္ဘာ့လက်ဆေးရေးနေ့ (Global Handwashing Day) ဟုသတ်မှတ်ခဲ့ရာ ၂၀၁၀ ခုနှစ် တွင် မြန်မာနိုင်ငံရှိကျောင်းပေါင်း ၆၅ ကျောင်းမှ ကျောင်းသား ၁၄၀၀၀ တို့ပါဝင်လှုပ်ရှားခဲ့သည်။

ရောဂါကင်းစေသော၊ အသက်ကယ်သော နိုင်ငံတော်မှာကျန်းမာရေး ကုန်ကျစရိတ်လျော့စေသော လွယ်ကူသောစနစ်တကျနည်းဖြင့် လက်ဆေးခြင်းကို UNICEF ကတစ်နှစ်တစ်ခါ သတိပေးသည်နှင့်အ ညီကျွန်ုပ်တို့သည် တစ်နေ့တစ်ခါမက လိုအပ်သမျှလက်ဆေးရန် သတိရဖို့လေ့ကျင့်ကြပါစို့။ ။

ကြေးမုံသတင်းစာ
https://www.facebook.com/searchmyanmar/photos/a.356889637687313.84429.