အမေရိကန်ရောက် သိုင်းပေါင်းစုံနပန်းသမား အောင်လအန်ဆန်နှင့်တွေ့ဆုံခြင်း

အမေရိကန်ရောက် ကချင်တိုင်းရင်းသား သိုင်းပေါင်းစုံနပန်းသမား Burmese Python အောင်လအန်ဆန်နှင့်တွေ့ဆုံခြင်း


တွေ့ဆုံမေးမြန်းသူ- ခင်မေဇော်(၀ါရှင်တန်ဒီစီ)

“ပါရမီက မကြိုးစားချင်ဘူးဆိုရင် ကြိုးစားမှုက ပါရမီကိုအနိုင်ရတယ်”

ထိုစကားရပ်ကို အောင်လအန်ဆန်က မေးမြန်းခန်းတွင် အထူးပြုပြောဆိုခဲ့သလို သူ၏ကိုယ်ပိုင်အင်တာနက်စာမျက်နှာပေါ်တွင် ဖော်ပြထားသည်။ ကိုအောင်လအန်ဆန်သည် အမေရိကန်နိုင်ငံတွင်ထင်ရှားသော Mix Martial Art ခေါ် သိုင်းပေါင်းစုံနပန်းပွဲတွင် နိုင်ပွဲများဆက်လာနေပြီး အောင်မြင်ကျော်ကြားလာသူတစ်ဦးဖြစ်သည်။

လွန်ခဲ့သော ၁၀ နှစ်က အမေရိကန်နိုင်ငံသို့ အဆင့်မြင့်ပညာသင်ယူရန် ရောက်လာပြီးသည့်နောက် မီရှီကန်ပြည်နယ်တွင် စိုက်ပျိုးမွေးမြူရေးပညာကို သင်ယူခဲ့သည်။ ၂၀၀၇ ခုနှစ်တွင် သိပ္ပံဘွဲ့ရရှိခဲ့သည့် ကိုအောင်လအန်ဆန်က ထိုပညာဖြင့် တစ်နှစ်ခွဲခန့် အလုပ်လုပ်ကိုင်ခဲ့ပြီးသည့်နောက် နပန်းအားကစားနယ်တွင်း ခြေစုံပစ်ဝင်ရောက်လိုက်သည်။

မေရီလန်းပြည်နယ် အယ်လရစ်မြို့တွင် ဖွင့်လှစ်ထားသည့် Crazy 88 ကိုယ်ခံပညာသင်တန်းကျောင်းတွင် သင်တန်းဆရာနှင့် အဖွဲ့ဝင်ဖြစ်သူ ကိုအောင်လအန်ဆန်ကို တွေ့ဆုံမေးမြန်းခဲ့သည်။ အရပ် ၆ ပေတစ်လက်မ၊ ပေါင်ချိန် ၁၇၀ နှင့် အသက် (၂၈)နှစ်အရွယ် ကချင်တိုင်းရင်းသား ကိုအောင်လအန်ဆန်က တစ်နေ့တာ သင်ကြားလေ့ကျင့်ပေးနေသော သင်တန်းတစ်ခုအပြီး မေးခွန်းများကို ဖြေကြားပေးခဲ့သည်။ Crazy 88 အဖွဲ့တွင် အဖွဲ့ဝင် ၅၀၀ ကျော်ရှိသည်။

ဖြေ- “ကျွန်တော် ဒီသိုင်းပေါင်းစုံ လက်ဝှေ့စလုပ်တော့ အမေက သဘောမကျဘူး။ လုံးဝအားမပေးဘူး။ ကောလိပ်တက်ထားတာ။ ဒီဂရီရထားတာဆိုတော့ ဘာလုပ်တာလဲပေါ့။ စာသင်ထားတာဆိုတော့လေ။ အဲဒါနဲ့လုပ်စေချင်တာပေါ့။ နောက်ပြီး ဒီအားကစားက ၀င်ငွေသိပ်မရဘူးလေ။ ပထမ ၁၀ ပွဲလောက်က ကျွန်တော်ဘာမှမရဘူး။ ဒါပေမဲ့ ကျွန်တော်က သိပ်ဝါသနာပါတယ်။ ပိုက်ဆံလိုချင်လို့ ကျွန်တော်ကစားတာ မဟုတ်ဘူးလေ။ အခုတော့ ကျွန်တော်သိပ်ကြိုက်တာကို အမေလည်း နားလည်လာတော့ နည်းနည်းလက်ခံလာတယ်”

မေး- ကိုအောင်လအန်ဆန် ပေးနေတဲ့ သင်တန်းတွေအကြောင်း ပြောပြပေးပါဦး။

ဖြေ- ကျွန်တော် သင်တန်းလေးတန်းကို သင်ပေးတယ်။ ကလေးတန်းဆိုရင် အသက်အရွယ်တွေက သုံးနှစ်ကစတယ်။ နောက်လူငယ်၊ လူကြီးတွေအထိပဲ။ ပထမအချက်ကတော့ ကျန်းမာရေးပေါ့နော်။ ကြံ့ခိုင်တယ်ဆိုရင် လူကဘာပဲလုပ်လုပ် နေလို့လည်းကောင်းတယ်။ အဲဒါကအရေးကြီးတယ်လေ။ နောက်တစ်ခုကတော့ ကျွန်တော့်ဝါသနာပေါ့နော်။ ကျွန်တော်က
ဒီအတွက် အသက်ရှင်နေတယ်လို့တောင် ပြောလို့ရတယ်။

မေး- သိုင်းပေါင်းစုံနပန်းကို ဘယ်လိုစဖြစ်ခဲ့တာပါလဲ။

ဖြေ- ကျွန်တော် တစ်နေ့ ဂျင်မှာ လေ့ကျင့်ခန်းသွားလုပ်ရင်းနဲ့ လက်ဝှေ့ထိုးတဲ့သူတစ်ယောက်နဲ့တွေ့တယ်။ သူနဲ့ ဂျူဂျစ်ဆူ (jiu jitsu) သွားစမ်းကျင့်ကြည့်ရင်းနဲ့ အရမ်းကြိုက်သွားခဲ့တာပါ။ အဲဒီက စခဲ့ပါတယ်။ ပြီးတော့ အခု Mix Maritial Art သိုင်းပေါင်းစုံပေါ့။ အဲဒါကို လေ့ကျင့်ပါတယ်။ မြန်မာ့လက်ဝှေ့လိုမျိုး မွေထိုင်းပါတယ်။ နောက် နပန်း၊ ဂျူဂျစ်ဆူချုပ်တာတွေရောပေါ့နော်။

မေး- အပျော်တမ်းကနေ အခုလို ပရိုကျွမ်းကျင်သူဖြစ်လာအောင် ဘယ်လောက်ကြာကြာကျင့်ခဲ့ရလဲ။

ဖြေ- အခု ရှစ်နှစ်လောက်ရှိပါပြီ။ အရင်က ပရိုမှာဝင်ထိုးခဲ့ပေမယ့် ကိုယ့်ကိုယ်ကိုယ် ပရိုလို့တကယ်ခေါ်နိုင်တာက လေးငါးနှစ်လောက်ပဲ ရှိပါသေးတယ်။ မေရီလန်းပြည်နယ်ကို ပြောင်းလာပြီးတော့မှ ပရိုလို့ခေါ်တဲ့ ကြေးစားနပန်းသမားအဖြစ် Crazy 88 အဖွဲ့က ဆရာဂျူးလိယက်စ်ပတ်က ကျွန်တော့်ကို လေ့ကျင့်ပေးခဲ့တာပါ။ အဲဒီဆရာကြောင့် ကျွန်တော်ဒီလိုဖြစ်လာတာပါ။

မေး- အခု ကိုအောင်လအန်ဆန်သုံးနေတဲ့ တိုက်ကွက်တွေမှာ ကချင်သိုင်းကွက်တွေပါသလား။

ဖြေ-ပါတာပေါ့။ ကျွန်တော်က ကချင်ပဲ(ရယ်မောလျက်)။ ကျွန်တော်တို့ဆီမှာက ကလေးတွေကစားရင် ထိုးတာ၊ ကန်တာတွေပါတယ်မဟုတ်လား။ မြန်မာသိုင်းလက်ဝှေ့လည်း ကျွန်တော်ကြည့်တယ်။ ၀ါသနာပါတယ်လေ။ ဟိုမှာလေ့ကျင့်တာတွေတော့ မရှိခဲ့ပါဘူး။ ဒါပေမဲ့ ကချင်သိုင်း၊ မြန်မာသိုင်းတွေရဲ့ လွှမ်းမိုးမှုတစ်စိတ်တစ်ပိုင်းကတော့ ပါပါတယ်။

မေး-နပန်းစကျင့်တော့ ဘာအခက်အခဲတွေတွေ့ရလဲ။

ဖြေ- စစချင်းတုန်းက နဘမ်းကို ကျွန်တော်ကသိပ်မကျွမ်းဘူး။ ထိုးတာ၊ ကန်တာက ကျွန်တော့်အတွက် ပိုလွယ်တယ်။ နပန်းတွေ၊ ချုပ်တာတွေက ကျွန်တော့်အတွက် အရမ်းခက်တယ်။ ဒါပေမဲ့ အဲဒါကိုအဓိကထားပြီးတော့ ကျွန်တော်ကြိုးစားတယ်။ နောက်ကျတော့ အခက်အခဲသိပ်မရှိတော့ပါဘူး။

မေး- ပထမဆုံးစထိုးခဲ့တဲ့ပွဲက အတွေ့အကြုံပြောပါဦး။

ဖြေ-၂၀၀၅ ခုနှစ်မှာ ပထမဆုံးထိုးတဲ့ နပန်းပွဲ။ အဲဒီမှာ ကျွန်တော်ရှုံးတယ်။ ကျွန်တော်နဲ့ထိုးတဲ့ကောင်က ပေါင် ၂၂၀။ ကျွန်တော်က အဲဒီတုန်းက ၁၈၅။ ကျွန်တော် ဘာမှလည်းကောင်းကောင်းမသိဘူး။ ဒီတိုင်းဝင်ထိုးတာပဲ။ ကျွန်တော့်ကိုနပန်းလုံးပြီး အရမ်းထိုးတာပေါ့နော်။ ကျွန်တော်ရှုံးပေမယ့် ကျွန်တော် အဲဒီကတည်းက နပန်းကို အရမ်းကြိုက်သွားတယ်။ နောက်ဒုတိယတစ်ပွဲမှာ သွားဝင်တဲ့အချိန်မှာကျတော့ ဒီမှာ ကျွန်တော် ဘာလုပ်နေသလဲလို့တောင် ကိုယ့်ဘာသာမေးမိတယ်။ နောက်စထိုးတော့ ကျွန်တော်က ဒူးနဲ့စကျွေးလိုက်တယ်။ သူကနောက်ဆုတ်သွားပြီး ပြန်တက်လာတော့ တစ်ခါလက်သီးနဲ့ ထိုးလိုက်တော့ သူလဲသွားတယ်။ ဘယ်လိုပြောမလဲ။ ကံကောင်းတာလား၊ ဘာလားတော့မသိဘူး။ ပူထူပြီး ထိုးတည့်လိုက်တာ ဟိုဘက်ကလဲသွားတယ်။ အဲဒီတော့ ကျွန်တော်နိုင်သွားတယ်။ အဲဒီတုန်းက ၀ါသနာပါလို့ထိုးတာဆိုတော့ အပျော်သဘောပဲဖြစ်နေတယ်။ အခု ဒီမေရီလန်းကိုရောက်ပြီးမှ ကျွန်တော် တကယ်ပရိုဖြစ်လာတာပါ။ ကျွန်တော် စားရင်၊ သောက်ရင်၊ အိပ်ရင် အဲဒီအတွက်ပဲ စိတ်ထဲမှာ ဒါပဲရှိတယ်။

မေး- သင်တန်းသားတွေကို ကိုယ်ဖြတ်သန်းခဲ့ရတဲ့ အတွေ့အကြုံတွေကို ပြောပြသလား။

ဖြေ- ပြောပြတယ်။ တီဗီတွေမှာကြည့်ရင် လွယ်သလိုထင်ရတယ်လို့။ ပျော်စရာပေါ့နော်။ ဒါပေမဲ့ ဒီလိုဖြစ်လာဖို့ လမ်းကအရမ်းကြမ်းတယ်ဆိုတာ သူတို့ကို ကျွန်တော် ပြောပြတယ်။ ကျွန်တော်ကစားတာ ပွဲအများကြီးရှုံးဖူးတယ်။ ရှုံးတိုင်း ကျွန်တော်ပိုကောင်းလာအောင် ကိုယ့်ကိုယ်ကိုယ်ပြင်ရတယ်။ ရှုံးတဲ့အခါမှာ ကျွန်တော်နည်းပညာပိုင်းမှာ ဘာမှားနေသလဲ။ ကျွန်တော်ပြန်ရှာရတယ်။ ကျွန်တော်မှားခဲ့တဲ့အမှားတွေကို သူတို့မမှားရအောင် သင်ပေးတယ်။ တချို့သင်တန်းသားတွေက ဘယ်လောက်ကြိုးစားရတယ်ဆိုတာကို နားမလည်တာလည်းရှိတယ်။ နောက်ပြီး ကြိုးစားလို့ အားကစားမှာအောင်မြင်လာရင် သူတို့က ကျောင်းမှာ၊ အလုပ်မှာ ဘယ်နေရာမှာမဆို အောင်မြင်နိုင်တယ်ဆိုတဲ့ စိတ်ဓာတ်တွေ ဖြစ်လာကြတယ်လေ။ စိတ်ဓာတ်တက်လာတာပေါ့။

မေး- ဘားမီးစ်ပိုင်သုန်း(Burmese Python) ဗမာစပါးကြီးမြွေဆိုတဲ့နာမည်ကို ဘယ်လိုရလာသလဲ။

ဖြေ- ပွဲစီစဉ်တဲ့သူပေါ့နော်။ နပန်းထိုးမယ်ဆိုတော့ သူက nickname နာမည် ဘာလဲတဲ့။ ကျွန်တော်ကမရှိဘူးလို့။ အမည်ရင်း အောင်လအန်ဆန်ပေါ့နော်။ ကျွန်တော့်နာမည်ကိုလည်း သူတို့က ကောင်းကောင်းမခေါ်တတ်ဘူး။ ဘယ်ကလဲတဲ့။ ဗမာပြည်ကလာတယ်ဆိုတော့ ဒါဆို ဘားမီးစ်ပိုင်သုန်းပေါ့တဲ့။ သူက ကျွန်တော့်ကို ကွင်းထဲခေါ်တော့ အောင်လအန်ဆန်ဘားမီးစ်ပိုင်သုန်းလို့ ခေါ်လိုက်တာ။ အဲဒီကနေဖြစ်သွားတာပါ။

မေး- ကိုအောင်လအန်ဆန်ရဲ့ တစ်နေ့တာအချိန်ဇယားက ဘယ်လိုရှိသလဲ။

ဖြေ- တစ်နေ့ကို ကျွန်တော် ငါး၊ ခြောက်နာရီလောက် လေ့ကျင့်တယ်။ မနက်ဆိုရင် ရှစ်နာရီကနေစပြီး အလေးမတယ်။ သွေးလည်ပတ်မှုအတွက် လေ့ကျင့်တယ်။ ၁၀ နာရီမှာ ၀ါရှင်တန်ဒီစီမှာ နပန်းကို တစ်နာရီခွဲလောက် သွားကျင့်တယ်။ ပြီးလက်ဝှေ့က နောက်တစ်နာရီကျင့်။ ပြီးတော့ မေရီလန်းဘက်ကပြန်လာ။ ညဘက်ကျတော့ ၈ နာရီကနေ ၁၀ နာရီလောက်အထိ ဂျူဂျစ်ဆူကျင့်တယ်။ အဲဒီအချိန်တွေကြားမှာ သင်တန်းပေးတာတွေရှိတယ်။

မေး- အခက်အခဲတွေကို ကျော်ဖြတ်ခဲ့ရတဲ့အချိန်မှာ စိတ်ဓာတ်ကြံ့ခိုင်အောင် ဘယ်လိုလေ့ကျင့်ယူသလဲ။

ဖြေ- ဒီကျောင်းရဲ့ဒဿနရှိပါတယ်။ အဲဒါက ပါရမီက မကြိုးစားချင်ဘူးဆိုရင် ကြိုးစားမှုက ပါရမီကို အမြဲအနိုင်ရတယ်ဆိုတာပါ။ အဲဒီဒဿနကြောင့် ကျွန်တော်က ဘယ်လိုအခက်အခဲနဲ့တွေ့တွေ့ ဆက်ပြီးကြိုးစားတယ်။ ဘယ်သူပဲဖြစ်ဖြစ် ကြိုးစားရင်ရတယ်။

မေး- အာရှသားဖြစ်လို့ဆိုပြီး နပန်းလောကမှာ ခွဲခြားဆက်ဆံခံရတာတွေရှိခဲ့သလား။

ဖြေ- ဒီမှာက ခွဲခြားဆက်ဆံခံရတာမျိုး လုံးဝမရှိပါဘူး။ ဒါပေမဲ့တစ်ခုတော့ရှိတယ်။ ဒီအားကစားမှာ အာဖရိကအနွယ် လူမည်းတွေများတယ်။ လူဖြူကတစ်ယောက်စ၊ နှစ်ယောက်စပါတယ်။ သိုင်းပေါင်းစုံကစားတဲ့ ကျွန်တော်တို့အသင်းထဲမှာ အာရှဆိုလို့ ကျွန်တော်တစ်ယောက်တည်းပဲ။ ကျွန်တော်ကတော့ မြန်မာပြည်ကလူတွေ ဂုဏ်ယူနိုင်အောင် ကစားချင်တယ်။ ဘယ်သူမဆို ကြိုးစားရင်ရတယ်ဆိုတာကို မြင်စေချင်တယ်။

မေး- လာမယ့်လ အောက်တိုဘာ ၂၆ ရက်မှာ နောက်ပြိုင်ပွဲတစ်ခုရှိတယ်ဆိုတော့ နိုင်မယ်လို့ထင်သလား။

ဖြေ- အသေအချာနိုင်ရမှာပေါ့။ သူက ဂျူဂျစ်ဆူခါးပတ်ညိုရထားတဲ့ နပန်းကစားသမား။ ဆိုတော့ ကျွန်တော်က သူ့ကို မတ်တတ်ရပ်ပြီးထိုးမယ်။ သူ့ကိုသိပ်ကန်လို့မရဘူး။ ကန်ရင် သူက နဘမ်းနဲ့ချုပ်ပြီး ချမှာဆိုတော့လေ။ ကျွန်တော့်အသင်းနဲ့ အခု ကျွန်တော် ထိုးမယ့်ဗျူဟာတွေ ချနေပါတယ်။ လက်ဝှေ့နဲ့ဒူးကို ပိုသုံးမယ်။

မေး- ကချင်ပြည်နယ်မှာဖြစ်နေတဲ့ တိုက်ပွဲတွေ၊ ဒုက္ခသည်တွေနဲ့ပတ်သက်ပြီး ဘာပြောချင်သလဲ။

ဖြေ- မြန်မာပြည်မှာက နိုင်ငံရေးကရှုပ်တယ်လေ။ အပြင်ကကြည့်ရင် ပြောင်းလဲတယ်ဆိုပေမယ့် သိပ်ပြောင်းတာမတွေ့ရဘူး။ တကယ် ထူးခြားမှုရှိအောင်လည်း ကျွန်တော်က လောလောဆယ်မှာ ဘာမှလုပ်မပေးနိုင်တော့ စိတ်မကောင်းဘူး။ ကူရာမဲ့သလို ခံစားရတယ်။ ဘယ်လောက်ပဲ လုပ်ပေးချင်ပေမယ့် လုပ်ပေးလို့မရတော့လေ။

မေး- မြန်မာနိုင်ငံကိုပြန်ပြီး တစ်ခုခုလုပ်ချင်တာရှိပါသလား။

ဖြေ- ရှိပါတယ်။ မြန်မာပြည်မှာ အခုလောလောဆယ်တော့ မဟုတ်သေးပေမယ့် ကျွန်တော့်လုပ်ပေးချင်တာ ဘာရှိလဲဆိုတော့ ဒီအားကစားကို မြန်မာပြည်ကိုယူလာခဲ့လို့ရတယ်။ မြန်မာပြည်မှာ သင်ပေးနိုင်တယ်။ ကျွန်တော် အောင်မြင်မှုကရတဲ့ ပိုက်ဆံနဲ့ လူအများစုကို ကူညီလို့ရမယ်။ အဖြစ်လောက်လုပ်မပေးချင်ဘူး။ ကမ္ဘာ့အဆင့်ရောက်အောင် သင်ပေးချင်တယ်။ အချိန်အတိအကျတော့ မပြောနိုင်သေးပေမယ့် ကျောင်းသွားဖွင့်ပြီး သင်ပေးချင်တယ်။

မေး- မြန်မာလူငယ်တွေကို ဘာပြောချင်ပါသလဲ။

ဖြေ- မြန်မာပြည်မှာ ခက်ခဲပါတယ်။ ဒါပေမဲ့ အောင်မြင်ချင်ရင် လမ်းရှိပါတယ်။ တစ်ခါတလေ အဲဒီလမ်းကို ကိုယ့်ဘာသာ မတွေ့တတ်ဘူးလေ။ ကိုယ်မရှာနိုင်ရင် လမ်းတွေ့ထားတဲ့သူကိုရှာပါ။ မေးပါ။ ၀ါသနာပါတာ၊ စိတ်ဝင်စားတာကိုပဲ လုပ်သင့်တယ်။ အရေးကြီးတာက ကိုယ့်ဝါသနာက သူတစ်ပါးကို အကျိုးဖြစ်စေသလား၊ အကျိုးယုတ်စေသလားဆိုတာကို စဉ်းစားပြီးမှ လုပ်စေချင်တယ်။ အနာဂတ်ဆိုတာ ကိုယ့်လက်ထဲမှာပဲရှိတယ်။ အနာဂတ်မရှိဘူးဆိုတာ မဖြစ်နိုင်ဘူး။ ကိုယ်က အရမ်းကြိုးစားရုန်းကန်ရင် ဘယ်သူမဆို ဖြစ်နိုင်ပါတယ်။ ပျော်တာပဲလုပ်မယ်ဆိုရင် မကြိုးစားဘူးဆိုရင်တော့ အနာဂတ်ရှိမှာမဟုတ်ပါဘူး။ ကိုယ်ကြိုးစားတဲ့ခွင်ထဲမှာ အတော်ဆုံးလူတွေကိုကြည့်၊ သူတို့ဘာလုပ်ခဲ့လဲဆိုတာကို ကြည့်ပြီးတော့ အတုယူပါ။ လိုက်လုပ်ပါ။ အောင်မြင်လာတဲ့သူ ဘယ်သူမဆို အလကားမအောင်မြင်ဘူးလေ။ သူတို့ အရမ်းကြိုးစားပြီးမှ အောင်မြင်လာတယ်။ ကြိုးစားတာက အချိန်လည်းကြာတယ်။ အခက်အခဲလည်းများတယ်။ အပျော်ရှာတာက လွယ်တယ်လေ။ လူ့သဘာဝကတော့ လွယ်တာ၊ ပျော်တာကိုပဲ လုပ်ချင်ကြပါတယ်။ ဒါပေမဲ့ ဘယ်သူမဆို အရမ်းကြိုးစားရင် အောင်မြင်နိုင်တယ်ဆိုတဲ့ မက်ဆေ့ခ်ျကို ကျွန်တော်ပေးချင်ပါတယ်။

မေး- လူငယ်တွေ အရက်သေစာ သောက်စားတာနဲ့ပတ်သက်ပြီး ကိုအောင်လအန်ဆန် ဘာပြောချင်သလဲ။

ဖြေ- ကျွန်တော်တို့ အားကစားလောကမှာ ပြောကြတာရှိပါတယ်။ သူများက အရက်တိုက်ရင် တစ်ခွက်ကိုသောက်ပါ။ နောက်ဒုတိယတစ်ခွက်ကို ကိုင်ထားပါ။ နောက်တစ်ခွက်ကိုတော့ မသောက်ပါနဲ့တဲ့။ ဘာမဆို ချင့်ချင့်ချိန်ချိန်လုပ်ဖို့ လိုပါတယ်။

မေး- ဘ၀လက်တွဲဖော်နဲ့ပတ်သက်ပြီးတော့ ဘာပြောပြနိုင်သလဲ။

ဖြေ- ကျွန်တော်မှာ ချစ်သူရှိပါတယ်။ သူ့နာမည်က Katie တဲ့။ နောက်နှစ်မှာ လက်ထက်မှာပါ။ သူက ဂျူဂျစ်ဆူကစားတယ်။ ဒီအသင်းမှာပဲ တွေ့ကြတာလေ။ ၀ါသနာတူပေါ့။ မိဘတွေလည်း သိပါတယ်။ သဘောတူပါတယ်။ လက်ထပ်ပြီးရင် သူ့ကို မြန်မာပြည်ခေါ်သွားမှာပါ။ သူက မြန်မာအစားအစာတွေလည်း သိပ်ကြိုက်ပါတယ်။ မုန့်ဟင်းခါးဆို အရမ်းကြိုက်တယ်။ လက်ဖက်သုတ်ကတော့ အကြိုက်ဆုံးပဲ။

မေး- သိုင်းပေါင်းစုံပြိုင်ပွဲတွေကို ဘယ်အဆင့်ထိလုပ်သွားဖို့ ရည်ရွယ်ထားပါသလဲ။

ဖြေ- ကျွန်တော့်ရဲ့ရည်ရွယ်ချက်က ကမ္ဘာ့ချန်ပီယံဖြစ်တဲ့အထိ လုပ်ချင်ပါတယ်။ ၂ နှစ်လောက်အတွင်း ဖြစ်အောင်ကြိုးစားမယ်။ အဲဒီလိုရည်မှန်းချက်ထားရင် ပိုကောင်းတယ်လေ။ ဒါပေမဲ့ ဒီအချိန်အကန့်အသတ်အတွင်းမဖြစ်လည်း ကျွန်တော်ကတော့ ဆက်လုပ်သွားမှာပါပဲ။

7Day News Journal