အရိုးသန်မာရေး အစားအစာ

ကယ်လ်ဆီယမ် ပေါကြွယ်တဲ့ ဆာဒင်းငါး Sardine

ကယ်လ်ဆီယမ် ပေါကြွယ်တဲ့ ဆာဒင်းငါး (Sardine)

ကယ်လ်ဆီယမ် ပေါကြွယ်တဲ့ ဆာဒင်းငါး (Sardine)

ကယ်လ်ဆီယမ် ပေါကြွယ်တဲ့ ဆာဒင်းငါး (Sardine)

အရိုးသန်မာဖို့ နို့သောက်ပါ

 အရိုးသန်မာဖို နိုသောက်ပါ

အရိုးသန်မာဖို့ နို့သောက်ပါ

အဆောက်အအုံတွေမှာ အမာခံသစ်တွေ၊ သံချောင်းတွေနဲ့ ထူထောင်ရ သလို ခန္ဓာကိုယ်ကြီးကို မားမားမတ်မတ် ဖြစ်နေအောင် အရိုးတွေနဲ့ ထူထားရတာပါ။ အရိုးတွေက လူငယ်ဘဝ အစပိုင်းလောက်တွေမှာ အခိုင်မာ အတောင့်တင်းဆုံး အနေအထား ရှိကြပါတယ်။ အသက် ၃၀ ကျော်တာနဲ့ ပါးလွှာမှု အစပြုပါပြီ။ အမျိုးသမီးတွေ အတွက်တော့ သွေးဆုံးတယ် ဆိုတဲ့ ဘူတာလွန်ရင် သိသိသာသာ အရိုးတွေ ပါး၊ ပွပြီး ကျိုးပဲ့ဖို့ လွယ်ကူတဲ့ အနေအထား ရောက်တော့တာ ပေါ့။ ဒီအတိုင်း ငြိမ်ခံနေ လို့တော့ မဖြစ်ဘူးလေ။ အရိုးတွေ သန်မာအောင် လုပ်လို့ ရသလောက် လုပ်ကြရမှာပေါ့။ အဓိက အားဖြင့်တော့ အစားအသောက်တွေနဲ့ ဖြည့်တင်းရမှာပါ။ အရိုးသန်မာဖို့နဲ့ သိပ်သည်းဖို့ အထောက်အကူဖြစ်တဲ့ အစားအသောက်တွေ ဂရုစိုက် စားသုံးပြီး ကာကွယ်ကြရမှာပါ။

နို့သောက်ပါ

ဒါကတော့ သမ္မတလော်ဘီ မဟုတ်ရပါ။ ကယ်လ်ဆီယမ်ဓာတ်က အရိုးသန်မာမှုရဲ့ အရေးပါဆုံးမို့ ပါ။ အသက် ၅၀ လောက်အထိ တနေ့ကို ၁၀၀၀ မီလီဂရမ် လိုပါတယ်။ ၅၁ နှစ် ကျော်ရင်တော့ အမျိုးသမီး တယောက်က တနေ့ကို ၁၂၀၀ မီလီဂရမ် လိုအပ်လာ ပါတော့တယ်။ အမျိုးသား တယောက်ဆိုရင် အဲသလောက်ပမာဏ လိုအပ်တာက အသက် ၇၀ ကျော်မှပါ။ ကယ်လ်ဆီယမ် အကြွယ်ဝဆုံးနဲ့ လက်လှမ်း အမီဆုံး ကလည်း နို့ပါပဲ။ မလိုင်အပြည့် ဖြစ်စေ၊ မလိုင်ထုတ်ထားတာ ဖြစ်စေ၊ အဆီမပါတာဖြစ်စေ ဘယ်နို့ တခွက်မဆို ကယ်လ်ဆီယမ် ၃၀၀ မီလီဂရမ် ပါဝင်ပါတယ်။

ဒိန်ချဉ် နဲ့ ဒိန်ခဲ
နို့ မနှစ်သက်သူတွေ အဖို့ နို့နဲ့လုပ်တဲ့ အစားအစာတွေ ရှိပါသေးတယ်။ ဒိန်ချဉ်တခွက်မှာလည်း ကယ်လ်ဆီယမ် ပါဝင်မှုက နို့တခွက်နဲ့ မကွာလှပါဘူး။ အဲသလိုပဲ တအောင်စလောက်ရှိတဲ့ ချိစ် တတုံးမှာလည်း အတူတူပါပဲ။ တချို့  နို့နဲ့ မတည့်သူ (Lactose Intolerance) တွေလည်း ဒိန်ချဉ်၊ ဒိန်ခဲကို ပြဿနာမရှိ စားနိုင်ပါတယ်။ မတည့်တဲ့ ဓာတ်ဖြစ်တဲ့ Lactose ကို ဖယ်ထုတ်ထားတဲ့ အစာတွေမှာ ကယ်လ်ဆီယမ် ကတော့ ပါဝင်နေမြဲမို့ပါ။

ငါးသေတ္တာနဲ့ ဆော်လမွန်
ကယ်လ်ဆီယမ်ကို နို့နဲ့ နို့ထွက်ပစ္စည်းတွေကမှ ကြွယ်ဝတာ မဟုတ်ပါဘူး။ တခြား ကယ်လ်ဆီယမ် အမြောက်အမြား ပါဝင်တဲ့ အရာတခုကတော့ ငါးသေတ္တာငါး လို့ အသိများကြတဲ့ ဆာဒင်းငါး Sardine ပါပဲ။ အဲဒီ ငါးငယ်လေးတွေရဲ့ အရိုးကလည်း ခန္ဓာကိုယ်ရဲ့ အရိုးတွေ တည်ဆောက်ရာမှာ အထောက်အကူပြုတာ ပါပဲ။ ငါးသေတ္တာဗူး ၃ အောင်စ တဗူးမှာ ပါတဲ့ ကယ်လ်ဆီယမ် ပမာဏက နို့တခွက်မှာထက် နည်းနည်း ပိုများနေတယ် လို့ ဆိုပါတယ်။
သိပ် လက်လှမ်းမမီတဲ့ ဈေးလည်းကြီးတဲ့ ဆော်လ်မွန်ငါး ကလည်း ဗီတာမင် ဒီ နဲ့ အိုမီဂါ – ၃ အဆီအက်ဆစ်တွေ ပါဝင်တာမို့ အရိုးအတွက် ကောင်းပါသတဲ့။ ငါးကြီးဆီ လိုမျိုးတွေကလည်း အမျိုးသမီးတွေမှာ အရိုးပါးတာ၊ ပွတာတွေ ကို ကာကွယ်ပေးပါ သတဲ့။

သစ်ရွက်စိမ်း
နောက်ထပ် ကယ်လ်ဆီယမ်ဓာတ် ကြွယ်ဝတဲ့ အစားအသောက်ထဲမှာ ဟင်းသီးဟင်းရွက်တွေ အများကြီး ပါဝင်နေပြန် ပါတယ်။ အစိမ်းရင့်ရောင် အရွက်တွေ ဥပမာ- ပန်းဂေါ်ဖီစိမ်း လိုမျိုးတွေပေါ့။ မုန်လာရွက်တွေ ကလည်း အတော်အရေး ပါတဲ့ နေရာမှာ ရှိပါတယ်။ မုန်လာရွက် တခေါက်စာလောက်မှာ ကယ်လ်ဆီယမ် ၂၀၀ မီလီဂရမ်လောက် ပါဝင်နေတာ မို့ပါ။ တခြား အစိမ်းရောင် အသီးအရွက်တွေမှာလည်း ကယ်လ်ဆီယမ် ကြွယ်ဝတာ တွေ့ရတယ်လို့ ဆိုပါတယ်။

ပြုပြင်ထားတဲ့  အစားအစာတွေ
နို့ထွက်ပစ္စည်းတွေ၊ ဆာဒင်းငါး၊ အစိမ်းရင့်ရောင် အရွက်တွေ အပြင် ကယ်လ်ဆီယမ် ထည့်သွင်း ပြင်ဆင်ထားတဲ့ အစားအသောက်တွေ ကိုလည်း ထည့်သွင်း စဉ်းစားလို့ ရပါသေးတယ်။ အများအားဖြင့် အနောက်နိုင်ငံက မနက် စောစော စားသောက်ကြတဲ့ လိမ္မော်ရည်လိုမျိုး၊ Cereal လိုမျိုးတွေမှာ ကယ်လ်ဆီယမ် ဖြည့်ထည့်ထားကြ ပါတယ်။ တခြား မပါမဖြစ် သတ္တုဓာတ်တွေလည်း စုံအောင် ထည့်ထားကြလေ့ ရှိပါတယ်။ လိမ္မော်ရည်တခွက်က နို့တခွက်စာနဲ့ ကယ်လ်ဆီယမ် ပမာဏ တူသလို Cereal တခွက်ကလည်း ၁၀၀၀ မီလီဂရမ်လောက် ပါဝင်တာပါ။ ပြုပြင်ထားတဲ့ Fortified Food တွေမှာ ပါဝင်တဲ့ အာဟာရ တန်ဖိုးတွေကို ဖတ်ကြည့်ပြီး လိုသလို စားသုံးနိုင်ပါတယ်။

ကယ်လ်ဆီယမ် ဖြည့်စွက်ဆေး
တကယ်တော့ လိုအပ်တဲ့ အာဟာရတွေကို အစားအသောက် ကနေ ရတာက အကောင်းဆုံးပါ။ ကိုယ့်ရဲ့ နေ့စဉ် အစားတွေမှာ ကယ်လ်ဆီယမ် ပါတာတွေ စားသုံးနိုင်ရင် အရိုးကျန်းမာရေး ကောင်းမှာပါ။ ဒါပေမယ့်လည်း အကြောင်း အမျိုးမျိုးကြောင့် လိုအပ်ချက်က မပြည့်ဝရင်တော့ ကယ်လ်ဆီယမ်ဆေးတွေ သောက်ရပါတယ်။ ပုံမှန် အစား အသောက်တွေ ကနေ လုံလောက်အောင် ရနေပါလျက်နဲ့ အပို ကယ်လ်ဆီယမ်ဆေး သောက်ရင်တော့ အရိုး ကျန်းမာရေး အတွက် မဟုတ်တော့ဘဲ ကျောက်ကပ်မှာ ကျောက်တည်တာတွေ ဖြစ်လာနိုင်တာကို သတိပြုရမှာပါ။ လိုအပ်လို့ ဆရာဝန် ညွှန်ကြားရင်တော့ သောက်ရပါလိမ့်မယ်။ အစာလမ်းကြောင်းကနေ အကောင်းဆုံး ကယ်လ်ဆီယမ် စုပ်ယူမှု ရဖို့ အတွက် တကြိမ်မှာ ၅၀၀ မီလီဂရမ်ထက် ပိုမသောက်သင့် ပါဘူး။ ကယ်လ်ဆီယမ် ကာဗွန်နိတ် ဆိုရင်တော့ အစာနဲ့အတူသောက်မှ စုပ်ယူမှု ထိရောက်ပါတယ်။ အချိန်မရွေး၊ အစာရှိဖို့ မလိုဘဲ သောက်နိုင်တာ ကတော့ ကယ်လ်ဆီယမ် စီးထရိတ် (Calcium Citrate) ပါပဲ။

ပဲပုပ်က ထုတ်တဲ့ အစာတွေ
တို့ဟူးတခွက်ရဲ့ ထက်ဝက်စာလောက်က ကယ်လ်ဆီယမ် ၄၀၀ မီလီဂရမ်ထက် ပိုပါတာ တွေ့ရပါသတဲ့။ ပဲနို့တွေ ဆိုလည်း ကယ်လ်ဆီယမ်ပါ ထပ်ဖြည့် ထားတတ်တာမို့ တခွက်စာက ၃၀၀ မီလီဂရမ်လောက် ပါတတ်ပါတယ်။ ပဲပုပ်ကလုပ်တဲ့ တို့ဟူးလို အစာတွေမှာ Isoflavone ခေါ်တဲ့ အရိုးသန်မာစေတဲ့ ဓာတုပစ္စည်း ပါဝင်တာကလည်း အရိုး သန်မာဖို့ ကြီးမားတဲ့ အထောက်အကူ အဖြစ် သုတေသနတွေက အကြံပြုကြပါတယ်။ အမျိုးသမီးတွေ မီးယပ်သွေးဆုံး ကာလမှာ ဖြစ်တတ်တဲ့ အရိုးရောဂါတွေ အတွက် အကောင်းဆုံး အဖြစ် ပဲပုပ်နဲ့လုပ်တဲ့ အစာတွေက ထိပ်ဆုံးမှာ နေရာယူနေပါတယ် တဲ့။

အစေ့အဆံတွေ
အစေ့အဆံတွေ ကလည်း အရိုးသန်မာရေးမှာ နည်းလမ်းစုံနဲ့ ထောက်ကူပေးပါ သတဲ့။ မြေပဲ၊ ဗာဒံစေ့တို့ လိုမျိုးတွေမှာ ပိုတက်ဆီယမ် ပါဝင်တာမို့ ဆီးထဲကနေ ကယ်လ်ဆီယမ်တွေ စွန့်ထုတ်မှုကို ကာကွယ်ပေး ပါတယ်။ အစေ့ အဆံတွေ မှာက ပရိုတင်းနဲ့ တခြား အာဟာရတွေ ပါနေပြန်တာမို့ အရိုးတည်ဆောက် ထောက်ကူမှုမှာ အရေးပါကြ ပါတယ်။

တခြား ဆောင်ရန်၊ ရှောင်ရန်
ဆားကတော့ ကိုယ်ထဲက ကယ်လ်ဆီယမ်တွေ ယုတ်လျော့စေတဲ့ တရားခံလို့တောင် ဆိုကြပါတယ်။ ဆားတွေ များများစားလေ ကယ်လ်ဆီယမ်တွေ ဆီးကနေ ပြန်ထွက်လေ ပါပဲ။ ဆားကို လျှော့ပြီး နည်းနည်းသာ စားတာက အရိုးသန်မာဖို့ အထောက်အကူဆိုတာ လက်ခံယုံကြည်ပါ။
ဗီတာမင် ဒီ ရှိနေမှလည်း ကယ်လ်ဆီယမ် စုပ်ယူမှုက အဆင်ပြေပါတယ်။ နေရောင်ခြည်နဲ့ ထိတွေ့ရင် ခန္ဓာကိုယ်က ဗီတာမင်ဒီ ထုတ်လုပ်ပေး ပေမယ့် အခုနောက်ပိုင်းမှာတော့ အရေပြားကင်ဆာ ဖြစ်နိုင်ခြေက နေရောင်ခြည်ကြောင့်လို့ ဆိုလာကြလို့ ဗီတာမင်ဒီကို စားဆေးတွေနဲ့ သုံးနေကြပါပြီ။ တနေ့ကို 600 IU လောက် လိုအပ်ပါတယ်။

အဲဒီ ဆောင်ရန်၊ ရှောင်ရန် အာဟာရတွေနဲ့သာ မကဘဲ အရိုးသန်မာစေဖို့ရာ ကိုယ်လက်လှုပ်ရှား လေ့ကျင့်ခန်းတွေ လည်း လိုအပ်ပါတယ်။ အမြန်လမ်းလျှောက်တာ၊ က,တာ၊ တင်းနစ်ရိုက်တာ၊ ယောဂလုပ်တာတွေက အရိုးကို သိပ်သည်း ခိုင်မာစေပါတယ်။ အစာလည်းစား၊ ကိုယ်လက်လှုပ်ရှားရင်း အရိုးတွေ သန်မာကြံ့ခိုင်စေသင့်ပါရဲ့။     ။

http://burma.irrawaddy.org/article/2015/05/11/74818.html