ယဉ်ကျေးမှုတန်ဖိုးများကို ဂုဏ်ယူတတ်ပါစေ

မြန်မာနိုင်ငံသည် ဒေသတွင်းနိုင်ငံများ အကြားတွင်ရော ကမ္ဘာ့နိုင်ငံများ အလယ်တွင်ပါ ထူးခြား၊ ထင်ရှား၊ မြင့်မားသည့် ယဉ်ကျေးမှု တန်ဖိုးများ ရှိသည်။ ယဉ်ကျေးမှု အဆင့်အတန်းကို တိုင်းတာရာတွင် အဓိက အကျဆုံးနှင့် အခြေခံ အကျဆုံး အချက်မှာ ကိုယ်ပိုင် ဘာသာစကား၊ စာပေ ဖြစ်သည်။

မြန်မာနိုင်ငံ၏ ကိုယ်ပိုင် ဘာသာစကား၊ စာပေကို ခိုင်မာစွာ စတင်တွေ့ရှိ ခဲ့သည်မှာ ၁၂ ရာစု ပုဂံခေတ် မြစေတီ ကျောက်စာဟု ဆိုကြသည်။ ပျူ၊ မွန်၊ မြန်မာ၊ ပါဠိ လေး ဘာသာဖြင့် ရေးထိုးထားသော ထိုကျောက်စာမှ အစပြုကာ မြန်မာစာကို တရားဝင် အထောက်အထား ခိုင်မာစွာ စတင် အသုံးပြုခဲ့ သည်ဟု မှတ်ယူခဲ့ကြသည်။ နိုင်ငံ တစ်ခု၊ လူမျိုးစု တစ်ခု၊ လူ့အဖွဲ့အစည်း တစ်ခု၏ အဆင့်အတန်း သည် ကိုယ်ပိုင် ဘာသာစကား၊ စာပေအပြင် အရေအတွက်ကို ဖော်ပြသည့် ဂဏန်းအက္ခရာ ကိုယ်ပိုင် တီထွင် အသုံးပြုနိုင်ခြင်း အပေါ်တွင်လည်း မူတည် အကဲဖြတ်နိုင်သည်။

မြန်မာနိုင်ငံသည် ဒေသတွင်း နိုင်ငံများအကြား ထူးခြားသည်မှာ ကိုယ်ပိုင် ဘာသာစကား၊ စာပေ သာမက ကိုယ်ပိုင် ဂဏန်း အက္ခရာကိုပါ တီထွင် အသုံးပြုနိုင်ခြင်းဖြစ်သည်။ ခေတ်အဆက်ဆက် ကိုယ်ပိုင် ဘာသာစကား၊ စာပေဖြင့် ယဉ်ကျေးမှု အဆင့်အတန်းရှိရှိ ရပ်တည်လာခဲ့သော်လည်း ဗြိတိသျှတို့ အုပ်ချုပ်သည့် ကာလတွင်မူ အင်္ဂလိပ် ဘာသာစကား လက်ခံ သုံးစွဲခဲ့သည်။

မကြာသေးခင် ရက်ပိုင်းက မြန်မာနိုင်ငံတွင် နှစ်ပေါင်းများစွာ ကိုယ်ပိုင် ဂဏန်းအက္ခရာဖြင့် သုံးစွဲခဲ့သည့် မော်တော်ယာဉ် နံပါတ်များကို အင်္ဂလိပ် ဘာသာဖြင့် ပြောင်းလဲမည်ဟု ကုန်းလမ်းပို့ဆောင်ရေး ညွှန်ကြားမှု ဦးစီးဋ္ဌာန (က.ည.န) က ထုတ်ပြန် ကြေညာခဲ့သည်။

ဗြိတိသျှ အုပ်ချုပ်စဉ် ကာလကသာ အင်္ဂလိပ်စာ၊ အက္ခရာဖြင့် သုံးစွဲခဲ့သော် လည်း ပါလီမန် ဒီမိုကရေစီ ခေတ်တွင် မြန်မာ အက္ခရာသို့ ပြောင်းလဲ သုံးစွဲခဲ့သည်။ ထိုသို့ ပြောင်းလဲသုံးစွဲရန် အဓိက တိုက်ပွဲဝင်ခဲ့သူမှာ သီပေါမင်း၏ မြစ်တော် တော်ဘုရားလေး အောင်ဇေ ဖြစ်သည်။ တော် ဘုရားလေး အောင်ဇေသည် လွတ်လပ်သော မြန်မာနိုင်ငံတွင် ကိုယ်ပိုင် ဂဏန်း အက္ခရာရှိပါလျက် အင်္ဂလိပ် အက္ခရာ မသုံးသင့်ဟုဆိုကာ သူ့ကိုယ်ပိုင် မော်တော်ကား နံပါတ်ကို မြန်မာ အက္ခရာဖြင့် ပြောင်းလဲခဲ့သည်။ ထိုအခါ ထိုခေတ်က ယာဉ်ထိန်းရဲ တာဝန်ရှိသူများမှ တစ်ဆင့် ပုလိပ်မင်းကြီး အဆင့်အထိပါ ရှင်းပေးရသည့် ပြဿနာဖြစ်ခဲ့ပြီး နောက်ဆုံး တော် ဘုရားလေးကို မြန်မာဘာသာဖြင့် ပြောင်းလဲ သုံးစွဲခွင့် ပြုခဲ့သည့်အပြင် တစ်နိုင်ငံလုံးကိုလည်း ပြောင်းလဲစေခဲ့သည်။

ဒေသတွင်း နိုင်ငံများနှင့် ကမ္ဘာ့နိုင်ငံ အများစုမှာ ကိုယ်ပိုင် စကား၊ စာပေသာ ရှိသော်လည်း ကိုယ်ပိုင် အက္ခရာ ဂဏန်းမရှိကြပေ။ ထို့ကြောင့် (၁) ဆိုသည့် ဂဏန်းကို ၎င်းတို့ စာပေဖြင့် ‘တစ်’ ဟု စာလုံးပေါင်းပြီး ဖော်ပြကြရသည်။ သမိုင်းတွင် ယဉ်ကျေးမှု အဆင့်အတန်း အလွန်မြင့်မားခဲ့သော မြန်မာနိုင်ငံ အနေနှင့် အခြား ကိုယ်ပိုင် အက္ခရာမရှိ၍ အင်္ဂလိပ်လို သုံးစွဲရသော နိုင်ငံများ ကဲ့သို့ အရာရာ လိုက်ပြောင်းလဲစရာ မလိုပေ။ မြန်မာနိုင်ငံကဲ့သို့ ကိုယ်ပိုင် အက္ခရာ တီထွင်ထားသော နိုင်ငံများလည်း ၎င်းတို့ ကိုယ်ပိုင် ဂဏန်း အက္ခရာဖြင့် ဂုဏ်ယူစွာ သုံးစွဲနေကြသည်။

အတိတ်က နှစ်ပေါင်းများစွာ တံခါးပိတ်ထားခဲ့သော မြန်မာနိုင်ငံသည် ယနေ့ကာလတွင် တံခါး ကျယ်ကျယ် ဖွင့်ကာ ကမ္ဘာကြီးနှင့် တိုက်ရိုက် ချိတ်ဆက်ရန် ကြိုးစားနေသည်။ ထိုအခါ နိုင်ငံတကာ တွင် ကျင့်သုံးနေသော စနစ်များကို လိုအပ်လျှင် လိုအပ်သလို ပြောင်းလဲ ကျင့်သုံးဖို့လိုသည်။ ထို့အတူ မိမိနိုင်ငံ၏ မြင့်မားသော ယဉ်ကျေးမှု တန်ဖိုးများကိုလည်း ထိန်းသိမ်း၊ ကာကွယ်၊ စောင့်ရှောက်ဖို့ လိုသည်။ ကမ္ဘာပေါ်တွင် ရှာမှ ရှားသော ကိုယ်ပိုင် ဂဏန်း အက္ခရာ တီထွင် အသုံးပြုနိုင်ခဲ့ခြင်းကို လည်း လေးမြတ် ဂုဏ်ယူစွာ ထိန်းသိမ်း စောင့်ရှောက်ဖို့ လိုကြောင်း ပြော လိုရင်း ဖြစ်သည်။

အယ်ဒီတာ (၂-၇-၂၀၁၃)


(ဇူလိုင်လ ၃ရက်နေ့ထုတ် The Voice နေ့စဉ်သတင်းစာ မျက်နှာဖုံးနှင့် Editorial)
https://www.facebook.com/photo.php?fbid=579956315360480&set=a.579092198780225.1