သဘာဝအလှတို့နှင့်ပြည့်စုံနေပြီး ရေငှက်နှင့် ဆောင်းခိုငှက်တို့ပျော်မြူးရာ ပလိပ်ရေတိမ်အင်း

            
  မြန်မာနိုင်ငံသည် သဘာဝတောတောင်ရေမြေ ပင်လယ်သမုဒ္ဒရာများ စုံလင်သည့်အပြင် ဧရာဝတီ၊ သံလွင်၊ ချင်းတွင်း၊ စစ်တောင်း အဓိကမြစ်ကြီးများ နှင့် ယင်းတို့နှင့် ဆက်စပ်နေသော ရေတိမ်ဒေသအမျိုးမျိုးပေါများသည့် နိုင်ငံ တစ်နိုင်ငံဖြစ်သည်။

တစ်နည်းအားဖြင့် ရေသယံဇာတ ပြေါ<ွကယ်ဝသည့် နိုင်ငံဖြစ်ပြီး နိုင်ငံ၏အဓိက စီးပွားရေးများဖြစ်သော စိုက်ပျိုးမွေးမြူရေးနှင့် ရေလုပ်ငန်း အမျိုးမျိုးတို့ကို နိုင်ငံတွင်းရှိ ရေသယံ ဇာတအပေါ်မှီခိုကာ လုပ်ကိုင်လျက်ရှိ နေသည်။
ပေါများလှသည့် ရေသယံဇာတ များထဲတွင် ကုန်းတွင်းရေတိမ် ဒေသများလည်း ပါဝင်လျက်ရှိရာ ထိုရေတိမ်ဒေသများထဲတွင် သာယာ လှပပြီး ဆောင်းခိုငှက်များ ပျော်မြူး ကျက်စားရာ မန္တလေးတိုင်းဒေသကြီး စဥ့်ကိုင်မြို့နယ်အတွင်းရှိ ပလိပ် ရေတိမ်အင်းသည်လည်း တစ်ခုအပါ အဝင်ဖြစ်သည်။

ပလိပ်ရေတိမ်အင်းသည်မန္တလေး မြို့၏ အနောက်တောင်ဘက် ၉ မိုင် ၃ ဖာလုံအကွာ နာမည်ကျော် ပလိပ်ြေ>ွမဘုရားအနီး၌ တည်ရှိသည်။ ပင်လယ်ရေမျက်နှာပြင်အထက်အမြင့် ၈၉ မီတာတွင်တည်ရှိ၍သဘာဝရေတိမ် အင်းတစ်ခုလည်းဖြစ်သည်။ ကန် အရှည် အလျား ၂ ဒသမ ၃ ကီလိုမီ တာ၊ အကျယ် ၂ ဒသမ ၁ ကီလိုမီတာ ရှိပြီး မိုးရာသီတွင် ကန်ရေပြင်သည် ၃၂၇ ဒသမ ၇၆ ဟက်တာကျယ်ဝန်း၍ နွေရာသီတွင် ၄ဝ ဒသမ ၄၇ ဟက်တာကျယ်သည်။

(တစ်ဟက်တာ ၁ဝဝ မီတာပတ်လည်) အင်းအတွင်း ရေဝင်ရေထွက်ကိုအနီး ရှိဒုဋ္ဌဝတီမြစ် ခေါ်မြစ်ငယ်မြစ်မှ ပြုလုပ်ပေးလျက် ရှိသည်။
မြန်မာနိုင်ငံ တွင် ကျော်ကြား ထင်ရှားပြီး ကြီးမားကျယ်ပြန့်သည့် အင်းတော်ကြီးအိုင်၊ အင်းလေးအိုင် များကဲ့သို့ပင် နှစ်စဉ်ဆောင်းခိုငှက်များ ဝင်ထွက်သွားလာခိုလှုံရာ နေရာဒေသ တစ်ခုအဖြစ် ပလိပ်ရေတိမ်အင်းသည် ယခုအခါ ကျော်ကြားလျက်ရှိနေ သည်။ ပလိပ်ရေတိမ်အင်းအတွင်း တွင် ကြာလင်ပန်း၊ ရေမှော်၊ ကန ဖော့၊ ဟင်းချန်၊ ရေကန်စွန်းစသည့် အပင်များ ပေါက်ရောက်လျက်ရှိပြီး ရေငှက် မျိုးစိတ် ၃၇ မျိုး၊ အခြားငှက် မျိုးစိတ်ခုနစ်မျိုး၊ ငါးမျိုးစိတ်ရှစ်မျိုး ကျက်စားလျက်ရှိသည့်အပြင် ကျော ရိုးမဲ့ သတ္တဝါများ၊ ရေမြွေ၊ ရေချို ကဏန်းနှင့်ခရုမျိုးစိတ်များရှိကြောင်း သိရသည်။

  ရေငှက် မျိုးစိတ်များထဲတွင် စစ္စလီ၊ မောက်တင်၊ တောငန်း၊ ဟင်္သာ၊ တောဝမ်းဘဲ၊ ဘဲရစ်၊ ဘဲအ၊ ဘဲခေါင်းစိမ်း၊ ရိုဗယ်လာဘဲ၊ တစီး မှုတ်၊ ခရုတုတ်၊ ခရုစုပ် ခေါင်း မည်း၊ ဥပန်း၊ တင်ကျီး၊ ငဟစ်မွဲ၊ အော်ယော၊ ငဟစ်နှင့်ဗျိုင်းတို့ပါဝင် သည်။ ၂ဝ၁၂-၂ဝ၁၃ ခုနှစ်တွင် လေ့လာချက်များအရ ရေငှက်မျိုး စိတ် ၃ဝ ၊ ဆောင်းခိုငှက် ၁၁ မျိုး နှင့် ဒေသရင်းငှက်မျိုးစိတ် ၁၉ မျိုး ရှိကြောင်း သိရသည်။ ငှက်မျိုးစိတ် များထဲတွင် ကမ္ဘာ့ရှားပါးစာရင်းဝင် ဥပန်းငှက်မျိုးနှင့်တင်ကျီး၊ တောငန်း၊ ဘဲရစ်၊ ဘဲမြီးသွယ်၊ ရေငှက်ကြီး၊ ခရုစုပ်၊ ခရုတုတ်၊ ငဟစ်မွဲ၊ ငဟစ် မျိုးစိတ်တို့သည် အကောင်ရေ များပြားစွာ ကျက်စားနေထိုင်ကြ ကြောင်း သိရသည်။ ထို့အပြင် အင်း အတွင်း အကောင်ရေနည်းပါးရှား လွန်းသည့် ဆောင်းခိုငှက်များ လည်း လာရောက်ကျက်စားကြပြီး ဒေသမျိုးရင်း ငှက် ၁၅ မျိုးခန့်သည် ပလိပ်အင်းအတွင်း တစ်နှစ်ပတ်လုံး နေထိုင်ကျက်စားလျက် ရှိနေသည်။

  မြန်မာနိုင်ငံသို့ ရာသီအလိုက်လာ ရောက်ကျက်စားကြသည့် ဆောင်း ခိုငှက် ၁၁ မျိုးသည် ကမ္ဘာမြောက် ဖျားပိုင်း ခရီးမိုင်ပေါင်း ၆ဝဝဝ ကျော် မှ လာရောက်ဆောင်းခိုကြပြီး ပလိပ် အင်းဒေသသို့နှစ်စဉ် နိုဝင်ဘာလ တွင်ရောက်ရှိကြ၍ မတ်လကုန်တွင် မူရင်းဒေသသို့ ပြန်လည်ထွက်ခွာ သွားကြသည်။ မြန်မာနိုင်ငံတွင် ငှက် များ၏ အရေးကြီးဒေသ (Important Bird Area) ၅၅ ခု ဖော်ထုတ်သတ် မှတ်ထားရာ ပလိပ်ရေတိမ်အင်း သည်လည်း တစ်ခုအပါအဝင်ဖြစ် သည်။

  ရေငှက်များသည်အများအားဖြင့် လူနှင့် ဝေးရာသဘာဝပတ်ဝန်းကျင် များတွင်သာ နေထိုင်ကျက်စား တတ်ကြသော်လည်း ပလိပ်အင်း ကဲ့သို့ ကားလမ်း၊ ရထားလမ်းနှင့် အင်းပတ်လည်တွင်ကျေးရွာများရှိနေပြီး အင်းစပ်တွင်လည်း လယ်ယာ လုပ်ငန်း၊ ငါးဖမ်းလုပ်ငန်းလုပ်ကိုင် သူများရှိနေသော နေရာဒေသတွင် မည်သူ့ကိုမျှ ဂရုမပြုဘဲ ရေငှက် အကောင်ရေမျိုးစုံများပြားစွာ ကျက် စားလျက်ရှိနေသည်မှာ ပလိပ်ရေ တိမ်အင်း၏ ထူးခြားချက်တစ်ခုဟု ဆိုရမည်ဖြစ်သည်။

ထို့ကြောင့် ပလိပ်ရေတိမ်အင်း သည် သဘာဝအလှများနှင့်သာမက ထူးခြားဆန်းပြားပြီး ရေငှက်မျိုးစုံ နှင့်ဆောင်းခိုငှက်တို့ ပျော်မြူးရာ ဒေသတစ်ခုအဖြစ် တည်ရှိနေသည့် အပြင်''မြို့ပုဂံ၊ ရွာပလိပ်'' ဆိုသည့် အတိုင်း ဘုရားစေတီပုထိုးများ ပေါများလှ၍ လမ်းပန်းဆက်သွယ် ရေးမှာလည်း ကောင်းမွန်ချောမွေ့ သဖြင့် သွားရောက်လေ့လာ လည် ပတ်ရန်နေရာကောင်း တစ်ခုပင်ဖြစ် ပါကြောင်း ရေးသားဖော်ပြလိုက်ပါ သည်။

https://www.facebook.com/royalheromedia/photos/a.452811328083074.110728.