ပလာပေါင်ကလူယာ့ (Pla Paung Gluea)လို့ ခေါ်တဲ့ ငါးဆားအုံမီးကင်ကို ထိုင်းနိုင်ငံမှာတော့ လူတော် တော်များများက နှစ်နှစ် ခြိုက်ခြိုက် စား သောက်လေ့ရှိပြီး၊ ယမကာသမားတွေအတွက်လည်း အမြည်း ကောင်းတခုလို့ ဆိုရမှာပါ။
Street food လို့ ခေါ်တဲ့ ထိုင်းနိုင်ငံရဲ့ လူစည် ကားရာလမ်းဘေးက စားသောက်ဆိုင်တန်းလေးတွေ မှာ မီးဖိုတဖိုနဲ့ ငါးဆားအုံမီးကင်ကို ရောင်းချကြတာ တွေ့မြင်နိုင်ပါတယ်။
ငါးဆိုတာကလည်း လူမှာလိုအပ်တဲ့ အသားဓာတ် ကို အကောင်းဆုံးပေးနိုင်ရုံသာမက ကျန်ဗီတာမင် တွေနဲ့ သတ္တုဓာတ်တွေကိုလည်း အပြည့်အဝပေးနိုင် သလို ငါးကထွက်ရှိတဲ့ ဥာနါေ ၃ အက်ဆစ်ကလည်း နှလုံးရောဂါ တို့၊ စိတ်ဖိစီးမှုကြောင့် ထွက်လာ တဲ့ ဟော်မုန်းဓာတ်တို့ကိုတောင် ဟန့်တားကာကွယ် နိုင်တယ်လို့ ကျန်းမာရေး အဆိုတွေ ရှိတာကြောင့် ဧရာဝတီ စာဖတ်ပရိသတ်ကြီးအနေနဲ့ ပြည့်ဝဆီတွေ များတဲ့ ကြက်၊ ဝက်စတဲ့ အကင် တွေအစား၊ ငါး ဆားအုံ မီးကင်ကို ကိုယ်တိုင် ပျော်ပျော်ပါးပါးပြုလုပ် မြည်းစမ်းနိုင်အောင် ရေးသားတင်ပြလိုက်ပါ တယ်။ မြန်မာပြည်မှာလည်း “ခေတ်မီသူတိုင်း ပင်လယ်ငါး စားကြသည်” ဆိုတဲ့ ကြော်ငြာတောင် ရှိခဲ့ဖူးတယ် မဟုတ်လား။
ငါးကို ဆားနဲ့အုံပြီး ကင်တဲ့နည်းက တခြား အဆာပလာတွေ အများကြီး ထည့်စရာမလိုတာ ကြောင့် လုပ်ရတာလည်း အင်မတန်မှ လွယ်ကူလှပါတယ်။
- လိုအပ်တဲ့ ပစ္စည်းတွေက
ငါးကင်ဖို့အတွက်တော့ ဝယ် ရတာလည်း လွယ်ကူ၊ ဈေးနှုန်း လည်း ချိုသာ၊ အရိုးလည်း နည်းတဲ့ တီလား ဗီးယားငါးကို အသုံးပြုပါမယ်။
တီလားဗီးယားက မြန်မာပြည်မှာလည်း ဈေးချိုချိုနဲ့ အလွယ်တကူ ဝယ်လို့ရနိုင်ပါတယ်။
လူ ၂ ယောက်စာအတွက်ဆိုရင်တော့ အလေး ချိန် ၄၀ ကျပ်သားအရွယ် ငါးတကောင်ဆိုရင် လုံ လောက်ပါပြီ။ တခြားလိုအပ်တဲ့ ပစ္စည်းတွေကတော့ ငါးရဲ့ အညှီနံ့ ပျောက်စေဖို့ စပါးလင် ၂ ချောင်း၊ ရှောက်ဘီလူးရွက် ၁၀ ရွက်၊ ဆား ၁၅ ကျပ်သား၊ ဂျုံမှုန့် စတီးဇွန်း ၂ ဇွန်းနဲ့ မီးသွေး ၁ ပိဿာ၊ ရေ စတီးဇွန်း ၂ ဇွန်းတို့ ဖြစ်ပါတယ်။
ငါးကင်နဲ့တွဲဖက်စားမယ့် အချဉ်အတွက်တော့ ငရုတ်သီးစိမ်း ၁၅ တောင့်၊ ကြက်သွန်ဖြူ ၃ တက်၊ သံပရာသီး ၁ လုံး၊ ငါးငံပြာရည် စတီးဇွန်း ၁ ဇွန်း၊ သကြားနဲ့ ဆားအနည်းငယ်တို့ လိုအပ်မှာဖြစ်ပါတယ်။
- ပစ္စည်းစုံရင် ကင်ကြရအောင်
အရင်ဆုံး မီးသွေးမီးဖိုကို မီးမွေးရပါမယ်။ ငါးကင်တဲ့အခါမှာ မီးအရှိန်ကို မများစေဘဲ မီးသွေး မီးပြာကျ၊ မီးအရှိန်လျော့ နေမှ ပိုပြီးကောင်းမှာဖြစ်လို့၊ စောစော မီးမွေးထားရင်တော့ အားလုံးပြင်ဆင်ပြီးတဲ့ အချိန်မှာ ကင်လို့ကောင်းတဲ့ မီး အနေထား ကိုရမှာ ပါ။
မီးမွေးပြီးရင်တော့ ငါးကို အကြေးခွံ မခွာဘဲ ဗိုက်ဖောက်၊ အူထုတ်၊ ပါးဟက်ထုတ်ပြီး၊ စင်ကြယ် အောင်ဆေးကာ ရေစစ်ထားပါ။
ငါး ရေစစ်သွားပြီဆိုမှ စပါးလင် ၂ ချောင်းကို အရှည်လိုက် ထုပြီး ငါးရဲ့ ပါးစပ်ကနေ ထည့်ပါ။ ဆက်လက်ပြီး ရှောက်ဘီလူးရွက် ၁၀ ရွက်ကိုလည်း ဗိုက်ထဲကို အစာသွတ်သကဲ့သို့ သွတ်ထားပါ။
ငါးကို ဆားအုံဖို့ ဗန်းတချပ်ထဲမှာ ဆားကြမ်းနဲ့ ဂျုံမှုန့် စတီးဇွန်း ၂ ဇွန်း၊ ရေ စတီးဇွန်း ၂ ဇွန်းထည့်၊ သမအောင် အထက်အောက် စေးပျစ်လာတဲ့အထိ နယ်ပါ။ ဆားနဲ့ ဂျုံမှုန့် သမပြီး စေးပျစ်လာပြီဆိုရင်၊ ငါးကို ဆားနဲ့ နှံ့နှံ့စပ်စပ် သုတ်လိမ်းမံထားရပါမယ်။
ဆားနဲ့ ငါးကို အထပ်ထပ် သုတ်လိမ်းပြီးရင် တော့ ငါးကို ၁၀ မိနစ်ခန့် ခြောက်သွေ့အောင်ထားပါ။
ပြီးတဲ့နောက်မှာတော့ မီးသွေးမီးဖိုပေါ်မှာ ဆန်ခါ နဲ့တင်ပြီး မီးအရှိန်ပျော့ပျော့နဲ့ ငါးကို မိနစ် ၂၀ ခန့် ကင်လိုက်ပါ။
တဖက်ကို မိနစ် ၂၀ ခန့်နဲ့ စုစုပေါင်း မိနစ် ၄၀ ခန့်အကြာ ကင်ရပါလိမ့်မယ်။ ကင်တဲ့နေရာမှာ တခု သတိပြုရမှာကတော့ ငါးအရွယ်အစားကို မူ တည်ပြီး ကင်ရတဲ့အချိန် အနည်းငယ် ကွာခြားမှု ရှိတာပဲ ဖြစ်ပါတယ်။
၂ ဖက်လုံး လှန်ကင်ပြီးတဲ့အခါမှာတော့ ဆား ငွေ့ရိုက်ပြီး အထဲက ငါးရဲ့အသားဟာ “ပုစွန်အကွေး ငါးအနွေး” ဆိုသလို ကျက်သွားပါပြီ။
ငါးရဲ့အကြေးခွံမှာ ကပ်နေတဲ့ ဆားဟာ မီးနဲ့ တွေ့အခါမှာ တဖြည်းဖြည်း အရည်ပျော်ပြီး ငါး အသားထဲကို စိမ့်ဝင်သွားလို့ ရရှိတဲ့ ဆားအရသာရယ်၊ ဆားကို မီးကင် လိုက်လို့ ထွက်လာတဲ့ မွှေးတဲ့ အနံ့ ရယ်ဟာ ထူးခြားတာကြောင့် စားရသူ တိုင်းအဖို့ စိတ်ကျေနပ်မှု အပြည့်အဝ ရရှိသွားမှာ ဖြစ်ပါတယ်။
ကင်ပြီးပြီးခြင်း၊ ချက်ချင်းစားသုံးရင်တော့ အရသာ ပိုမိုကောင်းမွန်မှာဖြစ်ပါတယ်။
ပြင်ဆင်စားသောက်တဲ့ အခါမှာ ဆားနဲ့ဂျုံမှုန့် တွေကပ်နေတဲ့ ငါးကင်ရဲ့ အပေါ်ယံအကြေးခွံကို ကတ်ကြေးနဲ့ဖြစ်စေ၊ လက်နဲ့ဖြစ်စေ၊ တဖြည်းဖြည်း ချင်း ဖယ်ထုတ်လိုက်တယ်ဆိုရင်၊ အနံ့အရသာမွှေးပြီး နူးညံပျော့ပျောင်းတဲ့ ငါးကင်ကို ရမှာ မလွဲပါဘူး။
ငါးကင်နဲ့တွဲဖက် စားသောက်ရမယ့် အချဉ် အတွက် ငရုတ်သီးနဲ့ ကြက်သွန်ဖြူကိုရောပြီး ကြေ ညက်အောင် ကြိတ်ထားတဲ့ အရောထဲကို သံပရာ ရည်၊ ဆား၊ သကြား၊ ငံပြာရည်နဲ့ ရေတို့ကို အားလုံး ရောမွှေလိုက်ရင် တွဲစားရမယ့် အချဉ်ရပါပြီ။
ထိုင်းနိုင်ငံ မြောက်ပိုင်းမှာတော့ ငါးဆားအုံ မီးကင်ကို ညနေစောင်းမှာ ခေါက်ညိုလို့ ခေါ်တဲ့ ကောက်ညှင်း၊ ဒါမှမဟုတ် ထမင်းတို့နဲ့ စားသုံးကြပါ တယ်။ ဒါကြောင့်လည်း ထမင်းနဲ့တွဲဖက်လို့ ညနေစာအဖြစ် စားသုံးနိုင် သလို ဘီယာယမကာ နှစ်သက် သူတွေအတွက်လည်း အမြည်းအဖြစ် အမျိုးမျိုး စား သောက်နိုင်တာကြောင့် အရသာရှိတဲ့ ထိုင်းငါးဆားအုံ မီးကင် နည်းလေးကို မိမိကိုယ်တိုင် ပြုလုပ်မြည်းစမ်း ကြည့်ဖို့ တင်ပြလိုက်ရပါတယ်။
မမသက်
No comments:
Post a Comment