ဖမ်းဆုပ်ရမယ့် အခွင့်အရေး

----------------------------

လူငယ်လေးတစ်ယောက်ဟာ လယ်သမားကြီးတစ်ဦးရဲ့ သမီးချောလေးကို လက်ထပ်ချင်ပါသတဲ့.... ဒါနဲ့သူက လယ်သမားကြီးဆီသွားပြီး လက်ထပ်ခွင့်တောင်းခဲ့တယ်....

လယ်သမားကြီးက သူ့ကိုအကဲခတ်ပြီးပြောတယ်....
"လူလေး... ရှေ့ကကွင်းပြင်ထဲသွားရပ်နေကွာ... ငါနွားသိုးသုံးကောင်ကို တစ်ကောင်ချင်းလွှတ်လိုက်မယ်... အကယ်လို့ အဲ့ဒီနွားသုံးကောင်ထဲက တစ်ကောင်ကောင်ရဲ့အမြီးကို မင်းဖမ်းနိုင်မယ်ဆိုရင် မင်းင့ါသမီးကိုယူလို့ရပြီ..."

လူငယ်လေးဟာ စားကျက်မြေထဲမှာရပ်ရင်း ပထမဆုံးနွားသိုးကို စောင့်ဆိုင်းနေပါတယ်... နွားတင်းကုပ်တံခါးပွင့်လာပြီး သူမြင်ဖူးသမျှထဲမှာ အကောင်အကြီးဆုံးနဲ့ အခက်ထန်ဆုံးပုံစံရှိတဲ့ နွားသိုးကြီးတစ်ကောင် ပြေးထွက်လာပါတယ်....

ဒီနွားသိုးရဲ့အမြီးကိုဆွဲမယ့်အစား နောက်ထပ်နွားသိုးတစ်ကောင်ကို စောင့်လိုက်တာက သူ့အတွက်ပိုကောင်းလိမ့်မယ်လို့ သူဆုံးဖြတ်လိုက်ပါတယ်... ဒါကြောင့် သူကဘေးကိုပြေးထွက်လိုက်ပြီး နွားသိုးကို စားကျက်မြေရဲ့ နောက်ဘက်ထွက်ပေါက်ကနေ ပေးဖြတ်သွားလိုက်ပါတယ်...

နည်းနည်းကြာတော့ နွားတင်းကုပ်တံခါးထပ်ပွင့်လာပြန်ပါပြီ... မယုံနိုင်လောက်အောင်ပါပဲ... သူ့ဘဝမှာ ဒီလောက်ကြီးပြီး ဒီလောက်ခက်ထန်ကြမ်းကြုတ်တဲ့ နွားသိုးမျိုး သူမမြင်ဖူးပါဘူး.... နွားသိုးကြီးဟာ ခွာနဲ့မြေကြီးကိုယက်ပါတယ်... နှာတရှူးရှူးမှုတ်ပြီး သူ့ကိုစူးစူးစိုက်စိုက်ကြည့်ရင်း သွားရည်တွေထွက်ကျနေပါတယ်...

သူ့အတွေးထဲမှာ ဘယ်လိုပဲဖြစ်ဖြစ် နောက်တစ်ကောင်ကို စောင့်လိုက်တော့မယ်ဆိုတဲ့ အတွေးဖြစ်လာပါတယ်... ဒီအကောင်နဲ့တော့ လုံးဝမဖြစ်ပါဘူး... ဒါနဲ့ သူကခြံစည်းရိုးဘေးကိုပြေးကပ်လိုက်ပြီး နွားသိုးကြီးကို စားကျက်မြေရဲ့ နောက်ဘက်ထွက်ပေါက်ထဲက ပေးဖြတ်လိုက်ပါတယ်...

နောက်ဆုံးမှာတော့ နွားတင်းကုပ်တံခါးဟာ တတိယအကြိမ်မြောက်ပွင့်လာပြန်ပါပြီ..... သူ့မျက်နှာမှာ အပြုံးတစ်ခု ဖြတ်ပြေးသွားပါတယ်.... သူမြင်ဖူးသမျှထဲမှာ အားအနည်းဆုံး အပိန်လှီဆုံး နွားသိုးငယ်လေးတစ်ကောင်ထွက်လာလို့ပါပဲ... ဒီတစ်ကောင်ကိုတော့ သူအမိဖမ်းပါတော့မယ်...

နွားသိုးထွက်လာတာနဲ့ သူကအပြေးလေးချဉ်းကပ်သွားလိုက်ပါတယ်... အမြီးကိုဖမ်းဖို့ ဘေးကနေအသင့်နေရာယူပြီး အချိန်ကိုက်ရောက်တာနဲ့ နွားသိုးရဲ့နောက်ကိုခုန်ထွက်လိုက်ပါတယ်... နွားသိုးရဲ့အမြီးကို ဖမ်းဆွဲလိုက်တဲ့အခါမှာတော့....

အဲ့ဒီနွားသိုးမှာ အမြီးမရှိဘူးဆိုတာ တွေ့လိုက်ရပါတော့တယ်...

----------------------------------------------------------------
ဒီဇာတ်လမ်းလေးကပေးတဲ့ သင်ခန်းစာကတော့...

ဘဝမှာအခွင့်အရေးတွေအများကြီးပြည့်နေပါတယ်.... တစ်ချို့အခွင့်အရေးတွေကနေ အကျိုးအမြတ်ရယူဖို့ လွယ်ကူပါလိမ့်မယ်... တစ်ချို့ကျတော့ခက်ခဲပါလိမ့်မယ်... ဒါပေမဲ့ (နောက်ထပ်ပိုကောင်းမယ့် အခွင့်အရေးတွေကိုမျှော်ကိုးပြီး) လက်ရှိအခွင့်အရေးတွေကို လက်လွတ်လိုက်ပြီဆိုတာနဲ့ ဒီအခွင့်အရေးတွေကို ဘယ်တော့မှ နောက်တစ်ကြိမ် ပြန်မရနိုင်တော့ပါဘူး...

ဒါကြောင့် ပထမဆုံးအခွင့်အရေးကို အမြဲတမ်းအမိအရဆုပ်ကိုင်ပါလို့ အကြံပြုတိုက်တွန်းလိုက်ရပါတယ်....

----------------------------------------------------------------
Ref: Inspire Your Friends
https://www.facebook.com/photo.php?fbid=435864263178077&set=a.35104771499306