အချိန်အတိုင်းအတာတွေအတွင်းမှာ ကမ္ဘာကြီးရဲ့ အလေးချိန်ဟာ တိုးလာနိုင်သလို လျော့သွားနိုင်တယ်လို့ မိုက်ခရိုဇီဝဗေဒပညာရှင် Dr.Chris Smith ဆိုသူက လူတွေနားလည်စေဖို့ သက်သေထုတ် တင်ပြခဲ့ပါတယ်။
ဒေါက်တာ စမစ်သ် ရဲ့ တွက်ထုတ်ပြချက်မှုကို လူတိုင်း အလွယ်တကူနားလည်နိုင်စေဖို့ ဆောင်ရွက်ရာမှာ ကင်းဘရစ်တက္ကသိုလ်က အခြားသိပ္ပံပညာရှင်တွေလည်း ပါဝင်ကူညီ ဆောင်ရွက်ပေးခဲ့ပါတယ်။
ကမ္ဘာကြီး အလေးချိန်တိုးလာမူတွက်ချက်ခြင်း
စင်္ကြာဝဠာထဲမှာ အမှုန်တွေ အဆိုင်အခဲတွေဟာ သူ့အရှိန်နဲ့ သူ သွားလာနေကြပါတယ်။ အဲဒီ အမှုန်တွေဟာလည်း ဂြိုဟ်တွေ စဖြစ်တည်ကတည်းက ဂြိုဟ်ဆိုတဲ့အခြေအနေကို မရောက်ရှိခဲ့ဘဲ အမှုန်၊ အဆိုင်၊ အခဲအဖြစ် ပဲ့ကျန်ခဲ့တဲ့ အပိုင်းအစများအဖြစ် ရှိခဲ့ပါတယ်။
ကမ္ဘာ့ဆွဲအားကြောင့် တစ်နှစ်ကို တန်ပေါင်း ၄၀၀၀၀ လောက်ရှိသော အမှုန်တွေဟာ ကမ္ဘာပေါ်ကို ကျနေ တယ်လို့ ဆိုပါတယ်။ ကမ္ဘာဆွဲအားအရှိန်ကြောင့် ဒီအပိုင်းအစများကို ဖုန်စုတ်စက်သဖွယ် ဖမ်းယူထားလိုက်သလိုဖြစ်ကာ ကမ္ဘာပေါ်ကိုရောက်ရှိလာကြတာပါပဲလို့ Dr. Smith က ဆိုပါတယ်။ အခုလို ကျရောက်လာသော အဆိုင်အခဲများကြောင့်ကမ္ဘာကြီးရဲ့ အလေးချိန်ဟာ ပုံမှန်တိုးနေပါတယ်။
နောက်တစ်ချက် ကမ္ဘာကြီးအလေးချိန် တိုးလာရတဲ့ အကြောင်းအရင်းတစ်ချက်ကတော့ ကမ္ဘာကြီးပူနွေးလာမှု ကြောင့် လို့လည်းဆိုနိုင်ပါတယ်။ နာဆာအဖွဲ့ရဲ့ တွက်ချက်မှုအရ ကမ္ဘာကြီးရဲ့ အလေးချိန်ဟာ တစ်နှစ်ကို တန် ၁၆၀ ပုံမှန်တိုးနေပါတယ်။ ကမ္ဘာကြီးရဲ့အပူရှိန်ကလည်း တစ်နှစ်ထက် တစ်နှစ် တိုးလာနေပါတယ်။
ကမ္ဘာကြီးမှာ အပူချိန်တိုးတာနဲ့ အလေးချိန်တိုးတာ ဘယ်လိုဆက်စပ်နေတာလည်းဆိုရင် စွမ်းအင်တိုင်းမှာ သူ့ဟာနဲ့သူ အလေးချိန်တွေ ရှိနေကြလို့ပါပဲ။ အဲဒီအလေးချိန်က ထပ်တိုးပြီးကမ္ဘာရဲ့ အလေးချိန်ကို ပုံမှန် ထပ်တိုးစေပါတယ်။
နောက်တစ်ချက် သူတို့ တွေးထင်ကြည့်တာကတော့ လူဦးရေနဲ့ တိုက် အိမ်အဆောက်အဦတွေကြောင့်ကော ကမ္ဘာ့အလေးချိန် တိုးနိုင်ပါသေးလာဆိုတာကိုစဉ်းစားကြပြန်တော့ လူဦးရေတိုးလာမူနဲ့ တိုက် အိမ်အဆောက်အဦးတွေကြောင့်ကမ္ဘာကြီး လေးတာမဟုတ်နိုင်ပါဘူး။ တိုက်အိမ် အဆောက်အဦးဆိုတာလည်း ကမ္ဘာပေါ်က အရာဝတ္ထုတွေနဲ့ ဆောက်လုပ်ထားတဲ့အတွက် မဖြစ်နိုင်ဘူးဆိုတဲ့အဖြေက်ိုရရှိခဲ့ပါတယ်။
ကမ္ဘာကြီးအလေးချိန် ကျဆင်းမှု တွက်ချက်ခြင်း
ကမ္ဘာကြီးအလေးချိန်တိုးတက်လာမှုကို တွက်ချက်ပြီးနောက် တစ်ဖက်မှာလည်း အလေးချိန် ကျဆင်းမူကို တွက်ချက်ကြည့် ပြန်ပါတယ်။
ဒေါက်တာ စမစ်သ်ရဲ့ တွက်ချက်မှုအရတော့ ပင်လယ်ရေ၊ မြေထုနဲ့ လေထုတွေထဲမှာ ထုထည်တွေ လျော့နည်းလာတယ်ဆိုတာကို သူတွက်ပြပါတယ်။ ကမ္ဘာ့အလယ်ဗဟိုဟာ နျူကလီးယားဓာတ်ပေါင်းဖိုလိုမျိုး စွမ်းအင်တွေ ရှိနေရာမှ ခုအချိန်အခါမှာ အားအင်တွေဟာ တဖြည်းဖြည်းလျော့နည်းလာနေတယ်လို့ ဆိုပါတယ်။
အဲလို အားအင်တွေ ကျဆင်းလာတဲ့အတွက် အလေးချိန်ဟာလျော့လာပါတယ်။ နောက် ကမ္ဘာ့အလေးချိန် ကျဆင်းရတဲ့ အကြောင်းအရင်းတစ်ချက်က၊ လေထုထဲကပါဝင်နေတဲ့ အလွန်ပေါ့ပါးတဲ့ ဟိုက်ဒရိုဂျင် ဓာတ်ငွေ့တွေဟာ တစ်စက္ကန့်ကို ၃ ကီလိုဂရမ်လောက် ပုံမှန် ဆုံးရုံးနေပါတယ်။ တစ်နှစ်ကို ၉၅၀၀၀ တန် လောက် လေထုထဲကနေ ပျောက်ဆုံးနေပါတယ်။ ဟိုက်ဒရိုဂျင်လိုမျိုး နောက်ထပ် ပေါ့ပါးတဲ့ ဟီလီယမ် ဓာတ်ငွေ့ဟာလည်း တစ်နှစ်ကို ၁၆၀၀ တန်လောက် ပျောက်ဆုံးနေပါတယ်။
ကမ္ဘာရဲ့ အလေးချိန် တိုးမှုနဲ့ လျော့ကျမှုပမာဏတွေကို နောက်ဆုံးတွက် ချက်ကြည့်လိုက်တဲ့အခါမှာ ကမ္ဘာပေါ်ကို စင်္ကြာဠာထဲက အမှုန်တွေ ဘယ်လိုပဲ ကျနေနေ ကမ္ဘာကြီးထဲကနေ ဆုံးရှုံးနေတဲ့ Energy တွေ ကြောင့် ကမ္ဘာကြီးဟာ တစ်နှစ်ကို ၅၀၀၀၀ တန်လောက် အလေးချိန် လျော့ပါးလာတယ်ဆိုတဲ့ အဖြေတစ်ခုကို ရရှိခဲ့ပါတယ်။ အခုလိုမျိုး အလေးချိန် လျော့ပါးလာရတဲ့ အကြောင်းအရင်းအခြေခံကတော့ ကမ္ဘာကြီးပူနွေးလာမူ ကြောင့်ဆိုတာပါပဲ။
မမေ
ရည်ညွှန်း BBC
No comments:
Post a Comment