Sunday, September 15, 2013
တစ်ခါက ရွာတစ်ရွာမှာ ပစ္စည်းဥစ္စာ ချမ်းသာတဲ့ မုဆိုးမ တစ်ယောက်ရှိ၏။ မုဆိုးမဟာ ဥစ္စာလည်းရှိ မာနလည်း ကြီးတာကြောင့် တစ်ရွာလုံးက သူမကို မျက်မုန်းကျိုးနေတာပေါ့။
တစ်နေ့ကျတော့ မုဆိုးမအိမ်မှာ မီးလောင်တော့ ရွာသားတွေကို အားကိုးတကြီးနဲ့ မီးကူငြိမ်းပေးဖို့ အော်နေတယ်။ မီးလောင်နေတဲ့ မုဆိုးမအိမ်ကို ရွာသားတွေက တစ်ယောက်မှ လာမကူငြိမ်းတဲ့အပြင် တချို့က "အကုန်လောင်ပါစေ။ ဒီလောက် မာနကြီးတဲ့ မုဆိုးမ တစ်ခါထဲ မွဲသွားပါစေ" ဆိုပြီး မေတ္တာပို့နေကြတယ်။
မကြာမီ ရွာသူကြီးရောက်လာပြီး ဒီလိုအော်ပြောလိုက်ပါတယ်။
"ဟေ့ ရွာသားတွေအားလုံး ကြီးငယ်ပါမကျန် ရေခပ်ပြီး မီးငြိမ်းကြ မီးသတ်ကြဟေ့"
"ရွာသူကြီး ဒီမုဆိုးမက မာနကြီးတယ် တစ်ရွာလုံးနဲ့လည်း မတည့်ဘူး ဒါကြောင့် မီးကို ကူမငြိမ်းနိုင်ဘူး"
"ဟ မင်းတို့ ဒီလို မပြောကြနဲ့ အခုလောင်နေတဲ့မီးက မုဆိုးမအိမ်ရဲ့ မိုးဖိုဆောင်ကို စလောင်တာတော့ ဟုတ်တယ်ကွ။ သူမရဲ့ အိမ်က
လေညာမှာရှိနေတော့ သူ့အိမ်ကြီးကို မီးစွဲလောင်သွားရင် မင်းတို့ငါတို့အိမ်တွေ တစ်ရွာလုံး ပြောင်သွားလိမ့်မယ် သိလား။ ဒါကြောင့် ရွာသားတွေ
တစ်ယောက်မှ မကျန် ဒီမီးကို ဝိုင်းဝန်းပြီး ငြိမ်းသတ်ကြ"
ဒီလိုနဲ့ ရွာသားတွေ ကလေးရော လူကြီးပါမကျန် တရွာလုံး မီးကို ဝိုင်းငြိမ်းလိုက်တော့ မီးငြိမ်းသွားတယ်။ မုဆိုးမရဲ့ မီးဖိုဆောင်တစ်ဝက်လောက်သာ မီးလောင်သွားတယ်။
မီးလောင်ပြီးတဲ့နောက် မုဆိုးမလည်း သူမရဲ့ အိမ်ကြီး မီးဘေးက လွတ်ခဲ့တာကို လွန်စွာဝမ်းသာသွားတယ်။ ရွာသားတွေကိုလည်း အထူးကျေးဇူးတင်မိတော့တယ်။ သူမမျက်ရည်ကျပြီးတော့ အခု မီးမလောင်ဘဲ ကျန်တဲ့ပစ္စည်းတွေဟာ ရွာသားတွေကြောင့်
ကျန်နေခြင်းသာဖြစ်ကြောင်း သူမ သဘောပေါက်သွားတယ်။ မီးလောင်ပြီးတဲ့နောက် မုဆိုးမဟာ အရင်တုံးကလို မာနမကြီးတော့ဘူး။ ရွာရဲ့ ကိစ္စအဝဝကို လိုလေသေးမရှိအောင် ကူညီလေတော့တယ်။
တကယ်တော့ ရွာသားတွေ ငြိမ်းလိုက်တဲ့ မီးဟာ အပြင်မီးလို့ဆိုပေမယ့် မုဆိုးမကြီးရဲ့ အတွင်းမီးဖြစ်တဲ့ မာနတရားကိုလည်း ငြိမ်းသတ်နိုင်ခဲ့ခြင်းပါ။
တောင်တန်းသာသနာပြု ဆရာတော် စဝ်ဆုခမ်း (တန့်ယန်း)
World Of Wisdom
http://
No comments:
Post a Comment