ဒေါသကင်းဝေး နေနိုင်ရေး

လူတို့၏ရင်ထဲနှလုံးသားတွင် စိတ်ပိုင်းဆိုင်ရာအပူများစွာရှိသည်၊၊ ဒေါသအပူသည် အခြားအပူများ
ထက်ပိုမို၍လောင်ကျွမ်းအား ပြင်းထန် တတ်သည်၊၊
ရင်ထဲတွင် ဒေါသအပူလှိုင်းဝင်ရောက်လာသောအခါ လူတွင်ငြိမ်းအေးမှုများအားလုံးပျောက်ဆုံးပြီး၊ ပတ်ဝန်းကျင်ကိုအန္တရာယ်ပြုခွင့်ရလျင်ရ၊
မရခဲ့လျင်မိမိကိုယ်မိမိပြန်၍ ဒုက္ခဖြစ်အောင်ပြုတတ်လေသည်၊၊

အမျက်ဒေါသဖြစ်ခြင်းတွင် အကြောင်းနှစ်မျိုးရှိကြောင်းကို ပါဠိစာပေများတွင်ဖော်ပြထားပါသည်၊၊
♦ အမျက်ဒေါသဖြစ်ဖွယ်ရာ အာရုံနှင့်၊
♦ အမျက် ဒေါသဖြစ်ပေါ်စေရန်
မသင့်မတင့်နှလုံးသွင်းခြင်းတို့ ဖြစ်ပါသည်၊၊

တစ်စုံတစ်ခုအပေါ်တွင်ဖြစ်စေ၊
တစ်စုံတစ်ယောက်အပေါ်တွင်ဖြစ်စေ ဒေါသဖြစ်မိခဲ့လျင်၊
ထိုဒေါသအ မျက်ကို ဖြေဖျောက်နိုင်လျင် အကြောင်းမရှိတော့ပေ။
အကယ်၍ အမျက်ဒေါသကို မဖြေဖျောက်နိုင်ခဲ့လျင် အငြိုးအတေးအဖြစ်သို့အသွင်ပြောင်းလဲပြီး သံသရာဘ၀များ အထိပင်လိုက်ပါ၍ ပျက်စီးရာပျက်
စီးကြောင်းပြုတတ်လေသည်၊၊

သာဓကအနေဖြင့် ဆဒ္ဒန်ဆင်မင်း၏
ဇာတ်လမ်းတွင် စူဠသုဘဒ္ဒါမိဖုရားကြီး၏ မကျေနိုင်သည့်ဒေါသဖြင့် ဘ၀အဆက်ဆက်ချစ်လင်ကို
သတ်ခွင့်ရ စေရန်ဆုတောင်းပုံများနှင့်၊ အခြားသာဓကဇာတ်လမ်းများတွင် တွေ့မြင်နိုင်ပါသည်၊၊

လူတို့၏နေ့စဉ်ဘ၀တွင်လည်း အမျက်ဒေါသဖြစ်ပွားကြရာမှ
မှုခင်းမျိုးစုံနှင့်၊ အမှားမျိုးစုံကိုပြုနေကြသည်ကို တွေ့နိုင်ပါသည်၊၊ အမျက်ဒေါသ ဖြစ်ပွားမှုသည် ပညာမဲ့မှုကြောင့်ဖြစ်၍ မည်သို့မျှအကျိုး မဖြစ်စေဘဲ
ဆိုးကျိုးများကိုသာဖြစ်ပေါ်စေမည်ဖြစ်ပါသည်၊၊

အရပ်ပုသူများက“ငါကလူပု စိတ်တိုကွ”ဟု
အမျက်ဒေါသကြီးရသည်ကိုပင် ဂုဏ်တက်လေဟန်ပြောဆို လေ့ရှိကြသည်၊၊
အမှန်မှာ စိတ်တိုခြင်း၊ အမျက်ဒေါသကြီးခြင်းများသည်
မည်သူ့တွင်ဖြစ်ပေါ်သည်ဖြစ်စေ၊ ဖြစ်ပေါ်သူနှင့်ပတ်ဝန်းကျင်ကို မတည်ငြိမ်မှုနှင့်၊ ဘေးဒုက္ခကိုသာဖြစ်ပေါ် စေတတ်ကြောင်း မှတ်သားရပါမည်၊၊

ငါးရာ့ငါးဆယ်ဇာတ်တော်များမှ သေရိ၀၀ါရိဇာတ်၊
ရွဲကုန်သည်ဇာတ်လမ်းတွင် ဒေ၀ဒတ်အလောင်းရွဲ
ကုန်သည်သည် ထိုဘ၀တွင်ဖြစ်ပေါ်ခဲ့သော အမျက်ဒေါသကိုပြေပျောက်အောင် မငြိမ်းနိုင်ခဲ့သောကြောင့်
လေးအသင်္ချေ၊ ကမ္ဘာတစ်သိမ်းဘ၀များစွာတွင် မြတ်စွာဘုရားအလောင်းတော်၏ ပျက်စီးရာ
ပျက်စီးကြောင်းမျိုးစုံကို ပြုခဲ့သည်မှာဘုရားဖြစ်တော်မူသည့် ဘ၀အထိပင်ဖြစ်ပါသည်၊၊

ဒေ၀ဒတ်လောင်းရွဲကုန်သည်သည် ငရဲအကြိမ်ကြိမ်ကျရောက်ပြီး၊ နောက်ဆုံးဘ၀တွင် မဟာအ၀ီစိငရဲ သို့ ကျရောက်ခဲ့ရလေသည်၊၊ ပြေပျောက်အောင်မငြိမ်းနိုင်သော အမျက်ဒေါသများသည်
အမျက်ထွက် ခံရသူကိုသာမက၊ အမျက်ဒေါသဖြစ်ပွားသူကိုယ်တိုင်ကိုလည်း
အန္တရာယ် များစွာဖြစ်စေတတ်သည်၊၊

♦ စိတ်မငြိမ်းချမ်းမှု၊
♦ အရုပ်ဆိုးအကျည်းတန်မှု၊
♦ အမှားများစွာကိုပြုမိမှု၊
♦ ဘေးဒဏ်သင့်မှုနှင့် ရောဂါဆိုးများ ပွားများလာမှု၊
ကြမ္မာဆိုး အမျိုးမျိုးနှင့်သာတွေ့ဆုံနေရမှုစသည်တို့သည် အမျက်ဒေါသကြီးသူများ ဧကန် မုချခံစားရမည့်
ဆိုးကျိုးများဖြစ်ပါသည်၊၊

စာပေနှင့်သမိုင်းသင်္ခန်းစာများတွင် အမျက်ဒေါသကြီးသဖြင့် မထင်မှတ်ဖွယ်ရာအပြစ်ကြီးများကို ပြုကြသူများ၊ သမိုင်းမလှသူများ၊ အရှက်ကင်းမဲ့ သူများ၊
အကြောက်ကင်းမဲ့သူများ၊ ပညာကင်းမဲ့သူများစွာတို့ ၏သမိုင်းအတ္တုပ္ပတ္တိများစွာကို လေ့လာရရှိနိုင်ပါသည်၊၊

အမျက်ဒေါသဖြစ်နေသူသည် အကျိုးအကြောင်းနှင့် အဆိုးအကောင်းကိုဝေဖန်နိုင်သည့် ပညာကင်းမဲ့
နေချိန်ဖြစ်သည့်အတွက် ပြုမိသမျှအမှားများသာဖြစ်နေတတ်ပါသည်၊၊ မြတ်စွာဘုရားရှင်သည် ဒေါသနှင့်ပတ်သက်၍
အထူးမှတ်သားဖွယ်မိန့်ဆိုချက်တစ်ခုကို ပေးတော်မူ ခဲ့ပါသည်၊၊

“ကောဓော အတ္ထံ နဇာနာတိ=အမျက်ဒေါသသည်
အကျိုးကိုမသိ”ဟူ၍ ဖြစ်ပါသည်၊၊ အမျက်ဒေါသ သည် အကျိုးကိုမသိဟု
ဆိုထားသဖြင့် အကြောင်းကိုလည်းမသိဟူ၍ပင်မှတ်သား ရပါတော့မည်၊၊
ဆိုလိုသည်မှာ “ပညာမတတ်၍ ဒေါသဖြစ်သည်”ဟုမှတ်ယူရပါမည်၊၊

အကျိုးအကြောင်းကိုမသိသူများသည် ဒေါသကြီးတတ်သူများဖြစ်ကြောင်း အထက်ပါမြတ်စွာဘုရား ရှင်၏စကားရပ်ဖြင့် သိသာနိုင်ပါသည်၊၊ ဒေါသအလျောက်ပြောသမျှ၊ ပြုသမျှ၊ ကြံစည်စိတ်ကူးသမျှတို့သည် ဆင်ခြင်တုံတရားကင်းမဲ့နေသည့်အတွက် ဆိုးကျိုးများကိုသာ ထွက်ပေါ် စေမည် ဖြစ်ပါသည်၊၊

“လူမှန်များသည် စိတ်တိုတတ်ကြသည်”ဟု ဆိုလေ့ရှိသည်၊၊ လုံးဝမှားယွင်းသည့် အဆိုဖြစ်ပါသည်၊၊
လူမှန်သာ အမှန်တကယ်ဖြစ်ပါက စိတ်တိုတော့မည်၊ အမျက်ဒေါသဖြစ်တော့မည် မဟုတ်ပါချေ၊၊
အကြောင့်ဆိုသော် လူမှန်ဟူသည်မှာ
ပညာတတ်၊ ပညာရှိ၊ အသိရှိသူကို ခေါ်ဝေါ်သောကြောင့် ဖြစ်ပါသည်၊၊

မြတ်စွာဘုရားရှင်သည် အမျက်ဒေါသ၏အပြစ်များစွာကို ပါဠိစာပေ၏နေရာများစွာတွင် ဟောပြော သင်ပြတော်မူခဲ့ပါသည်၊၊ အမျက်ဒေါသကို ငြိမ်းအေးမှုရအောင် ကြိုးစားသင့်လှပါသည်၊၊ လူတို့၏စိတ်ကို မငြိမ်းချမ်းစေသည့် စိတ်ပိုင်းဆိုင်ရာအခြေခံသဘောတရားများတွင်
အမျက်ဒေါသ သည် အဆိုးဝါး ဆုံးနှင့်အကြမ်းတမ်းဆုံး ဖြစ်ကြောင်းလေ့လာရပါသည်၊၊

သာမန်အမျက်ဒေါသမှ အငြိုးအတေးအဖြစ်သို့ကူးစက်သွားခဲ့လျင် အလွန်တရာကြောက်မက်ဖွယ် ကောင်းသည့် အန္တရာယ်ပြုမှုများ ကိုပြုတတ်လေသည်၊၊ “ကျောင်းတော်မှ ရန်ငြိုးများ”ဟူ၍ ပြောဆိုနေ ကြသည်ကို ကြားရဖူးပါသည်၊၊

မှန်နိုင်ပါသည်၊၊ အတူနေ၊ အတူတက်၊ အနေနီးစပ်ကြရာမှ ဖြစ်ပေါ်ခဲ့ကြသည့်ရန်ငြှိုးရန်စများသည်
“အမှိုက်ကစ ပြဿာဒ်မီးလောင်”ဆိုသကဲ့သို့ အဖွဲ့အစည်းများ၊ မိသားစုများနှင့်နိုင်ငံများအထိကိုပါ
ပျက် စီးအောင်ပြုနိုင်စွမ်းရှိလေသည်၊၊

ထိုမျှအထိဘေးဆိုးများလွန်းသည့် အမျက်ဒေါသကိုဖြစ်လျင်ဖြစ်ခြင်း ငြိမ်းအေးမှုရစေရန်ဖြေရှင်းနည်း (၅)မျိုးကို ပါဠိစာပေတွင်အတိအကျ ဖော်ပြထားပါသည်၊၊

(၁) မေတ္တာကိုဖြစ်စေ၍ ဒေါသငြိမ်းအေးနည်း၊
(၂) ကရုဏာကိုဖြစ်စေ၍ ဒေါသငြိမ်းအေးနည်း၊
(၃) ဥပေက္ခာကိုဖြစ်စေ၍ ဒေါသငြိမ်းအေးနည်း
(၄) မေ့ဖျောက်၍ ဒေါသငြိမ်းအေးနည်း၊
(၅) ‘သူ့ကံနှင့်သူရှိပါစေတော့’ဟုနှလုံးသွင်း၍ ဒေါသငြိမ်းအေးနည်း၊၊

အထက်တွင် ဖော်ပြဆွေးနွေးထားသည့် အမျက်ဒေါသဖြေဖျောက်နည်း၊
အမျက်ဒေါသငြိမ်းအေး နည်းများသည် အမှန်တကယ်ပင် အသုံးဝင်သည့်နည်းလမ်းများဖြစ်ပြီး၊ ကြိုးစားကျင့်သုံးရန်လည်း လွယ်ကူသည့်နည်းများဖြစ်ကြောင်းကို တွေ့ရပါသည်၊၊

“မေတ္တာကိုဖြစ်စေ၍ အမျက်ဒေါသငြိမ်းအေးနည်း”
---------------------------------------------------
မနှစ်သက်သူနှင့် မုန်းသူကိုမည်ကဲ့သို့ မေတ္တာထားရပါမည်နည်းဟု မေးကြပါသည်၊၊ လူတိုင်းလူတိုင်းတွင် ကောင်းသည့်အခြင်းအရာများနှင့် မကောင်းသည့်အခြင်းအရာများ၊ ကောင်းသည့်အပြုအမူများ နှင့် မကောင်းသည့်အပြုမူများဟူ၍ ရှိနေကြပါသည်၊၊

မိမိအမျက်ဒေါသဖြစ်နေသူ၌ရှိသည့် ကောင်းသည့်အခြင်းအရာနှင့် အပြုအမူများကိုရှာဖွေကြည့်ရှုပြီး စိတ်ထားတည်ငြိမ်လာသည်နှင့် မေတ္တာထားနိုင်လာပါသည်၊ မေတ္တာပို့လွှတ်နိုင်လာပါသည်၊၊ ဤသို့ပြု ဖန်များလာသောအခါ အမျက်ဒေါသငြိမ်းအေးပြီး၊ ပုံမှန်ပြည်လည်၍ ဆက်ဆံနိုင်လာပါသည်၊၊

ဤနေရာတွင် အမျက်ဒေါသဖြစ်နေသူ၏အထံ၌ လေးစားဖွယ်အရည်အခြင်းနှင့် ကျေးဇူးတရားများကို သုံးသပ်ဆင်ခြင်နိုင်လျင်လည်း အမျက်ဒေါသအထိုက်အလျောက်ပြေပျောက်ပြီး၊ ငြိမ်းအေးမှုကိုရရှိနိုင် သည်ဟု ယူဆပါသည်၊၊

အကြောင်းမှာ အမျက်ဒေါသဖြစ်ခြင်းများသည် အနီးနေအတူနေဖူးသူများအပေါ်၌သာအဖြစ်များသောကြောင့် ဖြစ်ပါသည်၊၊ အတူနေအနီးနေသူတို့သည် အခြင်းခြင်းတစ်ခုမဟုတ်တစ်ခု ကျေးဇူးနှင့်၊ အသိမှတ်ပြုဖွယ်အရည်အခြင်းများကို ကောင်းကောင်း သိသူများဖြစ် သောကြောင့် ဖြစ်ပါသည်၊၊

ဤသည်မှာ မိမိအမျက်ဒေါသဖြစ်နေသူအပေါ်တွင် ပါဠိစာပေနှင့်အညီ ဒေါသကင်းဝေးငြိမ်းအေးနည်း ဖြစ်ပါသည်၊၊

“ကရုဏာကိုဖြစ်စေ၍ အမျက်ဒေါသငြိမ်းအေးနည်း”
---------------------------------------------------
တစ်စုံတစ်ယောက်အပေါ်တွင် အမျက်ဒေါသဖြစ်မိသည်နှင့် ထိုသူကိုရန်ပြုလိုခြင်းနှင့်၊ အကျိုးပျက်ပြား စေလိုသည့် စိတ်ရိုင်းများ ၀င်ရောက်လာတတ်ပါသည်၊၊

ထိုသို့စိတ်ရိုင်းများဝင်လာသည်ကို သတိပြုဆင်ခြင်သုံးသပ်ပြီး၊
ကရုဏာစိတ်ဖြစ်ပေါ်အောင်ကြိုးစား နိုင်ပါလျင် အမျက်ဒေါသပြေငြိမ်းပြီး၊ စိတ်အေးချမ်းရပါသည်၊၊
ကရုဏာဟူသည်မှာ သနားခြင်းကိုခေါ် ပါသည်၊၊

လူတို့သည်“ဟန်ကိုယ့်ဖို့”လုပ်နေကြရသော်လည်း လူတိုင်းတွင်အခက်အခဲကိုယ်စီနှင့် အကြပ်အ တည်းကိုယ်စီရှိနေတတ်ကြသည်ကိုအမှတ်ရပြီး၊ သနားသည့်စိတ်ကိုမွေးမြူနိုင်ပါလျင် အမျက်ဒေါသ မဖြစ်တော့ရုံမျှမက ကူညီအားပေးလိုသည့်စိတ်များပင် ဖြစ်ပေါ်လာတတ်ပါသည်၊၊

သနားကြင်နာသည့်စိတ် ကရုဏာဖြစ်ပေါ်လာသည်နှင့် အမျက်ဒေါသများပြေပျောက်ပြီး၊
ကူညီရိုင်း ပင်းမှုများနှင့်၊ အကျိုးလိုလား စိတ်များဖြစ်ပေါ်လာနိုင်ပါသည်၊၊
မိမိအမျက်ဒေါသဖြစ်မိသူအပေါ်တွင် သနားလောက်သည့်အခြေအနေများကို
ကြည့်ရှုသုံးသပ်ပြီး၊ ကရုဏာ ထားခြင်းဖြင့်
အမျက်ဒေါသဘ၀ သံသရာများအထိ မလိုက်ပါတော့ဘဲအေးငြိမ်းရပါတော့သည်၊၊

“ဥပေက္ခာကိုဖြစ်စေ၍ အမျက်ဒေါသငြိမ်းအေးနည်း”
----------------------------------------------------
လူများနှင့်အရာဝတ္ထုများအပေါ်တွင် ချစ်ခြင်း၊
မုန်းခြင်းနှင့် အမျက်ဒေါသဖြစ်ပွားခြင်းများမှာ ထိုလူများ အရာဝတ္ထုများနှင့်မိမိသည် တစ်မျိုးတစ်မည်အားဖြင့် ဆက်စပ်နေသောကြောင့် ဖြစ်ပါသည်၊၊

မိမိနှင့်တစ်စုံတရာပတ်သက်ဆက်နွယ်မှုမရှိသည့် အရာဝတ္ထုနှင့်လူများအပေါ်တွင် ချစ်ခြင်း၊ မုန်းခြင်းနှင့် အမျက်ဒေါသဖြစ်ခဲလှပါသည်၊၊ ဥပေက္ခာ၏သဘောမှာ လူများနှင့်အရာဝတ္ထုများအပေါ်တွင် ချစ်ခြင်း၊
မုန်းခြင်းမပါရှိဘဲ ဆက်စပ်မှုမရှိအောင်နေလိုက်ခြင်းကို ခေါ်ပါသည်၊၊

♦ အချို့စာရေးသူများသည် ဥပေက္ခာဟူသည်ကို မုန်းလွန်း၍လျစ်လျူရှုလိုက်ခြင်းဟု
အဓိပ္ပါယ်ဖော်ပြတတ် ကြပါသည်၊၊ မမှန်ပါ၊၊
♦ ဥပေက္ခာ၏ မူလသဘောမှာ ချစ်ခြင်း၊ မုန်းခြင်းမရှိဘဲ ကင်းရှင်းအောင်နေလိုက် ခြင်းကို ခေါ်ပါသည်၊၊

မိမိအမျက်ဒေါသဖြစ်နေသူနှင့်တစ်စုံတရာပတ်သက်မှုမရှိတော့ဘဲ လုံးဝကင်းဝေးအောင်၊
ကင်းရှင်း အောင်ဖြတ်တောက်လျက်နေနိုင်လျင် ဖြစ်ခဲ့ပြီးသောအမျက်ဒေါသများအနည်ထိုင်ပြီး
ငြိမ်းအေးနိုင်ပါသည်၊၊

“မေ့ဖျောက်၍ အမျက်ဒေါသငြိမ်းအေးနည်း”
------------------------------------------
ဗုဒ္ဓအဘိဓမ္မာတွင် သံယောဇဉ်ဆယ်မျိုးရှိပါသည်၊၊ လူတို့သည် ချစ်ခြင်းကိုသာ သံယောဇဉ်ဟုထင်နေ
တတ်ကြသည်၊၊ အမှန်စင်စစ် အမုန်းသည်လည်း သံယောဇဉ်အမျိုးအစားထဲတွင် ပါဝင်ကြောင်းသိသူ
နည်းပါးလှပါသည်၊၊

♦ အမုန်းသံယောဇဉ်ကို ပါဠိဝေါဟာရအားဖြင့်
“ပဋိဃသံယောဇန”ဟု ခေါ်ပါသည်၊၊ လူတို့သည် ချစ်သူ ကိုမှ စွဲလန်းတမ်းတသည်မဟုတ်၊
မုန်းသူကိုပိုမို၍ပင် သတိရနေတတ်ပါသည်၊၊ မုန်းသူကို အကြိမ်ကြိမ် သတိရနေမိရာမှ
အမျက်ဒေါသပိုမိုဖြစ်ပေါ်လာပြီး
စိတ်မငြိမ်းချမ်းမှုများကို ဖြစ်ပေါ်စေတတ်ပါသည်၊၊

အမျက်ဒေါသဖြစ်သူနှင့် ဒေါသဖြစ်ပေါ်စေခဲ့သည့်အကြောင်းအရာဆိုးများကို မေ့ဖျောက်နိုင်ရန်
ကြိုးစားလျင် အမျက်ဒေါသများ ငြိမ်းအေးစေနိုင်ပါသည်၊၊ သံယောဇဉ်သဘောအရ မုန်းသူအကြောင်းကိုမှ ထပ်ခါထပ်ခါတွေးနေမိခြင်းသည်ပင် အမျက်ဒေါသကိုပိုမိုတိုးပွားအောင်
အားထုတ်မိခြင်းဖြစ်ပါသည်၊၊

ထို့ကြောင့် မိမိအမျက်ဒေါသဖြစ်မိသူနှင့်
အမျက်ဒေါသကိုဖြစ်ပေါ်စေခဲ့သည့် အကြောင်းဆိုးများကို မေ့ပျောက်ပြစ်ခြင်းဖြင့် အမျက်ဒေါသ ငြိမ်းအေးပြီး၊ စိတ်လက်ပေါ့ပါးသည့် နေ့စဉ်ဘ၀
သာယာမှုကိုရရှိ နိုင်ပါသည်၊၊

“သူ့ကံနှင့်သူရှိပါစေတော့ဟုနှလုံးသွင်း၍ အမျက်ဒေါသကို ငြိမ်းအေးနည်း”
---------------------------------------------------------------------
လူတို့သည် ကံအမျိုးမျိုးဖြင့်ဘ၀မျိုးစုံကို ရရှိလာကြပါသည်၊၊ အမျက်ဒေါသသည် မိမိကိုယ်တိုင်နှင့်အ ခြားသူကို ဖြက်ဆီးရန်သာဖြစ်သည့်အတွက် တစ်စုံတရာ
ကောင်းကျိုးကို မမျှော်လင့်နိုင်ချေ၊၊

လူတစ်ယောက်အပေါ်တွင် အမျက်ဒေါသပြင်းထန်လွန်းပြီး
လက်စားချေခြင်း၊ ပျက်စီးမှုကိုစနစ်တကျ စီမံ၍ကြံစည်၍ပြုခြင်း၊ ရန်းကားမှု ကိုပြုခြင်းများသည်
အပြုခံရသူနှင့်အတူ မိမိတွင်ပါအခြေပျက်ပြီး၊ နစ်နာမှုကိုအညီအမျှ ရရှိပါသည်၊၊

အမျက်ဒေါသကိုငြိမ်းအေးစေရန် “ပြုသူအသစ် ဖြစ်သူအဟောင်း၊
သူ့အကြောင်းနှင့်သူသာ ရှိပါစေတော့”ဟု နှလုံးသွင်းဆင်ခြင်၍ စိတ်နှလုံးကို ထိမ်းသိမ်းနိုင်လျှင် အမျက်ဒေါသဖြစ်မိသူအပေါ်တွင် အမျက်ပြေပြီး၊
ခွင့်လွှတ်နိုင်ကြောင်း လေ့လာရပါသည်၊၊

လူတို့သည် မိမိတို့ကံအလျောက် ဘ၀ပုံစံအမျိုးမျိုးကိုရရှိထားကြသည်ဖြစ်သောကြောင့်
“သူပြုသမျှ သူခံ၊ ကိုယ်ပြုသမျှ ကိုယ်ခံ”ဟု
သဘော ထားနိုင်လျှင် အမျက်ဒေါသကိုငြိမ်းအေးစေနိုင်ကြောင်း မှတ် သားရပါမည်၊၊

ဤတွင် ဒေါသကင်းဝေးနေနိုင်ရေးစာတမ်းပည့်စုံပါပြီ၊၊ ဘ၀သံသရာအဆက်ဆက် အပူမီးပွားစေမည့်
အမျက်ဒေါသမှတဆင့် အငြိုးအတေးဖြစ်စဉ်များကို
တားဆီးနိုင်စေရန် ပါဠိစာပေမှလေ့လာရှာဖွေလျက် ဒေါသပြေပျောက်ကြောင်းနည်းလမ်းများကို
စာဖတ်သူသို့ဆွေးနွေး တင်ပြအပ်ပါသည်၊၊

စာဖတ်သူများ လောင်စာရန်ငြိုး၊ မီးဆက်၍မပျိုးမိစေကြဘဲ၊
အမျက်မရှိသည့်နှလုံးသားများဖြင့် လောကနှင့်လူသားများအပေါ်တွင် အကောင်းမြင်စိတ်ဓာတ်ဖြင့်၊ အေးငြိမ်းချမ်းသာသည့်ဘ၀များကို ရရှိပိုင်ဆိုင်ကြပါစေကြောင်းဆန္ဒပြုလျက်
စာတမ်းကို အဆုံးသတ်အပ် ပါသည်၊၊ ၊၊

[မှတ်ချက်/အံ-၅၊ အာဃာတ၀ဂ်၊ အာဃာတပဋိဝိနယသုတ်ကိုကိုးကား၍
ဤစာတမ်းကိုရေးသားတင်ပြ အပ်ပါသည်၊၊]

မေတ္တာဖြင့် .....
[အရှင်ကေ၀လ(အလင်းစက်)
(မဟာဝိဇ္ဇာ-သီရိလင်္ကာ)]

Dhamma Danã Source ►
www.facebook.com/youngbuddhistassociation.mm

 

https://www.facebook.com/photo.php?fbid=742256439117704&set=a.322278357782183