မြန်မာ့ဆေးဖက်ဝင် နွားမြေရင်းပင် ခေါ် ၀က်မြက်ညိုပင်

           
မြန်မာ့ဆေးဖက်ဝင်အပင်များ
Item Name -------- Annie’s lace ( နွားမြေရင်းပင် ခေါ် ၀က်မြက်ညိုပင်)
Category ----------- Raw Material
Botany Term ------- Cyperus scariosus Br
Species Family ----- Cyperaceae

ရေကြိုက်ပင် ဖြစ်သည့် အလျောက် ရေစပ်၊ ကမ်းစပ် တို့တွင် ပေါက်ရောက်၏။သဘာဝ အလျောက် ပေါက်ရောက်သည်။

အပင်

ပင်ပျော့ ပင်ငယ် မျိုးဖြစ်၏။ အမြင့် ၃ ပေ ခန့် ရှိ၏။ ပင်စည် သုံးမြှောင့် ပုံရှိ၍ ခေါင်းပွ ဖြစ်ပြီး သေးငယ် ပြောင်ချော သည်။ တစ်ပင် တည်းကဲ့သို့ စုပြုံ၍ ပေါက်၏။

အရွက်

ပင်စည် ထိပ်ပိုင်း၌ အရွက်များ စုရုံး ပတ်ဝိုင်း၍ ထွက်သည်။ ရွက်ပြား သေးသွယ် ရှည်လျားသည်။ ရွက်ရင်း ၀ိုင်းပြီး ပင်စည်ကို ကုပ်ပတ်ထား၏။ ရွက်ဖျား ချွန်၏။ ရွက်လယ်ကြော ထင်ရှား၏။ ရွက်ပြား နှင့် ရွက်နား ရှိသည်။


အပွင့်

ထိပ်ထွက် ပန်းခိုင် ဖြစ်၏။ အပွင့် အလွန် သေးငယ်၍ ညိုခြောက် ရောင်ရှိ၏။

အသီး

အလွန် သေးငယ်သည်။ ရှည်မျော မျောပုံရှိ၏။

အမြစ်

အမြစ် သည် အပြင်ဘက် တွင် နက်၍ အတွင်းသား နီကြန်ကြန် ရှိ၏။

► အသုံးဝင်ပုံ

ဥမြစ်ခေါင်း။

အာနိသင်

မြန်မာဆေးကျမ်း များအလို အရ နွားမြေရင်း သည် စပ်ဖျဉ်းဖျဉ်း ရှိ၏။ ဖန်၏။ အေး၏။ သလိပ် ကို ကြေစေသည်။ သည်းခြေနာ၊ အဖျားရောဂါ၊ ၀မ်းရောဂါ တို့ကို ပျောက်ကင်း စေ၏။ နှုတ်မမြိန်ခြင်း၊ ရေငတ်ခြင်း၊ ပူလောင်ခြင်း၊ ပန်းနာ ရင်ကျပ် များ ကင်းဝေး စေနိုင်၏။ ချွေးထွက်စေ တတ်သော၊ ဆီးရွှင်စေ တတ်သော၊ ဓာတ်ချုပ်စေ တတ်သော အစွမ်း သတ္တိ များရှိ၏။

► ဥမြစ်ခေါင်းအသုံးပြုပုံ

၁။ နွားမြေရင်း ခေါင်းကို သလိပ်ပုပ် ရောဂါ၊ ဆီးပုပ် ရောဂါ တို့၌ သုံး၏။
၂။ နွားမြေရင်း ခေါင်းကို သွေး၍ လျှာကို ပွတ်ပေး ပါက လျှာရင်းတွင် ရှိသော အဖု အပိမ့် များပျောက် ၏။
၃။ နွားမြေရင်း ကို လျှာပွတ်ဆေး အဖြစ် လည်းကောင်း ၊ သူငယ်နာ ဆေး အဖြစ် လည်းကောင်း သုံး၏။
၎။ နွားမြေရင်း ခေါင်းကို သွေးလိမ်းက ကိုယ်လက် ရောင်ရမ်းခြင်း၊ ယားယံခြင်း နှင့် နူနာ ဖြစ်စရောဂါ ရေယုန်၊ ၀ဲစို ၀ဲခြောက် ရောဂါ တို့ ပျောက်၏။
၅။ နွားမြေရင်း ခေါင်းကို သွေး၍ ဆားအနည်း ငယ်ထည့်သောက် ပါက အဆိပ်ရောဂါ၊ အစားမှား ဆေးမှား ရောဂါ တို့ကို ပျောက်စေ၏။
၆။ မြွေနှင့် ဂျက်ကိုက်ခြင်း အတွက် နွားမြေရင်း ခေါင်းကို သွေး၍ တိုက်ခြင်း လိမ်းခြင်းဖြင့် ပျောက်ကင်း စေနိုင်၏။
၇။ နွားမြေရင်းခေါင်း ကို သွေးသောက် ခြင်းဖြင့် အစာအိမ် ရောဂါ၊ အစာအိမ် အချဉ်ပေါက် ရောဂါ များ ပျောက်၏။
၈။ နွားမြေရင်းခေါင်း ကို သွေးကာ သူငယ်စာ ငှက်ပျောသီး တွင် သုတ်လိမ်း၍ မီးကင်ပြီး ကလေးများ အား ကျွေးပါက သူငယ်နာ တက်ခြင်း၊ မျက်ဖြူလန်ခြင်း နှင့် မြွေကင်းကိုက်၍ အဆိပ်တက်ခြင်း များ ပျောက်၏။
၉။ နွားမြေရင်း ကို ပြုတ်သောက် ပါက ညောင်းကျ ရောဂါ ပျောက်၏။
၁၀။ ဥပသကာ နှင့် ပြုတ်သောက် ပါက ဆစ်ဖလစ် ရောဂါ ပျောက်၏။
၁၁။ နွားမြေရင်း ကို သွေးသောက် ပါက အော့အန် ခြင်း ပျောက်၏။ အမှုန့် ကို သောက်က ကင်းဆိပ် ကျဆင်း စေ၏။
၁၂။ အချွဲ အကျိ များကို ကျဆင်း၍ ၀မ်းကိုက်ခြင်း၊ သွေးစ သွေးနနှင့် ၀မ်းသွား ခြင်းတို့ အတွက် နွားနို့၊ ရေနှင့် နွားမြေရင်း တို့ကို ထည့်ကျို၍ နို့သက် သက် ကျန်သော အခါ မှ သောက်ပါက ရောဂါ ပျောက်၏။
http://myawadynews.blogspot.com/2013/12/blog-post_8281.html