ဆောင်းဒီတစ်ခါမှာတောတမျိုးဆန်းဆန်းလေးဖြစ်သွားအောင် တခါမှမတင်ဘူးတဲ့  သောက်လို့ကောင်းတဲ့ ချဉ်စပ် ဟင်းချိုနဲ့ မိတ်ဆက်ပေးချင်ပါတယ်။ ဒီနည်းကိုတော့ စာအုပ်တစ်ခုထဲကနေပြန်ပြီး မှီငြမ်းထားတာပါ။ ပဲပြား မှိုခြောက်တွေပါဝင်ပြီး အရသာတော်တော်ကောင်းလို့ လုပ်နည်းလေးကို ပြန်ရှယ်ပေးလိုက်ပါတယ်။ အဝေးရောက် အစ်ကို အစ်မ ညီမ မောင်လေးတွေ အလွယ်တကူချက်စားရအောင်လို့ပါ အားလုံးအတွက် ဆောင်းပြန်share ပေးလိုက်တယ်နော်
ပါဝင်ပစ္စည်းများ
ရှီတာကီမှိုခြောက် ၅ ခု (ရေစိမ်ပြီး ပါးပါးလှီးထားပါ)
Button Mushroom ၅ခု (ပါးပါးလှီးထားပါ)
မုန်လာဥနီ အနည်းငယ် (ပါးပါးသေးသးလှီးထား)
ပဲပြားလက် ၂လုံးစာအထူခန့် ၆ ခု
ကြက်သားပြုတ်ပြီးသား လက်တစ်ဆုပ်စာ
ကြက်ဥ ၁လုံး + နှမ်းဆီလက်ဖက်ရည် ၁ ဇွန်း
ကြက်သွန်ဖြူ ၂ မွှာ (နုတ်နုတ်စဉ်း)
ကြက်သွန်မိတ် ၁ ပင်
ကြက်ပြုတ်ရည် ၁လီတာ
ပြောင်းဖူးမှုန့် စားပွဲဇွန်း ၁ ဇွန်း+ ရေ စားပွဲဇွန်း ၁ ဇွန်း
ဟင်းခပ်ရန်
ပဲငံပျာရည်အကြည် စားပွဲဇွန်း ၂ ဇွန်း
ရှာလကာရည် စားပွဲဇွန်း ၂ ဇွန်း
ငရုပ်ကောင်း အနည်းငယ်
ငါးငံပျာရည် လက်ဖက်ရည် ၁ ဇွန်း
ချက်နည်း
1. ပထမဆုံး ဆီစားပွဲဇွန်း ၁ ဇွန်းကို ပူအောင်တည်ပြီး မုန်လာဥနီကို ဆီသတ်ပေးပါ။
2. ၁ မိနစ်လောက်နေရင် button mushroom လေးတွေကိုပါဆီသတ်ပေးပါ။
3. ပြီးရင် ငရုပ်သီးအကြမ်းမှုန့် လက်ဖက်ရည် ၁ဇွန်း နဲ့ ကြက်သွန်ဖြူကိုပါ ထည့်မွှေပေးပါ။
4. နောက် ကြက်ပြုတ်ရည် ၁ လီတာကိုလည်း ထည့်မွှေပေးပြီး ဆူအောင်တည်ပေးပါ။
5. ဆူရင် ကြက်သား၊ ပဲပြားနဲ့ ဟင်းခပ်အရည်များကို ထည့်မွှေပေးပါ။
6. ထပ်ဆူလာရင် ပြောင်းဖူးမှုန့်နဲ့ ရေ အရောကိုထည့်ပြီး ပျစ်အောင်မွှေပေးပါ။
7. နောက်ဆုံးမှ ကြက်ဥနဲ့ နှမ်းဆီရောခေါက်ထားတာကို ဖြည်းဖြည်းချင်းထည့်ပြီးမွှေပေးပါ။ ၅ မိနစ်လောက်ထပ်တည်ပြီးရင် သုံးဆောင်လို့ရပါပြီ
No comments:
Post a Comment