မှန်ကန်စွာရွေးချယ် ကိုးကွယ်ဆည်းကပ်တတ်စေဖို့

 
ဗဟုံ ဝေ သရဏံ ယန္တိ၊ ပဗ္ဗတာနိ ၀နာနိစ။
အာရာမ ရုက္ခစေတျာနိ၊ မနုဿာ ဘယတဇ္ဇိတာ။
(ဓမ္မပဒ၊ ၁၈၈)

“ဘေးကိုကြောက်ရွံ ထိန့်လန်ကုန်သော သူတို့သည် တောတောင်တို့ကိုလည်းကောင်း၊ နေရာအရံ တို့ကိုလည်းကောင်း၊ တောဆိုးသစ်ပင်တို့ကိုလည်းကောင်း၊ (ဘေးမှလွတ်ရန်) များစွာ ဆည်းကပ်
ကိုးကွယ်ကြကုန်သည် ဟု မြတ်ဗုဒ္ဓ က မိန့်တော်မူသည်။

ဤသို့ ကိုးကွယ်ခြင်းမှာ သမိုင်းမတင်မှီကာလမှ ယနေ့တိုင် ရှိနေသည်။ ဘေးအန္တရာယ်မှ လွတ်ရန်၊ လိုတာမရသော ဘေးမှ လွတ်ရန်၊ ရပြီးသား လက်လွတ်ရမည့်ဘေးမှ လွတ်ရန်အတွက်၊
ရေနစ်သူသည် ဆွဲမိဆွဲရာကိုဆွဲကိုင် အားကိုးတတ်သကဲ့သို့ တွေ့ရာ ကြုံရာ နှီးနွယ်ရာကို ကောင်းလိမ့်နိုးနိုး အားကိုးကြသည်။ ကိုးကွယ်ကြသည်။ ဗေဒင်မေးကြသည်။ နတ်မေးကြသည်။
လတ်တလော ဒုက္ခ၊ လောကီဒုက္ခ၊ ရတာမလို၊ လိုတာမရသော ဒုက္ခတို့မှ လွတ်ရန် ကိုးကွယ်ရာ ရှာကြသည်။

ဤသို့ ကိုယ်ကျိုးကို အခြေခံလျက်၊ လောဘကို အခြေခံလျက်၊ ကိုးကွယ်ရာ ရှာကြသော လူသားတို့၏ ဓမ္မတာအတိုင်း၊ဗုဒ္ဓဘာသာဝင် ဖြစ်ပါလျက် ဆင်ခြင်တုံတရား အားနည်း
သူတို့သည် မိမိတို့တွင် ကိုးကွယ်ရာ ဘုရား၊ တရား၊ သံဃာ ဟူသော ရတနာအစစ်ရှိပြီး ဖြစ်ပါလျက် ဤရတနာသုံးပါးကို ကျောခိုင်းကာ၊ ဟုတ်လိမ့်နိုးနိုး၊ ဆင်ကန်းတောတိုး၊
ကြောင်းကျိုးမမှန်သည့် ကိုးကွယ်ရာများကို ရှာဖွေလာကြသည်။

ထိုသို့ ရှာဖွေလာခြင်းကြောင့် ထေရ၀ါဒ ဗုဒ္ဓဘာသာဝင် အမည်ခံ သူတို့အကြားဝယ် နတ်အမျိုးမျိုး ကိုးကွယ်မှု့၊ ထွက်ရပ်ပေါက်လမ်းလိုက်မှု့၊ ဘိုးတော် မယ်တော် ပူဇော်ချဉ်းကပ်မှု့များကို ပြုလုပ်နေကြသည်ဟု ထေရ၀ါဒီ သုတေသီတို့က မှတ်ချက်ပြုကြသည်။

ရဟန်း သံဃာတို့ကို ကိုးကွယ်ဆည်းကပ်ကြရာတွင်လည်း လူအမျိုးမျိုး ရှိကြပြန်သည်။ ကိုးကွယ်ခြင်းဆိုင်ရာနှင့် ပတ်သက်၍ ရှင်းပါဦးအံ့ ရှေးဦးပထမအနေဖြင့်
`ကြည်ညိုဖွယ်ရာ အများသံဃာ၊ ကိုးကွယ်ရာမှာ ရွေးချယ်ပါ´ ဟူသော မှတ်သားဖွယ်ရာ စကားလေးကို ဗုဒ္ဓဘာသာဝင်တိုင်းသေချာသိအောင်ကြိုးစား၍ ကျင့်သုံးသင့်ပေသည်။

ကြည်ညိုရာမှာ အများသံဃာ...ဟူသော စကားမှာ ဗုဒ္ဓဘာသာဝင်မှန်သမျှ ရဟန်းသံဃာတွေ့သမျှကို ကြည်ညိုလေးစားကြရပါမည်။ ကြည်ညိုလေးစား အရိုအသေပေးရုံမျှဖြင့် မိမိတွင်ဘာမှ
ယုတ်လျော့ပါမသွားပါ။ အရိုအသေပေးလိုက်သည်နှင့်...
 
အာယု- အသက်ရှည်ခြင်း၊
ဝဏ္ဏ- အဆင်းလှခြင်း၊
သုခ- ချမ်းသာကြီးခြင်း၊
ဗလ- ခွန်အားဗလ ကြီးမားခြင်း 

ဟူသော အကျိုးလေးပါးကို ဘ၀ဆက်တိုင်း ရရှိပါလိမ့်မည်။ အရိုအသေ ပေးခံရသောသူက ရိုသေထိုက်သော အရည်အသွေးမရှိလျှင်လည်း သူ့လမ်းသူသွားပါလိမ့်မည်။ အရိုအသေပြု ကြည်ညိုသောအနေဖြင့်ကား
ကုသိုလ်တရားသာ ရစရာရှိပါသည်။

ကိုးကွယ်ရာမှာ ရွေးချယ်ပါ ဟူသည်ကား ဆရာမှတ်မှတ်၊
သမားမှတ်မှတ် ကိုးကွယ်တော့မည် ဆိုလျင်ကား..........

ရဟန်းစစ်စစ်၊ ရဟန်းမှန် ဟုတ်မဟုတ်၊ သာသနာတော်၏ တာဝန်ကို ထမ်းဆောင်ခြင်း ရှိ မရှိ၊ လောကီ၊ လောကုတ္တရာ ကောင်းကျိုးချမ်းသာကို ညွန်ပြနိုင်သော ပညာရှိ သူတော်ကောင်း
မှန် မမှန်.... ဟူသော အချက်တို့ဖြင့် ရွေးချယ်ရမည်ဟု ဆိုလိုပါသည်။

သဒ္ဓါ နှင့် ဥာဏ်၊ နှစ်ခုသန်မှ၊ လမ်းမှန်သို့ ကျသည်ဟူသော.....ဒီပဲယင်း ဆရာတော်၏ သြ၀ါဒအတိုင်း တွေးခေါ်မြော်မြင်သော ပညာကနည်းပြီး၊ ကြည်ညိုသဒ္ဓါက သိပ်များနေလျင်
ကြောင်သူတော်မျိုးကို ကိုးကွယ်ဆည်းကပ်မိတတ်သည်။

သဒ္ဓါက နည်းပြီး တွေးခေါ်မြော်မြင်သော ပညာကများနေပြန်လျင် သူတော်ကောင်းကို စော်ကားပြီး
ကောက်ကျစ်စဉ်းလဲ တတ်ပြန်သည်။ ထို့ကြောင့် ဘာသာရေးလောကတွင် အမှန်သို့ ရောက်လိုလျင် သဒ္ဓါ နှင့် ပညာ ချိန်ခွင်လျှာလို ညီမျှစွာ ရှိနေကြရပါမည်။

လူတို့သည် ပုဂ္ဂိုလ်တဦးကို ကြည်ညိုရာ၌ပင် တူညီမှု့မရှိတတ်ကြပေ။ကိုယ်သန်ရာသန်ရာကို ရွေးချယ်တတ်ကြ၏။ ထိုသို့သော ယုံကြည်
ကိုးကွယ်မှု့ကို အဌကထာဆရာက ဤသို့ဖွင့်ပြပါသည်။

၎င်းတို့မှာ..........
(၁) ရူပပ္ပမာဏ - ရုပ်ဆင်းအင်္ဂါ လှပခြင်းကို အစွဲပြု၍ ကြည်ညိုသူ။
(၂) ဃောသပ္ပမာဏ - ကျော်စောသံကို ကြား၍ကြည်ညိုသူ။
(၃) လူခပ္ပမာဏ - ခေါင်းပါးသောအကျင့်ကို စွဲ၍ ကြည်ညိုသူ ။
(၄) ဓမ္မပမာဏ - သီလ၊ သမာဓိ၊ ပညာရှိမှု့ကို စွဲ၍ ကြည်ညိုသူ
ဟူ၍ ဖြစ်ပါသည်။ (မဇ္ဈိမမဏ္ဏာသ၊ ဌ၊ ၁။ ၃၀၇)

ထို (၄) ယောက်တို့တွင်........
(၁) ရူပပ္ပမာဏ ရုပ်အဆင်းလှမှု့ကို ကြည်ညိုသူသည် ပစ္စုပ္ပန်သံသရာ၌ မည်သည့်ကောင်းကျိုးမျှ ရရှိမည်မဟုတ်ပေ။ မြတ်စွာဘုရားက ၀က္ကလိရဟန်းကို ကဲ့ရဲ့သကဲ့သို့ ဘုရားရှင်ကဲ့ရဲ့ ခံရမည်သာ ဖြစ်ချေသည်။ အောက်ထစ်ဆုံးအားဖြင့် ကြည်ညိုသူက အမျိုးသမီးယောဂီဖြစ်လျှင်မူ
“လူပျံတော်မယား” ဟူသော ဘွဲ့ထူးဂုဏ်ထူးရခြင်းမှ တပါး အခြားသောအကျိုးမရှိပေ။

(၂) ဃောသပ္ပမာဏ - အရ ကျော်စောသံကို ကြား၍ကြည်ညိုလျှင်လည်း အလိမ်ခံရတတ်ပေသည်။

အကြောင်းမှာ - ဟုတ်၍ ကျော်သောပုဂ္ဂိုလ်များရှိသကဲ့သို့ မဟုတ်ဘဲနှင့် ကျော်နေသည့် ပုဂ္ဂိုလ်များလည်း ရှိတတ်သောကြောင့် ဖြစ်ပါသည်။မှန်ပေသည် - နာမည်ကြီးခြင်း၊ ကျော်စောခြင်းသည် အစစ်အမှန်များ
ရှိသကဲ့သို့ အလံရူးအဖွဲ့က ကြော်ငြာပေးခြင်း၊ ၀ိုင်းပင့်ပေးသောနည်းဖြင့် အသိုင်းအ၀ိုင်း အင်အားကိုသုံးပြီး နာမည်ကြီးအောင်လှော်ပေးခြင်းတို့ကြောင့် နာမည်ကြီးသူများလည်း ရှိတတ်ကြပေသည်။
ဥပမာ - ကြော်ငြာထည့်၍ ကြော်ငြာတိုင်း ပစ္စည်းမှန်၊ ပစ္စည်းကောင်းဟုမသတ်မှတ်နိုင်သကဲ့သို့ ဖြစ်ပါသည်။

(၃) လူခပ္ပမာဏ -အရ သင်္ကန်း သပိတ်ခေါင်းပါးမှု့ကို ကြည့်၍ ကြည်ညိုလျှင်လည်း အလိမ်ခံရတတ်ပေသည်။ အကြောင်းမှာ .......... ခေါင်းပါးမှ လူကြည်ညိုမည်၊ လူကြည်ညိုမှ
လာဘ်လာဘပေါများပြီး ထင်ပေါ်ကြော်ကြားမည်ဟူသော အကြံအစည်ဖြင့် ခေါင်းပါးပြသူများလည်း ရှိတတ်
သောကြောင့်ပင် ဖြစ်ပါသည်။

မှန်ပေသည် - လောက၌ ခေါင်းပါသူ အစစ်အမှန်များရှိသကဲ့သို့ ခါင်းပါးသယောင် ဟန်ဆောင်နေသူများလည်းရှိတတ်ပေသည်။ ဤကဲ့သို့သော အတုယောင်များလည်း
ရှိတတ်ကြောင်းကို မြတ်စွာဘုရားက ဤသို့ဟောတော်မူခဲ့ပါသည်..........

“ရဟန်းတို့ ပညာနုံသောကြောင့်၊ တွေဝေသောကြောင့် တော၌နေသည့် တောနေရဟန်းများလည်း ရှိတတ်ကြ၏။ ယုတ်ညံ့သော အလိုရှိသည်ဖြစ်၍၊ အလိုဆိုးနှိပ်စက်အပ်သည်ဖြစ်၍ တော၌နေသည့်
တောနေရဟန်းများလည်း ရှိတတ်၏။ ရူးသွပ်ခြင်း၊ စိတ်ပျံ့ လွင့် ခြင်းကြောင့် တော၌နေသည့် တောနေရဟန်းများလည်း ရှိတတ်၏။ ဗုဒ္ဓ နှင့် ဗုဒ္ဓသာဝကတို့သည် ချီမွမ်းအပ်၏ဟု နှလုံးသွင်း၍တော၌နေသည့် တောနေရဟန်းများလည်း ရှိတတ်ကြ၏။
အလိုနည်းမှု့၊ ရောင့်ရဲမှု့၊ ခေါင်းပါးမှု့၊ ဆိတ်ငြိမ်မှု့ ကိုသာလျင်မှီ၍ အကျင့်ဖြင့် အကျိုးရှိမှု့ကိုသာလျင်မှီ၍ တော၌နေသည့် တောနေရဟန်းများလည်း ရှိတတ်ကြ၏။
(အာရညိကသုတ်) (အံ၊ ၂၊ ၁၉၃)

ထိုတောနေရဟန်း ငါးမျိုးတို့တွင် ယုတ်ညံ့သော အလိုရှိသည့် တောနေရဟန်းဟူသည်.. “တောထဲမှာနေသော ငါ့အား ဒီဆရာတော်က တောထဲမှာ တပါးတည်းနေရှာတယ် ဟု
လူအပေါင်းက ပစ္စည်းလေးပါးဖြင့် ပူဇော်ကြလိမ့်မယ်။ဒီဆရာတော်က ဆိတ်ငြိမ်ရာအရပ်မှာသာ ပျော်တတ်တယ် စသည်ဖြင့် လူအပေါင်းက ချီမွမ်းကြလိမ့်မယ်” စသည်ဖြင့်
ထင်ပေါ်ကျော်ကြား လာဘ်ပေါများလို၍ အာရညိကဓုတင် ဆောက်တည်သော ရဟန်းမျိုးကို ဆိုပေသည်။
(အံ၊ ဌ။ ၃၊ ၆၅)

(၄) ဓမ္မပမာဏ - အရ သီလ၊ သမာဓိ၊ ပညာတည်းဟူသော သိက္ခာသုံးရပ် အကျင့်မြတ်ကို ချင့်ချိန်ဝေဖန်၍ ကြည်ညိုခြင်းသည်သာ အန္တရယ်အကင်းဆုံး၊ ဘေးအရှင်းဆုံး ကိုးကွယ်ခြင်းမျိုးဖြစ်ပေသည်။ ပစ္စုပ္ပန်သံသရာ၌ ကောင်းကျိုးချမ်းသာ ခံစားရန်အတွက် စိတ်အချရဆုံးသော ကိုးကွယ်ခြင်းမျိုး ဖြစ်ပါသည်။

သို့ဖြစ်၍ စာဖတ်သူအပေါင်း သူတော်ကောင်းတို့သည်ရုပ်လှသူနောက် ကောက်ကောက်ပါအောင် လိုက်နေကြသူများ၊နာမည်ကြီး၍ ဆည်းကပ်နေကြသူများ၊ခေါင်းပါးခြင်းဖြင့် အလိမ်ခံရသူများ မဖြစ်ရလေအောင် သိက္ခာသုံးရပ် အကျင့်မြတ်ကို ရွေးချယ်ဆည်းကပ်နိုင်စေဖို့
အထူးသတိချပ်၍ ဆင်ခြင်သင့်ပေသည်။

**********************************
အရှင်သာမိ (မုံရွာ)

 မူရင်း=https://www.facebook.com/photo.php?fbid=834208949944996&set=a.1809117519