တကိုယ်ရေ လိင်အာသာဖြေခြင်း၏ နောက်ဆက်တွဲ

တကိုယ်ရေ လိင်အာသာဖြေခြင်းဓလေ့ဟာ ယဉ်ကျေးမှု လူမှုပတ်ဝန်းကျင်အားလုံးမှာ ရှေးနှစ်ပေါင်းများစွာကတည်းက တည်ရှိခဲ့တဲ့ ဓလေ့တခုဖြစ်ပါတယ်

လူရယ်လို့ ဖြစ်လာရင် လိင်ကိစ္စဆိုတာ ရှောင်လွဲမရတဲ့ အရေးအရာတခုဖြစ်ပါတယ်။ အရွယ်ရောက်လာပြီဆိုတာနဲ့ အမျိုးသမီး၊ အမျိုးသားတွေကိုယ်တိုင် ဆန့်ကျင်ဘက်လိင်ကို စိတ်ဝင်စားတာ၊ တောင့်တလိုချင်တာတွေ ဖြစ်စမြဲပါပဲ။ လူပျိုဖော်ဝင်စ အရွယ်၊ အပျိုဖော်ဝင်စ အရွယ်တွေမှာ မိမိကိုယ်တိုင် တကိုယ်ရေ လိင်အာသာဖြေတာတွေ စမ်းသပ်ကြစမြဲ၊ လုပ်ကြစမြဲပါပဲ။ ဒါပေမယ့် လွန်ကျူးတဲ့ တကိုယ်ရေအာသာဖြေမှုတွေမှာ အနည်းနဲ့ အများဆိုသလို ဆိုးကျိုးတွေရှိသလို ၊ ကောင်းကျိုးတွေလည်းရှိပါတယ်။ ဒီတပတ်ရဲ့ လိင်မှုဆိုင်ရာ အသိပညာပေးမှုမှာတော့ တကိုယ်ရေ လိင်အာသာဖြေခြင်းရဲ့ နောက်ဆက်တွဲ ဖြစ်နိုင်တဲ့ အကျိုးနဲ့ ဆိုးကျိုးတွေကို တင်ပြလိုက်ပါတယ်။

မေး။     ။ တကိုယ်ရေ စိတ်ဖြေခြင်း (Masturbation) ဆိုတာဘာလဲ။
တကိုယ်ရေ စိတ်ဖြေခြင်းဆိုတာ စိတ်သာယာမှုအတွက် မိမိရဲ့ လိင် အင်္ဂါတွေကို ထိတွေ့ပွတ်သပ်တာ ဖြစ်ပါတယ်။ တနည်းပြောရရင် တကိုယ်ရေ စိတ်ဖြေခြင်း ဆိုတာ တယောက်တည်းလုပ်တဲ့ လိင်မှုကိစ္စပါပဲ။

ဖြေ။     ။ တကိုယ်ရေ အာသာဖြေတာကို ဘယ်သူတွေလုပ်ကြသလဲ။
၁၉၄၀ နှောင်းပိုင်းနှစ်တွေနဲ့ ၁၉၅၀ အစောပိုင်း နှစ်တွေမှာ Alfred Kinsey က လူသားတွေရဲ့ လိင်ပိုင်းဆိုင်ရာ အလေ့အထ တွေနဲ့ ပတ်သက်လို့ သူ၁၅ နှစ်ကျော်ကြာ သုတေသနပြုထားတဲ့ ရလဒ်တွေကို ပထမဆုံး ထုတ်ဝေခဲ့ပါတယ်။သူ့ရဲ့ လေ့လာ တွေ့ရှိမှု တွေအရ အမျိုးသား ၉၆ ရာခိုင်နှုန်းနီးပါးနဲ့ အမျိုးသမီး ၆၀ရာခိုင်နှုန်း နီးပါးဟာ တကိုယ်ရေစိတ်ဖြေမှု ပြုလုပ်ခဲ့ကြ တယ်လို့ ဆိုပါတယ်။ ယဉ်ကျေးမှု အယူအဆတွေနဲ့ တန်ဖိုးတွေ အမျိုးမျိုးကွဲပြားမှုတွေရှိနေပေမယ့် တကိုယ်ရေ စိတ်ဖြေခြင်းက လူ့အသိုင်း အ၀ိုင်း အဖွဲ့အစည်း အားလုံးမှာရှိနေတဲ့ အရာဖြစ်ပါတယ်။

မေး။     ။ တကိုယ်ရေ စိတ်ဖြေခြင်းမှာ ဘေးထွက် ဆိုးကျိုးရှိနိုင်သလား။

ဖြေ။     ။ တကိုယ်ရေ စိတ်ဖြေခြင်းကြောင့် ကြီးမားတဲ့ ဘေးထွက်ဆိုးကျိုးမရှိပါဘူး။ လက်ဖ၀ါးမှာ အမွှေးအမျှင်တွေပေါက်လာမယ်၊ စိတ်ဖောက် ပြန်နိုင်တယ်၊ ဒါမှမဟုတ် ကိုယ်ခန္ဓာက အားအင်တွေ အလွန်အမင်း ဆုံးရှုံးသွားလိမ့်မယ်ဆိုတဲ့ အယူအဆတွေ မှားယွင်းကြောင်း ဆေးသိပ္ပံပညာက သက်သေပြသနိုင်ခဲ့ပါတယ်။ တချို့ကတော့ ဒီလိုလုပ်တာဟာ အပြစ်ရှိတယ်၊ ညစ်ညမ်းမှု ဖြစ်တယ်လို့ စိတ်ထဲမှာ ခံစားရတယ်လို့ ဆိုပါတယ်။ တကိုယ်ရေ စိတ်ဖြေခြင်း အတွက်သာမဟုတ်ဘဲ ဘယ်လိုကိစ္စမျိုး အတွက်ပဲဖြစ်ဖြစ် မကောင်းတဲ့ စိတ်ခံစား မှု ရှိနေမယ်ဆိုရင် လူ တယောက်ရဲ့ ကျန်းမာရေးကို ခြိမ်းခြောက်မှု ဖြစ်လာနိုင်ပါတယ်။ အမေရိကန် ဆေးပညာအသိုင်း အ၀ိုင်းက တကိုယ်ရေစိတ်ဖြေခြင်းကို သာမန်ကိစ္စတခု အဖြစ်လက်ခံထားကြောင်း ၁၉၇၂ ခုနှစ်ထုတ် လူသားတို့၏ ဖိုမ လက္ခဏာ (Human Sexuality) စာအုပ်မှာဖော်ပြထားပါတယ်။

မေး။     ။ လူတွေဘာကြောင့် တကိုယ်ရေ စိတ်ဖြေမှုကိုလုပ်ကြသလဲ။

ဖြေ။     ။ လူတွေ တကိုယ်ရေ စိတ်ဖြေမှုကိုလုပ်ကြတဲ့ အကြောင်းပြချက်တွေကတော့ သာယာမှုကို ခံစားဖို့၊ တင်းမာမှုတွေ လျှော့ချဖို့၊ ဖိအားတွေကို လျှော့ချဖို့ ၊ စိတ်ပေါ့ပါးစေဖို့၊ လိင်ဆက်ဆံဖော် မရှိလို့ ၊ဒါမှမဟုတ် လိင်ဆက်ဆံမှု မလုပ်ချင်လို့၊ ဘယ်လို ခံစားချက်က ကောင်းမလဲဆိုတာနဲ့ ဘယ်လို နှိုးဆွရမယ် ဒါမှမဟုတ် ဘယ်လို သာယာမှု ရနိုင်မယ် ဆိုတာတွေကို နားလည်ဖို့ ဖြစ်ကြပါတယ်။

မေး။     ။ တကိုယ်ရေး စိတ်ဖြေခြင်းမှ ဘယ်လိုအကျိုးကျေးဇူးတွေရနိုင်မလဲ။

ဖြေ။     ။ ကိုယ့်ဘာသာ သာယာမှု ရယူခြင်းက စိတ်ပိုင်းဆိုင်ရာ၊ လူမှုရေးနဲ့ ရုပ်ပိုင်းဆိုင်ရာမှာ အကျိုးကျေးဇူးတွေ ရှိကြောင်း လေ့ လာမှု တော်တော်များများက တွေ့ရှိခဲ့ရပါတယ်။ အမျိုးသမီးအများအပြားအတွက် ဓမ္မတာမလာခင် ခံစားရတဲ့ စိတ်တင်းကျပ်မှုတွေကို သက်သာစေပါတယ်။ လိင်ဆက်ဆံမှုကို ရှောင်ရှားဖို့ ဆုံးဖြတ်ထားသူတွေ၊ လက်ရှိ အချိန်မှာ လိင်ဆက်ဆံ ဖော်မရှိတဲ့ သူတွေအတွက် ကောင်းမွန်တဲ့ လိင်ပိုင်းဆိုင်ရာ စိတ်ထွက်ပေါက်တခု ဖြစ်ပါတယ်။

တကိုယ်ရေ စိတ်ဖြေခြင်းက စိတ်ချလုံခြုံတဲ့ နည်းလမ်းတခု ဖြစ်ပြီး တော့ ပဋိသန္ဓေတားဆီးရေးနဲ့ HIV အပါအ၀င် လိင်ဆက်ဆံမှုကနေ ကူးစက်တဲ့ရောဂါတွေကို ကာကွယ်ရာမှာလည်း အထောက် အကူဖြစ်ပါတယ်။ လိင်ဆက်ဆံမှုကို လက်တွေ့ပြုလုပ်ဖို့ အသင့် မဖြစ်သေး သူတွေ အတွက်လည်း တကိုယ်ရေ စိတ်ဖြေခြင်းက စိတ် ကျေနပ် နှစ်သိမ့်မှုကို ခံစားရစေပါတယ်။ လိင် အင်္ဂါတွေ တ၀ိုက်မှာ သွေးစီး ဆင်း မှုတိုးလာစေတဲ့ အတွက် အဲဒီအင်္ဂါတွေ ကောင်းမွန်စွာ အလုပ်လုပ်နိုင် အောင် အထောက်အကူပေးပါတယ်။ ကောင်း ကောင်း လည်း အိပ်ပျော်စေနိုင်ပါတယ်။ လူတွေ အနေနဲ့ သူတို့ကိုယ်ခန္ဓာနဲ့ ပိုပြီး အကျွမ်းတ၀င်ဖြစ်ဖို့ သက်တောင့်သက်သာရှိလာဖို့ အထောက် အကူ ပေးပါတယ်။

လိင်ပိုင်းဆိုင်ရာ ကိုယ်အစိတ်အပိုင်းတခုခု ပုံမှန်အလုပ်မလုပ်ခြင်းနဲ့ ကြုံတွေနေရသူတွေ ပြန်လည်ကောင်းမွန် လာစေတဲ့ ကုထုံး နည်းပညာ တခုလည်း ဖြစ်ပါတယ်။ အမျိုးသမီးတွေ အနေနဲ့ မိမိတို့ရဲ့ ခံစားချက် အမြင့်ဆုံးအချိန်ကိုရရှိနိုင်မယ့် နည်းလမ်းကို သိရှိနိုင်ဖို့ အထောက် အကူဖြစ်စေပါတယ်။ အမျိုးသားတွေ အတွက်ကတော့ သုက်လွှတ်မှုကို လိုအပ်သလို ထိန်းချုပ်လာနိုင်စေပါတယ်။ စိတ်ဖိစီးမှု ကိုလည်း လျှော့ချပေးပါတယ်။

မေး။     ။ တကိုယ်ရေ စိတ်ဖြေခြင်းကို စွဲလမ်းခဲ့ရင် ဒါမှမဟုတ် အလွန်အကျွံပြုလုပ်ခဲ့ရင် ဘာတွေဖြစ်နိုင်မလဲ။

ဖြေ။     ။ အကြိမ်ရေ ဘယ်လောက်ဆိုရင် ပုံမှန်ဖြစ်မလဲလို့ လူတွေ သိချင်တတ်ကြပါတယ်။ လူတိုင်း လူတိုင်း (အမျိုးသမီး ဖြစ်စေ၊ အမျိုးသား ဖြစ်စေ) ဘယ်နှစ်ကြိမ်လုပ်မှာလဲဆိုတာ ကိုယ်တိုင်ဆုံးဖြတ်နိုင်ရပါမယ်။ တကိုယ်ရေ စိတ်ဖြေမှုလုပ်ခြင်းက စိတ်ဆန္ဒကို မထိန်းသိမ်း နိုင်တဲ့ ပုံမှန် မဟုတ်တဲ့ရောဂါ (Obsessive/Compulsive disorder -OCD) ရဲ့ လက္ခဏာတခု လို့ ဆိုနိုင်ပေမယ့် မကြာခဏ တကိုယ်ရေ စိတ်ဖြေမှု ပြုလုပ် ခြင်းကြောင့် ရုပ်ပိုင်းဆိုင်ရာ၊ စိတ်ပိုင်းဆိုင်ရာ သက်ရောက်မှု မရှိဘူးလို့ ပညာရှင်တွေက လက်ခံ ထားပါတယ်။ အလေ့အထတခုကို ထပ်တလဲလဲ လုပ်နေတဲ့အတွက် မိမိရဲ့ နေ့စဉ်အလုပ်တွေ၊ တာဝန်တွေနဲ့ ပေါင်းသင်း ဆက်ဆံ ရေး တွေ ကိုပါ ထိခိုက်နိုင်တဲ့ အတိုင်းအတာတခုဖြစ်လာပြီဆိုရင်တော့ OCD လို့သတ်မှတ်ပါတယ်။

မေး။     ။ တကိုယ်ရေစိတ်ဖြေမှုကို အလွန်အကျွံပြုလုပ်ခဲ့ရင် ဘာဆိုးကျိုးတွေဖြစ်မလဲ။

ဖြေ။     ။ တန်ဆေး၊ လွန်ဘေး ဆိုတဲ့ စကားလိုပါပဲ။ အလွန်အကျွံဆိုတာ ဘယ်နေရာမှ မကောင်းပါဘူး။ ဒါပေမယ့် ဒီနေရာမှာတော့ အလွန်အကျွံဆိုတာက လူတဦးချင်းစီရဲ့ အပေါ်မှာ မူတည်နေပါတယ်။ တကိုယ်ရေ စိတ်ဖြေမှုကို အကြိမ်ကြိမ်ပြုလုပ် ပေ မယ့် နေ့စဉ် အလုပ်တွေ၊ တာဝန်တွေနဲ့ ပေါင်းသင်း ဆက်ဆံ ရေး တွေမှာ အားနည်းမှုတွေ ရှိမလာဘူး ဆိုရင် အလွန် အ ကျွံလို့ သတ်မှတ်လို့ မရနိုင်ပါဘူး။ ထိုခိုက်လာပြီဆိုရင်တော့ အလွန်အကျွံဖြစ်နေပြီလို့ ယူဆရတော့မှာ ဖြစ်ပါတယ်။
မကြာခဏ တကိုယ်ရေစိတ်ဖြေမှုပြုလုပ်ခြင်းနဲ့ သုက်လွှတ်ခြင်းက အာရုံကြောလုပ်ငန်းတွေကို လှုံ့ဆော်နှိုးဆွပေးပါတယ်။ အလွန်အကျွံ နှိုးဆွခြင်း က လိင် ဟိုမုန်းတွေနဲ့ Acetylcholine၊ Dopamine နဲ့ Serotonin တို့လို Neurotransmitters တွေကို ပိုလျှံ ထုတ်လုပ် စေပါတယ်။ ဒီလို ဟိုမုန်းတွေ Neurotransmitters တွေ အမြောက်အများ ဖြစ်လာတာကြောင့် ဦးနှောက်နဲ့ Adrenal ဂလင်းတွေက ဓာတ်ပြောင်းလဲမှုတွေ အလွန်အကျွံပြုလုပ်မိစေပြီးတော့ ကိုယ်ခန္ဓာရဲ့ ဓာတုစနစ်မှာ ကြီးမားတဲ့ အပြောင်းအလဲ ဖြစ်စေ ပါတယ်။

တကိုယ်ရေစိတ်ဖြေမှုကို အလွန်အကျွံပြုလုပ်သူတွေ ကြုံတွေရနိုင်တာက အာရုံစူးစိုက်မှု့နဲ့ မှတ်ဥာဏ်ပြဿနာဖြစ်ပါတယ်။ ဦးနှောက်မှာ Acetylcholine စီးထွက်မှုများနေပြီဆိုတဲ့ အရိပ်လက္ခဏာဖြစ်ပါတယ်။ သတိမေ့တာ၊ မှတ်ဥာဏ်တွေပျောက် ဆုံးတာ၊ အာရုံ စူးစိုက်နိုင်မှုမရှိတာနဲ့ eye floaters(မြင်ကွင်းထဲမှာ အစက်အပျောက်တွေမြင်နေရတာမျိုး) တွေဖြစ်တတ်ပါ တယ်။ ဒါဆိုရင် နေ့စဉ်အလုပ်တွေ၊ တာဝန်တွေနဲ့ ပေါင်းသင်း ဆက်ဆံ ရေး တွေမှာ အဆင်မပြေမှုတွေရှိလာပါတော့မယ်။ ဒီလိုဖြစ်လာပြီဆိုရင် သင့်ခန္ဓာကိုယ်အတွင်းက ဓာတုစနစ်ကို ဟန်ချက်မျှအောင်ပြန်လုပ်ဖို့ လိုအပ်နေပါပြီ။

တကိုယ်ရေ စိတ်ဖြေခြင်းဆိုတာ လိင်စိတ်ဆန္ဒနဲ့ ဆိုင်တဲ့ သာမန် အလေ့အထတခုပါ။ ဒါပေမယ့် အလွန် အကျွံပြုလုပ်ခြင်း၊ သာမန် ထက်ပိုပြီး စွဲလမ်းခြင်းက ရုပ်ပိုင်းဆိုင်ရာ အရရော၊ စိတ်ပိုင်းဆိုင်ရာအရပါ ဟန်ချက် မညီမျှမှုတွေကို ဖြစ်စေနိုင် ပါတယ်။ ဒီကိစ္စတခုထဲမှာမှ မဟုတ်ပါဘူး လူသားတွေရဲ့ အခြား အလေ့အထ အမူ အကျင့်တွေမှာဆိုရင်လည်း ထိုနည်းတူ ပါပဲ။

http://burma.irrawaddy.org/article/2015/05/16/75164.html