အင်းလေးဖောင်တော်ဦး ဘုရားသမိုင်း အကျဉ်း နှင့် ဒေသစာရီကြွချီခြင်း

ညောင်ရွှေမြို့၏မူလအမည်မှာရှမ်းဘာသာဖြင့်“ယောင်ဝှေ”ဖြစ်သည်။ တောင်နှစ်သွယ်ကြားမှကုန်းမြေဟု အဓိပ္ပာယ်ရသည်ဆို၏။ ယောင်ဝှေဟု ပြောသောရှမ်းသံကိုမြန်မာတို့ကညောင်ရွှေဟုကြား၍မှတ်တမ်းတင်
ရေးသား၊ခေါ်ဆိုရာမှညောင်ရွှေဟုအမည်တွင်ခဲ့ပုံရ၏။

သက္ကရာဇ်(၇၂၁)ခုနှစ်တွင်ညောင်ရွှေမြို့ကို တည်ထောင်ခဲ့သော စော်ဘွားကြီးဆီဆိုင်ဖလက်ထက်လွန်ခဲ့သောနှစ်ပေါင်း(၆၄၄)ခန့်ကာလ၊
ယခုသန်းထောင်ဘုရားနယ်မြေအတွင်းတစ်ခုသောနေရာတွင် တောချုံပိတ်ပေါင်းတို့ဖြင့်ဖုံးလွှမ်း ကွယ်ပျောက်လျက်ရှိသောလိုဏ်ဂူအတွင်းမှ ဘုရားဓာတ်တော်၊မွေတော်များရောင်ခြည်ကွန့်မြူးသည်ကို သန်းထောင်နယ်သားတို.ဖူးမြင်တွေ့ရှိကြသည်။ ထိုအခါစော်ဘွားကြီး ဆီဆိုင်ဖထံသွားရောက်သတင်းပေး
လေသည်။စော်ဘွားကြီးဆီဆိုင်ဖသည်အားရ၀မ်းသာဖြစ်၍ဆွေတော်မျိုးတော်မှူးမတ်တို့နှင့် ပရိတ်သတ်လေးပါမြောက်မြားစွာခြံရံ၍ သန်းထောင် အရပ်သို့ထွက်လာကာတောချုံပိတ်ပေါင်းတို့ကို ရှင်းလင်းခုတ်ထွင်ပြီးလိုဏ်ဂူကိုတူးဖော်ကြည့်ရာဘုရားရှင်ရုပ်ပွားတော်(၅)ဆူတို့ကိုဖူးမြင်တွေ့ရှိရပေသည်။

၎င်းရုပ်ပွားတော်ငါးဆူအနက်နှစ်ဆူမှာရဟန္တာပုံတော်ဟုသိရှိရသည်။ ၎င်းရုပ်ပွားတော်ငါးဆူတို့ကိုဖာင်တော်ဦး ရုပ်ပွားတော်ဟုခေါ်ဝေါ်သည်။ ဖောင်တော်ဦးရုပ်ပွားတော်ဟုခေါ်ရခြင်းအကြောင်းအရင်းမှာကောဇာ သက္ကရာဇ် (၄၀၄)ခုနှစ်တွင်မင်းအဖြစ်ရောက်ရှိတော်မူသောပုဂံပြည့်ရှင် နရပတိအလောင်းစည်သူမင်းကြီးသည် သာသနာတော်မြတ်စည်ပင်ပြန့်ပွား ထွန်းကားခြင်းကိုလိုလားသောမင်းမြတ်ဖြစ်သည်နှင့်အညီဇမ္ဗူဒိပ်ကျွန်း အလုံးစုံနှံ့အောင်ဖောင်တော်ဖြင့်တိုင်းခန်းလှည့်လည်တော်မူခဲ့ပြီးနောက် သီဟိုဠ်မင်းကဆက်သလိုက်သော သင်းကနတ်ဖောင်တော်ဖြင့် လှည့်လည်ပြန်လာ တော်မူရာမလယခေါ်မလ္လာဟုကျွန်းရောက်လျှင် (၎င်းကျွန်းသည်အန္ဒိယပြည်မဒရပ်နယ်တောင်ဘက်ပင်လယ်တွင်ရှိ၍အမွှေးနံ့သာ၊ ကရမက်စသည်အလွန်ပေါသည်ဟုသိရသည်။)

သိကြားမင်းကဆက်သအပ်နှင်းလိုက်သောအခါ မဟာဗောဓိသားနှင့်တကွ သရက္ခန်နံ့သာနှစ်အသားတို့ကိုရုပ်ပွားတော်(၅)ဆူထုလုပ်စေတော်မူပြီးလျှင်
ဖောင်တော်၏ရှေ့ဦးတွင်ပင့်တင်ကိုးကွယ်ယူဆောင်တော်မူလျက်နေပြည်တော်ပုဂံမြို့ သို့ရောက်တော်မူလေသည်။ ဤသို့ဖောင်တော်ရှေ့ဦး၌ တင်ယူကိုးကွယ်ခဲ့သောဘုရားဖြစ်ခြင်းကြောင့်ဖောင်တော်ဦး ဘုရားဟု ခေါ်ခြင်းဖြစ်သည်။စော်ဘွားကြီးဆီဆိုင်ဖသည်ယင်းရုပ်ပွားတော်မြတ်(၅)ဆူကို မိမိနေပြည်တော်ညောင်ရွှေမြို့တော်သို့ပင့်ဆောင်ပြီးဟော်နန်းဦးစံပြဿဒ်ပေါ်တွင်ကိုးကွယ်တော်မူပြီးမှနှစ်စဉ်သီတင်းကျွတ်လဆန်း(၇)ရက်သို့ရောက်သောအခါဟော်နန်းဦးမှအောက်သို့ပင့်ယူပြီး လှပတင့်တယ်စွာဆောက်လုပ်ထားသောပြဿဒ်မဏ္ဍပ်အတွင်းကောင်းစွာ စံထားလျက်ပြည်သူပြည်သားတို့၏ အဖူးအမြော်အပူဇော်ခံပွဲသဘင် ဆင်ယင်ကျင်းပတော်မူခြင်းဖြစ်သည်။ဟော်နန်းဦးမှမြို့ သို့ကြွဆင်းတော်မူသည်ကိုအစွဲပြု၍လူ့ပြည်သို့ကြွဆင်းလားသောမြတ်စွာ ဘုရား(စ၀်ဖရားလုံးစိုင်း)ဟု ရှမ်းဘာသာဖြင့်ခေါ်တွင်သဖြင့်မူလဖောင်တော်ဦး ဟူသောအမည်မှာအခိုက်အတန့်အားဖြင့် ကွယ်ပျောက်ခဲ့လေသည်။


ညောင်ရွှေမြို့၌နှစ်ပေါင်း(၂၅၆)နှစ်ကြာပွဲတော်များကျင်းပနိုင်ခဲ့၍သက္ကရာဇ် (၉၇၇)ခုနှစ်တွင်ညောင်ရွှေမြို့ကိုစိုးစံသောစော်ဘွားမ(စောဝ်နန်းမ၊ စောဝ်နန်းဟေး) လက်ထက်ရောက်သောအခါ၎င်းမြို့တော်ပတ်ဝန်းကျင်ရှိ အခြားစော်ဘွားမြို့စားတို့ကမြို့တော်ကို ထိပါးတိုက်ခိုက် နှောင့်ယှက်ဖန်များ သောကြောင့်ဗုဒ္ဓဘာသာရှမ်းမြန်မာတို့အထွတ်အထိပ်ဖြစ်သော ယင်းဖောင်တော်ဦးရုပ်ပွားတော်(၅)ဆူတို့ကိုစစ်ဘေး၊ စစ်ဒဏ်ရန်အန္တရာယ်ကင်းရှင်းရာဖြစ်သော ညောင်ရွှေနယ် ရွှေအင်းတိမ်ဘုရားကြီး၏အရံစောင့်ကျွန်သီးတော်တို့အား(၁၂)မှုမင်းရေးကိစ္စ ခပ်သိမ်းလွတ်ငြိမ်းချမ်းသာခွင့်ပေး၍၎င်းတို့၏သူကြီးအားလည်းရုပ်ပွားတော်တို့ကိုစောင့်ရှောက် ထိန်းသိမ်းရေးကိစ္စဆောင်ရွက်ဖွယ် အ၀၀တိုင်း အမိန့်အာဏာများအပ်နှင်းပြီး အထူးထိန်းသိမ်းစောင့်ရှောက်စေသည်။

၎င်းအသည်တော်တို့နေထိုင်ရာရပ်ကွက်၌စစ်ဘေး၊စစ်ဒဏ် ရန်အန္တရာယ်ကင်းရှင်းခြင်းမှာဗုဒ္ဓဘာသာလူမျိုးတို့၌ဘုရားကိုယ်စားရုပ်ပွား ဆင်းထု၊စေတီပုထိုးတို့ကို ထိန်းသိမ်းစောင့်ရှောက်ထားသောကျွန်သီးတော် ခေါ်အသည်တော်များနေထိုင်ရာရပ်ကွက်ကိုမည်သူမဆို ၀င်ရောက်တိုက်ခိုက်နှောက်ယှက်ထိပါးဖျက်ဆီးခြင်းအမှုမပြုလုပ်ရဟူသော ဘာသာတရားအရ ဥပဒေပညတ်ချက်ထားရှိသောကြောင့် ၎င်းကို လိုက်နာသောအားဖြင့်မြို့ပြ၊ပြည်ရွာ ပျက်ပြားသောအခါဖြစ်စေကာမူ ၎င်းရပ်ကွက်၌ဘုရားသင်္ကန်းတော်ကိုဖြစ်စေဘုန်းကြီးသင်္ကန်းကိုဖြစ်စေ
အောင်လံအဖြစ်စိုက်ထူထားပါကမည်သည့်ရန်သူတစ်ဦးတစ်ယောက်မျှ ၀င်ရောက်နှောင့်ယှက်ခြင်းမပြုရဟူ သောဘာသာထုံးတမ်း ဥပဒေပညတ်ချက်အရ လွတ်ငြိမ်းချမ်းသာစွာနေထိုင်ရသောသူများဖြစ်သည့် အလျောက် ၎င်းတို့နေထိုင်ရာရပ်ကွက်၌စစ်ဘေး၊စစ်ဒဏ်ရန်အန္တရာယ် ကင်ရှင်းခြင်းဖြစ်သည်။

၎င်းရပ်ကွက်ကား ရွှေအင်းတိမ်ဘုရားကြီး၏အရှေ့ဘက်မြောင်ဆုံရွာ အနောက်တောင်အင်းတိမ်မြို့ဟောင်းတောင်ဘက် ယခုဆော်မရွာဟု ခေါ်သောရပ်ကွက်ပင်ဖြစ်သည်။ဆော်မရွာအနောက်ဘက်တွင်ဖောင်တော်ဦး ရွာဟု ရှေးကရှိသည်။ ၎င်းရွာသည်အယုတ်တော်များနေရာရပ်ကွက်ဖြစ်သည် ဟုယခုလက်ရှိအသည်တော်များ၊ လူကြီးများနှုတ်အမှတ်အသားထား ရှိကြကြောင်းသိရှိရသည်။ ၎င်းဖောင်တော်ဦးရွာတွင် သီတင်းသုံးတော်မူသော အချိန်မှစ၍၎င်းရုပ်ပွားတော်များကိုဖောင်တော်ဦးဘုရားဟုတင်စား၍
ခေါ်ဝေါ်ခဲ့ကြသည်။

ဖောင်တော်ဦးဘုရား ဒေသစာရီ ကြွချီခြင်း၊

ဖောင်တော်ဦးရုပ်ပွားတော်မြတ်တို့ကိုအသည်တော်များကအစဉ်အလာမပျက်ဆက်လက်ကျင်းပလာခဲ့သော မူလပွဲတော်ရက်ဖြစ်သည့် သီတင်းကျွတ်လဆန်း(၇)ရက်နေ့တွင်ညောင်ရွှေမြို့သို့အရောက် ပင့်ဆောင်ရမည်ဟုအာဏာပိုင်တို့အမိန့်ပညတ်ချက်အရ...

သီတင်းကျွတ်လဆန်း (၅) ရက်၊ ဆော်မရွာ ကျောင်းတော်မှ အောက်သို့ဆင်းကြွ (၁) ညစံ
သီတင်းကျွတ်လဆန်း (၆) ရက်၊ ဟဲယာရွာမသို့ကြွ (၁) ညစံ
သီတင်းကျွတ်လဆန်း (၇) ရက်၊ ညောင်ရွှေမြို့ သို့ကြွ (၁) ညစံ
သီတင်းကျွတ်လဆန်း (၈) ရက်၊ နမ့်သဲရွာသို့ကြွ နေ့ဆွမ်းကပ်ပြီးလျှင် နမ့်ပန်သို့ကြွ (၁) ညစံ
သီတင်းကျွတ်လဆန်း (၉) ရက်၊ နောင်တောရွာသို့ကြွ (၁) ညစံ
သီတင်းကျွတ်လဆန်း (၁၀) ရက်၊ ရွာကြီးဘန်းပုံသို့ကြွ (၁) ညစံ
သီတင်းကျွတ်လဆန်း (၁၁) ရက်၊ ဆော်မရွာကျောင်းတော်သို့

အရောက်ကြွတော်မူကာ

မြို့ရွာနေ၊ပြည်သူပြည်သားတို့၏အပူဇော်ခံ(၈)ဌာနပွဲတော်သဘင်ကိုဆင်ယင်ကျင်းပလေသည်။သက္ကရာဇ် (၁၁၃၃)ခုနှစ်အချိန်ကာလတွင်အင်းတိမ်ဆော်မရွာရှိဖောင်တော်ဦးကျောင်းတော်ကိုမီးသင့်လောင်သဖြင့် ရွာကြီးဘန်းပုံအရပ်တွင်ကျောင်းတော်ဆောက်လုပ်ရုပ်ပွားတော်(၅)ဆူကိုပင့်တင့်ရွှေ့ပြောင်းပြီးလျှင်
စောင့်ရှောက်ထားရာမှသက္ကရာဇ်(၁၂၄၃)ခုနှစ်တွင်ရွာကြီးဘန်းပုံကျောင်းတော်မှသာလေးတိုက်နမ့်ဟူးရွာ နမ့်ဟူးကျောင်းတော်သို့ရွှေ့ပြောင်းစောင့်ရှောက်ခဲ့သည်။ထို့နောက်မူလက(၈)ဌာနသို့ဒေသစာရီကြွချီရာမှ (၁၉)ဌာနတိုင်အောင်ကြွချီတော်မူပြန်သည်။
သီတင်းကျွတ်လဆန်း (၃) ရက်၊ မူလဂန္ဓကုဋီမှကျောင်းဦး ဗုဒ္ဓါသန ပလ္လင်တော်
သီတင်းကျွတ်လဆန်း (၄) ရက်၊ ကျောင်းတော်မှ အင်းတိမ်
သီတင်းကျွတ်လဆန်း (၅) ရက်၊ အင်းတိမ်မှ ဟဲယာရွာမ (၂)ညကျိန်း
သီတင်းကျွတ်လဆန်း (၇) ရက်၊ ဟဲယာရွာမမှ ညောင်ရွှေ (၂)ညကျိန်း
သီတင်းကျွတ်လဆန်း (၉) ရက်၊ ညောင်ရွှေမှ နမ့်သဲမုန့်ထုပ် (၃) နာရီ
သီတင်းကျွတ်လဆန်း (၉) ရက်၊ နမ့်သဲမုန့်ထုပ်မှ လင်းကင်း (၁) ညကျိန်း
သီတင်းကျွတ်လဆန်း (၁၀) ရက်၊ လင်းကင်းမှ ကြေးစား (၄) နာရီ
သီတင်းကျွတ်လဆန်း (၁၁) ရက်၊ မိုင်းသောက်မှ သလဲဦး (၄) နာရီ
သီတင်းကျွတ်လဆန်း (၁၁) ရက်၊ သလဲဦးမှ ငါးဖယ်ချောင်း (၁) ညကျိန်း
သီတင်းကျွတ်လဆန်း (၁၂) ရက်၊ ငါးဖယ်ချောင်မှ ဇရပ်ကြီး (၁) နာရီ
သီတင်းကျွတ်လဆန်း (၁၂) ရက်၊ ဇရပ်ကြီးမှ ဘုရားပေါက် (၅) နာရီ
သီတင်းကျွတ်လဆန်း (၁၂) ရက်၊ ဘုရားပေါက်မှ နမ့်ပန် (၁) ညကျိန်း
သီတင်းကျွတ်လဆန်း (၁၃) ရက်၊ နမ့်ပန်မှ နောင်တော (၁) ညကျိန်း
သီတင်းကျွတ်လဆန်း (၁၄) ရက်၊ နောင်တောမှ မန်ကျည်းဆိပ် (၃) နာရီ
သီတင်းကျွတ်လဆန်း (၁၄) ရက်၊ မန်ကျည်းဆိပ်မှ ကျိုမ့်ခမ်း (၁) ညကျိန်း
သီတင်းကျွတ်လပြည့်ကျော် (၁) ရက်၊ ကျိုင့်ခမ်းမှ မိုင်းပျို့ (၁) ညကျိန်း
သီတင်းကျွတ်လပြည့်ကျော် (၁) ရက်၊ မိုင်းပျို့ မှ အင်းပေါခုံ (၅) နာရီခွဲ
သီတင်းကျွတ်လပြည့်ကျော် (၂) ရက်၊ အင်းပေါခုံမှ ရွာကြီးရေသာ (၁)

ညကျိန်း

သီတင်းကျွတ်လပြည့်ကျော်(၃)ရက်၊ ကျောင်ဦးဗုဒ္ဓါသနပလ္လင်မှ မူလဂန္ဓကုဋီတိုက်သို့ဒေသစာရီကြွချီတော်မူသည်။
ယခုအခါတွင်တော်သလင်းလကွယ်မှစ၍သီတင်းကျွတ်လပြည့်ကျော်(၃)ရက်နေ့အထိတိုင်အောင်(၁၈) ရက်ဒေသစာရီကြွချီတော်မူသောအရပ်ဒေသများမှာ...
တော်သလင်းလကွယ်နေ့ မူလ ဂန္ဓကုဋီတိုက်မှ ကျောင်းဦး

ဗုဒ္ဓါသနပလ္လင်တော်

သီတင်းကျွတ်လဆန်း (၁) ရက်၊ ကျောင်းတော်မှ အင်းတိမ်သို့ကြွ (၁)

ညကျိန်း

သီတင်းကျွတ်လဆန်း (၂) ရက်၊ အင်းတိမ်မှ ဟဲယာရွာမ (၂) ညကျိန်း
သီတင်းကျွတ်လဆန်း (၄) ရက်၊ ဟဲယာရွာမမှ ငါးဖယ်ချောင်း (၁) ညကျိန်း
သီတင်းကျွတ်လဆန်း (၅) ရက်၊ ငါးဖယ်ချောင်းမှ ကြေးစားကုန်း (၁) ညကျိန်း
သီတင်းကျွတ်လဆန်း (၆) ရက်၊ ကြေးစားကုန်းမှ ပွဲစာကုန်း (နေ့ဆွမ်း)

လင်းကင်း (၁) ညကျိန်း

သီတင်းကျွတ်လဆန်း (၇) ရက်၊ လင်းကင်းမှ ညောင်ရွှေမြို့
သီတင်းကျွတ်လဆန်း (၁၀) ရက်၊ ညောင်ရွှေမှ နမ့်သဲမုန့်ထုပ် (နေ့ဆွမ်းး) မိုင်းသောက် (၁) ညကျိန်း
သီတင်းကျွတ်လဆန်း (၁၁) ရက်၊ မိုင်းသောက်မှ သလဲဦး (၁) ညကျိန်း
သီတင်းကျွတ်လဆန်း (၁၂) ရက်၊ သလဲဦးမှ ကေလာ (နေ့ဆွမ်း) ဇရပ်ကြီး (၁)

ညကျိန်း

သီတင်းကျွတ်လဆန်း (၁၃) ရက်၊ ဇရပ်ကြီးမှ နန်းပန်ဘုရားပေါက် (၁)

ညကျိန်း

သီတင်းကျွတ်လဆန်း (၁၄) ရက်၊ ဘုရားပေါက်မှ မန်ကျည်းဆိပ် (နေ့ဆွမ်း) ကျိုင်းခမ်း (၁) ညကျိန်း
သီတင်းကျွတ်လဆန်း (၁၅) ရက်၊ ကျိုင်းခမ်းမှ မိုင်းပျို့ (၁) ညကျိန်း

သီတင်းကျွတ်လပြည့်ကျော် (၁) ရက်၊ မိုင်းပျိူ့ မှ အင်းပေါခုံ (နေ့ဆွမ်း) နောင်တော (၁) ညကျိန်း

သီတင်းကျွတ်လပြည့်ကျော် (၂) ရက်၊ နောင်တောမှ ရွာကြီးရေသေ (၁)

ညကျိန်း

သီတင်းကျွတ်လပြည့်ကျော် (၃) ရက်၊ ရွာကြီး ရေသေမှ မူလဂန္ဓာကုဋီတိုက် သို့ ပြန်လည်ရောက်ရှိတော်မူပါသည်။

ဖောင်တော်ဦးရုပ်ပွားတော်မြတ်အားကြည်ညိုသဒ္ဓါပွားများစေလိုသည့် စေတနာ၊အင်းသူ/အင်းသားတို့၏ ဗုဒ္ဓဘာသာအပေါ်ယုံကြည်သက်ဝင်မှုသည်မည်မျှကြီးမားကြောင်းကိုသိရှိစေလိုသည့်ရည်ရွယ်ချက်ဖြင့် တင်ပြရခြင်းဖြစ်ပါသည်။

==========

ကိုညီညီအောင် အား ကျေးဇူးအထူးတင်ရှိပါသည်......
https://www.facebook.com/photo.php?fbid=422903474474156&set=a.35104771499306