အန္တရာယ် ကင်းကင်းနဲ့ ပိုင်ဆိုင်နိုင်မယ့် အလှတရား

CRYSTAL TOMATO လုပ်ငန်းပိုင်ရှင် မခင်ရဲရူပါအေးနဲ့ တွေ့ဆုံခြင်း
၁) တစ်ချိန်တုန်းက အစ်မကလည်း CRYSTAL TOMATO ရဲ့ Customer တစ်ယောက်ပါ။
-
ဘယ်က စလုပ်ဖြစ်ခဲ့လဲဆိုတော့ ဒီ CRYSTAL TOMATATO က မြန်မာနိုင်ငံကို ၂၀၁၄ ခုနှစ်လောက်မှာ စရောက်ခဲ့တာပါ။ ရန်ကုန်ရုံးချုပ်ကို စရောက်တာပေါ့။ ရန်ကုန်ရုံးချုပ်မှာက အစ်မ နဲ့ သိတဲ့ မိတ်ဆွေတွေက အစ်မကို လှမ်းညွှန်တယ် ။ CRYSTAL TOMATO သောက်ကြည့်ပါလားတဲ့။ အစ်မမှာက သားဦးကိုယ်ဝန်ဆောင်တဲ့ အတွက် အသားအရေပေါ်မှာ အမဲစက်တွေ ထွက်လို့ ဆေးကောင်းရှာနေတုန်း CRYSTAL TOMATO ကိုတွေ့ခဲ့ပါတယ်။ အစ်မ အနေနဲ့ကလည်း အဲ့ဒီအချိန်တုန်းက သားသားလေး ကိုယ်ဝန်ဆောင်ထားတော့ ဘာဆေးမှ မသောက်ရဲဘူး ဖြစ်နေတာ ။ သူတို့ကတော့ ရှင်းပြပါတယ်။ ကိုယ်ဝန်ဆောင်မိခင်တွေလည်း သောက်လို့ရပါတယ်ပေါ့။ ဒါနဲ့ အစ်မလည်း သူတို့ ရဲ့ CRYSTAL TOMATO အကြောင်းရေးထားတဲ့ စာလေးကို ဖတ်ပြီး ဆရာ ဖြိုးမောင်သော် နဲ့ တိုင်ပင်ကြည့်ခဲ့တယ်။ ဆရာက ကိုယ်ဝန်ဆောင်တွေလည်း သောက်လို့ရတယ် လို့ ပြောပြတာနဲ့ အစ်မလည်း ဒီဆေးလေးကို စသောက်ဖြစ်ခဲ့ ပါတယ်။ ကိုယ်တိုင်သောက်ကြည့်တဲ့ အချိန်မှာ သိသိသာသာထူးခြားမှုလေးတွေ ရှိတာကြောင့် စီးပွားရေး လုပ်ငန်းတစ်ခု အဖြစ် ဖန်တီးကြည့်မယ်ဆိုတဲ့ စိတ်ကူးနဲ့ ၂၀၁၄ ခုနှစ် ၆လပိုင်းလောက်မှာ စလေ့လာခဲ့ပါတယ်။ ကိုယ်တိုင်သုံးကြည့်လိုက်ပြီး ကျေနပ် အားရမှု ရခဲ့တဲ့ ဒီ ပစ္စည်းကို လူအများကိုလည်း Sharing လုပ်ပေးချင်တဲ့ ဆန္ဒလည်း ပါတာပေါ့ ။ဒီဆိုင်လေးကိုတော့ ၂၀၁၄ ခုနှစ် ၆ လပိုင်း ၂၇ ရက်နေ့မှာ စဖွင့် ဖြစ်ခဲ့တာပါ ။
-
၂) CRYSTAL TOMATO က သောက်ဆေးနဲ့ လိမ်းဆေးရယ်လ အမျိုးအစား နှစ်မျိုးကို ခွဲခြားထားပါတယ်။
-
CRYSTAL TOMATO ဆိုတဲ့ သောက်ဆေးနဲ့ CRYSTAL CLEAR ဆိုတဲ့ လိမ်းဆေးပါ ။ဆေးရဲ့အာနိသင်တွေကတော့ ၂ လလောက် သောက်ပြီးတဲ့ အခါမှာ အသားအရေကို ဖြူသွားစေတာမျိုးတင် မဟုတ်ပဲ သိသိသာသာကြည်သွားစေမှာပါ ။ အမဲစက်ရှိသူတွေဆိုလည်း အမဲစက်တွေ ရော့သွားစေပြီး အသားအရေ မညီတဲ့ သူတွေ၊ အသားကွက်တဲ့သူတွေဆိုလည်း အသားအရေ ညက်ညောသွားစေပါတယ်။ ၂ လလောက်သောက်ပြီးလို့ အသားအရေကြည်ပြီးတဲ့နောက် ၃ လမြောက်လောက်မှာတော့ အသားအရေက ဖြူဝင်းလာစေမှာပါ။ ဒီဆေးက မိန်းကလေးတွေ အတွက် သီးသန့်ထုတ်ထားတာမျိူး မဟုတ်လို့ ယောက်ျားလေးတွေလည်း သောက်သုံးနိုင်ပါတယ်။ စတင်သောက်သုံးနိုင်တဲ့ အရွယ်ကတော့ ခရမ်းချဉ်သီးစစားတတ်တဲ့ အရွယ် ကလေးငယ်တွေကအစ သောက်လို့ ရပါပြီ ။လူကြီးပိုင်းတွေမှာဆိုလည်း သောက်ဆေးရော၊ လိမ်းဆေးရော နှစ်မျိုးလုံးကို ယှဉ်မတွဲသုံးချင်လည်း ရပါတယ်။ အစ်မဆို တင်းတိပ် ၊ မှဲ့ခြောက်နဲ့ နေလောင်ကွက်တွေ မရှိဘူး ။သွေးသားကြောင့်အသားအရေ မညီတာပဲ ရှိတာ။ ဒါကြောင့် လိမ်းဆေးကူပေးစရာ မလိုပါဘူး။ သောက်ဆေးနဲ့ တင်လုံလောက်ပါတယ်။ အမဲစက်တွေ အရမ်းများတဲ့ လူဆိုရင်တော့ လိမ်းဆေးရော ၊ သောက်ဆေးရော နှစ်မျိုးလုံးကို တွဲ သုံးသင့် ပါတယ်။
-
၃) အသားအရေကို ထိန်းသိမ်းချင်တဲ့ အိမ်ရှင်မတွေ အတွက် အချိန်ပေးစရာမလိုတဲ့ ဆေးကောင်းတစ်လက်ပါ။
-
အချိန်အများကြီး ပေးနိုင်တဲ့ လူလွတ် ညီမလေး တွေ အပြင် အိမ်ထောင်သည် အစ်မတွေကလည်း အချိန်ပေးရလွယ်ကူစေတဲ့ ဆေးတစ်မျိုးပါ ။ အစ်မတို့လို အိမ်ထောင်သည်တွေဆိုတာက ကိုယ့် အသားအရေကို လှချင်တာမှန်ပေမယ့် အချိန်ကျတော့ အများကြီး မပေးနိုင်ဘူးလေ။SPA လုပ်တာမျိုးတွေလို နာရီပိုင်းအထိ အချိန်ပေးစရာမလိုပဲ ဒီဆေးကတော့ တစ်ရက်မှာ ဆေးတစ်ကြိမ်သောက်လိုက်ရုံနဲ့ အသားအရေကို လှပလာစေမှာပါ ။အသားအရေကို ကိုယ်လိုချင်တဲ့ အနေအထားရောက်ရင် ဆေးက်ို ဖြတ်လိုက်နိုင်ပါတယ်။ Side-effect လည်းမရှိစေပါဘူး။ နှစ်သက်လို့ ဆက်သောက်မယ်ဆိုလည်းရေရှည် သောက်သုံးနိုင်ပါတယ်။
-
၎) CRYSTAL TOMATO & CRYSTAL CLEAR ဘက်က သုံးစွဲသူ Customer တွေအတွက် ပေးနိုင်တဲ့ ထောက်ခံချက်တွေက တော့ …
-
မြန်မာနိုင်ငံ FDA လက်မှတ်ရထားတဲ့ ဆေးတစ်ခုပါ။ ထုတ်လုပ်တဲ့ နိုင်ငံကတော့ USA ကပါ။ USA ကနေ စင်ကာပူကိုဖြန့် တယ်။ စင်ကာပူကနေမှ အာရှကို ပြန်ပြီး ဖြန့်ချီပေးတာပါ ။ အသုံးပြုထားတဲ့ ကုန်ကြမ်းကတော့ အစ္စရေးက ခရမ်းချဉ်သီး အဖြူမျိုးစိတ်ကို အသုံးပြုပြီး အစ္စရေးက ပညာရှင်တွေက ပဲ ဖော်စပ်ပေးထားတာပါ ။ခရမ်းချဉ်သီး အဖြူမျိုးစိတ် အပင်တွေကို ဒီ ကုမ္ပဏီကပဲ Register လုပ်ထားတဲ့ အတွက်ကုန်ကြမ်းပြတ်တောက်တာတို့၊ ဆေးဝယ်ရခက်ခဲတာတို့လည်း မဖြစ်အောင်စီစဉ် ပေးထားပါတယ်။ ခရမ်းချဉ်သီးဖြူ တစ်နေ့ကို ၂လုံးစားပေးရင် လူတစ်ယောက်အတွက် အသားအရေပိုင်းမှာပါ အထူးကောင်းမွန်တယ်လို့ ပညာရှင်တွေက ဆိုထားပါတယ်။ ဒါပေမယ့် ဒီ ခရမ်းချဉ်သီးဖြူမျိုးကို မြန်မာနိုင်ငံရဲ့ ဘယ်မှာမှ ရှာလို့ မရနိုင်ဘူးလေ။ ဒါပေမယ့် ဒီ CRYSTAL TOMATO ဆေးတစ်လုံးဟာ ခရမ်းချဉ်သီး သုံးလုံးနဲ့ အာနိသင်ချင်းတူညီတဲ့ အတွက် တစ်နေ့ကို ဆေးတစ်လုံးသောက်တာဟာ ခရမ်းချဉ်သီး အဖြူ သုံးလုံးစားပေးသလိုပါပဲ။
-
၅) အစ်မတို့က CRYSTAL TOMATO ရဲ့ မန္တလေးမြို့ အတွက် တစ်ဦးတည်းကိုယ်စားလှယ်ပါ။
-
စင်ကာပူက လူတွေထဲက ၅၀% အထက်က ဒီဆေးကို လက်ခံနေကြပါပြီ။ ဒီ CRYSTAL TOMATO ရဲ့ ဖြန့်ချီတဲ့ စနစ်က သက်ဆိုင်တဲ့ ရုံးခွဲတွေနဲ့ အလှအပ ပိုင်းဆိုင်ရာ ကုသပြုပြင်ပေးတဲ့ ဆေးခန်းတွေမှာပဲ ၀ယ်ယူလို့ ရနိုင်တဲ့ ပစ္စည်းမျိုးပါ ။ Bussiness ဆန်ဆန် စတိုးဆိုင်တိုင်းမှာ တင်ရောင်းတဲ့ ပစ္စည်းမျိုး မဟုတ်တဲ့ အတွက် အောက်လိုင်းကနေ စင်တူရိုးမှား ပစ္စည်းတူတွေ ၀င်မှာကိုလည်း ကြောက်စရာ မလိုတော့တာပေါ့။ ကုမ္ပဏီက မြို့တစ်မြို့မှာ ဆိုင်တစ်ဆိုင်ပဲ ရောင်းချခွင့် ပေးပါတယ် ။ အစ်မတို့ဆိုရင် မန္တလေး ရဲ့ တစ်ဦးတည်း အရောင်းကိုယ်စားလှယ်ပေါ့။သူတို့ဘက်က အစ်မတို့ကိုတောင်းဆိုတဲ့ စည်းကမ်းချက်ကတော့ အစ်မတို့ ဆိုင်တစ်ဆိုင်လုံးမှာ သူတို့ရဲ့ CRYSTAL TOMATO ကိုပဲ ရောင်းရပါတယ်။
-
၆) သဘာဝ Organic ပစ္စည်းစစ်စစ်ဖြစ်တဲ့ အတွက် ဈေးနှုန်းအရတော့ နည်းနည်းမြင့်ပါတယ်။
-
CRYSTAL TOMATO & CRYSTAL CLEAR ဟာ ၁၀၀% Orginic ပစ္စည်းနဲ့ ထုတ်လုပ်တာ ဖြစ်တဲ့ အတွက်ဈေးနှုန်း အနေအထားအရတော့ နည်းနည်းမြင့်တယ်။ အလုံး ၃၀ တစ်လစာ ပါပါတယ်။ Orginic ပစ္စည်းဖြစ်တဲ့ အတွက် သောက်ဆေးဆိုလည်းသဘာဝ ဖြည့်စွက်အစာဖြစ်ပြီး လိမ်းဆေးဆိုလည်း အမာရွတ် ၊ အမဲစက်ရှိတဲ့နေရာ လေးကိုပဲ ရွေးလိမ်းပေးရုံပါပဲ ။ မတည့်တဲ့သူရယ်လို့လည်း မရှိစေပါဘူး ။ ဈေးမြင့်တယ်ဆိုလို့လည်း အစ်မတို့ ဘက်က ပစ္စည်းကို ဈေးတင်ရောင်းခြင်းမျိူး မရှိပါဘူး။ ဈေးတင်ခွင့်လည်း မရှိပါဘူး။ရုံးချုပ်က သတ်မှတ်ပေးထားတဲ့ဈေး အတိုင်းကိုပဲ ရောင်းရတာ ဖြစ်ပါတယ်။ စင်္ကာပူမှာ ၀ယ်ဝယ်၊ USA မှာပဲ ၀ယ်ဝယ် ဒေါ်လာဈေးနဲ့ တွက်ချက်ပြီး ဈေးကို ပုံသေတစ်မျိုးတည်း ထားထားတာပါ ။အစ်မတို့ကိုတော့ ကုမ္ပဏီဘက်က % စနစ်နဲ့ အမြတ်အစွန်းထုတ်ပေးပါတယ်။ နှစ်ချီပြီးရည်ရှည် အလုပ်လုပ်နိုင်မယ့် လူမျိုးကိုပဲ သူတို့ ဘက်က အရောင်းဆိုင်ဖွင့်ခွင့်ပေးတာပါ ။ နောက်တစ်ခုက Multi Level လက်ခွဲ အရောင်းပြန်ထားလို့ မရပါဘူး။ရည်ရွယ်ချက်ကတော့ ရောင်းသူနည်းနည်း ၀ယ်သူများများ ဖြစ်စေချင်တဲ့ အတွက်ပါ ။ရောင်းသူနည်းတော့ အများပြည်သူ ၀ယ်ယူ အသုံးပြုသူတွေ ပစ္စည်းကို စ်ိတ်ချ လက်ချ ၀ယ်ယူနိုင်တာပေါ့။
-
၇) အများလက်ခံလာတဲ့ အခြေအနေတစ်ခုကမှ လုပ်ငန်းအောင်မြင်တယ်လို့ ယူဆလို့ ရပါတယ်။
-
လုပ်ငန်းတစ်ခုမှာ အရေးအကြီးဆုံးက အမြတ်အစွန်းပါ။ ရှုံးနေတဲ့ လုပ်ငန်းတစ်ခု ဆက်လက် လုပ်ကိုင်ဖို့ ဆိုတာ မလွယ်လှပါဘူး။ အမြတ်အစွန်းဆိုတာကလည်း ငွေကြေးတစ်ခုတည်းကို ဦးတည်ပြောချင်တာ မဟုတ်ပါဘူး။ ကိုယ်လုပ်လိုက်တဲ့ လုပ်ငန်းကို အများလက်ခံ လာနိုင်တာကလည်း အောင်မြင်ခြင်း တစ်မျိုးပါပဲ။ အစ်မတို့ ဆိုင်အနေနဲ့ ၀န်ဆောင်မှုလေး တစ်ခုကို Customer တွေ အတွက် အထူးစီစဉ်ထားပါတယ်။ ဒီ CRYSTAL TOMATO လုပ်ငန်းနဲ့ ပက်သက်လို့လည်း နောက်ပိုင်းမှာ ရန်ကုန်ရုံးချုပ်နဲ့ ချိတ်ဆက်ပြီး တင်းတိတ်၊ မှဲ့ခြောက်အတွက် အဆင့်မြင့် စက်ကိရိယာတွေကို အသုံးပြုပြီး ဖြေရှင်းနိုင်မယ့် နည်းလမ်းကို ဆက်လက် အဖြေရှာသွားဖို့ အစီအစဉ်လည်းရှိပါတယ်။ နေလောင်ဒဏ် ကာကွယ်တဲ့ Sun Screen ကို ၂၀၁၆ အတွင်း ဈေးကွက်တွင်းသို့ မိတ်ဆက်ပေးသွားမှာပါ။
Valentine နေ့အတွက်ပါ အထူးအစီအစဉ်များ ဆောင်ရွက်နေပါတယ်။
-
လုပ်ငန်းရှင် အမည် = မခင်ရဲရူပါအေး
ဖုန်း= ၀၉-၉၇၀၇၀၀၁၁၁။
လိပ်စာ= ၇၃ လမ်း × ၃၂ လမ်းထောင့် ။ မန္တလေး မြို့။
www.yoyarlay.com
https://web.facebook.com/YoYarLay/posts/1019209314788987

ရုရှားငါးဖမ်းသင်္ဘောနစ်မြုပ်မှုတွင် အသက်ရှင်လွတ်မြောက်ခဲ့သူတစ်ဦးနှင့်တွေ့ဆုံခြင်း

သင်္ဘောသား ၁၃၂ ဦးလိုက်ပါသည့် ရုရှားအခြေစိုက်ငါးဖမ်း သင်္ဘော Dal'nij Vostok သည် ဧပြီ ၁ ရက် နံနက်က ရုရှားနိုင်ငံ အရှေ့ဘက် ကမ်းလွန်ပင်လယ် ပြင် (မုဆိုးပင်လယ်ပြင်)တွင် တိမ်းမှောက်ခဲ့သည်။
ထိုသင်္ဘောပေါ်၌ မြန်မာသင်္ဘောသား ၄၂ ဦး လုပ်ကိုင်နေရာ သင်္ဘောတိမ်းမှောက်မှုတွင် မြန်မာသင်္ဘောသား ၁၆ ဦး သေဆုံးခဲ့ပြီး လေးဦးပျောက်ဆုံးနေဆဲဖြစ်ကာ ၂၂ ဦးကို အသက်ရှင်လျက် ကယ်ဆယ်နိုင်ခဲ့သည်။ ကယ်ဆယ်ရရှိသော မြန်မာသင်္ဘောသား ၂၂ ဦးသည် ဧပြီ ၇ ရက်က ရုရှားနိုင်ငံတောင်ပိုင်း Sakhalin မြို့ရှိ ပစိဖိတ်ပလာဇာဟိုတယ်သို့ ရောက်ရှိလာခဲ့သည်။


မြန်မာသင်္ဘောသား ၂၂ ဦးအနက်မှ ကွမ်းခြံကုန်းမြို့ဇာတိဖြစ်သော အသက် (၂၅)နှစ်အရွယ် ကိုတင်ထူးနိုင်အား 7 Day Daily က ဖုန်းဖြင့် ဆက်သွယ်မေးမြန်းခဲ့သည့်အနက်မှ အချို့ကို ကောက်နုတ်ဖော်ပြလိုက်ပါသည်။
 
အစ်ကို့နာမည်နဲ့ ဘယ်မြို့ကနေ သွားပြီး အလုပ်လုပ်တာလဲဆိုတာ အရင်ဆုံးပြောပြပေးပါလား။

ကျွန်တော့်နာမည် တင်ထူး နိုင်ပါ။ အသက် (၂၅)နှစ်ပါ။ ကွမ်းခြံကုန်းကနေသွားပြီး အလုပ်လုပ် တာပါ။
 
ဒီရုရှားသင်္ဘောကိုသွားပြီး အလုပ် လုပ်ဖို့ ဘယ်ချိန်ကတည်းကနေ ထွက်လာတာလဲဗျ။

၂၀၁၄ ခုနှစ် ၁၁ လပိုင်း ၁၁ ရက်က ထွက်လာတာပါ။
 
ငါးဖမ်းသင်္ဘောပေါ်မှာ အလုပ်လုပ်ရမယ်လို့ ဒီကမထွက်ခင်ကတည်းက သိထားတာလား။ သင်္ဘောပေါ်ရောက်မှ ဒီအလုပ်လုပ်ရမယ်လို့ သိတာလား။

ကုမ္ပဏီကနေ ပြောလိုက် တာက စက်ရုံသင်္ဘောပေါ်တက်ရ မယ်လို့ ပြောလိုက်တာပေါ့နော်။ ငါးဖမ်းတာပါတယ်လို့တော့ မပြောပါဘူး။ စက်ရုံသင်္ဘောဆိုပြီး သွားကြတာပါ။
 
ဘယ်လိုဖြစ်ပြီး သင်္ဘောမှောက် သွားတာလဲ။ အတွေ့အကြုံကို ပြန်ပြောပေးပါဦး။

ပစ္စည်းတွေ သွားချိန်းရင်းနဲ့ လမ်းမှာဖြစ်တာ။ ပစ္စည်းတွေက လည်း ပြည့်နေပြီပေါ့နော်။ ကျွန် တော်တို့က ပစ္စည်းတွေချိန်းရင် ကမ်းမှာသွားပြီးမချိန်းဘူး။ ရေထဲ မှာပဲချိန်းတာ။ အပေါ်က ငါးတွေ ကလည်း များနေတယ်။ ဝိတ်ပါ သွားတော့ သင်္ဘောက တစ်ခြမ်း စောင်းသွားတာပေါ့။ တစ်ခြမ်း စောင်းပြီး ရေဝင်ပြီးတော့ ပေါက် သွားတာ။
 
သင်္ဘောစပြီးမှောက်သွားတာက နေ မှောက်ပြီးတဲ့အထိ အချိန် ဘယ်လောက်ကြာလဲ။ အဲဒီအချိန်မှာ အစ်ကိုက ဘယ်လိုဖြစ်နေလဲ။ ဘာတွေမြင်တွေ့ရလဲ။

စမှောက်တာရောဆို အချိန် သုံးနာရီလောက်ကြာတယ်။ မနက် ၄ နာရီလောက်မှာ စဖြစ်တာပေါ့နော်။ ကျွန်တော်တို့က အိပ်နေကြတာပေါ့။ သင်္ဘောမှောက်တဲ့အချိန်မှာ အလန်းတွေကလည်း မအော်ဘူး။ အဲဒီလို မအော်တော့ ကျွန်တော်တို့ကလည်း ရေထဲဆင်းရမလို၊ မဆင်းရမလို ဖြစ်နေတာပေါ့။ အဲဒါကြောင့် ထိပ်ပိုင်းနားမှာ ရပ်နေကြတာပေါ့။ သင်္ဘော တော်တော်လေးကို စောင်းသွားတော့မှပဲ တချို့က ခုန်ဆင်းကြတာပေါ့။ အောက်က ရေက တော်တော်အေးတယ်ဗျ။ ရေခဲရေလောက်ရှိတယ်။

သူတို့ပြောတာတော့ ဇီးရိုးဒီဂရီလောက်ရှိ ပြောတယ်။ သင်္ဘောစပြီး စောင်းသွားတဲ့အချိန်မှာ Life Boat (အသက်ကယ်လှေ)တွေချတယ်။ ချပြီးတဲ့အချိန်မှာ လူတွေက ခုန်ဆင်းကြတာပေါ့။ တချို့ကျလည်း ဒီအတိုင်း ခုန်ဆင်းကြတာ။ ကျွန်တော်က သင်္ဘောမြုပ်တဲ့အထိ စောင့်တယ်။ နောက်မှ ရေထဲမှာကူးရင်းနဲ့ ကယ်ဆယ်ရေးသင်္ဘောကို စောင့်ရတာပေါ့။ မနက် ၇ နာရီခွဲတော့ ကျွန်တော်က ကယ်ဆယ်ရေးသင်္ဘောပေါ် ရောက်နေပြီ။ အဲဒီကျမှ အလောင်းတွေက တစ်လောင်းပြီးတစ်လောင်း ပေါ်လာတာ။ ကျွန်တော်တို့ကယ်တဲ့ သင်္ဘောပေါ်မှာ အသက်ရှင်တဲ့သူ မြန်မာကိုးယောက်ပါတယ်။ သေ တဲ့သူတွေလည်း တော်တော်ပါတယ်ဗျ။ ရုရှားတွေလည်းပါ တယ်။ ရှင်တဲ့သူရော သေတဲ့သူတွေရောပါ။ ကျွန်တော်တို့ သင်္ဘောပေါ်မှာတော့ မြန်မာကိုး ယောက်ပါလာတယ်။ ကျန်တဲ့သူ တွေက တခြားကယ်ဆယ်ရေး သင်္ဘောပေါ်မှာ။
 
ရုရှားကယ်ဆယ်ရေးသင်္ဘောတွေ က ဘယ်အချိန်ရောက်လဲ။

စဖြစ်ပြီး နာရီဝက်လောက် အကြာမှာ တစ်စီးနှစ်စီးရောက် လာတယ်။ နောက်ပိုင်းကျ တော် တော်များများရောက်လာတယ်။ ကျွန်တော်တို့ ကြားတာတော့ ကယ်ဆယ်ရေးသင်္ဘော ၂၂ စီး  လာတယ်လို့ကြားတယ်။
 
အခုသင်္ဘောမှောက်တာမှာ သေ ဆုံးသွားတဲ့ မြန်မာရေလုပ်သား တွေလည်း ပါပါတယ်။ အဲဒီသေ ဆုံးသွားတဲ့သူတွေထဲမှာ အစ်ကို နဲ့ရင်းရင်းနှီးနှီး အတူနေထိုင်တဲ့သူ ပါလားဗျ။

ဒီအတိုင်းပဲ လုပ်ဖော်ကိုင် ဖက်တွေတော့ပါတာပေါ့။  တအား ကြီး ရင်းရင်းနှီးနှီးတော့ မရှိဘူး ပေါ့။ သင်္ဘောပေါ်မှာ မြန်မာတွေ ဆိုတော့လည်း ခင်ကြတာပေါ့။ ဒီ လောက်ပါပဲ။
 
သေဆုံးသွားတဲ့သူတွေကို ရုရှား အလုပ်သမားဝန်ကြီးဌာနက ရူဘယ်ငွေ 
တစ်သန်းပေးမယ်လို့ ပြောဆိုထားတာ သိရပါတယ်။ အစ်ကိုတို့ အသက်ရှင်ကျန်တဲ့သူတွေကိုကော ပေးမယ်လို့ ကြားမိ လား။

အခုတော့ ဘာသံမှ ပြော တယ်မကြားသေးပါဘူး။ အခုမှ ပြောတုန်းဆိုတုန်း ရှိပါသေး တယ်။ သူတို့ သေတဲ့သူတွေကျ တော့ ပေးမှာပါ။
 
အခု အစ်ကိုက ပြန်လာမှာလား။ အဲဒီမှာပဲ ဆက်ပြီးအလုပ်လုပ်နေ ဦးမှာလား။

ကျွန်တော် ပြန်လာမှာပါ။ ပြန်လာဖို့အတွက် သံရုံးက ပတ်စ ပို့လုပ်ပေးထားပါတယ်။ ဒီတစ် ရက်နှစ်ရက်အတွင်း ပြန်ရောက် မှာပါ။
 
အခုအစ်ကိုလည်း ပြန်လာမယ်ဆို တော့ ဒီငါးလလောက်အတွင်းမှာ လုပ်အားခလစာစုမိရဲ့လား။

ကျွန်တော်တို့က ဒီမှာစုတာ မဟုတ်ဘူး။ ရန်ကုန်ကိုတစ်ခါ တည်း လွှဲပေးတာ။ ကျွန်တော်တို့ လုပ်တာလည်း ငါးလပဲရှိသေး တယ်လေ။
 
အစ်ကိုတို့ကို တင်ပို့လိုက်တဲ့ ကုမ္ပဏီငါးခုကို အစိုးရက ပိတ် ထားလိုက်ပါတယ်။ အဲဒီကုမ္ပဏီ တွေကို အစ်ကို ဘာပြောချင်လဲ။ နောက်ပြီး အစ်ကိုတို့လို သင်္ဘော တက်မယ့်သူတွေကိုကော ဘာမှာချင်လဲ။

ဘာပြောလို့ရမှာလဲ။ ပြီး သွားပြီပဲ။ ပြောလို့မရတော့ဘူး လေ။ သူတို့လည်း ပိတ်ထားလိုက် ပြီပဲ။ ပြောစရာမရှိတော့ပါဘူး။ ‘‘နောက်သင်္ဘောတက်မယ့်သူ တွေ သေသေချာချာ လေ့လာစုံ စမ်းပြီးမှ သွားကြပါလို့ မှာချင်ပါ တယ်။ ကျွန်တော်တို့လို မဖြစ်စေ ချင်လို့ပါ’’
 
ဟုတ်ကဲ့။ ကျေးဇူးတင်ပါတယ်။

http://www.7daydaily.com/story/35361#.VSacky7dXLU 

Novotel ဟိုတယ် လုပ်ငန်းရှင် ဦးဇော်ဇော်နှင့် တွေ့ဆုံခြင်း

စစ်အစိုးရ လက်ထက်တွင် ပေါ်ထွက်လာသော ခရိုနီသူဌေးများအနက် မက်စ်မြန်မာကုမ္ပဏီပိုင်ရှင် ဦးဇော်ဇော်သည် အစိုးရ သစ်တက်လာချိန်တွင် စီးပွားရေးလုပ်ငန်းများကို နိုင်ငံတကာစံချိန်စံညွှန်းမီရန် ပြုပြင် ပြောင်းလဲ၍ နိုင်ငံတကာ ဈေးကွက် ထိ ထိုးဖောက်ရန် ကြံရွယ်လုပ်ဆောင်နေသူ ဖြစ်သည်။ ဧပြီလ ၃ ရက်နေ့တွင် နိုင်ငံတကာအဆင့်မီ ကြယ်ငါးပွင့် အဆင့် Novotel Hotel ကို ရန်ကုန်၌ ဖွင့်လှစ်နိုင်ခဲ့သော ဦးဇော်ဇော်က ဧရာဝတီ မြန်မာပိုင်းအယ်ဒီတာ ရဲနည်နှင့် တွေ့ဆုံရာတွင် ဘဝဖြတ်သန်းမှု၊ စီးပွားရေးနှင့် နိုင်ငံရေးအမြင်များနှင့် ဟိုတယ်လုပ်ငန်း ရင်းနှီးမြှုပ်နှံမှုတို့ကို ရှင်းလင်းပြောပြပါသည်။

မေး။ ။ ဦးဇော်ဇော်အနေနဲ့ ပြည်တွင်းမှာပဲ စီးပွားရေးတွေ လုပ်ကိုင်နေတဲ့ အနေအထားကနေ Novotel Hotel ကို ကမ္ဘာ့ နာမည်ကျော်ကုမ္ပဏီဖြစ်တဲ့ Accor Group နဲ့ပူးပေါင်းဖွင့်လှစ်ပြီး နိုင်ငံတကာဈေးကွက်ထဲကို ထိုးဖောက်တဲ့ အခြေအနေပေါ့။ အနာဂတ်မှာ Sanction က လွတ်လာနိုင်မယ့် အလားအလာလို့လည်း ပြောနိုင်မှာပေါ့။ ဦးဇော်ဇော်အနေနဲ့ ဘယ်လိုပြုပြင်ပြောင်းလဲခဲ့ရသလဲဆိုတာ ပြော ပြပေးပါ။

ဖြေ ။ ။ ၂ ပိုင်းရှိပါတယ်။ တပိုင်းကတော့ Novotel ဟိုတယ်ရဲ့Change၊ ပြီးတော့ နောက်တခုက Accor Group ရဲ့ဟိုတယ် brand ပေါ့၊ ဒါကတော့ International World Wide မှာ ဟိုတယ် ၃ထောင် လောက်ရှိပြီးတော့ International မှာလည်း Market ရနေတယ်။ ကျနော့်အနေနဲ့ကတော့ ဟိုတယ်စီးပွားရေးကို အရင်တုန်း ကလည်း လုပ်ခဲ့ဖူးတယ်။ ကျနော့်ဘ၀ အစမှာလည်း ဟိုတယ်တွေထဲမှာ ထမင်း ပန်ကန်ဆေးတာတွေကအစ စားပွဲထိုးတဲ့အထိ အနိမ့်ဆုံးတွေ လုပ်ခဲ့ဖူးပါတယ်။ နောက်တခုက ကိုယ်တိုင် ဟိုတယ်ဆောက်ပြီးတော့လည်း Run ဖူးပါတယ်။

ဒါပေမယ့် ကျနော်တို့အနေနဲ့ နိုင်ငံတကာ အဆင့်ကို သွားမယ်ဆိုရင် ကိုယ်သိတဲ့ အတွေးအခေါ် အယူအဆ နည်းနည်းနဲ့ လုပ်လို့ မရပါဘူး။ ကိုယ်က ဘာအားသာလဲ၊ သူက ဘာအားသာလဲ၊ နိုင်ငံတကာနဲ့ ပူးပေါင်း မယ်ဆိုရင် ဘာ အားသာမလဲ၊ ကိုယ့်လူမျိုး တွေအတွက် ဘာတွေ ပိုကောင်းလာမလဲ ဒါတွေက သုံးသပ်ရမယ်။ ကျနော့် အနေနဲ့ သုံးသပ် မိတာကတော့ ငါတို့ Investment လုပ်မယ်၊ Fund ဘယ်က ရမလဲ၊ ဒါကို ကျနော်တို့ စဉ်းစားရမယ်၊ Fund ဘယ်ကရမလဲ ကျနော်တို့ Fund ကို ဘဏ်ကနေ ချေးလို့ရမယ်ပေါ့။ ကျနော်တို့ စဆောက်ကတည်းကိုက မမှားဖို့ အရေးကြီးတယ်။

ကျနော်တို့ Accor ကို ချိတ်လိုက်တဲ့အခါကျတော့ ကျနော်တို့ စဆောက်ကတည်းက ဒီဟိုတယ်မှာ Reception ဘယ်နား ရှိရမယ်။ Escalator ဘယ်နားထားရမလဲ။ Customer တွေ Guest တွေ relax လုပ်တဲ့အခါမှာ Reliable ဖြစ်အောင် အခန်းက ဘယ်လောက် Square meter ရှိရမယ်။ အဲတော့ စလုပ် ကတည်းက မှန်မှန်ကန်ကန် နည်းမှန် လမ်းမှန်နဲ့ Direction ပေးလိုက်နိုင်တယ်။ Investment က Right Investment ဖြစ်သွားတယ်။

ကျနော်တို့ မြန်မာလူမျိုးတွေ ဒီထက်ပိုပြီးတော့ Management တွေ ကျွမ်းကျင်လာမယ်။ Capacity တွေ ပိုမြင့်လာမယ်။ သူတို့နဲ့ ပေါင်းလိုက်တဲ့အခါမှာ သူတို့ရဲ့ ကျွမ်းကျင်မှုကိုရရင် ကျနော်တို့က ဒီအချိန်တိုတိုလေးအတွင်းမှာ အရည်အသွေး တွေ တက်လာမယ်။ ဒါကြောင့် သူတို့နဲ့ ကျနော်တို့ ပေါင်းဖြစ်တယ်ပေါ့။ သူတို့ကို ကျနော်တို့ Management ပေးရမှာ သေချာပါတယ်။ ဒါပေမယ့်လည်းပဲ သူတို့ရဲ့နိုင်ငံတကာမှာရှိတဲ့ Network ကြီးတခုလုံးကို ကျနော်တို့ ချိတ်ဆက် လိုက် တဲ့အခါမှာ သူတို့အနေနဲ့ ကျနော်တို့ကို ပူးပေါင်း ဆောင်ရွက်လာတဲ့အခါ ကျနော်တို့က ပိုပြီးဝမ်းသာရမှာက သူတို့ရဲ့ Market ကြီးတခုလုံး ကျနော်တို့နဲ့ ချိတ်ဆက်လို့ ရအောင်ပါပဲ။ အဓိကကတော့ Local ကုမ္ပဏီတခုအနေနဲ့ Global မှာ Branded ဖြစ်တဲ့ ကုမ္ပဏီတခုနဲ့ ချိတ်ဆက်ခြင်းသည် နှစ်ဖက်စလုံး အတွက် Win-Win Situation မှာ အကျိုးရှိပါတယ်။ ဒါကတော့ Investment လုပ်တဲ့ အပိုင်းပေါ့။

နောက်တပိုင်းကတော့ ကျနော်ပြန်သုံးသပ်တာကတော့ ခုနက Sanction ဆိုတဲ့ ကိစ္စပေါ့။ ဒါကတော့ ကျနော်တို့ အရင် အ စိုးရ လက်ထက်မှာ ကျနော်တို့ လုပ်ငန်းရှင်တွေ Sanction ဖြစ်တယ်ပေါ့။ သို့သော်လည်း သိပ် Isolate ဖြစ်ထားတဲ့အခါ ကျ တော့ ဘယ်သူက ဘာလဲဆိုတာ သေချာမသိတဲ့ အပိုင်းလေးတွေ ရှိတာပေါ့။ အခုဆိုရင် ကျနော်တို့ အနေနဲ့ အရှိအတိုင်း ချပြတယ်။ နောက် ကိုယ်ဘယ်လို ငွေရတယ်။ ဘယ်လိုရှာတယ်။ တာဝန်ယူမှု၊ တာဝန်ခံမှုတွေ ဖြစ်လာတဲ့အခါ ကျတော့ Accor အနေနဲ့လည်း ပေါင်းလို့ရတယ်ဆိုတာ သူတို့ လက်ခံပြီးတော့ အခါကျတော့ သူတို့ ပေါင်းပေးလိုက်တာ အရမ်း ကောင်းပါတယ်။ ကျနော့်အနေနဲ့ကတော့ Sanction ပြုတ်မယ် မပြုတ်ဘူးဆိုတာထက် အဓိကက ကိုယ်လုပ်နေတဲ့ ဟာကို မှန်မှန်ကန်ကန်နဲ့ ရှေ့ဆက်သွားမယ်။ ကိုယ်လုပ်ခဲ့တာတွေကိုလည်း ချပြမယ်။ ရှေ့ဆက်လုပ်မယ့်ဟာ တွေကို လည်း ပြောမယ်။ ဒီအပေါ်မှာ သူတို့အပေါ်မှာရှိတဲ့ ယုံကြည်မှုအပေါ်မှာ မူတည်ပြီးတော့ ဒါတွေအကုန်လုံးက တချိန်ကျရင် ဖြေလျော့မယ်လို့ စိတ်ထဲမှာ ရှိပါတယ်။

မေး။ ။ များသောအားဖြင့် နိုင်ငံခြားသားတွေ နားလည်တာက မြန်မာကုမ္ပဏီတော်တော်များများက မြေယာ အရှုပ် အရှင်းတွေ ရှိတယ်၊ နောက် ငွေကြေး စာရင်းဇယားတွေမှာ ပွင့်လင်းမြင်သာမှု မရှိဘူးလို့ အဲဒီလိုမျိုး စွပ်စွဲမှု တွေရှိတာ ပေါ့။ ခုနက Accor ကနေ ဦးဇော်ဇော်နဲ့ ပေါင်းလုပ်တဲ့အခါကျတော့ သူတို့အနေနဲ့ ဦးဇော်ဇော်ကို ဘယ်လို မြင်ခဲ့လဲ။ ဦးဇော်ဇော်အနေနဲ့ အဲလိုကိစ္စမျိုးတွေကို ဘယ်လိုကျော်ဖြတ်ခဲ့ရတာတွေ ရှိလဲ။

ဖြေ ။ ။ ကျနော် ထင်ပါတယ်။ ပြုပြင်ပြောင်းလဲမှုရဲ့ နောက်ပိုင်းမှာပေါ့နော်၊ မြန်မာလုပ်ငန်းရှင်တွေ တော်တော်များများ စီးပွားရေး လုပ်တဲ့သူတွေနဲ့ ပတ်သက်ပြီးတော့ သုံးစွဲတဲ့ အသုံးအနှုန်းတွေက ရှိတာပေါ့။ ကျနော့်အနေနဲ့ မြန်မာ တိုင်းရင်းသား လုပ်ငန်းရှင်တွေ အများကြီး ရှိစေချင်တယ်။ အများကြီး ဖြစ်ထွန်းစေချင်တယ်။ အများကြီး အောင်မြင်စေချင်တယ်။ ဘာဖြစ်လို့ လူထုက စီးပွားရေးလုပ်ငန်းရှင်ကို မယုံသလဲဆိုတဲ့ကိစ္စက အရေးကြီးတဲ့ မေးခွန်းပါ။ တခုက ပွင့်လင်းမြင်သာမှု မရှိတာပဲ။ အဓိက နောက်တခုကတော့ အရင်တုန်းက လုပ်ခဲ့တဲ့ ဥပဒေအပေါ်မှာရှိတဲ့ ပိုင်ဆိုင်မှုတွေနဲ့ ပတ်သက်ပြီးတော့ သိမ်းထားတာတွေလည်း ရှိတယ်။ တကယ့်ကို ၀ယ်ထားတာလည်း ရှိတယ်။ ဒါမျိုးတွေ ဖြစ်နေတာ၊ ကျနော်တို့က ဘာလဲဆိုတော့ land နဲ့ ပတ်သက် ပြီးတော့ land Policy ကျနော်တို့မှာ ရှိတယ်။ ဒါက ငါတို့ အရင်တုန်းက ဥပဒေနဲ့ ဒါတွေဝယ်ထားတယ်၊ ဒါတွေ ငါတို့ ငှားထားတယ်။ သို့သော်လည်း ဒါတွေသည် အရင်တုန်းက ပေါ်လစီဆိုပေမယ့် အရင်လူတွေအတွက် ထိခိုက် နစ်နာမယ်ဆိုရင် ညှိနှိုင်းတယ်၊ ပြန်ပေးလျော်တယ်။ တချို့ဟာတွေဆိုရင် ကျနော်တို့က ပြန်ဝယ်ပေးတယ်။

သူတို့ရဲ့ ဘ၀၊ တချို့ အိမ်တွေ ပြန်ပြီးတော့ ဆောက်ပေး တာမျိုး၊ တချို့ သူတို့ရဲ့ မိသားစုကလေးတွေအတွက် ပညာ ရေးကိစ္စ စဉ်းစားပေးတာမျိုး၊ ကျောင်းကိစ္စ စဉ်းစားပေးတာမျိုးပေါ့။ အဲလိုမျိုး စဉ်းစားပေးတဲ့ အခါကျတော့ သူတို့ ပိုင်ရှင်နဲ့ ကျနော်တို့နဲ့ မိသားစုသဘောမျိုး ဖြစ်လာတဲ့ အပိုင်းမျိုးတွေ ဖြစ်သွားပြီးတဲ့ အခါကျတော့ ဒီပေါ်လစီ အပေါ်မှာ ကျနော်တို့ အနေနဲ့ မြေယာအရှုပ်အရှင်းကိစ္စ လုံးဝမရှိတော့ဘဲ ဒီလိုမျိုး ဒေသခံတွေအနေနဲ့ ကျေးဇူးတင်တဲ့ အနေအထားမျိုးအထိ ဖြစ် သွားခဲ့တာမျိုးတွေ သာဓကတွေ အများကြီးရှိပါတယ်။ ဥပမာ ငွေဆောင်မှာ ကျနော်တို့ ဧက ၁၀၆ ဧက ပြန်လျော်ပေး လိုက်တယ်။

ချောင်းသာမှာ ကျနော်တို့ တကယ်တော့ အရင်တုန်း ကလည်း ကျနော်တို့ လျော်ခဲ့ပြီးသားပါ၊ လျော်ခဲ့တဲ့ဟာက နည်း နေတဲ့အတွက် ဒါကို ကျနော်တို့ ပြန်လျော်ပေးပြီး ကျေနပ်အောင် လုပ်ပေးတာပေါ့။ ချောင်းသာဆို ကျနော် မလုပ်တော့ဘူး ဆိုပြီး အကုန်လုံး ပြန်ပေးခဲ့လိုက်တယ်။ သူ့နေရာနဲ့ သူပေါ့။ တောင်ဒဂုံမှာ ဆိုလို့ရှိရင် စက်မှုလယ်ယာ ဖွံ့ဖြိုးအောင်လုပ်မယ်ဆိုတဲ့ နေရာမှာကျတော့ လယ်သမား အားလုံးကို အရင်တုန်းက သူတို့နဲ့ အတူတူ လုပ်နေတယ်။ နောက်အကုန် ပြန်လျော်ပေးလိုက်တယ်။ သို့သော် ကိုယ်ဝယ် ထားတဲ့ မြေကြီးပေါ့။ လေလံတို့ ဘာတို့က ၀ယ်ထားပြီး တကယ်ပဲ အစိုးရက သတင်းစာထဲ ထည့်ပြီး ၀ယ်တဲ့ဟာမျိုးကို တောင် ကျနော်တို့ အရင် နှစ် ၆၀ တုန်းက ပိုင်ပါတယ်။ နှစ် ၁၀၀ က ပိုင်ပါတယ်၊ ပြန်ပေးပါ ဆိုလို့ရင်တော့ ဒါကတော့ ဥပဒေကြောင်းအရ သွားရမယ့် ပေါ်လစီထဲမှာ ကျနော်တို့ ထည့်ထားတယ်။ ဒါမျိုးတွေ ကျနော်တို့ လွယ်လွင့်တကူ ရော့အင့် ဆိုပြီး ပြန်ပေးတာမျိုးတော့မရှိဘူး။ ဒီလိုမျိုး Clear လုပ်ထားတဲ့ အခါကျတော့ မြန်မာပြည် မှာရှိတဲ့ မြေယာတွေနဲ့ ပတ်သက်ပြီးတော့ Research လုပ်လိုက်တဲ့အခါကျတော့ ဒီပေါ်လစီရှိတာ ကျနော်တို့ ကုမ္ပဏီ တခုပဲရှိတယ်။ သူတို့ရဲ့ မှတ်တမ်းမှာ ဖော်ပြထားတယ်။

ကျနော်တို့အနေနဲ့ ဒါကြောင့်မို့လို့ ဒီမြေယာအရှုပ်အရှင်းနဲ့ ပတ်သက်ပြီးတော့ တာဝန်ယူမှု၊ တာဝန်ခံမှု အပြည့် ရှိပါတယ်။ ဒါ အရှုပ်အရှင်းကိစ္စတွေ ဖြေရှင်းတာ ဒါက တပိုင်းပေါ့နော်။ နောက်တခြား International company ဖြစ်လာတဲ့အခါမှာ ဘယ်လိုလုပ်ရမလဲ ဆိုတဲ့အခါမှာကျတော့ အဓိက ကတော့ တာဝန်ယူမှု၊ တာဝန်ခံမှုနဲ့ ပွင့်လင်းမြင်သာမှုရှိဖို့ အရမ်း လိုတာ ပေါ့။ Accountability ဖြစ်ဖို့ လိုတာပေါ့။ ကျနော်တို့ ကုမ္ပဏီက ရှင်းရှင်း ပြောရရင်တော့ ကျနော်တို့ အကုန်လုံး Open Book ပေါ့။ ကျနော်တုိ့ အရင်က ဘာလုပ်ခဲ့တယ်။ ဘယ်က ပိုင်တယ်၊ ဘာတွေ ရတယ်။ ရှယ်ယာဝင်တာ ဘယ်သူတွေ ရှိတယ်ဆိုတာ ကျနော်တို့ ပွင့်လင်းမြင်သာမှုရှိအောင် လုပ်ပေးလိုက်တဲ့အခါကျတော့ Deloitte လို International မှာ တကယ့်ကို နာမည်ရှိတဲ့ Audit လုပ်တဲ့ ကုမ္ပဏီက ကျနော်တို့ ငွေရေး ကြေးရေးနဲ့ ပတ်သက်ပြီးတော့ ဘယ်က ရတယ်၊ ဘယ်မှာ မြှုပ်နှံတယ်၊ ဘာတွေရှိတယ်ဆိုတာကို ကျနော်တို့ ပွင့်လင်းမြင်သာမှုအရ ချပြတယ်။ ဒါက တပိုင်း ပါ။

နောက်တခုက အရေးကြီးဆုံးက ဘာလဲဆိုတော့ စီးပွားရေး လုပ်ငန်းလုပ်တဲ့အခါမှာ တာဝန်ယူမှု၊ တာဝန်ခံမှု အရေး ကြီးတယ်။ အခုဆိုလို့ရှိရင် ဟောင်ကောင် အခြေစိုက် DSL လို့ခေါ်တဲ့ Human Right တို့ CSR (Corporate social responsibility) တို့နဲ့ ပတ်သက်ပြီးတော့ Assessment လုပ်တဲ့ ကုမ္ပဏီနဲ့ စာချုပ် ချုပ်ပြီးတော့ နှစ်စဉ် ငွေရေးကြေးရေး တင်မဟုတ်ဘဲ CSR နဲ့ ပတ်သက်တဲ့ Report ပါ တွဲထွက်တယ်။ ကိုယ့်ကုမ္ပဏီတင် မဟုတ်ဘူး၊ ကိုယ့်ကုမ္ပဏီနဲ့ ဆက်စပ်ပြီး ချိတ်လုပ်တဲ့ ကုမ္ပဏီတွေကအစ ဒီအပိုင်း တွေကို စစ်ဆေးမှုတွေ ကျနော်တို့ လုပ်တယ်။ အဲလိုလေးတွေ ကျနော်တို့ နိုင်ငံတကာစံချိန်စံနှုန်း တွေကို ရအောင် လိုက်လုပ်တဲ့အချိန်မှာ ကျနော်တို့ နိုင်ငံတကာအဆင့်ကို မီတဲ့ ကုမ္ပဏီ ဖြစ်အောင် လုပ်နေတဲ့အခါမှာ အဲဒါတွေကိုလည်း Accor က မြင်ထားတယ်။ မြင်ထားတဲ့အခါကျတော့ ဒီကုမ္ပဏီနဲ့ ပေါင်းလို့ ရမယ်၊ ဒါက တချိန်ကျလို့ရှိရင် ငါတို့ ကုမ္ပဏီနဲ့ လက်တွဲလို့ ရမယ်။ ငါတို့မှာရှိတဲ့ ပေါ်လစီနဲ့ Inline ဖြစ်တယ်ဆိုပြီး ဒီလိုအခြေခံပြီး စဉ်းစားတာတွေလည်း ပါပါတယ်။

မေး။ ။ နှစ် ၂၀ ကျော် ကာလအတွင်း အခုဆိုလို့ရှိရင် အချမ်းသာဆုံး စီးပွားရေး လုပ်ငန်းရှင်တယောက် ဖြစ်လာတဲ့အခါကျတော့ ကိုယ်လုပ်လာခဲ့ရတဲ့ ဟာတွေကို ပြန်သုံးသပ် ပြီးတော့ ဧရာဝတီ ပရိသတ်အတွက် စကားတခွန်း ပြောပါ။ ဒီအခြေအနေရောက်အောင် ဘာတွေက တွန်းပို့လိုက်တာလဲ။

ဖြေ ။ ။ ကျနော့်မှာ ညီအစ်ကို မောင်နှမ ၆ ယောက် ရှိပါတယ်။ ကျနော်တို့က ဧရာဝတီတိုင်း ရေကြည်ကပါ။ မိဘတွေကလည်း အဖေက အစိုးရ ၀န်ထမ်း၊ အမေက ကုန်ဈေးရောင်းပေါ့။ အဲလိုနဲ့ ထားခဲ့တာဆိုတော့ ရှင်းရှင်း ပြောရင်တော့ မပြည့်စုံဘူးလို့ ပြောလို့ရတာပေါ့။ ဒါပေမယ့် ကျနော်တို့ မိဘက ၆ ယောက် စလုံးကို အပင်ပန်းခံပြီးတော့ ကျောင်းပြီး အောင်ထားပေးခဲ့တယ်။ ကျနော် ရန်ကုန်တက္ကသိုလ်မှာ နောက်ဆုံးနှစ် တက်တယ်။ ပြီးတော့ ကျနော် အရေးအခင်းပြီး တဲ့နောက်ပိုင်းမှာ ကျနော် သဘောင်္တက်ပြီး စင်ကာပူ ထွက်ဖို့လုပ်တယ်။ စင်ကာပူကို သွားဖြစ်တယ်။ သွားဖြစ်တဲ့ အခါ ကျတော့ ရှင်းရှင်းပြောရရင် အကိုတယောက်ရဲ့အိမ်မှာ လိုတာတွေ အကုန်လုပ်ပေးပြီးနဲ့ သူက စီဒီစီတို့၊ ပတ်စ်ပို့စ်တို့ လုပ် ပေးတယ်။ ဒါပေမယ့် အိတ်ထဲမှာ ပိုက်ဆံက ၇၅ ကျပ်လောက်ပဲ ပါတယ်။ စင်ကာပူ သွားတော့ ကျနော် Bus Center မှာ အိပ်တယ်၊ နောက် ကျနော် ဘတ်စ်ကား မစီးနိုင်လို့ လမ်းလျှောက်ပြီး Peninsular Plaza မှာ အလုပ် သွားလျှောက်တယ်။

ကျနော်က အိပ်ချိန် နည်းတယ်။ အလုပ်တခုလုပ်ရင် ပြီးအောင် လုပ်တယ်၊ ပြီးတော့ ကျနော် လူတိုင်းနဲ့ အဆင်ပြေအောင် နေတတ်ပါတယ်။ နေလဲနေပါတယ်။ ဆင်းရဲချမ်းသာ အယုတ်အလတ် အမြတ်မရွေး လူကိုလူလိုပဲ သဘောထားပါတယ်။ ဘ၀ရဲ့သင်ကြားရေးကတော့ အောင်မြင်တဲ့သူတွေအတွက် ကျနော်အရမ်း ရင်ထဲက ကျေနပ်ပီတိဖြစ်တယ်၊ ကျေနပ်တယ်။ ကျနော်တို့ မြန်မာလူမျိုးတွေ မဟုတ်တာ လုပ်ရင်လည်း အရမ်းရင်ထဲက ခံစားရပါတယ်။ ကျနော့် အနေနဲ့ကတော့ ဘာကို Massage ပေးချင်လဲဆိုတော့ အားလုံးကဏ္ဍတိုင်းမှာ ထူးချွန်နေမှ၊ တော်နေမှ သူများမကအောင် မချိမဆန့် အလုပ်လုပ်မှ ကျနော်တို့ နေရာတခုခု ရောက်မှာ။ ကျနော်တို့ မြန်မာလူမျိုးတွေ အားလုံးအလုပ်လုပ်ရမယ်၊ အားလုံး ကြိုးစားကြရမယ်။

အားလုံး မချိမဆန့်နဲ့ အခက်အခဲတွေကြားထဲက ရုန်းထွက်ရမယ်။ ဒါမှလည်း ကျနော်တို့ မြန်မာလူမျိုး၊ မြန်မာနိုင်ငံကို လူတွေ လေးစားလာမှာ။ ကျနော့်အနေနဲ့ကတော့ ကျနော် ဒီလိုမျိုး ၇၅ ကျပ် ရှိတဲ့ဘ၀ ကနေပြီးတော့ ကျနော် ဖြတ်သန်း ခဲ့ရတာတွေက ကျနော်အရှင်းဆုံးပြောရရင် ကျနော် သင်္ဘောလိုက်တယ်။ ပြီးရင် ကျနော် ဘန်ကောက်ကနေ ဗီဇာ ယူပြီး ဂျပန်သွားတယ်၊ ကျနော် တနေ့ နာရီ ၂၀ လောက် အလုပ်လုပ်တယ်။ ခုနပြောတဲ့ ပန်းကန်ဆေး၊ အိုးတိုက်ပေါ့။ အဲဒါကနေမှ ရှင်းရှင်းပြောရင် စားပွဲထိုးပေါ့နော်။ အဲဒါမျိုးတွေ လုပ်လာခဲ့ပြီးတော့မှ ကားလုပ်ငန်း၊ ကားအရောင်းအ၀ယ်လုပ်တဲ့ လုပ်ငန်း ကနေ တဆင့်ပြီးတဆင့် တက်လှမ်းပြီးတော့မှ ပြန်လာတဲ့အခါမှာ ကျနော် စီးပွားရေးလုပ်ငန်းတွေ ပြန်လုပ်ဖြစ်တယ်။

ဒီလိုပါပဲ တောက်လျှောက် ဖြတ်သန်းလာတဲ့ အတွေ့အကြုံအရ ဆိုရင်တော့ ကိုယ့်တယောက်အတွက်တော့ ရှင်သန် လို့ရတယ်။ လွယ်ကူပါတယ်။ ဒါပေမယ့် ငါတို့မြန်မာတွေ ဘာလို့မလုပ်နိုင်လဲ။ ငါတို့ မြန်မာတွေ ဘာကြောင့် အထင်သေး လဲဆိုတဲ့အခါ ကျနော် နိုင်ငံတကာမှာ နေလာတဲ့အခါကျတော့ ခံစားချက်အပြည့်နဲ့ ပြန်လာတာ၊ ငါတို့ မြန်မာလူမျိုး မြန်မာနိုင်ငံမှာနေတာပဲ၊ သူတို့ နိုင်ငံသားတွေလိုမျိုး ဖြစ်ချင်ရင် ခံယူချက်တခုတည်းနဲ့ မရဘူး။ ဒေါသတခု တည်းနဲ့လည်း မရဘူး။ ကြိုးစားမှ ရမယ်ဆိုတဲ့အသိနဲ့ ကျနော် ဒီနေ့ဒီအချိန်အထိ ကြိုးစားနေတုန်းပါ။ ကြိုးစား နေသရွေ့ကတော့ လူတိုင်းမှာ ပန်းတိုင် ရှိပါတယ်။ ဒါလေးတခုပဲ ကျနော် ပေးချင်ပါတယ်။ အားလုံးကို Massage ပေးချင်တာက ကိုယ့်ကိုယ်ကို ကောင်းအောင် ကြိုးစားရင်းနဲ့ ကိုယ့်မိသားစု၊ ကိုယ့်နိုင်ငံအတွက် ကောင်းအောင် ကြိုးစားတဲ့ မြန်မာတွေ အများကြီးပေါ်ရင် မြန်မာနိုင်ငံ တိုးတက်မှာပါ၊

မေး။ ။ အခု Novotel ဟိုတယ်မှာ ဘယ်လောက် ရင်းနှီးမြှပ်နှံထားလဲ။ ခုနက Accor က စီမံခန့်ခွဲရေး လုပ်တယ်ဆိုတော့ သူရဲ့ စီမံခန့်ခွဲရေးကိစ္စနဲ့ ပတ်သက်ပြီးတော့လည်း ရှင်းပြပေးပါ။

ဖြေ ။ ။ ရင်းနှီးမြှုပ်နှံမှုကတော့ ဒီအဆောက်အအုံနဲ့ ပတ်သက်ပြီးတော့ အစလောက်က ဘီလီယံ ၆၀ ကျော်လောက် ဆိုရင် ပြီးမယ်လို့ ထင်တာပေါ့။ ကျနော်တို့ ဆောက်တဲ့အချိန်မှာ နိုင်ငံခြားချေးငွေ ဘီလီယံ ၃၀ ကျော်လောက် ရပါတယ်။ ကျနော်တို့ ပြည်တွင်းချေးငွေ ၁၅ ဘီလီယံကျော် လောက်ရပါတယ်။ ပထမတုန်းက ကျနော်တို့ ဘီလီယံ ၃၀ နဲ့ ကျနော့်မှာ ရှိတဲ့ ငွေနဲ့ ဘီလီယံ ၆၀ လောက်နဲ့ ပြီးအောင် ဆောက်ဖို့။ ဒါပေမယ့်ကျနော်တို့ ၆၀ ကျော်လောက်နဲ့ မပြီးနိုင်တဲ့ အခါ ကျတော့ အခု ၈၆ ဘီလီယံ ကျော်သွားတယ်။ ၈၆ ဘီလီယံကျော်မှာ ကျနော်တို့မှာ ဘီလီယံ ၃၀ ကျော်လောက် ချေးငွေနဲ့ ပြည်တွင်းဘဏ်နဲ့ ဆိုတော့ ဘီလီယံ ၄၅ ဘီလီယံနဲ့ ၄၆ ဘီလီယံလောက်က ကျနော်တို့ ချေးငွေ၊ ကျန်တဲ့ ဘီလီယံ ၄၀ လောက်က ကျနော်တို့ ကုမ္ပဏီက ပိုက်ဆံနဲ့ ဟိုတယ်ကိုလည်း ပြီးအောင်ဆောက်တယ်။ ဒီရင်းနှီးမြှုပ်နှံမှုနဲ့ ပတ်သက် ပြီးတော့လည်း ကျနော်တို့ ကြေညာချက်ထုတ်ထားပါတယ်။ ကျနော်တို့ ဘယ်လို ရင်းနှီးတယ်၊ ဘယ်ဘဏ်က ချေးထား တယ်။ ဒါကတော့ ကျနော်တို့ ဟိုတယ်ရဲ့ ရင်းနှီးမြှုပ်နှံမှု အပိုင်းပေါ့။

Accor ကတော့ ဒီရင်းနှီးမြှပ်နှံမှု အပေါ်မှာ Management လုပ်တာပေါ့။ Accor မှ မဟုတ်ပါဘူး။ ဒီဟိုတယ်ထဲမှာ ရုံးခန်း တွေ ရှိသေးတယ်။ စားသောက်ဆိုင်တွေ ရှိတယ်။ စားသောက်ဆိုင်တွေဆိုရင် ဂျပန်နဲ့ ပေါင်းလုပ်တယ်၊ SPA ဆိုရင် ထိုင်းနဲ့ ပေါင်း လုပ်တယ်။ ကာရာအိုကေဆိုရင် ပြည်တွင်းက ကျွမ်းကျင်တဲ့ လူတယောက်နဲ့ ပေါင်းလုပ်တယ်။

မေး။ ။ မသန်စွမ်းတွေလည်း အလုပ်ခန့်ထားတာ ရှိတယ်လို့ သိရတယ်။ အလုပ်သမား ရေးရာ Policy နဲ့ CSR ပေါ်လစီ ပတ်သက်လို့ ရှင်းပြပေးပါ။

ဖြေ ။ ။ အဓိကကတော့ Accor နဲ့ ကျနော်တို့ အယူအဆ အတွေးအခေါ်ချင်း တူတာပေါ့။ ကိုယ့်ရှိနေတဲ့ ၀န်ထမ်း လုပ်နေတဲ့ သူတွေကို တာဝန်ယူမှု၊ တာဝန်ခံမှုတင် မဟုတ်ဘဲနဲ့ CSR တပိုင်းဖြစ်တဲ့ မသန်စွမ်း ၀န်ထမ်းတွေကို အလုပ်ပေး လို့ရတဲ့ နေရာတွေ ရှာဖို့ပေါ့။ တွေ့ရင်တော့ အလုပ်ပေးရအောင်ဆိုပြီး ကျနော်တို့ စဉ်းစားပါတယ်။ ဥပမာ ကျနော်တို့ ပြောတာက Max Energy မှာ ဆိုလို့ရှိရင် တက္ကသိုလ် တက်နေတဲ့ ကလေးတွေကို Part Time လုပ်ပေးတာ အခုဆို ၁၀၀ ကျော် ကျနော်တို့ အလုပ်ခန့်ထားပါတယ်။

ကျနော်တို့တုန်းကလည်း ဒီလိုပဲ နိုင်ငံခြားမှာနေရင် Part Time အလုပ်လုပ်ပြီး ကျောင်းတက်ရတာပဲ။ ဒီဟိုတယ်မှာလည်း Accorနဲ့ တိုင်ပင်တဲ့ အခါကျတော့ ဒီမသန်စွမ်းတွေကို ပေးလို့ရတဲ့နေရာရှာမယ်။ အခု အလုပ်စ၀င်ပြီး လုပ်နေကြတယ်။ သူတို့လည်း ပျော်နေကြတယ်။ သူတို့ရဲ့ day to day life လေးတွေက ကောင်းသထက် ကောင်းလာတယ်။ သူတို့ကို ကြည့်ပြီးတော့လည်း ပီတိ ဖြစ်စရာပါ။ ဒါကတော့ ရှင်းရှင်းပြောရင်တော့ လူ့ဘ၀မှာ စီးပွားရေးလုပ်တာ တခုတည်း မဟုတ်ဘဲနဲ့ ကျန်တဲ့အပိုင်းတွေမှာ တာဝန်ယူတတ်မှု အပိုင်းတွေမှာ ကျနော်တို့က လူသားချင်းစာနာတဲ့အနေနဲ့ ဒါတွေ လုပ်နေတာပါ။

မေး။ ။ လွန်ခဲ့တဲ့ နှစ် ၂၀ လောက်တုန်းက မြန်မာနိုင်ငံမှာ တိုင်းရင်းသားပိုင် ဟိုတယ်တွေ ပေါ်လာတယ်၊ ဒါပေမယ့် နောက်ပိုင်းမှာကြတော့ နိုင်ငံခြားသားပိုင် သက်သက်ဟိုတယ် တွေ ဥပမာ ပတ်ရိုင်ရယ်၊ ဆူးလေရှန်ဂရီလာတို့လို အဲလိုမျိုး ဟိုတယ်တွေပဲ ပေါ်လာပြီးတော့ အခုမှ ဒါ ပထမဦးဆုံး ပြန်ပြီးတော့ ဦးဇော်ဇော်ပိုင်တဲ့ တိုင်းရင်းသားပိုင်တဲ့ ဟိုတယ်တွေ ပြန်ပြီးတော့ ပေါ်လာတဲ့အခါကျတော့ အဲဒီ တိုင်းရင်းသားတွေပိုင်တဲ့ ဟိုတယ်တွေနဲ့ ရှေ့ရေးကို ဘယ်လို မြင်လဲ။

ဖြေ ။ ။ အဓိကကတော့ စိတ်ကူးပေါ့နော်၊ ဂျပန်မှာ နေတုန်းကဆိုရင် ဟိုတယ်မှာ ၀င်အလုပ်လုပ်ကတည်းက ဒီဟိုတယ် မျိုး ငါပိုင်ရင် ကောင်းမှာပဲ ဆိုတဲ့ စိတ်ကူးမျိုးတော့ ရှိတယ်။ ကျနော်တို့ ၉၃၊ ၉၄ ခုနှစ်လောက်တုန်းက တိုင်း ပြည်မှာ Investment တွေ နည်းနည်း ၀င်လာတယ်။ ၀င်လာတဲ့အခါကျတော့ မြန်မာပြည်မှာပဲ လွန်ခဲ့တဲ့ နှစ် ၂၀ ကျော် တုန်းက ဟိုတယ် တွေ ကြည့်လိုက်ရင် ဆီဒိုးနား၊ ထရိတ်ဒါး၊ အခုတော့ ရှန်ဂရီလာလို ဟိုတယ်တွေပေါ့။ အဲလို ဟိုတယ်တွေ တော်တော်များများက တိုင်းရင်းသားပိုင်တဲ့ ဟိုတယ် မဟုတ်ဘူး၊ နောက်တခုက မင်္ဂလာဆောင်တို့ ကျန်တဲ့ အခမ်းအနား တွေ လုပ်မယ်ဆိုရင် ဒီဟိုတယ်တွေမှာပဲ လွန်ခဲ့တဲ့ နှစ် ၂၀ ကျော်က လုပ်လာတာ အခုအချိန်အထိ၊ ကျနော်တို့ ဒီဟိုတယ် ပေါ်လာတဲ့အခါကျတော့ ကျနော့်အနေနဲ့ ရှင်းရှင်းပြောရရင် ဒီအပေါ်မှာ ဂုဏ်ယူတယ်လို့ပဲ ပြောရမှာပေါ့။

မဖြစ်ဖြစ်အောင် လုပ်ချင်တာက ငါတို့ တိုင်းရင်းသားပိုင်တဲ့ ဟိုတယ်။ တနိုင်ငံလုံးမှာ Foreign Investment တွေ ဖြစ် နေတဲ့ အခါကျတော့ ငါတို့နိုင်ငံသားတွေကရော မလုပ်နိုင်တော့ဘူးလား။ ထိုင်းတို့ ဗီယက်နမ်တို့တောင် ငါတို့ နိုင်ငံမှာ လာမြှုပ်နှံတယ်။ ငါတို့က ဘာလို့ သူများနိုင်ငံမှာ ဘာလို့ မမြှုပ်နှံနိုင်ရမှာလဲ ထားလိုက်တော့။ ကိုယ့်နိုင်ငံမှာ ကိုယ်မလုပ် နိုင်တာဆိုရင် ကျနော်တို့က တကယ်တော့ ကိုယ့်နိုင်ငံထဲမှာ ကိုယ်လုပ်နိုင်ဖို့ဆိုရင် Regional ဒါမှမဟုတ်ရင် Golobal ထွက်နိုင်တဲ့ လုပ်ငန်းရှင်တွေ တချိန်ချိန်မှာ အများကြီးလိုတယ်။

အခုမဟုတ်ရင်တောင် ကျနော်တို့လည်း ကြိုးစားဖို့ လိုတယ်၊ အဲလိုကြမှ ကျနော်တို့ တော်တဲ့လူတွေ နေရာတိုင်းမှာရှိနေမှ တိုင်းပြည်က အောင်မြင်မှာ၊ ဆရာဝန်ပဲဖြစ်ဖြစ်၊ အင်ဂျင်နီယာပဲ ဖြစ်ဖြစ်၊ Media ကဏ္ဍမှာပဲဖြစ်ဖြစ်၊ ကျနော်တို့အနေနဲ့ Manufacturing မှာပဲ ဖြစ်ဖြစ်၊ Production မှာပဲဖြစ်ဖြစ် အဲလို ကဏ္ဍ ပေါင်းစုံမှာ တကယ့်ကို အရည်အချင်းရှိတဲ့ တော်တဲ့သူ ရှိနေရင် ကျနော်တို့နိုင်ငံ သူများနိုင်ငံနဲ့ ယှဉ်လို့ရမယ်၊ ပြိုင်လို့ရမယ်။ ကျနော့်အနေနဲ့ သူတို့တွေလာ Investment လုပ်တယ်။ ကြိုဆိုပါတယ်။ သို့သော်လည်း Fair Competition နဲ့ဆိုရင် ငါတို့လည်း လုပ်နိုင်တယ်ဆိုတဲ့ ဆန္ဒ တခုနဲ့ ဒါလေးကို ကျနော်တို့ လုပ်နိုင်ခဲ့တာပေါ့၊ အဲဒီအတွက်ကြောင့် ကျနော်လည်း ပီတိ ဖြစ်ပါတယ်။

Irrawaddy

 

https://www.facebook.com/searchmyanmar/photos/a.356889637687313.84429.1

Samsung Galaxy S6 နှင့် S6 Edge ဖန်တီးသူနှင့် တွေ့ဆုံခြင်း

စင်္ကာပူနိုင်ငံ၊ Samsung ရုံးမှာ Samsung Galaxy S6 နဲ့ S6 Edge ဒီဇိုင်း ဦးဆောင်ဖန်တီးသူ Hang Yeo နဲ့ ရိုးရာလေးမှ တွေ့ဆုံခဲ့ ပါတယ်။ သူ့အနေနဲ့ Samsung Galaxy S6 နဲ့ S6 Edge ကို တီထွင်ဖန်တီးဖြစ်ပုံနဲ့ အကြောင်းအရာ အချို့ကိုဖော်ပြလိုက်ရပါတယ်။

အလူမီနီယမ်၊ ပလက်စတစ်မဟုတ်တော့ပဲ ဖန်သားရွေးရခြင်း

ယခု Samsung Galaxy S6 နဲ့ S6 Edge မှာ အသုံးပြုထားတဲ့ ကိုယ်ထည်က ဖန် ဖြစ်ပါတယ်။ ယင်း ဖန်သာ သာမန် အလူမီနီယမ်ထက် နှစ်ဆမက သန်မာပြီး Drop Test အမျိုးမျိုး ပြုလုပ် စမ်းသပ်ပြီးမှ ရွေးချယ်ပြုလုပ်ထားကြောင်း ဆိုပါတယ်။ သူ့မှာ ထူးခြားချက် တစ်ခုရှိပါတယ်။ ယင်းကတော့ ဖုန်းကို ပတ်ဝန်းကျင် အရောင်ပေါ်မှာ မူတည်ပြီးတော့ နှစ်ရောင်၊ သုံးရောင်မက ပြောင်းနေခြင်း ဖြစ်ပါတယ်။ အဓိက ရွေးချယ်မှု အနေနဲ့ တစ်လုံးထဲနဲ့ အရောင်စုံ နီးပါး ကိုင်စေဖို့ ဖြစ်ပါတယ်။ ဥပမာ အပြာရောင် ဆိုရင် ပတ်ဝန်းကျင် အလင်းအမှောင်ကြောင့် အစိမ်းရောင်ဆန်ဆန်လည်း ဖြစ်သွား တတ်ပါတယ်။ ရွှေဖြူရောင် ဆိုရင် ရွှေရောင် အကြည် ပုံလည်း ထွက်ပါတယ်။

ဝ.၂ မီလီမီတာ ဗျက်လျော့ထားခြင်း

ရုတ်တရက်ကြည့်လိုက်ရင် မသိရတာက ဖုန်းရဲ့ ဗျက်ကို လျော့ထားခြင်း ဖြစ်ပါတယ်။ One Hand Operation လည်း သုံးချင်တယ်။ ဖုန်း ကြီးကြီးလည်း သုံးချင်တယ် ဆိုတဲ့သူများအတွက် နှစ်မျိုးစလုံးကို ခံစားရစေခြင်း ဖြစ်ပါတယ်။ ဒါကြောင့်မို့ အရင် Samsung Galaxy S5 နဲ့ စာရင် အနည်းငယ် ဗျက် ကျဉ်းနေပါလိမ့်မယ်။

S6 Edge ရဲ့ ကွေးနေတဲ့ စခရင်ဖြစ်ဖို့ အပူချိန် ၈၀၀ ဒီဂရီ စင်တီဂရိတ်လို

၈၀၀ ဒီဂရီ စင်တီဂရိတ် အပူချိန်ပေးပြီးတော့ ဂေါ်ရီလာ ဖန်သားကို ကွေးအောင် ဖန်တီးထားပြီး အများစု စိုးရိမ်နေတဲ့ မျက်နှာပြင် ပွန်းမှာ၊ ပဲ့မှာတို့၊ အကြမ်းမခံမှာတို့ ဟာ စိုးရိမ်စရာ တစ်ခု မဟုတ်တော့ကြောင့် လက်တွေ့ ကိုင်ကြည့်ပြီးတော့ သိလိုက်ရ ပါတယ်။

အရောင်စုံ၊ ပုံစံ အစုံ စမ်းသပ်ပြီးမှ ထွက်ရှိလာရတဲ့ ဖုန်းများ ဖြစ်

အရောင်စုံ စမ်းသပ်ပြီးတော့မှာ အပြာ၊ ပုလဲဖြူ၊ အစိမ်းရောင်၊ ရွှေဖြူရောင်၊ အနက်ရောင် အစရှိသဖြင့် ရွေးချယ်ထွက်ပေါ်လာခြင်း ဖြစ်ပါတယ်။ ပုံစံ အမျိုးမျိုး အနေနဲ့ ဆိုရင် ပြောင်းလဲမှု များတာကို တွေ့ရမှာပါ။ နားကြပ်ထည့်တဲ့အပေါက်၊ ဆောင်းဗောက်တို့ က အောက်ကို ရောက် သွား ပါတယ်။ Unibody ဖြစ်သွားတာကြောင့် ဘက်ထရီ ဖြုတ်လို့မရတော့ပါဘူး။ SIM Card ထည့်တဲ့ slot ကလည်း ဖုန်း ညာဘက်မှာ ဖြစ်သွား ပါတယ်။

Hang Yeo ဟာ Samsung Galaxy S5 ပြုလုပ်တုန်းက ပါဝင်စပဲ ရှိခဲ့ပါသေးတယ်။ S6 နဲ့ S6 Edge ဖန်တီးချိန်မှာတော့ ကိုယ်တိုင် ဦးဆောင် တာဝန်ယူ ပြုလုပ်ပြီး သူ့ကို Project Zero လို့ အမည်ပေးခဲ့ပါတယ်။

အောင်ခမ်း (ရိုးရာလေး)
https://www.facebook.com/media/set/?set=a.873919692651284.1073741833.1716

ဒေါက်တာအလက်ဇန်းဒါးမြင့်စွမ်း (MBBS, MD, FACP) နှင့် တွေ့ဆုံခြင်း

အမေရိကန်နိုင်ငံ နယူးဂျာစီမြို့က နှစ်စဉ်ရွေးချယ်သည့် အကောင်းဆုံး ဆရာဝန်များ စာရင်းတွင် ရွေးချယ်ဂုဏ်ပြုခံရသူ ဒေါက်တာအလက်ဇန်းဒါးမြင့်စွမ်း (MBBS, MD, FACP) နှင့် တွေ့ဆုံခြင်း

 (ကျောက်ကပ်ရောဂါနှင့် အထွေထွေ လူကြီးရောဂါကု သမားတော်ကြီး ဒေါက်တာ အလက်ဇန်းဒါးမြင့်စွမ်း ဆုလက်ခံ ရယူနေစဉ်)

 

 

အမေရိကန်နိုင်ငံ နယူးဂျာစီမြို့က နှစ်စဉ်ရွေးချယ်သည့် အကောင်းဆုံး ဆရာဝန်များစာရင်း ၂၀၁၃ ခုနှစ်တွင် မြန်မာနိုင်ငံသား ဆရာဝန်တစ်ဦးဖြစ်သူ ဒေါက်တာအလက်ဇန်းဒါးမြင့်စွမ်း ပထမဆုံးအကြိမ်အဖြစ် ရွေးချယ်ဂုဏ်ပြုခံခဲ့ရသည်။ ဒေါက်တာ အလက်ဇန်းဒါးမြင့်စွမ်းသည် ၂၀၀၇ ခုနှစ်တွင် အမေရိကန် တစ်နိုင်ငံလုံး အတိုင်းအတာဖြင့် ပေးအပ်သည့် အကောင်းဆုံး ဆရာဝန်ဆုကို ရရှိခဲ့ပြီး ယခုအခါ နယူးဂျာစီပြည်နယ်တွင် နှစ်စဉ်ရွေးချယ် ပေးအပ်သော အကောင်းဆုံး ဆရာဝန်ဆုကို မြန်မာနိုင်ငံသား ဆရာဝန်တစ်ယောက် အနေဖြင့် ပထမဆုံးအကြိမ် ရရှိခဲ့ခြင်းဖြစ်သည်။ အဆိုပါဆုကို မြန်မာနိုင်ငံသား တစ်ဦးအနေဖြင့် ပထမဆုံးအကြိမ် ရရှိခဲ့သူ ဒေါက်တာအလက်ဇန်းဒါးမြင့်စွမ်း MBBS, MD, FACP ကျောက်ကပ်ရောဂါနှင့် အထွေထွေ လူကြီးရောဂါကု သမားတော်ကြီးအား The Daily Eleven က အီးမေးလ်မှတစ်ဆင့် သီးသန့်မေးမြန်း ခဲ့ပါသည်။

'မြန်မာနိုင်ငံသား ဆရာဝန်တစ်ယောက် အနေနဲ့လည်း ပထမဆုံးရတဲ့ဆု ဖြစ်ပါတယ်'

  မေး - အရင်ဆုံး ဆရာ့ကိုယ်ရေး အကျဉ်းလေး သိပါရစေ။

  ဖြေ - ကျွန်တော့်ကို ၁၉၆၁ ခုနှစ် ဧပြီလမှာ ရန်ကုန်မြို့က အမေရိကန်ဆေးရုံမှာ မွေးဖွားခဲ့ပါတယ်။ အမေရိကန် ဆေးရုံဆိုတာ အခု နား၊ နှာခေါင်း၊ လည်ချောင်း ဆေးရုံပါ။ ကျွန်တော့် မိဘတွေကတော့ တွံတေးမြို့ကပါ။ အဲဒီမှာ ကုန်စုံဆိုင် ဖွင့်ပါတယ်။ ကျွန်တော် မွေးတဲ့အချိန်မှာ ကျွန်တော့်အဖေက သင်္ဘောနဲ့ ကုန်ကူးရင်း သင်္ဘောနစ်လို့ ဆုံးသွားပြီ။ ကျွန်တော့်အဖေ ဆုံးတဲ့အချိန်မှာ အမေက ကျွန်တော့် ကိုယ်ဝန်ကြီးနဲ့ပါ။ ကျွန်တော်မွေးပြီး တစ်နှစ် နှစ်နှစ်လောက်ကြာတဲ့ အခါကျမှ ကျွန်တော်တို့ မိသားစု ရန်ကုန်ပြောင်းလာပြီး အခြေချ နေခဲ့ကြတယ်။ ကျွန်တော် ကျောင်းစတက်တော့ လမ်းမတော်က မူလတန်းကျောင်းမှာ တက်ရတာ။ အဲဒီအချိန်တုန်းက တိုင်းပြည် အခြေအနေကလည်း အတော်လေး မငြိမ်မသက် ဖြစ်နေတော့ ကျောင်းအမျိုးမျိုး ပြောင်းတက်ခဲ့ရတယ်။ ကျွန်တော် ရှစ်တန်းလောက်ရောက်တော့ မနက်ပိုင်း ကျောင်းတက် ညနေဘက် မိသားစု ဆေးဆိုးပန်းရိုက် အလုပ်မှာ ၀င်လုပ်ပေးရတယ်။ အဲဒီလို အလုပ်တစ်ဖက် ကျောင်းတစ်ဖက်ဆိုတော့ ကျွန်တော့်မှာ သူငယ်ချင်းတွေနဲ့ ပျော်ပါးဖို့၊ လက်ဖက်ရည်ဆိုင်ထိုင် အချိန်ဖြုန်းဖို့လည်း မရှိခဲ့ဘူး။ အကောင်းပဲ ပြောရမယ် ထင်တယ်။ ကျွန်တော်အလုပ် လုပ်ရတာကို သဘောကျသွားတယ်။ အကျင့်ပါသွားတယ်ပေါ့။ ကျွန်တော် ရှစ်တန်းအောင်တော့ ဂုဏ်ထူးသုံးခု ပါခဲ့တယ်။ ကိုးတန်းရောက်တော့ အလုပ်လုပ်ဖို့ အချိန်ပိုရအောင်ဆိုပြီး ကျွန်တော်ညကျောင်း ပြောင်းတက်ခဲ့တယ်။ ဆယ်တန်းမှာ အလုပ်တစ်ဖက်နဲ့ဆိုတော့ ကျွန်တော်ကျတယ်။ အဲဒါနဲ့ ဆက်မဖြေတော့ဘဲ အပြင်ထွက်ပြီး အလုပ်ပဲလုပ်တာ သုံးနှစ်ကြာတယ်။ နောက်ဆယ်တန်းတွေ စနစ်သစ် ပြောင်းတော့မယ် ဆိုတော့မှ ကျွန်တော်ဆယ်တန်း ၀င်ဖြေလိုက်တာ အောင်သွားတယ်။ နောက်ဒေသကောလိပ်တက်ပြီး ဆရာဝန်ဖြစ်ချင်တာနဲ့ ဆေးကျောင်းရအောင် တက်ခဲ့တယ်။ ဆေးကျောင်းကတော့ အခုလမ်းမတော်က ဆေး ၁ ပေါ့လေ။ အလုပ်သင် ဆရာဝန်က ၁၉၈၈ ခုနှစ်မှာပြီးတယ်။ အလုပ်သင် ဆရာဝန်ပြီးတော့ ကျွန်တော် အင်းစိန်မှာ ဆေးခန်းခဏ ထိုင်ခဲ့သေးတယ်။

  မေး - ဆရာ အခုရတဲ့ ဆုအကြောင်းလည်း နည်းနည်းပြောပြပေးပါ။

  ဖြေ - ဒီဆုက New Jersey Monthly ၀က်ဘ်ဆိုက်က ကြီးမှူးပေးအပ်တာ ဖြစ်ပါတယ်။ ပထမဆုံး အကောင်းဆုံး ဆရာဝန် ရွေးချယ်ရေးအတွက် နယူးဂျာစီမြို့မှာရှိတဲ့ ဆရာဝန် ၂၃၅၁၃ ဦးကို စစ်တမ်းကောက်ယူတယ်။ ဆရာဝန်တွေကို အဲဒီလိုစစ်တမ်း ကောက်ယူတဲ့ အခါမှာ မိမိတို့ရဲ့ မိသားစုဝင်တွေကို နယူးဂျာစီ မြို့မှာရှိတဲ့ ဘယ်ဆရာဝန်နဲ့ ကုသခံမလဲဆိုတဲ့ မေးခွန်းနဲ့ စစ်တမ်းကောက်ယူတာဖြစ်ပြီး ရလာတဲ့ စစ်တမ်းကို အဖွဲ့ဝင် ဆရာဝန် ၂၅ ဦးပါဝင်တဲ့ နယူးဂျာစီ အကောင်းဆုံး ဆရာဝန်ရွေးချယ်ရေး ဘုတ်အဖွဲ့က ရွေးချယ် စိစစ်ပေးပါတယ်။ အဲဒီလို စိစစ်ပြီးတော့မှ မဲပေးရွေးချယ်မှုအရ ဆရာဝန် ၉၇၄ ဦးကို ရွေးချယ်ပေးအပ်ခြင်း ဖြစ်ပါတယ်။ ဆရာဝန်စုစုပေါင်းရဲ့ လေးရာခိုင်နှုန်းသာ ဒီဆုကို ရရှိပါတယ်။ ဒီဆုက အများအားဖြင့်တော့ အမေရိကန်နိုင်ငံသား ဆရာဝန်တွေနဲ့ ဥရောပဆရာဝန်တွေသာ ရရှိလေ့ရှိပါတယ်။ အခုကျွန်တော် ဒီဆုရတယ်ဆိုတဲ့ အကြောင်းကို သိစေချင်တာက ကိုယ့်ကိုယ်ကိုယ် ကြွားချင်လို့ မဟုတ်ပါဘူး။ မြန်မာနိုင်ငံသား ဆရာဝန်တွေလည်း ကမ္ဘာပေါ်က အထက်တန်းဆိုတဲ့ နေရာတွေမှာ ရှိတယ်ဆိုတာကို ပြောချင်တာပါ။ မြန်မာနိုင်ငံကအောင်တဲ့ ဆရာဝန်မို့လို့ စိတ်ဓာတ်ကျစရာ မလိုဘူး။ မြန်မာတွေလည်း မညံ့ဘူးဆိုတာ သိစေချင်တာပါ။ ဒီဆုကိုရတဲ့အတွက် မြန်မာနိုင်ငံသား တစ်ယောက် အနေနဲ့လည်း ဂုဏ်ယူမိပါတယ်။ အမေရိကန်က ထိပ်တန်းဆိုတဲ့ ဆရာဝန်တွေထဲမှာ မြန်မာနိုင်ငံသား တစ်ယောက်အနေနဲ့ ပါဝင်ခြင်းအားဖြင့် မြန်မာဆရာဝန်တွေ အနေနဲ့ အမေရိကန် ဆရာဝန်တွေထက် မနိမ့်ဘူး ဆိုတာကို ပြသနိုင်ခြင်းပဲ ဖြစ်ပါတယ်။ ဒီဆုက ကျွန်တော့်အတွက် နယူးဂျာစီမြို့မှာ ပထမဆုံးရတဲ့ဆု ဖြစ်သလို မြန်မာနိုင်ငံသား ဆရာဝန်တစ်ယောက် အနေနဲ့လည်း ပထမဆုံးရတဲ့ဆု ဖြစ်ပါတယ်။

  မေး - ဆရာ့ကို ဘာ့ကြောင့် ဒီဆုချီးမြှင့်တယ် ထင်ပါသလဲ။

  ဖြေ - ကျွန်တော်ရခဲ့တဲ့ ဆုတွေထဲမှာ လူနာတွေက ရွေးချယ်ပေးတာလည်း ပါသလို ဆရာဝန်တွေ၊ ဆေးဝန်ထမ်းတွေက ရွေးချယ်ပေးတဲ့ ဆုတွေလည်း ရှိပါတယ်။ ဒီဆုကတော့ ဆရာဝန်တွေက ရွေးချယ်ပေးအပ်တဲ့ ဆုတစ်ခုပါ။ ဆရာဝန် အချင်းချင်း ရွေးချယ်ခိုင်းတာ ဖြစ်တဲ့အတွက် သိပ်တော့ မလွယ်လှပါဘူး။ ဆရာဝန် တစ်ယောက်ကို ဆုရွေးချယ်တဲ့ အခါမှာ စိတ်ချယုံကြည်ရမှု ရှိမရှိ၊ အလုပ်ကြိုးစားတာ၊ တာဝန်သိတတ်တာ၊ လူနာကို စေတနာနဲ့ ဂရုတစိုက် ကုသပေးတာတွေကို ကြည့်ပြီး ရွေးချယ်ပါတယ်။

  မေး - ဆရာ အမေရိကကို စတင်ပြောင်းရွှေ့လာတဲ့ အချိန်ကနေ အခုလို အောင်မြင်တဲ့ ဆရာဝန် တစ်ယောက် ဖြစ်လာတဲ့အထိ ဘယ်လိုတွေ ရုန်းကန်ခဲ့ရသလဲ ဆိုတာလေး ပြောပြပေးပါ။

  ဖြေ - ၁၉၈၈ ခုနှစ်မှာ ကျွန်တော် အလုပ်သင်ဆရာဝန် ပြီးတယ်။ ၁၉၈၉ မှာတော့ ဆက်ပြီးပညာသင်ဖို့ စိတ်ကူးနဲ့ ကျွန်တော် အမေရိကကို ထွက်ခဲ့တယ်။ အဲဒီအချိန်ကတည်းက ကျွန်တော်အမေရိကကို ရောက်နေခဲ့တာပါ။ အဲဒီအချိန်တုန်းက မြန်မာပြည်ကနေ အမေရိကန်ထွက်တော့ ၃၅ ဒေါ်လာပဲ ယူခွင့်ရှိတယ်။ အဲဒါနဲ့ ၃၅ ဒေါ်လာပဲ ယူပြီး ထွက်လာတာပေါ့။ အမေရိကန်ရောက်တော့ ရရာအလုပ်လုပ်ရင်း ကျွန်တော် စာမေးပွဲဖြေဖို့ ကြိုးစားခဲ့တယ်။ ဓာတ်ဆီဆိုင်မှာ ဓာတ်ဆီ ထည့်ပေးတယ်။ ဟိုတယ်တွေ၊ စားသောက်ဆိုင်တွေမှာ အိမ်သာဆေးတယ်၊ ပန်းကန်ဆေးတယ်၊ ကြမ်းတိုက်တယ်။ အဲဒီလိုနဲ့ရရာ အလုပ်မျိုးစုံလုပ် ပိုက်ဆံစုပြီး အမေရိကန်က ဆရာဝန် စာမေးပွဲအောင်အောင် ဖြေခဲ့တယ်။ ကျွန်တော် အမေရိကန် စရောက်တော့ အီလီနွိုက်ပြည်နယ်က မြို့လေးတစ်မြို့မှာ နေခဲ့တာ။ ကျွန်တော်အမေရိကန် ဆရာဝန် စာမေးပွဲအောင်တော့ အဲဒီက University of Illinois ဆိုတဲ့ သင်ကြားရေး ဆေးရုံမှာ အလုပ်သင်ဆရာဝန် ပထမနှစ် ဆင်းခဲ့ရတယ်။ နောက်တော့ နယူးယောက်မြို့ကို ပြောင်းရွှေ့ခဲ့ရပြီး ဘရွတ်ကလင်းက ဆေးရုံမှာ အလုပ်သင် ဆရာဝန် ဒုတိယနှစ်နဲ့ တတိယနှစ်ကို ဆင်းခဲ့ရတယ်။ အဲဒီမှာ မြန်မာနိုင်ငံကလာတဲ့ ဆရာဝန် အတော်များများ ရှိတယ်ဗျ။ အဲဒီမှာ အလုပ်သင် ဆရာဝန်အဖြစ်ဆင်းရင်း ကျောက်ကပ်အထူးကု ပညာရပ်ကို မက်ဟန်တန်မြို့က Lenox Hill ဆေးရုံမှာ ဆက်လက်ဆည်းပူးခဲ့တယ်။ အဲဒီနောက်မှာ ကျွန်တော် အသည်းအသန် ဝေဒနာများကို ပြုစုကုသရေး ဆေးပညာ (Critical Care Medicine) ကို ဆက်လက် ဆည်းပူးခဲ့ပါတယ်။ ကျွန်တော် Critical Care Medicine ကို ဆည်းပူးခဲ့တာကတော့ နယူးယောက်က Memorial Sloan Kettering Cancer Center လို့ခေါ်တဲ့ ကမ္ဘာပေါ်မှာ အကောင်းဆုံး ကင်ဆာဆေးရုံ တစ်ခုပါ။ အဲဒီနောက် ကျွန်တော်ကိုယ်ပိုင် ဆေးခန်းတစ်ခုကို နယူးယောက်က တောပိုင်းမှာ အမေရိကန် ဆရာဝန်တစ်ယောက်နဲ့တွဲပြီး ဖွင့်ခဲ့ပါတယ်။ အဲဒီမှာ တစ်နှစ်လောက် ကြာပြီးတော့မှ ကျွန်တော်နယူးဂျာစီ ပြည်နယ်က ပရင်စတန်မြို့ကို ပြောင်းလာခဲ့ပါတယ်။

  မေး - ဆရာနယူးဂျာစီမြို့မှာ အခြေချနေထိုင်တာ ဘယ်လောက်ကြာပြီလဲ။ ဆရာ့အနေနဲ့ အဓိက ဘာလုပ်ရပါသလဲ။

  ဖြေ - ကျွန်တော် အခုနယူးဂျာစီ မြို့မှာနေခဲ့တာ အနှစ်နှစ်ဆယ်လောက် ရှိပါပြီ။ ကျွန်တော်ကိုယ်ပိုင် ဆေးခန်းဖွင့်ပါတယ်။ ကျွန်တော်က ကျောက်ကပ်အထူးကု ဆရာဝန်တစ်ယောက်ဆိုတော့ ကျောက်ကပ် ဝေဒနာရှင်တွေ အတွက် ကျောက်ကပ်အစားထိုးခြင်း၊ ကျောက်ကပ်ဆေးခြင်း အစရှိတဲ့ ကျောက်ကပ်ဝေဒနာနဲ့ ပတ်သက်တဲ့ ကုသမှုတွေ လုပ်ပေးရပါတယ်။ ဒါ့အပြင် ဆေးကျောင်းသားတွေ၊ အလုပ်သင် ဆရာဝန်တွေကို စာသင်ကြားပေးပါတယ်။ ၂၀၀၈ ခုနှစ် သမ္မတ ဂျော့ဒဗလျူဘုရှ် လက်ထက်မှာ နယူးဂျာစီပြည်နယ် ဆေးပညာကောင်စီရဲ့ အကြံပေးပုဂ္ဂိုလ် အဖြစ်လည်း ကျွန်တော်တာဝန် ထမ်းဆောင်ခဲ့ဖူးပါတယ်။

  မေး - နယူးဂျာစီပြည်နယ်မှာ မြန်မာနိုင်ငံသား ဆရာဝန် ဘယ်နှယောက်လောက် ရှိပါသလဲခင်ဗျာ။

  ဖြေ - ကျွန်တော် အတိအကျတော့ မသိဘူး။ ဒီမှာတော့ မြန်မာဆရာဝန် ရာဂဏန်းလောက် ရှိမယ်ထင်ပါတယ်။ ကျွန်တော် အလုပ်လုပ်ခဲ့ဖူးတဲ့ နယူးယောက်မှာတော့ မြန်မာနိုင်ငံသား ဆရာဝန် ထောင်ဂဏန်းလောက် ရှိပါတယ်။

  မေး - ဆရာနယူးဂျာစီမှာရော ရုန်းကန်ခဲ့ရတာတွေ ရှိပါသလားခင်ဗျာ။

  ဖြေ - နယူးဂျာစီမှာလည်း ကျွန်တော်ရုန်းကန် ခဲ့ရတာပေါ့။ ဒီမှာက အမေရိကန်နိုင်ငံသား တစ်ယောက်အတွက်တောင် ကိုယ်ပိုင်လုပ်ငန်းတစ်ခု တည်ထောင်နိုင်ဖို့ဆိုတာ မလွယ်ကူပါဘူး။ ကျွန်တော့်လို နိုင်ငံခြားသား တစ်ယောက်အတွက်ဆို ပိုလို့တောင် ခက်ခဲပါသေးတယ်။ ဒါပေမဲ့ ကျွန်တော့်အနေနဲ့က ဗုဒ္ဓဘာသာ တစ်ယောက်ပီပီ ဘယ်တော့မှ ဘုရားတရားကို မမေ့ခဲ့ဘူး။ အဲဒီလိုနဲ့ အခက်အခဲတွေကို ရင်ဆိုင်ဖြတ်သန်း လာပြီးတဲ့နောက်မှာ ဒီနေ့ဒီအချိန်မှာတော့ ကျွန်တော့်အနေနဲ့ အောင်မြင်တယ်လို့ ပြောလို့ရတဲ့ အနေအထားတစ်ခုကို ရောက်ရှိနေပါပြီ။
 

မေး - ဆရာ့အနေနဲ့ မြန်မာနိုင်ငံကို ပြောကြားလိုတာများ ရှိပါသလားခင်ဗျာ။

ဖြေ - ကျွန်တော်မြန်မာပြည်က ထွက်လာတာ ကြာနေပြီ ဆိုပေမယ့် မြန်မာပြည်ကို ဘယ်တော့မှ မမေ့ပါဘူး။ ကျေးဇူးရှင်လို့ သတ်မှတ်ပြီး ကျေးဇူးဆပ်နိုင်ဖို့ အမြဲလည်း ကြိုးစားနေပါတယ်။ ကျွန်တော် အတတ်နိုင်ဆုံး မြန်မာနိုင်ငံကို ကျေးဇူးဆပ်နိုင်အောင် ကြိုးစားပါတယ်။ ဆင်းရဲဒုက္ခ ရောက်နေတဲ့ ဒေသတွေအတွက် ကျွန်တော့်ချွေးနှဲစာနဲ့ ဆေးဝါးတွေ၊ သောက်ရေသန့်တွေ၊ အ၀တ်အထည်တွေကိုပေးပို့ လှူဒါန်းခဲ့သလို ဒီမှာလည်း အလှူငွေ ကောက်ခံပြီး လှူဒါန်းပေးပါတယ်။ မီးမရတဲ့ဒေသက ဆေးခန်းတွေမှာ အသုံးပြုနိုင်ဖို့အတွက် နေရောင်ခြည်သုံး လျှပ်စစ်ဓာတ်အား ထုတ်ပေးနိုင်တဲ့ စက်ကိရိယာတွေ လှူဒါန်းခဲ့ပါတယ်။ ကျွန်တော် ရတနာသုံးပါးကို မမေ့သလို ကျွန်တော့်နိုင်ငံရဲ့ ကျေးဇူးကိုလည်း မမေ့ပါဘူး။ အဲဒီအတွက် ကျွန်တော်တတ်နိုင်တဲ့ ဘက်ကနေ အကောင်းဆုံး ကူညီပေးဆပ်သွားမှာပါ။ ကျွန်တော့် အိမ်မှာဆိုရင် နှစ်တိုင်းတရားစခန်း ဖွင့်ပေးပါတယ်။ မြန်မာနိုင်ငံကလာတဲ့ ဆရာဝန်တွေကိုလည်း ပညာရေးနဲ့ ပတ်သက်တဲ့ စာမေးပွဲတွေ ဖြေနိုင်အောင်၊ အလုပ်ခွင်ဝင်ခွင့်ရအောင် ကူညီပေးပါတယ်။ မြန်မာနိုင်ငံက ဆေးကျောင်းသားတွေ၊ ဆရာဝန်တွေ အနေနဲ့လည်း ဆေးပညာနဲ့ ပတ်သက်လို့ အကူအညီ လိုအပ်မယ်ဆိုရင် ကျွန်တော့်ကို ဖေ့စ်ဘွတ်ကနေဖြစ်ဖြစ် မေးလ်ကနေဖြစ်ဖြစ် ဆက်သွယ်နိုင်ပါတယ်။ ကျွန်တော် တတ်နိုင်သလောက် အကူအညီပေးပါ့မယ်။ ကျွန်တော်အဓိက ပြောချင်တာကတော့ မြန်မာတွေ မညံ့ပါဘူး။ တကယ်တမ်းကြိုးစားရင် မြန်မာဆိုတာ ဘယ်နိုင်ငံသားနဲ့မဆို ရင်ဘောင်တန်း နိုင်ပါတယ်။ ကျွန်တော် ဆရာဝန်ငယ်လေးတွေကို အကြံပေးချင်တာက လူနာတွေကို ကုသတဲ့နေရာမှာ မေတ္တာ၊ စေတနာနဲ့ ကုသပေးပါ။ 

 

အသပြာဆိုတဲ့ငွေနောက် မလိုက်ဖို့ အရေးကြီးတယ်၊ ကိုယ်ကကောင်းတာလုပ်ရင် ကောင်းတဲ့ အရာတွေက ကိုယ့်နောက် လိုက်လာပါလိမ့်မယ်။ စေတနာ၊ မေတ္တာကိုရှေ့ထားမှ အောင်မြင်မှု ပိုရနိုင်မှာပါ။ အားလုံးကို ကျေးဇူးတင်ပါတယ်ခင်ဗျာ။

Dr. Alexander Myint Swan, www.facebook.com/alexander.swan.7543, alexmswan@gmail.com

 https://www.facebook.com/ElevenMediaGroup/photos/a.211329105571387.507

အမျိုးသား ပညာရေးဥပဒေ ပြင်ဆင်ရေး ဒုတိယ ပါမောက္ခချုပ် ဒေါက်တာ မာလာအောင်နှင့် အင်တာဗျူး

IRRAWADY

အမျိုးသား ပညာရေးဥပဒေကို ကျောင်းသားများ ဆန္ဒပြကန့်ကွက်နေချိန်တွင် ရန်ကုန်အရှေ့ပိုင်း တက္ကသိုလ် (တာဝ တက္ကသိုလ်) ဒုတိယ ပါမောက္ခချုပ် ဒေါက်တာ မာလာအောင် ဦးဆောင်သည့် အမျိုးသား ပညာရေး ဥပဒေ ရှင်းလင်းပွဲကို ဇန်နဝါရီလ အစောပိုင်းက ရန်ကုန်အရှေ့ပိုင်း တက္ကသိုလ်တွင် ကျင်းပခဲ့သည်။ ယင်းရှင်းလင်းပွဲတွင် ဥပဒေ ပါရဂူ ဒေါက်တာ မာလာအောင်က အစိုးရမှ ပြဌာန်းလိုက်သည့် အမျိုးသား ပညာရေးဥပဒေပါ အချက်များသည် ပြည့်စုံမှု မရှိကြောင်း၊ ဥပဒေတွင် ချို့ယွင်းချက် များစွာရှိကြောင်း ရှင်းလင်းပွဲတွင် ထောက်ပြခဲ့သည်။

ဒုတိယ ပါမောက္ခချုပ် မာလာအောင်သည် ၁၉၉၂ ခုနှစ်တွင် ဂျပန်နိုင်ငံရှိ တိုဟိုကု (Tohoku) တက္ကသိုလ်မှ ဥပဒေဘာသာရပ်ဖြင့် ပါရဂူဘွဲ့ ရရှိခဲ့သည်။ အငြင်းပွားမှု၊ ဝေဖန်မှုနှင့် ကန့်ကွက်ဆန္ဒပြမှုများ ကျယ်ပြန့်စွာ ဖြစ်နေသည့် အမျိုးသားပညာရေး ဥပဒေနှင့် စပ်လျဉ်း၍ ဒေါက်တာ မာလာအောင်ကို ဧရာဝတီ အကြီးတန်းသတင်းထောက် သူဇာက တွေ့ဆုံ မေးမြန်းထားပါသည်။

  မေး။ ။ အမျိုးသား ပညာရေး ဥပဒေနဲ့ ပတ်သက်ပြီး ကျောင်းသားတွေကို ရှင်းပြခွင့်ဖို့ ဘယ်လိုတွေ ဆောင်ရွက်ခဲ့ပါသလဲ။

  ဖြေ။ ။ အမျိုးသား ပညာရေး ဥပဒေကို စရေးဆွဲကတည်းက ကျမ ပါဝင်ဆောင်ရွက်ရခြင်း မရှိခဲ့ပါဘူး။ ဒါကြောင့် ပညာရေး ဥပဒေနဲ့ ပတ်သက်ပြီး ဘာတွေ လုပ်နေသလဲဆိုတာ မသိခဲ့ဘူး။ သတင်း၊ ဂျာနယ်တွေထဲမှာ ကျောင်းသားတွေက အမျိုးသား ပညာရေးဥပဒေနဲ့ ပတ်သက်ပြီး သပိတ်မှောက်တယ်ဆိုတဲ့ အကြောင်းတွေ ဖတ်ရတယ်။ ဒါနဲ့ ဒီဥပဒေကို လေ့လာချင်တဲ့စိတ် ဖြစ်မိတယ်။ ဒါပေမယ့် ဒီဥပဒေ ပြဌာန်းချက် စာအုပ်ကို ဒီဇင်ဘာလလောက်မှ စာအုပ် လက်ထဲ ရောက်လို့ သေချာ ဖတ်ဖြစ်ပါတယ်။ ဒီလိုပဲ တက္ကသိုလ်တွေမှာ လိုက်ရှင်းနေတယ်ဆိုတာပဲ သိတယ်။ ကျမတို့လည်း မပါဝင်ရပါဘူး။ အဲဒီတော့ ဖြစ်ချင်တော့ နိုဝင်ဘာလ ၂၇ ရက်နေ့ သမ္မတကြီး မိန့်ခွန်းထဲမှာ အမျိုးသားပညာရေး ဥပဒေမှာ သဘောထား ကွဲလွဲချက်တွေလည်း ရှိမယ်။ သဘောတူညီချက်တွေလည်း ရှိမယ်။ အဲဒါတွေကို ရှာဖွေပြီး ညှိနှိုင်းပြီးတော့ တက္ကသိုလ် တခုချင်းအလိုက်ဖြစ်စေ၊ တက္ကသိုလ်တွေ စုပေါင်းပြီးတော့ ဖြစ်စေ ဆရာတွေ၊ ကျောင်းသားတွေ တွေ့ဆုံပြီးတော့မှ ဒါတွေကို ညှိနှိုင်းဆွေးနွေးကြပါလို့ ပြောထားတဲ့အကြောင်း ဖတ်ရတယ်။ နောက်ပြီး အဆင့်မြင့်ပညာ ဦးစီးဌာနရဲ့ ညွှန်ကြားချက်တွေလည်း ပါတယ်။ အဲဒါလည်း တွေ့ရော ကျမအနေနဲ့ ၀န်ထမ်းလည်း ဖြစ်တယ်၊ ကျမရဲ့ ဘောင်အတွင်းကနေ လုပ်နိုင်ပြီ ဆိုပြီး ဒီကျောင်းရဲ့ ပါမောက္ခချုပ်ကို ခွင့်ပြုဖို့ ဒီဇင်ဘာ ၁၂ ရက်က စာတင်ပါတယ်။ ပါမောက္ခချုပ်ရဲ့ ခွင့်ပြုချက်ရမှ ကျမအနေနဲ့ တရားဝင် ကျောင်းသား၊ ဆရာ၊ ၀န်ထမ်းတွေ တက်ရောက်ပြီး တွေ့ဆုံပွဲ လုပ်ဆောင်ခဲ့ပါတယ်။

  မေး။ ။ ဘယ်အရာတွေက တွန်းအားပေးခဲ့လို့ ဒီရှင်းလင်းပွဲ လုပ်ဆောင်ဖို့ ဆရာမ ဆုံးဖြတ်ခဲ့တာပါလဲ။

  ဖြေ။ ။ တချက်က ဥပဒေကို လေ့လာလိုက်တဲ့အခါမှာ မှားနေတဲ့ အားနည်းချက်တွေကို တွေ့ရပါတယ်။ နောက်ပြီး သမ္မတကြီး ကိုယ်တိုင်က ဒီဥပဒေမှာ အားနည်းချက်၊ အားသားချက်တွေ ရှိပါတယ်လို့ ပြောထားတဲ့ အတွက် အားနည်းချက်တွေကို ထုတ်ပြရမယ့် ကိစ္စမှာ ကျမတို့မှာလည်း တာဝန်ရှိပါတယ်။ အဲဒီအတွက်ကြောင့် ကျမက ဥပဒေသမားလည်း ဖြစ်တဲ့အတွက်ကြောင့်မလို့ အဲဒီဆန္ဒက ကျမအတွက် တွန်းအားဖြစ်ပါတယ်။ နောက်တခုက ကျမတို့ဆရာတွေအတွက် အဓိက တာဝန်ရှိတဲ့သူတွေဟာ ကျောင်းသားကျောင်းသူတွေ ဖြစ်ပါတယ်။ အဲဒီတော့ တက္ကသိုလ်ကျောင်းသား၊ ကျောင်းသူတွေရဲ့ ဆန္ဒဖော်ထုတ်မှုကို ကျမတို့က နားထောင်ပေးသင့်တယ်လို့ မြင်တယ်။ သူတို့တွေဟာ နောင်အနာဂတ် လူငယ်တွေ ဖြစ်ပါတယ်။ အဲဒီအနာဂတ် ကလေးငယ်တွေရဲ့ ဒုက္ခဆင်းရဲဖြစ်မယ့် ကိစ္စကို ကျမ မကြည့်နိုင်ပါဘူး။ သူတို့ အန္တရာယ် ဖြစ်မှာကိုလည်း ဒီတိုင်းလက်ပိုင်ပြီးတော့ မကြည့်နိုင်ပါဘူး။ အဲဒီတွန်းအား နှစ်ချက်နဲ့တင် ဒီလို ရှင်းလင်းပွဲ လုပ်ဖြစ်ခဲ့ပါတယ်။ တကယ်လို့ ဥပဒေသာ ပြီးပြည့်စုံနေမယ်ဆိုရင် ကျမဒီလို ပြောဖြစ်မှာ မဟုတ်ပါဘူး။ ဆန္ဒပြနေတဲ့ ကလေးတွေကိုပဲ ရှင်းလင်းပြပြီးတော့ နေမှာပေါ့။ မပြည့်စုံလွန်းလို့သာ မပြည့်စုံတဲ့အပေါ်မှာ ပေါ်ထွက်လာရတယ်လို့ပဲ ကျမ ပြောချင်ပါတယ်။

  မေး။ ။ အခုလို ရှင်းလင်းပွဲမှာ အစိုးရ၀န်ထမ်းတဦးက ဥပဒေကို ပြည့်စုံမှု မရှိဘူး၊ ချို့ယွင်းချက်တွေ ရှိနေပါတယ်လို့ ဝေဖန်လိုက်တဲ့အတွက် နောက်ဆက်တွဲ ဖြစ်လာမယ့် အခြေအနေနဲ့ ပတ်သက်ပြီး ဆရာမ ဘယ်လို ပြင်ဆင်ထားပါသလဲ။

  ဖြေ။ ။ ကျမ အနေနဲ့ အဲဒီဟောပြောပွဲဟာ ကျမရဲ့ ၀န်ထမ်းစည်းမျဉ်း၊ စည်းကမ်းအရ အထက်အဆင့်ဆင့်ကနေပြီး ခွင့်ပြုချက်ယူ လုပ်တာ ဖြစ်ပါတယ်။ ဒါကြောင့်မို့လို့ ၀န်ထမ်းစည်းမျဉ်း၊ စည်းကမ်းအရ ဘာမှ ငြိစွန်းတာ မရှိပါဘူး။ ဒါပေမယ့် ရှင်းလင်းပွဲဆိုတဲ့အတွက် ကျမအနေနဲ့ ဥပဒေမှာပါတဲ့ မြန်မာစကားအနေနဲ့ မရှင်းလင်းတာတွေကို ကျမ ရှင်းလင်းပါတယ်။ နောက်တခါ ဥပဒေအမြင်အရလည်း ဘယ်ဟာ ချို့ယွင်းတယ်၊ မချို့ယွင်းဘူးဆိုတာကိုလည်း ရှင်းပါတယ်။ အဲဒီ ရှင်းတာတွေဟာ ယနေ့လက်ရှိ နိုင်ငံတော်ကနေ လုပ်ဆောင်နေတဲ့ လုပ်ငန်းတွေကို နှောက်နှေးစေမယ်လို့ ဆိုခဲ့ရင်တော့ ဒါဟာ ကျမသည် လုပ်ငန်းကို စည်းကမ်းဘောင်ထဲမှာ လုပ်ရင်း ဖြစ်သွားတဲ့ ကိစ္စဖြစ်တဲ့အတွက် အဲဒီလို ဆိုရင်တော့ ကျမ စွန့်စားမှုက ရလာမယ့် ရလဒ်ကို ကျမ စောင့်နေယုံပဲလို့ပဲ ပြောချင်ပါတယ်။ ဒါပေမယ့် ပြည့်စုံတဲ့ ဥပဒေဖြစ်ဖို့ ကျမ တာဝန်အရ မှန်တယ်ဆိုရင် ပြောမှာပါ။

  မေး။ ။ ဆန္ဒပြနေတဲ့ ကျောင်းသားတွေအပေါ် ဆရာမရဲ့ အမြင်သဘောထားကို သိချင်ပါတယ်။

  ဖြေ။ ။ ဥပဒေမှာ ကောင်းတဲ့ ပုဒ်မတွေ ရှိသလို မကောင်းတဲ့ ပုဒ်မတွေလည်း ရှိတယ်။ အဲဒါတွေကို ကျမတို့က ရွေးချယ်နိုင်ရမယ်။ နောက်တဆင့်က အခု ဆန္ဒဖော်ထုတ်နေတဲ့ ကလေးတွေကို ဒီပုဒ်မတွေက ကောင်းတယ်၊ မကောင်းဘူးဆိုတာကို ရှင်းပြနိုင်ရမယ်။ ကျောင်းသားတွေရဲ့ သဘောထားနဲ့ ဥပဒေ ရေးဆွဲတဲ့သူတွေအနေနဲ့ ညှိနှိုင်းရမယ်။ သူတို့ သေချာနားလည်အောင် ပုဒ်မ တခုချင်းစီကို ရှင်းပြနိုင်ရမယ်။ နောက်ပြီး ဆရာတွေဆိုတာက ကျောင်းသားတွေ ကျောင်းမလာရင် အလုပ်လက်မဲ့ပါပဲ။ ဒါကြောင့် ကလေးတွေရဲ့ တာဝန်ဟာ ကျမတို့မှာ အပြည့်ရှိတယ်။ တခါတရံမှာ ကလေးတွေဟာ ကိုယ်တွေထက် အသိကြွယ်တာတွေ ရှိတယ်။ ကလေးတွေကိုလည်း လေးစားရမယ်။ အဲဒီအတွက်ကြောင့် ကျမ ပြောပြချင်တာက မျက်နှာမလွှဲသင့်ဘူးလို့ ထင်ပါတယ်။

ကျမ ပြောချင်တာက ကောင်းတဲ့ ပုဒ်မတွေ၊ မကောင်းတဲ့ ပုဒ်မတွေလည်း ရှိပါတယ်။ အဲဒါတွေကို ချပြလိုက်စေချင်တယ်။ မကောင်းတဲ့ ပုဒ်မတွေကို ပြင်စေချင်တယ်။ လိုနေတဲ့ ပုဒ်မတွေကိုလည်း ထည့်ဖြည့်စေချင်တယ်။ ပိုနေတဲ့ ပုဒ်မတွေကိုလည်း ဖြုတ်စေချင်တယ်။ အဲဒီဥပဒေကြီး သန့်သွားပြီဆို အဲဒီဥပဒေဟာ တည်ငြိမ်တဲ့ဥပဒေ ဖြစ်သွားပြီ။ ကျမတို့ရဲ့ ဥပဒေ သဘောတရားကို ပြောမယ်ဆိုရင် ဥပဒေတခုဟာ တည်ငြိမ်ရမယ်။ ဒါပေမယ့် ကာလ၊ ဒေသ ပြောင်းလဲနေတဲ့ အခြေအနေတွေမှာလည်း ဥပဒေဟာ လိုက်လျောညီထွေ အသုံးမပြုနိုင်ဘူးဆိုရင် ဒီဥပဒေကို ပြောင်းလဲသင့်တယ်၊ ပြင်ဆင်သင့်တယ်။ ဖြတ်သိမ်းသင့်တယ်လို့ ပြောထားတယ်။ ဥပဒေတခု တည်ငြိမ်မှ ဒီဥပဒေဟာ အလုပ်လုပ်လို့ ရမယ်။ ကျမပြောချင်တာကတော့ စပြီး ပြဌာန်းကတည်းက ပြည့်စုံမှသာ ဒီဥပဒေက တည်ငြိမ်လိမ့်မယ်။ မပြည့်စုံရင်တော့ ဘယ်တော့မှ တည်ငြိမ်မှာ မဟုတ်ဘူး။ အခု အမျိုးသားပညာရေး ဥပဒေလိုပေါ့။

  မေး။ ။ ဥပဒေမှာ ဘယ်အချက်တွေက ပြည့်စုံမှုမရှိတာလဲ။ ဘယ်အချက်တွေက ချို့ယွင်းမှုတွေ ရှိနေတာပါလဲ။

  ဖြေ။ ။ ရှင်းလင်းပွဲမှာ ကျမအနေနဲ့ ဥပဒေမှာ ဖော်ပြထားတဲ့ အသုံးအနှုန်းတွေကိုလည်း ရှင်းပါတယ်။ ဥပဒေ စံချိန်၊ စံညွှန်းကိုလည်း ရှင်းပြခဲ့ပါတယ်။ တချို့ပုဒ်မတွေဆို ဥပဒေ စံချိန်၊ စံညွှန်းနဲ့ မညီဘူး။ တချို့ပုဒ်မတွေဆို စကားရပ်တွေက ဖောင်းပွနေတယ်။ ဥပမာ အနေနဲ့ဆိုရင် ဥပဒေမှာ စကားရပ်များ အဓိပ္ပါယ်ဖော်ပြချက်ဆိုတဲ့ အခန်းရှိပါတယ်။ အခု ဒီဥပဒေမှာ အမျိုးသား ပညာရေးလို့ အဓိပ္ပါယ် ဖွင့်ဆိုတဲ့အခါမှာ အရမ်းများနေပါတယ်။ တကယ်လို့ အမျိုးသားပညာရေးလို့ ပြောရင် တမျိုးသားလုံးနဲ့ သက်ဆိုင်တဲ့ ပညာရေးလို့ ပြောရင် ရပါတယ်။ ဥပဒေရဲ့ သဘောတရားက အဲဒီလောက်ပဲ ရှိတယ်။ အဲဒီလောက် ဖော်ပြရင်ပဲ တိုင်းရင်းသားလည်းပါမယ် ကလေး၊ လူကြီး အားလုံး အကျုံးဝင်သွားပြီ။ အဓိပ္ပါယ် ဖွင့်ဆိုမယ်ဆိုရင်လည်း ဥပဒေ စံချိန်စံညွှန်းမှီဖို့ လိုပါတယ်။ မမှီလို့ရှိရင် အဲဒီဥပဒေကို အသုံးပြုတဲ့ အခါမှာ ဒုက္ခရောက် တတ်ပါတယ်။ ဒါကြောင့် ကျမအနေနဲ့ ပြောရရင် ဒီဥပဒေမှာ ချို့ယွင်းချက်ရှိတယ်လို့ ပြောရမှာပါပဲ။

  နောက်တခုက အမျိုးသားပညာရေးစနစ်လို့ ပြောတဲ့အခါမှာ အခြေခံမှာ မူလတန်း၊ အလယ်တန်း၊ အထက်တန်းအဆင့်ထိ ပညာသင်ရမယ့် နှစ်ပေါင်း ၁၂ နှစ် သတ်မှတ်တယ်လို့ပဲ ပြောတယ်။ ဒါပေမယ့် အခု ဥပဒေအသစ်အရ မူလတန်းသည် စတုတ္ထတန်း အထိလား၊ အလယ်တန်းသည် အရင်လိုပဲ ၈ တန်းအထိလား၊ အထက်တန်းကတော့ ၁၀ တန်း မဟုတ်တာ သေချာသွားပြီ ဒီမှာ ဖော်ပြထားတာ ၁၂ နှစ် ဖြစ်နေလို့။

ကျမလေ့လာလို့ သိရတာက မူလတန်းက ၅ တန်းမှာ သတ်မှတ်တယ်။ အလယ်တန်းကို ၉ တန်းအထိ သတ်မှတ်တယ်။ အထက်တန်းကို ၁၂ တန်းအထိ သတ်မှတ်တယ်။ အဲဒီတော့ နှစ်တန်းပိုသွားပြီ ဖြစ်တဲ့အတွက် အဲဒီနှစ်တန်းစာနဲ့ သက်ဆိုင်တဲ့ သင်ရိုးညွှန်းတန်းတွေ သင်ရိုးမာတိကာတွေ ရေးရတော့မယ်။ နောက်ပြီး ဆရာ၊ ဆရာမတွေ လိုလာမယ်။ အခန်းတွေလိုလာမယ်။ ဒါတွေကို ဘယ်နှစ်မှာ အကောင်အထည်ဖော်မယ်ဆိုတဲ့ အကောင်အထည်ဖော်မယ့်စီမံကိန်း Plan တခု

ဓမ္မစေတီ ခေါင်းလောင်း ရှာဖွေရေး ထပ်မံကြိုးစားမည့် ဦးကျော်ဝင်းနှင့် အင်တာဗျူး

 

ဦးကျော်ဝင်း ( ဓာတ်ပုံ – ဧရာဝတီ)

သမ္မတ ဦးသိန်းစိန် အစိုးရ လက်ထက်အတွင်း မြန်မာနည်း မြန်မာဟန်ဖြင့် ပထမဆုံးအကြိမ် ဓမ္မစေတီ ခေါင်းလောင်းကြီး ရှာဖွေခဲ့သူ ဦးစံလင်းပြီးနောက် ယခု ၂၀၁၅ ခုနှစ် နှစ်ဆန်းပိုင်းတွင် ဒုတိယအကြိမ်မြောက် ဓမ္မစေတီခေါင်းလောင်း ဆယ်ယူခွင့်ကို သင်္ဘောအရာရှိဟောင်း ဦးကျော်ဝင်းက ရရှိခဲ့သည်။

ရေထဲတွင် နှစ်ပေါင်း ၄၀၀ ကျော် နှစ်မြှပ်နေသည်ဆိုသော ဓမ္မစေတီ ခေါင်းလောင်းကြီး ရှာဖွေမှုကို ၀ိဇ္ဇာနှင့် သိပ္ပံနည်းလမ်း ၂ မျိုးစလုံး အသုံးပြုပြီး ရှာဖွေမည် ဖြစ်ကြောင်း သိရသည်။ ဦးကျော်ဝင်းက ဓမ္မစေတီ ခေါင်းလောင်းကြီး ရှာဖွေမှုကို ဇန်န၀ါရီလ ၁၂ ရက်က ရန်ကုန်မြစ်၊ ပဲခူးမြစ်နှင့် ပုဇွန်တောင်ချောင်း ၃ ခု ဆုံရာ သန်လျင်ရေနံချက်စက်ရုံ ဆိပ်ကမ်းအနီးတွင် စတင်နေပြီ ဖြစ်သည်။
ဓမ္မစေတီ ခေါင်းလောင်းကြီး ဒုတိယအကြိမ် ရှာဖွေခွင့်ရသူ ဦးကျော်ဝင်းအား ဧရာဝတီ သတင်းဌာန သတင်းထောက် ဘုန်းမြတ်က တွေ့ဆုံမေးမြန်းထားပါသည်။

မေး။     ။ ဓမ္မစေတီ ခေါင်းလောင်းကို ဆယ်ဖို့ ဘယ်လို စိတ်ကူး ဖြစ်ခဲ့တာပါလဲ။
ဖြေ။     ။ ကျနော် ၁၉၉၇ ခုနှစ်၊ သီလ၀ါ စတားဘိလပ်မြေ စက်ရုံ၊ အခု (Lavice) ဘိလပ်မြေ စက်ရုံ တည်တုန်းကပေါ့။ အဲဒီတုန်းက စသိတာပါ။ အဲဒီတုန်းက ဘယ်သူမှ  ဆယ်လို့ မအောင်မြင်တဲ့ အချိန်ပေ့ါလေ။

မေး။     ။ အခုအချိန်မှ ခေါင်းလောင်းဆယ်ဖို့ ဖြစ်လာတာက ဘယ်လို အခြေအနေတွေကြောင့်ပါလဲ။
ဖြေ။     ။ အိမ်မက်တွေ၊ အတိတ်နိမိတ်တွေလည်း ပါတာပေါ့။ နောက် ဒါက တကယ့် လူစွမ်းကောင်း ရွေးပွဲကြီးလိုပေါ့။ အဲဒါလည်း ပါတာပေါ့။

မေး။     ။ ဘယ်လို အိမ်မက်တွေ၊ ဘယ်လို အတိတ်နိမိတ်တွေကြောင့် ဆယ်ဖြစ်သွားတာပါလဲ။
ဖြေ။     ။ ဦးက ရန်ကုန်မြစ်ကြီးကို Google Earth ကနေ အမြဲကြည့်နေတာ၊ တရက်မှာ အဲဒီ နေရာတခုကို သံသယ ရှိတယ်ပေါ့နော်။ ညဘက် အိမ်မက်မက်တော့ ကောင်းကင်မှာ ကြယ်ကြီးတလုံးပေါ။့ အဲဒီကြယ်က “လ” နားမှာ ရှိတယ်။ သူက “လ” လောက် အရွယ်အစား ရှိတယ်။ သူထဲမှာ ကြယ်လေးတွေ အပြည့်ရှိတယ်။ နောက်အဲဒီ ကြယ်ကို မတွေ့တော့ တိမ်ညွန့်လေးတွေ ကြည့်ပြီး လိုက်ရှာတော့ အဲဒီ ကြယ်ဟာ ရေထဲကျသွားတယ်။ အဲဒီ ရေပြင်ကြီးက လှပနေတယ်၊ ပန်းကန်ပြားပျံကြီး ကျသလို။ ဘာနဲ့တူလဲဆိုရင် ၅ ထောင်တန်ထဲမှာပါတဲ့ ဆင်ဖြူတော်ကြီးက ရှေ့မှာ ရေထဲကျတဲ့ ကြယ်တခုကို ရှာတဲ့ပုံစံနဲ့ ဦးအဖြစ်နဲ့ တူပါတယ်။

မေး။     ။ ခေါင်းလောင်း ရှာဖွေမှု လုပ်ငန်းတွေအတွက် လောလောဆယ် ငွေကြေးသုံးစွဲမှု ဘယ်လောက် ရှိသွားပါပြီလဲ။
ဖြေ။     ။ စက်လှေ ငှားခကတော့ တရက်ကို ၄ သောင်းပါ။ နောက် ကားခတွေ ကုန်တာတွေ ရှိတယ်။ ဒါတွေကတော့ အသေးအဖွဲပါ။ ရှာတဲ့စက် (ရေအောက် တိုင်းတာရေးစက်) ကတော့ ၈ သိန်း ပေးရပါတယ်။ ဒါလည်း သိပ်ဈေးကြီးတယ်လို့ မဆိုသာပါဘူး။ ခေါင်းလောင်း တွေ့ရင်ပေ့ါ။

မေး။     ။ တကယ်လို့ ခေါင်းလောင်းကြီးကို တွေ့ခဲ့မယ်ဆိုရင် ဘယ်လိုနည်းနဲ့ ဆယ်ယူမှာပါလဲ။
ဖြေ။     ။ တွေ့ခဲ့မယ်ဆိုရင် နိုင်ငံတော်ကို ပထမဆုံး သတင်းပို့မယ်။ သူတို့ ကျနော်ကို ဘာတာဝန်ပေးမလဲပေ့ါ။ တကယ်လို့ ဦးကျော်ဝင်းပဲ ဆက်လုပ်ပါဆို ကျနော်မှာ အစီအစဉ် ရှိပြီးသားပါ။ တကယ်လို့ ကမ်းနားဘက်မှာ ရှာတွေ့ခဲ့မယ် ဆိုရင် ဘာမှ သိပ်ခဲယဉ်းတဲ့အလုပ် မဟုတ်ပါဘူး။ ပထမဆုံး သောင်စုပ်တဲ့ စက်လှေတွေနဲ့ စုပ်မယ်။ ကျနော် စက်အကြီးကြီးတွေ မသုံးပါဘူး။ ဘာလို့လဲဆိုတော့ တခြား ပစ္စည်းတွေလည်းပါရင် ထိခိုက်သွားမှာ စိုးလို့ပါ။ ပြီးရင် မြစ်ထဲမှာ ဘော်ယာဆယ်တဲ့ ဆင်ပြောင် သင်္ဘောကြီးတွေ ရှိပါတယ်။ ၀န်ချီစက် အကြီးစားကြီးတွေပါတဲ့ သင်္ဘောကြီးတွေနဲ့ ဆယ်ဖို့ အစီအစဉ် ရှိပါတယ်။

မေး။     ။ ခေါင်းလောင်းကြီး ရှာဖွေဖို့အတွက် ရက် ဘယ်လောက် သတ်မှတ်ထားပါလဲ။
ဖြေ။     ။ အခုစက်က ကျနော် စိတ်တိုင်း မကျသေးဘူး။ ကျနော် လိုချင်တဲ့ပုံစံ မဟုတ်ဘူး ဖြစ်နေတယ်။ ပြီးတော့ ရေအတိမ်အနက် ပြတာလည်း မမှန်ဘူး။ ကမ်းစပ်ကို တိုင်းတော့လည်း ဒီအတိုင်း ပြတယ်။ ရေအနက်မှာ တိုင်းတော့လည်း ဒီအတိုင်း ပြတယ်။ ၀ယ်ထားတဲ့ဆိုင်ကို သေချာပြန်ပြပြီး  စက်စိတ်တိုင်းကျမှ ပြန်ရှာမယ်။

မေး။     ။ ဒီရှာဖွေမှုနဲ့ ပတ်သက်ပြီး ၀ိဇ္ဇာတွေအနေနဲ့ ပြောထား၊ ဆိုထားတာများရော ရှိပါလား။
ဖြေ။     ။ အကြားအမြင် ဆရာမ တယောက်တော့ ပြောဖူးတယ်။ လွန်ခဲ့တဲ့ ၁၀ နှစ် လောက်ကပေါ့။ ပစ္စည်းတခု ရှာရမယ်။ အဲဒီပစ္စည်းက ခေါင်းလောင်း ဒါမှမဟုတ် ကျောက်စာ၊ ဒါမှမဟုတ် ရွှေသရဖူပေါ့။ အဲဒီနေရာကို လှေနဲ့တဆင့် သွားရမယ်။ အချိန် မကျသေးဘူးတဲ့။ အဲဒါ လွန်ခဲ့တဲ့ ၁၀ နှစ်လောက်က ပြောတာပေါ့။ ပြောတာက ၀င်းစိန်တောရ ကျောင်းက အကြားအမြင် ဆရာမပါ။ သူက ကျနော် မမေးဘဲ ပြောတာပါ။ ဒါနဲ့ ကျနော်လည်း အားတက်ပြီး ဆယ်ဖြစ်သွားတာပါ။

မေး။     ။ ခေါင်းလောင်းက သန်လျင် ရေနံချက်စက်ရုံ ဆိပ်ကမ်းရဲ့ ဘယ်နှစ်ကိုက် အကွာလောက်မှာ ရှိမယ်လို့ ထင်ပါလဲ။
ဖြေ။     ။ ကျနော် ထင်တယ်၊ ကိုက် ၁၀၀ အကွာလောက်မှာပဲ ရှိမယ်ထင်တယ်။ သိပ်ဝေးဝေးကြီးတော့ မဟုတ်ဘူး။ ကျနော်က Google Earth က ပုံတွေနဲ့ ရေကြောင်း တိုင်းတာရေး စက်တွေနဲ့ ရှာတာလေ။ ဒါပေမယ့် ဘာပုံရိပ်မှ မပေါ်ဘူး။ တခုခုများ ချို့ယွင်းချက် ရှိနေမလားလို့ ကျနော် ထင်တယ်။

မေး။     ။ ခေါင်းလောင်းကြီး ဆယ်ယူမှုနဲ့ ပတ်သက်ပြီး ရန်ကုန်တိုင်း ဒေသကြီး ၀န်ကြီးချုပ်က ခေါ်တွေ့တယ်ဆိုတော့ ဘာတွေများ ညွှန်ကြားတာလဲ။
ဖြေ။     ။ ဒါသူတို့နဲ့ မပတ်သက်ဘူးပေါ့။ ဆယ်ချင်လွန်းလို့သာ ခွင့်ပြုလိုက်တာပေါ့လေ။ ကျနော်ကလည်း အကျဉ်းချုပ်ပြီး ဆယ်မယ်။ ငွေကုန်ကြေးကျလည်း မများဘူး။ နောက် ခေတ်မီစက်နဲ့ ရှာတယ်ဆိုတော့ အဲဒါ သူတို့ ခွင့်ပြုလိုက်တာ ပါပါတယ်။

မေး။     ။ ခေါင်းလောင်း ဆယ်ယူမှုနဲ့ ပတ်သက်ပြီး အလှူငွေတွေ ရရှိထားတာများ ရှိလား။ ကိုယ်ပိုင်  ပိုက်ဆံနဲ့ပဲ လုပ်တာလား။
ဖြေ။     ။ အရင် ၁၀နှစ် လောက်ကလည်း ဆယ်ဖို့ ကျနော် လုပ်သေးတယ်။ အဲဒီလိုမျိုးလုပ်တော့                    ဆွေမျိုးတွေ၊ အိမ်နီးနားချင်းတွေက ပိုက်ဆံ လာလှူတာ ရှိတယ်။ အဲဒီတုန်းက ကျနော် ဘုန်းကြီးဝတ်ကြီးနဲ့ ရွှေတိဂုံဘုရား ဇရပ်မှာ သွားနေတယ်။ ကျနော်ကို ပေးမနေဘူး။ ကျနော် မဆယ်ဖြစ်ဘူး။ နောက်တော့ အဲဒီ ပိုက်ဆံတွေနဲ့ ခေါင်းလောင်းတလုံးလုပ်ပြီး ၀င်းစိန်တောရကို လှူလိုက်တယ်။
အခုက ကိုယ်ပိုင် ပိုက်ဆံနဲ့ပါ။ အလှူလည်း မခံပါဘူး။ သူတို့ (ရန်ကုန်တိုင်း အစိုးရအဖွဲ့) ကလည်း ပြောပါတယ်။ အလှူခံခွင့် မရှိဘူးတဲ့။ ဒါဖြူစင်တဲ့ ပိုက်ဆံနဲ့ပေ့ါဗျာ။ ကျနော် သင်္ဘောလိုက်တုန်းက ရတဲ့ပိုက်ဆံနဲ့ အမေကို အိမ်တလုံး ဆောက်ပေးခဲ့ဖူးပါတယ်။ အခု အဲဒီအိမ်က အမွေဆိုင် ဖြစ်ပြီးတော့ ရောင်းချတဲ့အခါ ကျနော် ပိုက်ဆံရပါတယ်။ ကျနော် ၂ ပုံ ရပါတယ်။ အဲဒီ ပိုက်ဆံနဲ့ ကျနော် လုပ်တာပါ။

မေး။     ။ ခေါင်းလောင်းကြီး ရှာဖွေနိုင်မယ်လို့ ယုံကြည်ပါလား။
ဖြေ။     ။ လမ်းဆုံးရင်တော့ ရွာရောက်မှာပဲလေ။ ကျနော်တို့ အခက်အခဲတွေ ဖြေရှင်းနိုင်ရင်ပေ့ါ။ ဥပမာ ရှာဖွေတဲ့စက်က အလုပ်မလုပ်ဘူး။ ဒါတွေကို ဖြေရှင်းနိုင်မယ်။ နောက်တခုက ဆိုင်ရာ၊ ပိုင်ရာတွေနဲ့ သူတို့ကို ခွင့်တောင်းပြီးတော့ အကူအညီနဲ့ပေါ့။ ကျနော် လုပ်လို့ မအောင်မြင်တာ မရှိသေးပါဘူး။ ကျနော် ဆယ်နိုင်မယ်လို့ ရာနှုန်းပြည့် ယုံကြည်ပါတယ်။

မေး။     ။ ခေါင်းလောင်း ရှာဖွေမှုကို အချိန်အတိုင်းအတာ ဘယ်လောက်အထိ ဆောင်ရွက်သွားမလဲ။
ဖြေ။     ။  ဒီအလုပ်ကို မပြီးသ၍ လုပ်သွားမှာပေါ့။ မအောင်မြင်သရွေ့ လုပ်သွားမယ်။ ဦးရဲ့ ကံအရတော့ ရမှာပါ။ မခဲယဉ်းပါဘူး။ သိပ်ကြာမယ်လို့လည်း မထင်ပါဘူး။ လူစွမ်းရင်တော့ နတ်တွေလည်း မနေသာပါဘူး။     ။

http://burma.irrawaddy.org/interview/2015/01/13/69759.html

ဦးဇော်ဇော်နှင့်တွေ့ဆုံခြင်း

AFP

ြ
 မြန်မာနိုင်ငံပိုင် ထိပ်တန်းကုမ္ပဏီကြီးတစ်ခုဖြစ်သော Max Myanmar ကုမ္ပဏီအုပ်စု၏ ကုမ္ပဏီငွေကြေးဆိုင်ရာ စာရင်းဇယားများနှင့် စီမံခန့်ခွဲမှုဆိုင်ရာကိစ္စများကို အမေရိကန်အခြေစိုက် ဒီလွိုက်(Deloitte) စာရင်းစစ်အဖွဲ့ဖြင့် စစ်ဆေးခြင်းများ ပြုလုပ်နေသည်။

ထို့အပြင် ဟောင်ကောင်အခြေစိုက် BSR ကုမ္ပဏီကို ငှားရမ်း၍ ပွင့်လင်းမြင်သာမှု၊ တာဝန်ယူမှု၊ တာဝန်ခံမှုနှင့် လူ့အခွင့်အရေးနှင့်ဆိုင်သော မူဝါဒများကို လေ့ကျင့်သင်ကြားမှုများ ပြုလုပ်နေသည်။
ယခု ထားဝယ်ရေနက်ဆိပ်ကမ်းမှ Max Myanmar ကုမ္ပဏီ ထွက်ခွာခဲ့ရခြင်း၊ မြေသိမ်းယာသိမ်းကိစ္စများ ပြန်လည်ပေးလျော်ခြင်း၊ မြန်မာနိုင်ငံဘောလုံးအဖွဲ့ချုပ်ရွေးကောက်ပွဲ စသည်များနှင့်ပတ်သက်၍ Max Myanmar ကုမ္ပဏီအုပ်စုအကြီးအကဲ၊ မြန်မာဘောလုံးအဖွဲ့ချုပ်ဥက္ကဋ္ဌ ဦးဇော်ဇော်အား တွေ့ဆုံမေးမြန်းခဲ့သည်များထဲမှ ကောက်နုတ်ဖော်ပြလိုက်ပါသည်။

  မေး- ကုမ္ပဏီကို အပြောင်းအလဲတွေ အများကြီးလုပ်နေတယ်လို့ သိရပါတယ်။ ဘယ်လိုပုံစံမျိုးနဲ့ အပြောင်းအလဲတွေ လုပ်နေပါလဲ။
 
ဖြေ- အရင်ကလုပ်နေတယ်။ စီးပွားရေးအနေအထားက မြန်မာပြည်က ပွင့်လင်းမြင်သာမှုမရှိဘူး။ တစ်ယောက်နဲ့တစ်ယောက်ကလည်း သံသယတွေနဲ့ ရှိနေခဲ့တယ်။ ကျွန်တော် နိုင်ငံခြားမှာနေခဲ့တော့ ဟိုကကုမ္ပဏီတွေရဲ့ ပွင့်လင်းမြင်သာမှု၊ တာဝန်ယူမှုတွေရှိတာကို တွေ့ရတယ်။ အုပ်ချုပ်ပုံစနစ်တကျနဲ့ ဖွဲ့စည်းပုံတစ်ရပ်ရှိပြီး အဖွဲ့အစည်းကောင်းတစ်ခုဖြစ်ဖို့က လူသားအရင်းအမြစ်ဖွံ့ဖြိုးမှု၊ အနာဂတ်ခိုင်မာတဲ့ မူဝါဒတွေရှိဖို့လိုတယ်။ လူအခွင့်အရေးမူဝါဒ၊ အလုပ်သမားတွေနဲ့ ပတ်သက်တဲ့ အခွင့်အရေးစတာတွေကလည်း အရေးကြီးတယ်။ ၀န်ထမ်းတွေ တစ်နှစ်မှာ ခွင့်ရက်ဘယ်လောက် ခံစားခွင့်ရှိတယ်။ ကိုယ်ဝန်ဆောင်ရင် အမျိုးသမီးများ ခွင့်ခံစားခွင့် စတဲ့အခွင့်အရေးတွေ အပြောင်းအလဲလုပ်တယ်။ လုပ်တာတွေကိုလည်း ၀န်ထမ်းတွေသိအောင် အသိပေးတယ်။ ပြီးတော့ ကုမ္ပဏီမှာ ဌာနအကြီးအကဲတွေပေါ် ၀န်ထမ်းတွေ မကျေနပ်ရင် တိုင်ကြားအသိပေးနိုင်အောင်လည်း စီစဉ်ပေးထားတယ်။ လာဘ်ပေးလာဘ်ယူ တိုက်ဖျက်ရေး မူဝါဒတွေမျိုး ပြီးတော့ ကုမ္ပဏီရဲ့ ငွေစာရင်းကို တတိယအဖွဲ့အစည်းများက စစ်ဆေးတာမျိုးတွေ လုပ်ထားတယ်။ ကျွန်တော်တို့ကုမ္ပဏီနဲ့ပတ်သက်ပြီး အမေရိကန် BSR နဲ့ ဒီလွိုက်အဖွဲ့တွေကို စာရင်းစစ်ဖို့ ငှားထားတယ်။

မေး- လာဘ်ပေးလာဘ်ယူတိုက်ဖျက်ရေးနဲ့ပတ်သက်ပြီး ရှင်းပြပေးပါဦး။

ဖြေ- လာဘ်ပေးလာဘ်ယူ တိုက်ဖျက်ရေးက နှစ်ပိုင်းပေါ့။ အတွင်းနဲ့အပြင် စာရင်းစစ်တွေထားခြင်းပါပဲ။ ဘယ်လောက်ပဲ လာဘ်ပေးလာဘ်ယူကို လျှို့ဝှက်ပြီးလုပ်လုပ် စာရင်းစစ်ရင်ပေါ်တာပဲ။ အပြင်မှာ လာဘ်ပေးလာဘ်ယူမလုပ်ဖို့ တားထားသလို အတွင်းပိုင်းမှာလည်း ၀န်ထမ်းအားလုံးကို နားလည်ထားဖို့အတွက် ပြောပြထားတယ်။ လာဘ်ပေးလာဘ်ယူတိုက်ဖျက်ရေးမူဝါဒကို ၀က်ဘ်ဆိုက်ထဲမှာ ရေးထားသလို ၀န်ထမ်းတွေကိုလည်း ပေးထားတယ်။ အဲဒီလိုလုပ်တဲ့အတွက် ယုံကြည်မှုမှတ်တမ်းတွေလည်း တက်လာတယ်။

မေး- အမေရိကန်စာရင်းစစ်တဲ့ကုမ္ပဏီကို ဘာကြောင့် စစ်ခိုင်းတာလဲ။

ဖြေ- အဓိကကတော့ ကျွန်တော့်အနေနဲ့ပေါ့။ အမေရိကန်ပိတ်ဆို့အရေးယူမှုက ရှိနေတုန်းပါပဲ။ ဒါပေမဲ့လည်း သူတို့အနေနဲ့ ပွင့်လင်းမြင်သာမှုရှိရမယ်ဆိုတဲ့အပေါ်မှာ သူတို့ကိုဖွင့်ပြတယ်။ Deloitte က အောဒစ်လုပ်တယ်ဆိုကတည်းက ကျွန်တော့်ကုမ္ပဏီငွေစာရင်းတွေကို ဖွင့်ပြထားပြီးသားပဲ။ ပိုင်ဆိုင်မှုတွေ၊ ရရှိတဲ့ငွေကြေး၊ အခွန်ဆောင်ထားတာတွေကို အကုန်ဖွင့်ပြထားတယ်။ မြေယာနဲ့ပတ်သက်ပြီး ပွင့်လင်းတယ်။ မူဝါဒတစ်ခုရှိတယ်။ မြေယာနဲ့ပတ်သက်ပြီး ကုမ္ပဏီက ကော်မတီတစ်ရပ်ဖွဲ့ပြီး လုပ်ခဲ့တယ်။ အရင်တုန်းက ဥပဒေနဲ့ လယ်တွေ၊ အုန်းပင်တွေကို လျော်ခဲ့တယ်။ ဒါပေမဲ့ ကျွန်တော် ဒီအခြေအနေ ရောက်နေပြီလေ။ သူတို့က အဆင်မပြေသူတွေဖြစ်တော့ မိသားစုဝင်တွေလိုပဲ တွေးတယ်။ နစ်နာတယ်ထင်တဲ့ ငွေဆောင်မှာဆို အားလုံးကို လျော်ပေးလိုက်တယ်။ ချောင်းသာမှာ ပုစွန်ကန်တွေ လုပ်ခဲ့တာရှိတယ်။ သူတို့က လိုချင်တယ်ဆိုလို့ ပြန်ပေးခဲ့တယ်။ သူတို့ အရမ်းဝမ်းသာတယ်။ ဘီးလင်းမှာဆိုလည်း ရော်ဘာစိုက်ဖို့ ဧကသုံးထောင်ကျော်ကို ပြန်လျော်ပေးခဲ့တယ်။

မေး- ကုမ္ပဏီက အရင်အစိုးရလက်ထက်မှာ စီမံကိန်းတွေ အများကြီးလုပ်ခဲ့ပေမယ့် ဦးသိန်းစိန်အစိုးရလက်ထက်မှာတော့ တော်တော်လေးနည်းသွားတယ်။ ဘာကြောင့်ပါလဲ။

ဖြေ- အဓိကကတော့ ၀န်ဆောင်မှုလုပ်ငန်းတွေကို ၀င်သွားတာမျိုး၊ နောက် ဘဏ်လုပ်ငန်းထဲ ၀င်သွားတာမျိုးတွေ လုပ်နေတယ်။ အစ်ကို့အနေနဲ့ကတော့ ပုဂ္ဂလိကကဏ္ဍကို တအားကြီးစေချင်တယ်။ ပုဂ္ဂလိကကဏ္ဍကြီးမှ အလုပ်အကိုင်ဖန်တီးမှုနဲ့ လူတစ်ဦးချင်း ၀င်ငွေတက်လာမယ်။ Industry တွေ အများကြီးပေါ်လာရင် sector လိုက်မှာ အလုပ်အကိုင်အခွင့်အလမ်းတွေ အများကြီးပေါ်လာမယ်။ အစ်ကိုလုပ်နေတာလည်း အပြည်ပြည်ဆိုင်ရာကော်ပိုရိတ်အဆင့်ရှိ ကုမ္ပဏီတစ်ခုလို သွားချင်လို့ပါ။ ဘဏ်ဆိုရင် အခု ၀န်ထမ်းသုံးထောင့်ခြောက်ရာ နေရာပေးထားပြီ။ ဘဏ်ခွဲလည်း ဒီလ တစ်ရာပြည့်ပြီဆိုတော့ ဒီလေးနှစ်အတွင်းမှာ ဒါမျိုးတွေ လုပ်ထားတာပေါ့။ ဒီအလုပ်တွေပဲ အာရုံစူးစိုက်သွားနေလေတော့ အစ်ကို့အနေနဲ့ အရင်တုန်းကလုပ်တဲ့ ကန်ထရိုက်အလုပ်တွေကို လုံးလုံးမလုပ်တော့တာမဟုတ်ဘူး။ တကယ်လို့ နိုင်ငံတကာတင်ဒါလိုဟာမျိုးနဲ့ခေါ်မယ်။

ကိုယ့်ကုမ္ပဏီကလူတွေကလည်း အလုပ်အကိုင်တွေ လိုအပ်မယ်။ ကိုယ်ကလည်း ၀င်ပြိုင်ရမယ်ဆိုတာမျိုးကို လုပ်မယ်။ လုပ်ငန်းအတွေ့အကြုံလည်း ရနိုင်တယ်။ ငွေကြေးအကျိုးအမြတ်လည်း ရနိုင်တယ်၊ အလုပ်ကိုင်အခွင့်အလမ်းလည်း ဖန်တီးနိုင်မယ်ဆိုရင် သူများနိုင်ငံယှဉ်ပြီးလုပ်နိုင်တဲ့ ကုမ္ပဏီတစ်ခုဖြစ်အောင် သွားချင်တယ်။ အဲဒါမျိုးမဟုတ်တဲ့ဟာမျိုးတွေတော့ ကျွန်တော်တို့ ၀င်လုပ်မှာမဟုတ်ဘူး။ ကျွန်တော်တို့သွားချင်တဲ့ မူဝါဒအတိုင်းပဲသွားတယ်။ ဘဏ်ကြီးက စီးပွားရေးကဏ္ဍတစ်ခုလုံးကို အထောက်အပံ့ပေးနိုင်တယ်။ ဘယ်လိုထောက်ပံ့မှုမျိုး လုပ်လို့ရလဲ။ ဘဏ်သည် ငွေမှအပ ငွေတွေလက်ခံပြီး ချေးတာတစ်ခုတည်းကို စဉ်းစားနေတာမျိုးမဟုတ်ဘဲ ဒီထက်ပိုလုပ်ဖို့မြင်တယ်။ တတ်နိုင်သမျှ ဗဟိုဘဏ်အောက်ကနေ သွားနေတယ်။ တကယ်လုပ်ရမယ်ဆိုရင် အများကြီးပဲ။ ကျွန်တော့်မှာ ရှိတဲ့အချိန်နဲ့ မလုံလောက်ဘူး။

ရှိနေပြီးသားအလုပ်ကို မပြောင်းလဲနိုင်ဘဲနဲ့ နောက်လုပ်ငန်းတွေ ထပ်ထပ်လုပ်နေမယ်ဆိုရင် လုပ်ငန်းက ကျဆုံးနိုင်တယ်။ နေ့တိုင်းမှာ အကန့်အသတ်ရှိတယ်။ အစိုးရကန်ထရိုက်နဲ့ ပတ်သက်တာက လုံးလုံးမလုပ်တာမဟုတ်ဘူး။ တကယ်တင်ဒါခေါ်တယ်။ လုပ်ငန်းပိုင်းမှာ အတွေ့အကြုံ၊ အလုပ်အကိုင်အခွင့်အလမ်းတွေ အများကြီးဖန်တီးပေးနိုင်မယ့် လုပ်ငန်းဆိုလုပ်မယ်။ သူတို့ပြောတဲ့ ဘတ်ဂျက်နဲ့ သူတို့လိုတဲ့အရည်အသွေးမမီနိုင်တဲ့ လုပ်ငန်းမျိုးဆို အစ်ကိုတို့မတင်ဘူး။ ဘာအလုပ်မှမဟုတ်ဘူး။ အဓိကလုပ်ချင်တာက ရှိပြီးသား ငွေကြေးလုပ်ငန်းဖြစ်တဲ့ ဘဏ်လုပ်ငန်းရယ်၊ စွမ်းအင်လို လုပ်ငန်းမျိုးရယ်၊ လမ်းလုပ်ငန်း ရှိပြီးသားတွေရယ် လုပ်တဲ့အလုပ်တွေရှိတယ်။

အခြေခံအဆောက်အအုံဆောက်တဲ့ လုပ်ငန်းတွေလုပ်နေတယ်။ စနစ်တစ်ခုကနေ တစ်ခုပြောင်းတဲ့အခါ ကိုယ်လိုချင်တဲ့ ပန်းတိုင်ရောက်ဖို့အတွက် နောက်အလုပ်တစ်ခုကို ပြောင်းလိုက်ရင် ကိုယ်မအောင်မြင်နိုင်ဘူး။ ရှေ့အလုပ်လည်း ကျဆုံးမယ်။ နောက်အလုပ်လည်း ကျဆုံးမယ်။ ဒါကြောင့် နိုင်ငံတော်ပရောဂျက်နဲ့ ပတ်သက်ပြီး လုပ်တာလေးတွေ တော်တော်နည်းလာတယ်။

မေး- မက်စ်ကုမ္ပဏီက ထားဝယ်အထူးစီးပွားရေးဇုန်မှာ ပထမပါပေမယ့် နောက်တော့ ဒီမှာရင်းနှီးမြှုပ်နှံထားမှုတွေ ပြန်ရုပ်သိမ်းခဲ့တာ ဘာကြောင့်ပါလဲ။

ဖြေ- ကျွန်တော်က အဓိကတော့ အလုပ်တစ်ခုလုပ်ရင် ဖြစ်မြောက်အောင်မြင်အောင်လုပ်ချင်တာ။ ကျွန်တော့်အနေနဲ့ စီးပွားရေးလုပ်တဲ့အခါ အခု ကျွန်တော်ဆီဆိုင်လုပ်တယ်။ ကျွန်တော်လုပ်တဲ့အလုပ်မပြီးဘဲ ထားခဲ့တာ တစ်ခုမှမရှိဘူး။ လူတိုင်းမှာ အချိန်က အကန့်အသတ်ရှိတယ်။ ထားဝယ်မှာ ကျွန်တော် ရှယ်ယာပါတာက အနည်းစုပဲ။ အများစုမဟုတ်ဘူး။ ကျွန်တော့်အနေနဲ့ ဘာမှမဆုံးဖြတ်နိုင်ဘူး။ ဒါကြီးက ချက်ချင်းဖြစ်ဖို့လည်း ခက်ခဲတယ်။ ရှိနေတဲ့ လက်ရှိအလုပ်တွေကိုပဲ အောင်မြင်အောင် လုပ်မယ်ဆိုပြီး လွှတ်ချလိုက်တာပါ။

မေး- ဖားကန့်က ကျောက်တွင်းကိုလည်း မလုပ်တော့ဘူးကြားတယ်။

ဖြေ- ကျောက်တွင်းကလည်း ဒီလိုပဲ။ လူတစ်ယောက်က လုပ်ငန်းတွေ အများကြီး လုပ်နေမယ်ဆိုရင် လုပ်နိုင်ရင်တောင် အောင်မြင်နိုင်မှာ မဟုတ်ဘူးလုိ့ယူဆတယ်။ အလုပ်တစ်ခုလုပ်ရင် ငွေကြေးဆိုင်ရာ စီမံခန့်ခွဲမှုနဲ့ ၀န်ထမ်းများ စီမံခန့်ခွဲမှုအပိုင်းက အရေးကြီးတယ်။ တစ်ခါတလေ ရည်ရွယ်ချက်နဲ့ စီးပွားရေးလုပ်၊ ရှုံးတဲ့သူတွေလည်း အများကြီးပဲ။ ကျွန်တော့်မှာရှိတဲ့ စွမ်းရည်နဲ့ အလုပ်တိုင်းကို မလုပ်နိုင်ရင် တချို့အလုပ်တွေကို လျှော့တယ်။ တချို့အလုပ်ကို အောင်မြင်အောင်သွားရမှာ။ အဲဒါတွေနဲ့ နှိုင်းယှဉ်ပြီး ဒီလုပ်ငန်းတွေကို လက်လွှတ်လိုက်တာပါ။

မေး- ဘောလုံးအဖွဲ့ချုပ်ဥက္ကဋ္ဌတာဝန်ကို ၂၀၀၅ ကတည်းက တာဝန်ယူထားတယ်။ ဥက္ကဋ္ဌတာဝန်အပြောင်းအလဲ ဘယ်တော့ဖြစ်မလဲ။

ဖြေ- ကျွန်တော့်အနေနဲ့ ဒီမိုကရေစီပြုပြင်ပြောင်းလဲမှုကို ကြိုက်နှစ်သက်ပါတယ်။ ကမ္ဘာ့ဘောလုံးအဖွဲ့ချုပ်အောက်မှာရှိတဲ့ ဘောလုံးအဖွဲ့ချုပ်ကလည်း ဒီမိုကရေစီကျတဲ့ ရွေးကောက်မှုမျိုးမလုပ်ဘဲ ဆက်ရှင်သန်လို့မရပါဘူး။ ကျွန်တော်တို့အနေနဲ့ ဖေဖော်ဝါရီလလောက်မှာ ရွေးကောက်ပွဲလုပ်ဖို့ စီစဉ်နေတယ်။ ကျွန်တော်တို့လုပ်တဲ့ ရွေးကောက်ပွဲသည် ဖီဖာရဲ့အစီအစဉ်အတိုင်းပဲ ဖြစ်မယ်။ ဖီဖာရဲ့ သတ်မှတ်ချက်အတိုင်းလုပ်မယ်။ ကျွန်တော့်အနေနဲ့ ကြိုဆိုပါတယ်။ ဥက္ကဋ္ဌနေရာတင်မဟုတ်ဘူး။ အမှုဆောင်တွေနေရာမှာလည်း သူ့ရဲ့သတ်မှတ်ချက်နဲ့ ကိုက်ညီရင် ၀င်လာလို့ရပါတယ်။

အုပ်ချုပ်ရေးအဖွဲ့မှာ ၀ါသနာပါရင်လည်း ပါစေချင်တယ်။ အဖွဲ့အစည်းတစ်ခု တကယ်ကို ပြည့်စုံအောင် တည်ဆောက်ပေးဖို့ ကျွန်တော့်မှာ စိတ်ကူးရှိတယ်။ ဒီရွေးကောက်ပွဲပြီးရင် နောက်ရွေးသူနိုင်ရင် အကုန်လုံးလုပ်လို့ရအောင် စီစဉ်ပေးခဲ့ချင်တယ်။ ကျွန်တော်တို့အနေနဲ့ မြန်မာပြည်မှာ ပရော်ဖက်ရှင်နယ်လိဂ် အများကြီးလိုသေးတယ်။ ပရော်ဖက်ရှင်နယ်လိဂ်မှာ ကလပ်လိုင်စင်ရတာ နှစ်သင်းပဲရှိတယ်။ ဒီအချိန်မှာ ကလပ်လိုင်စင်မရှိဘဲ အာရှပြိုင်ပွဲမ၀င်နိုင်ဘူး။ ကျွန်တော်တို့အနေနဲ့ သူများနိုင်ငံလိုဖြစ်စေချင်တယ်။ ကျောင်းတွေ၊ အားကစားပြိုင်ပွဲတွေ ပြန်ဖြစ်စေချင်တယ်။ အခြေခံနေရာမှာ လေ့ကျင့်ရေးကွင်းတွေ ရှိနေသင့်တယ်။

 အများကြီးလိုတယ်။ သူများနိုင်ငံမှာ အိုဆာကာတစ်ခုတည်းမှာပဲ အကယ်ဒမီ ၁၂ ခုလောက်ရှိတယ်။ မြန်မာတစ်နိုင်ငံလုံးမှာ အကယ်ဒမီတစ်ခုပဲရှိတယ်။ သူများနိုင်ငံနဲ့နှိုင်းယှဉ်ရင် ငွေကြေး၊ ကလေးတွေရဲ့ ခန္ဓာကိုယ်ကြံ့ခိုင်မှုစတဲ့ လိုအပ်ချက်တွေ အများကြီးရှိတယ်။ ငွေလိုတယ်။ ကျွန်တော်တို့ ဘောလုံးအဖွဲ့ချုပ်ကို ကမ္ဘာ့ဘောလုံးအဖွဲ့ချုပ်က ပံ့ပိုးပေးထားတာ တစ်နှစ်ကို အမေရိကန်ဒေါ်လာနှစ်သိန်းခွဲရှိတယ်။ နိုင်ငံတကာထောက်ပံ့ငွေက နှစ်သိန်းရှိတယ်။ ပြိုင်ပွဲတို့လုပ်ရင် နောက်ထပ် နှစ်သိန်းလောက် ထပ်ရတယ်။ တစ်နှစ်မှာ ကျွန်တော်တို့ ၀င်ငွေက ဒေါ်လာရှစ်သိန်း၊ တစ်သန်းလောက်ရှိတယ်။ ကျွန်တော့်အနေနဲ့ ရုန်းကန်နေတယ်။ ရွေးကောက်ပွဲကို စနစ်တကျလုပ်ပေးမယ်။ နိုင်ငံအတွက် လုပ်ချင်တယ်၊ စိတ်ဝင်စားရင် ကျွန်တော့်အနေနဲ့ ဒီရာထူးကို လွှဲပေးမယ်။ ပြီးရင် လုပ်ငန်းတွေကို စနစ်တကျလွှဲပေးလို့ရအောင် အကုန်စီစဉ်ပေးမယ်။ ကျွန်တော့်အနေနဲ့ အမြဲတမ်းအဆင်သင့်ပါပဲ။ တိုင်းပြည်ချစ်ပြီး တကယ်လုပ်နိုင်သူပေါ်လာရင်၊ စည်းကမ်းဘောင်ထဲက လုပ်နိုင်ရင် နွေးထွေးစွာ ကြိုဆိုပါတယ်။

မေး- ကိုယ့်အိတ်ထဲက စိုက်ထုတ်သုံးစွဲခဲ့ရတာရှိပါလား။

ဖြေ- ကျွန်တော့်အနေနဲ့ပြောရရင် ၂၀၀၅ နဲ့ ၂၀၀၇ ကြားမှာ စာရင်းသိပ်မရှိဘူး။ သိန်းထောင်ဂဏန်းပဲ ရှိတယ်။ ဒါပေမဲ့ နောက်ပိုင်းနှစ်မှာ ပိုများတယ်။ ၁၀ နှစ်မှာ အကုန်သုံးစွဲခဲ့တာ အဖွဲ့ချုပ်တစ်ခုတည်းကို သုံးစွဲထားတာ အမေရိကန်ဒေါ်လာ ၂၇ သန်းရှိတယ်။ ဒါက လေ့ကျင့်စရိတ်၊ နိုင်ငံခြားသွားတဲ့စရိတ်၊ ကွင်းပြင်တဲ့စရိတ်တွေ၊ ၀န်ထမ်းလစာတွေ၊ နည်းပြလစာတွေ၊ ၀န်ထမ်းလစာတွေ၊ အိမ်ရှင်လုပ်တဲ့စရိတ်တွေ ကုန်ခဲ့တယ်။ ကျွန်တော်တို့ ပြန်ရတာက ၁၀ သန်းကျော်ရတယ်။ တကယ်စိုက်ထုတ်သုံးစွဲထားတာက ဒီနေ့ဆို အမေရိကန်ဒေါ်လာ ၁၅ သန်းလောက်ရှိတယ်။

မေး- စီးပွားရေးလုပ်ငန်းရှင်တစ်ယောက်အနေနဲ့ မြန်မာနိုင်ငံရဲ့ ပြုပြင်ပြောင်းလဲမှုကို ဘယ်လိုသုံးသပ်မိလဲ။

ဖြေ- အဓိကကတော့ ကျွန်တော်တို့နိုင်ငံရဲ့ စီးပွားရေးအခြေအနေ၊ နိုင်ငံရေးအခြေအနေ၊ လူတစ်ဦးချင်းစီရဲ့ဘ၀ကို ကြည့်မယ်ဆိုရင် အများကြီး နိမ့်နေသေးတယ်။ သူများနိုင်ငံနဲ့ တန်းတူဖြစ်အောင် အများကြီးလုပ်ရဦးမယ်။ ဒီမိုကရေစီသွားနေတဲ့လမ်းက အောင်မြင်မှပဲ အနာဂတ်လည်းလှပမှာ။ ကျွန်တော့်အနေနဲ့ကတော့ အားလုံးပေါင်းစည်းလုပ်တဲ့ အင်အားကို ပိုဖြစ်ချင်ပါတယ်။ သန်း ၅၀ ကျော် ဘ၀အနာဂတ်လှဖို့ အားလုံးကဏ္ဍပေါင်းစုံက လူများပေါင်းပြီး ကြိုးစားရင် ကျွန်တော်ထင်ပါတယ် ကျွန်တော်တို့မှာ အဖြေရှိပါတယ်။

မေး- ဘာများထပ်မံဖြည့်စွက်ပြောချင်ပါသလဲ။

ဖြေ- အဓိကကတော့ စီးပွားရေးနဲ့ ပတ်သက်လို့ပေါ့နော်။ နိုင်ငံတကာမှာ ကျင့်သုံးနေတဲ့စနစ်နဲ့ ဒီကလုပ်ငန်းရှင်တွေ အများကြီးကို ကျွန်တော်တို့အနေနဲ့ မှန်မှန်ကန်ကန်လုပ်ပြီး တာဝန်သိတတ်တဲ့ စီးပွားရေးရင်းနှီးမြှုပ်နှံမှုမျိုးဖြစ်ဖို့ အားပေးပါတယ်။ မြန်မာလူငယ်လုပ်ငန်းရှင်တွေအများကြီး ပေါ်လာစေချင်တယ်။ ကျွန်တော်တို့နိုင်ငံမှာ ဆရာဝန်အင်ဂျင်နီယာတွေလိုသလို စီးပွားရေးသမားလူငယ်တွေလည်း အများကြီးလိုတယ်။
ကျေးဇူးတင်ပါတယ်။      ။

 http://www.7daydaily.com/story/27170

ဆရာဦးအောင်သင်း နောက်ဆုံးတွေ့ဆုံမေးမြန်းခန်း

“ပညာရေးပြောင်းလဲဖို့ဆိုရင် အရေးကြီးတာက Education for Democracy ပဲ။ ပညာရေးရဲ့လွတ်လပ်ခွင့်ကို ဘယ်သူမှမချုပ်ချယ်ရဘူး။“
----- ----- -----
တက္ကသိုလ်ဆရာတဦးအဖြစ်လည်းကောင်း၊ စာရေးဆရာတဦး အဖြစ်လည်းကောင်း၊ စာပေဝေဖန်ရေးသမားတဦးအဖြစ်လည်းကောင်း၊ နိုင်ငံရေးသမားတဦးအဖြစ်လည်းကောင်း၊ မျိုးချစ်စိတ်ဓာတ်ထက် ပညာ ကပို၍အရေးကြီးကြောင်း ထောင်မကြောက် တန်းမကြောက် မထောက် မညှာ ဝေဖန်ဟောပြောခဲ့သူအဖြစ်လည်းကောင်း၊ လူငယ်များအား စာပေနှင့်ပညာ၏ အရေးကြီးပုံ၊ စာကြည့်တိုက်များ စာဖတ်အသင်းများ ထူထောင်ကြရန် နိုင်ငံအနှံ့လှည့်လည်တိုက်တွန်းခဲ့သူတဦးအဖြစ်လည်းကောင်း၊ အသက် ၈၀ ကျော်သည့်တိုင် စာပေဟောပြောပွဲများတွင် ညဥ့်နက်သန်းခေါင်အထိ ပရိသတ်ကို ဆွဲဆောင်ဟောပြောနိုင်သူတဦး ဖြစ်ပြီး စာပေကြာနီကန်ဟုပင်ခေါ်တွင်ခဲ့ရသည့် စစ်တက္ကသိုလ်နှင့် ရန်ကုန် တက္ကသိုလ် မြန်မာစာဌာနများတွင် တာဝန်ထမ်းဆောင်ခဲ့သည့် ဆရာကြီး ဦးအောင်သင်းအား မကွယ်လွန်မီအချိန်လပိုင်းက ဆရာကြီး၏ ဓမ်္မိက၀တီ လမ်းနေအိမ်သို့ တခေါက်ရောက်စဉ်မျက်မှောက်ခေတ် ပညာရေးနှင့် စပ်လျဉ်းပြီးတွေ့ဆုံမေးမြန်းဖြစ်ခဲ့သည်များကို အမှတ်တရ ဖော်ပြလိုက် ပါသည်။

x မင်္ဂလာပါဆရာကြီးခင်ဗျား ပညာရေးနဲ့ပတ်သက်ပြီး တစိုက်မတ်မတ်ပြောခဲ့တာဆိုတော့ ဒီနေ့ခေတ် ပညာရေးအပေါ် ဆရာ ဘယ်လိုများသုံးသပ်ချင်ပါသလဲ။

- မင်းတို့ တက္ကသိုလ်တွေနဲ့ပတ်သက်ပြီး ငါပြောခဲ့ပေါင်းများပါပြီကွာ၊ ခုထိ တက္ကသိုလ်က ကျက်ကသိုလ်ဖြစ်နေတုန်းပဲ၊ ဟုတ်လား။ ဥပမာဆိုပါတော့ မြန်မာစာမှာ စာဟန်နဲ့ပြောဟန်ဆိုတာရှိတယ်။ ကျောင်းသား တယောက်က စာဟန်ကိုရအောင် လုပ်ရမယ်။ မလုပ်နိုင်ရင် ဒီကောင်ကို အမှတ်မပေးနဲ့။ သို့သော် ဒီထဲမှာ ပြောဟန်မပါရဘူးလားဆိုတော့ ပါရမယ်။ ဘယ်နေရာမှာ စကားပြောဟန်နဲ့ရေးရမလဲ။ Direct Speech ဆိုပါတော့။ ဟိုကပြောတဲ့ အတိုင်းပြန်ရေးရမယ်ဆိုရင် စကားပြောဟန်နဲ့ရေးရမှာပေါ့။

  အဲဒီလိုမဟုတ်ဘဲနဲ့ ကိုယ်ကပြန်ပြီးတင်ပြပုံနဲ့ရေးမယ်ဆိုရင် စာဟန်နဲ့ရေး ရမယ်။ ဒါကို ကလေးကို နားလည်သဘော ပေါက်အောင်သင်ပေးရမယ်။ ခက်တာက ဆရာ၊ ဆရာမကိုယ်တိုင်က အဲဒါကို နားမလည်တာ။ နားမလည်တော့ ကလေးကိုလည်း နားလည်အောင်သင်မပေးနိုင်ဘူး။ Direct speech and indirect speech ပေါ့။ Spoken language and written language ပေါ့။ အဲဒီလိုသီးခြားရှိတယ် ခုတော့ ကလေး တွေက ဖတ်စာကိုပြန်ကျက်နေရတယ်။ အမှန်ကဖတ်စာကပေးတဲ့ အဓိက အချက်ကို ကလေးကသိပြီး အဲဒါကို စာဟန်နဲ့ပဲဖြစ်ဖြစ်ရေးဟန်နဲ့ပဲဖြစ်ဖြစ် ပြန်ရေးပြနိုင်ရမယ်။ အဲဒါ ခုနစ်တန်း မတိုင်မီကတည်းကရပြီးသားဖြစ် ရမယ်။ တို့သုံးတန်း၊ လေးတန်းဖတ်စာပြန်ကြည့်။ သားရေကုန်သည်နဲ့ လှည်းကုန်သည်အကြောင်း။ အဲဒါဆရာက ဖတ်ခိုင်းပြီး အဓိပ္ပာယ်ပြန်ပြော စမ်းဆိုတော့ အဓိပ္ပာယ်ကိုပြောရတာ။ စာကိုရွတ်ပြရတာမဟုတ်ဘူး။ ဖတ်စာမှာဘာပြောထားသလဲဆိုတာအဓိပ္ပာယ် ပေါက်အောင်နားလည်ဖို့ လိုတယ်။ အခုဟာက ၁၀ တန်းအထိ အဲဒီလို မသင်ခဲ့ရတော့တက္ကသိုလ် ရောက်လည်း ဒီအတိုင်းပဲဖြစ်နေတာ။ “အရှေ့အနောက် သိချင်ရင် တို့အိမ်လိုက်ခဲ့” ဆိုသလိုဖြစ်နေပြီ။ အိမ်ကျမှစာဖတ်ပြမယ်ပေါ့။ ကိုယ့်အိမ်မှာ ကျတော့ ဘယ်ဟာအရှေ့ ဘယ်ဟာအနောက်ဆိုတာသိတယ်။ အပြင် ရောက်သွားရင် မသိတော့ဘူး။ ဒီနေ့ပညာရေးက အဲဒီလိုဖြစ်နေတယ်။

x လက်ရှိစာမေးပွဲစနစ်ကိုပြန်သုံးသပ်ဖို့လိုတယ်လို့ ပြောနေ ကြတာတွေလည်းရှိတယ် ဆရာ။ စာမေးပွဲစနစ်နဲ့ပတ်သက်ပြီး ဆရာ ဘာများပြောချင်ပါသလဲ။
- စာမေးပွဲဆိုတာ မင်းဖတ်ထားမှတ်ထားတာကို မင်းပြန်ပြောတတ် သလား။ ပြောတဲ့အခါမှာလည်း သူများနားလည်အောင် ပြောတတ်သလား။ အဲဒီမှာ ပြောနည်းပြောဟန်ကရော ဘောင်ဝင်သလား။ ဒီ ၃ ချက်ပဲရှိ တယ်။ ဒါပဲ။ အဲဒါ Exam ပဲ။ အခု မင်းတို့ ငါ့ကိုမေးတာကို ငါပြန် ပြောနေတယ်ဆိုတာ ငါဖတ်ခဲ့တဲ့စာတွေပဲ။ အဲဒါကို ငါက ဒီအတိုင်း ပြန်ရွတ်ပြနေတာမှမဟုတ်ဘဲ။

x အခုပညာရေးပြုပြင်ပြောင်းလဲမှုဆိုပြီး အစိုးရဘက်ရော အတိုက်အခံတွေဘက်ကရော ပညာရှင်တွေရော ပြောနေကြတယ်ပေါ့၊ လုပ်သင့်လုပ်ထိုက်တာတွေလည်း လုပ်နေကြပြီပေါ့။ အဲဒီအပေါ်မှာ ဆရာ့ရဲ့အမြင်လေးပြောပေးပါဦးဆရာ။

- ပညာရေးပြုပြင်ပြောင်းလဲမယ်ဆိုတော့ မင်းတို့ ဆရာ ဆရာမ တွေက အဆင်သင့်ဖြစ်ပြီလား။ ကဲပြော။ တကယ့်ပညာရေးဆိုတာ ကလေးကို စာသင်ပေးတာမဟုတ်ဘူး။ စဉ်းစားတတ်အောင် သင်ပေးတာ။ How to think? How to learn? ပေါ့။ ပညာသင်တယ်ဆိုတာ အလွတ် ကျက်ခိုင်းတာမဟုတ်ဘူး။ အခု မင်းတို့ ဆရာ ဆရာမတွေက ရှမ်းချေ ချေတဲ့ ပုံဖြစ်နေပြီ။ ကြားဖူးလား ရှမ်းချေ ချေတယ်ဆိုတာ။ အရင်က ရှမ်းကအပေါင်း အနှုတ်မရဘူး။ ပဲစေ့ တပုံကို ၂ ပြားဆိုပါတော့။ အဲဒီတော့ ၀ယ်တဲ့သူက ပဲစေ့ ၅ ပုံပေး ရော့ ၁၀ ပြားဆိုလို့ မရဘူး။ သူက မပေါင်းတတ်တော့ ဒီမှာ ပဲစေ့ ၁ ပုံ ပေး ၂ ပြား။ နောက် ၁ ပုံ ပေး ၂ ပြား။ ဒီလိုနဲ့ ၅ ပုံပြည့်အောင် သွားတာ။ ရှင်းတယ်။ ရော့ ၁၀ ပြား ပေး ၅ ပုံဆို ပြီးလုပ်လို့မရဘူး။ အဲဒါ ရှမ်းချေ ချေတယ်ခေါ်တယ်။အခု မင်းတို့ ဆရာ ဆရာမတွေလည်း အဲဒီလို ဖြစ်နေပြီ။ သင်ထားတဲ့အတိုင်းပဲ။ ပိုမစဉ်းစားဘူး။

အဲဒီတော့ ပညာရေးပြောင်းလဲဖို့ဆိုရင် မင်းဘာမှမစဉ်းစားနဲ့။ အရေးကြီးတာက Education For democracy ပဲ။ Educate ဖြစ်ဖို့ လိုတယ်ကွ။ ဒီမိုကရေစီဆိုပြီး ဖွင့်ပေးလိုက်တဲ့အခါကျတော့ ကလေးကို အဆုံးအမ မရှိ အလိုလိုက်သလို ဖြစ်နေတယ်။ ကလေးက ထမင်းစား ရမှာကို ထမင်းမစားချင်ဘူး မန်ကျည်းသီးပဲစားမယ်ဆိုပြီး ဆန္ဒပြတော့ ကျွေးလိုက်ရော။ ကျွေးလိုက်လို့ဝမ်းသွားတော့ ဘယ်သူဒုက္ခရောက်လဲ။ မင်းမှတ်ထား ဘယ်ကိစ္စမဆို အတိုင်းအတာဆိုတာ သိရတယ်။ အဲဒါ Educate လုပ်တာပဲ။

x ဒါဆိုရင် ဘယ်နေရာကစပြီးပြောင်းရမလဲ ဘယ်လိုစပြီး ပြောင်းရမလဲဆရာ။

-မင်းတို့ ဆရာ ဆရာမတွေက စပြောင်းရမှာ။ မင်းတို့တက္ကသိုလ် တွေက စပြောင်းရမှာ။ မင်းတို့ ဆရာ ဆရာမတွေကအစ ကျက်ပြီးအောင် လာကြတာ။ ဒီလိုမေးဒီလိုဖြေဆိုပြီး အောင်လာကြတာ။ မင်းတို့ကြားဖူး တယ်မဟုတ်လား။ သခင်ဗဟိန်း။ မြင်းခွာ တချက်ပေါက်ရင် မီးဟုန်း ဟုန်းတောက်စေရမယ်ဆိုတဲ့ ကိုဗဟိန်း။ သူ့ကို အင်္ဂလိပ်အစိုးရက ဖမ်းချင်လို့ ကျောင်းထုတ်ခိုင်းတာ။ ဒီအတိုင်းဖမ်းရင် တက္ကသိုလ်ကျောင်းသားကို ဖမ်းတယ်ဖြစ်မှာစိုးလို့။ အဲဒါ တက်္ကသိုလ်အဓိပတိက ဆရာကြီးဦးဖေမောင် တင်။ သူကအစိုးရကို ဘယ်လိုစာပြန်လိုက်သလဲဆိုတော့ ဒီကျောင်းသား တွေနဲ့ပတ်သက်ပြီးဆိုင်ရာကိုစုံစမ်းပြီးပြီတဲ့။ သူတို့မှာ ကျောင်းလခလည်း အပြည့်သွင်းထားတယ်။ ကျောင်းစည်းကမ်း ဖောက်ဖျက်ခြင်းလည်း မရှိဘူးတဲ့။ ဒါကြောင့် သူတို့ကို ကျောင်းထုတ်ရန် ကျွန်ုပ်၌ ဥပဒေမရှိပါတဲ့။ အစိုးရနှင့်ပတ်သက်၍ဖြစ်ခြင်းသည် ကျွန်ုပ်တို့ကျောင်း ဥပဒေနှင့်မဆိုင် ပါတဲ့။ ကဲ။ မင်း အဲဒီလို အကြောင်း ပြန်ဝံ့သလား။ ဒီနေ့ခေတ် မင်းတို့ တက္ကသိုလ်တွေ။

ပညာရေးရဲ့လွတ်လပ်ခွင့်ကို ဘယ်သူမှ မချုပ်ချယ်ရဘူး။ သူ့အထက်မှာ ဘာမှမရှိရဘူး။ ပညာရှင်တွေပဲရှိရမယ်။ ဆီးနိတ်ဆိုတာ အဲဒါကွ။ မင်းသက်ဦးဆံပိုင်ခေတ်ပြန်ကြည့်။ ရှင်ဘုရင်ဆိုတာ သက်ဦးဆံပိုင်နော်။ သက်ဦးဆံပိုင်ဆိုတာ အသက်ရယ် ဦးဆံရယ် ပိုင်တာ။ ရှေးတုန်းက သျှောင်တွေ ထားကြတယ်။ ယောက်ျားတယောက်မှာ သျှောင်က အမြတ်ဆုံး။ သျှောင်ကို မထိရဘူး။ ဒါပေမယ့် ရှင်ဘုရင်ကနေ အမိန့်နဲ့လာခဲ့ဆို သျှောင်ကနေ ဆွဲခေါ်လာခွင့်ရှိတယ်။ အဲဒီလို အသက်ရော ဦးဆံရောပိုင်လို့ သက်ဦးဆံပိုင်ခေါ်တာ။ အဲဒီသက်ဦးဆံပိုင်ဘုရင်တောင် ပညာရေးဝင်မစွက်ခဲ့ဘူး။

အဲဒီတုန်းက ပညာရေးနဲ့ ဘာသာရေးရောနေခဲ့ပေမယ့် အကြီးဆုံးက သာသနာပိုင်ပဲ။ ဘုရင်က ၀င်စွက်ခွင့်မရှိဘူး။ လွတ်လပ်တဲ့ ပညာရေး ခေါ်မှာပေါ့။ မင်းတုန်းမင်းနဲ့ ငါးခြောက်ပြား ကြားဖူးတယ် မဟုတ်လား။ မင်းတုန်းဆိုတာ အိမ်ရှေ့မင်းသားပဲ။ ရှင်ဘုရင် ဖြစ်မယ့်သူ။ ငါးခြောက်ပြား ခိုးစားတော့ ဘာဖြစ်လဲ။ ဆရာတော်က ရိုက်လွှတ်လိုက်တာပဲလေ။ နန်းမတော်မယ်နု သိပ်ကြီးစိုးလာတော့ သူ့အကြောင်း ဘယ်သူမှမပြော ၀ံ့ဘူး။ နာမည်တောင် မခေါ်ဝံ့ဘူး။ အဲဒါ သာသနာပိုင်ဆရာတော်ကြီးက ဘာပြောတယ်မှတ်လဲ။ မင်းတို့ဟာကလည်းကွာ “နု” ပါတိုင်းရှောင်နေရရင် ဘုရားဟော တေနုပ္ပသင်္ကမိကို တေထုပ္ပသင်္ကမိလို့ လုပ်ရတော့မလို ဖြစ်နေပြီ ဆိုတော့မှ မင်းတုန်းမင်းကြီးက “မူရင်းအတိုင်းတွင်စေ” ဆိုပြီး အမိန့်တော်ပြန်ထုတ်ခဲ့ရသေးတယ်။ ကဲ။ အဲဒီတော့ အနှစ်ချုပ်က ပညာရေးဆိုတာ လွတ်လပ်ရတယ်။ Education for democracy အရင်လုပ်ပါ။ ငါတော့ ဒီလောက်ပဲပြောချင်တယ်။

နဒီလှိုင်(IR)တွေ့ဆုံမေးမြန်းသည်။

https://www.facebook.com/NewsWatchJournal/photos/a.343944972309977.69916.34355

လူမှုထူးချွန်ဆု ချီးမြှင့်အပ်နှင်းခြင်း ခံရသူ ဆရာဦးသန်းလှိုင်နှင့် တွေ့ဆုံခြင်း

ဆရာဦးသန်းလှိုင် (ဓာတ်ပုံ − မင်းသားလေး)

၂၀၁၄ ခုနှစ် အောက်တိုဘာ ၅ ရက်သည် ကမ္ဘာ့ဆရာများနေ့ဖြစ်ပါသည်။ ထိုနေ့အခမ်းအနားတွင်လည်း နာငါးနာနှင့် ပြည့်စုံမှုတို့ကြောင့် နိုင်ငံတော်မှ လူမှုထူးချွန်ဆု ချီးမြှင့်အပ်နှင်းခြင်း ခံရသူ ဆရာသုံးဦး ပေါ်ထွက်လာခဲ့ရာ ဆရာဦးသန်းလှိုင်သည်လည်း တစ်ဦးအပါအ၀င်ဖြစ်ခဲ့ပါသည်။

ဆရာဦးသန်းလှိုင်သည် စစ်ကိုင်းတိုင်းဒေသကြီး ချောင်းဦးမြို့နယ် ဆူးလေကုန်းကျေးရွာတွင် တာဝန်ထမ်းဆောင်ရင်း မြောင်မြို့နယ် အုန်းနှဲဘုတ်ကျေးရွာသို့ ပြောင်းရွှေ့ခဲ့ရသည်။ ပြောင်းရွှေ့ချိန်တွင်၎င်း၏ တပည့်များသာမက ကျောင်းသားမိဘများကပါ လာရောက်နှုတ်ဆက်ကြရင်း ဆရာတစ်ယောက်ဆုံးရှုံးမှုကို ခံစားရသော တပည့်များနှင့် မိဘများ၏ နှုတ်ဆက်ဝမ်းနည်းငိုကြွေးမှု ဓာတ်ပုံများ ဖေ့စ်ဘွတ်ခ်လူမှုကွန်ရက်မှတစ်ဆင့် ပျံ့နှံ့သွားခဲ့ရာမှ ထင်ရှားလာခဲ့သူဖြစ်ပါသည်။

ဆရာဦးသန်းလှိုင်နှင့် တွေ့ ဆုံခိုက် မေးမြန်းဖြစ်ခဲ့သည်များကို 7Day Daily ပရိသတ်များထံ ပြန်လည်မျှဝေလိုက်ရပါသည်။
ကမ္ဘာ့ဆရာများနေ့မှာ အခုလိုလူမှုထူးချွန်ဆုချီးမြှင့်ခြင်းခံရတဲ့အတွက် ဖြစ်ပေါ်လာတဲ့ ခံစားမှုကို ပြောပြပေးပါဆရာ။

ကျွန်တော့်ရဲ့ မေတ္တာ၊ စေတနာနဲ့ လုပ်ဆောင်ချက်တွေဟာ ကျွန်တော့်အတွက် မှန်ပမာ ရောင်ပြန်ဟပ်တယ်လို့ ခံစားရပါတယ်။  ကမ္ဘာ့ဆရာများနေ့မှာ တွေ့ရတဲ့ ဆရာကြီးတွေကို စံနမူနာယူပြီး တိုးတက်အောင် လုပ်ဆောင်သွားပါ့မယ်။ ကျွန်တော်နဲ့ ဘ၀တူဆရာများကိုလည်း ဒီလိုလုပ်ဆောင်ပြီး ဆုတွေ၊ အောင်မြင်မှုတွေရစေချင်ပါတယ်။

အခုတစ်လောဆရာ့အကြောင်းတွေ ဖေ့စ်ဘွတ်ခ်လူမှုကွန်ရက် မှာ တော်တော်တွေ့ရတယ်။ ဆရာ့ကို ၀ိုင်းပြီး ဂုဏ်ပြုအမွှမ်းတင်ကြတယ်။ အဲဒီအပေါ်မှာ ဆရာ ဘာများပြောချင်ပါသလဲ။

ကျွန်တော်ကျောင်းဆရာ စ ဖြစ်တာကတော့ ၁၉၉၂ ခုနှစ်ကပါ။ ဆရာစဖြစ်တဲ့ အချိန်ကစပြီး အရင်းခံကတော့ မေတ္တာတရား ပေ့ါနော်။ စာအုပ်စာပေတွေ စဖတ်ခဲ့ပါတယ်။ ကျောင်းသုံးကျောင်းမှာ တာဝန်ထမ်းဆောင်တော့ အရင်ဆုံးတာဝန်ထမ်းဆောင်ခဲ့တာက စစ်ကိုင်းတိုင်း ဒေသကြီး ပင်လယ်ဘူးမြို့နယ် အလကတောင်တောမှာ မူလတန်းကျောင်းဆရာပေါ့နော်။

အဲဒီမှာ စပြီး စာသင်ခဲ့ရပါတယ်။ တောင်တောကျောင်းက ကျွန်တော့်ရဲ့ တပည့်တွေကလည်း ကျွန်တော့်ရဲ့ မေတ္တာဖြင့် သင်ကြားပို့ချပေးခဲ့မှုကြောင့် ကျောင်းပြောင်း နှုတ်ဆက်တဲ့အချိန်မှာလည်း ခုလိုပဲ ငိုကြွေးနှုတ်ဆက်မှု တွေ့ကြုံခဲ့ရပါတယ်။ နောက်တစ်ကျောင်းကတော့ ချောင်းဦး မြို့နယ် အမက ဗုံတိုဆိုတဲ့ ကျောင်းလေးကို ကျွန်တော် ရောက်ခဲ့ပါတယ်။ အဲဒီကျောင်းလေးကိုလည်း တကယ့်ကို ကျွန်တော့်ရဲ့ အိမ်လေးပမာ သဘောထားပြီး ပြုစုပျိုးထောင်ခဲ့ပါတယ်။

တပည့်တွေကိုလည်း မေတ္တာတရားရှေ့ထားကာ သင်ကြားပေးခဲ့ပါတယ်။ နောက် ရောက်ခဲ့တာကတော့ အမက ဆူးလေကုန်းပါ။ အလယ်တန်းပြ ဆရာအနေနဲ့ ရောက်ခဲ့ပါတယ်။
ကလေးတွေကို ပညာရေးအနေနဲ့ အခမဲ့အပိုချိန် သင်ကြားပေးခဲ့တာတွေလည်းရှိတယ်လို့သိရတယ်။ အဲဒီအကြောင်းလေး ပြောပြာပေး ပါဦးဆရာ။

ရွာမှာရှိတဲ့ လူမှုရေးအသင်းလေးနဲ့ ကျွန်တော် တော်တော်လေးကို ပါဝင်လုပ်ဆောင်ခဲ့သလို အဲဒီရွာမှာ ကလေးတွေကို အခမဲ့ အပိုချိန်သင်ပေးခဲ့ပါတယ်။ ကျောင်းတက်ချိန်က မနက် ၉ နာရီ။ ကျွန်တော်က မနက်မိုးလင်း ၆ နာရီခွဲကစပြီး သင်ပေးတယ်။ ကလေးတွေက ဝေလီဝေလင်းဆိုတာနဲ့ ရောက်လာပါတယ်။ ဘယ်အတန်းလာလာ လာတဲ့ကလေးကို သင်ပေးပါတယ်။ ညနေ ၃ နာရီခွဲ ကျောင်းဆင်းတဲ့အခါ တစ်နာရီအနားပေးတယ်။ ကလေးတွေ ကိုယ်လက်လှုပ်ရှားမှု လုပ်ဖို့ပါ။ အားကစားလုပ်ခိုင်းတယ်။ ညနေ ၄ နာရီခွဲမှာ မူလတန်း အထက်ဆင့် သုံးတန်းနဲ့ လေးတန်းကို စာသင်ပေးပါတယ်။ ညနေ ထမင်းစားချိန်ဆို ရွာက လာပို့ပေးတယ်။ ညမှာ ၆နာရီခွဲ၊ ၇နာရီကနေ ၉နာရီအထိ ရွာကမီးပေးတယ်။ မီးပေးတဲ့အချိန် မူလတန်း အထက်ဆင့်၊ အလယ်တန်းနဲ့ အထက်တန်းအားလုံးကို စာဖတ်ဝိုင်းလေးလုပ်ပေးတယ်။ အဲဒီ စာဖတ်ဝိုင်းလေးလည်း အောင်မြင်ခဲ့ပါတယ်။

ဆရာ့အနေနဲ့ တခြား ဘာများပြောချင်ပါလဲ။
ဆရာဆိုတာ မေတ္တာရှင်၊ အကြင်နာ၊ မုဒိတာရှင်၊ စေတနာရှင်၊ ၀ါသနာရှင်ဆိုတဲ့အတိုင်း လုပ်ဆောင်မယ်ဆိုရင် တိုးတက်လာမှာပါ။ ကျွန်တော်နဲ့ ဘ၀တူ ဆရာ၊ ဆရာမများအနေနဲ့ ကိုယ် တာဝန်ကျရာ ဒေသမှာ အားတက်သရော ဆောင်ရွက်ကြမယ်။ ကျောင်းသားတွေ၊ မိဘတွေကို နွေးထွေးတဲ့ မေတ္တာတွေ ပေးမယ်ဆိုရင် မေတ္တာတရားရှေ့ထားပြီး သင်ကြားပေးမယ်ဆိုရင် အောင်မြင်မှာ လက်ခတ်မလွဲပါပဲ။

http://www.7daydaily.com/story/22214#.VDPze2OM-So

မြန်မာ နိုင်ငံမှာက ပညာရေးရဲ့ တန်ဖိုးကို သိပ်အလေး ထားတတ် ကြပါတယ်

 
Myanmar Book Aid and Preservation Foundation ရဲ့ အကြီးအကဲဖြစ်ပြီး ဒေါ်ခင်ကြည် နယ်လှည့် စာကြည့်တိုက် အစီအစဉ်၌ ပါဝင်လုပ်ကိုင်လျက်ရှိသူ ဒေါက်တာ သန့်သော်ကောင်းသည် စာပေထုတ်ဝေဖြန့်ချိသူတဦးဖြစ်ပြီး လတ်တလောတွင် အမေရိကန် ပြည်ထောင်စုသို့ Asia Foundation ၏ Chang-lin Tien Visiting Fellow အဖြစ် ရက်သတ္တပတ် ၃ ပတ်ကြာ လေ့လာရေး ခရီးရောက်ရှိနေသည်။ Foundation ၏ အာရှရေးရာ အယ်ဒီတာတဦးဖြစ်သူ အယ်လ်မာ ဖရီးမန်း (Alma Freeman) က ဒေါက်တာ သန့်သော်ကောင်းနှင့် တွေ့ဆုံခဲ့ပြီး မြန်မာနိုင်ငံ၏ စာဖတ်ခြင်းအလေ့အထနဲ့ ဒေါက်တာ သန့်သော်ကောင်း မြန်မာနိုင်ငံတွင်  လွန်ခဲ့သော ဆယ်စုနှစ်များအတွင်း စာပေလောကအတွင်း ဆောင်ရွက်ခဲ့ပုံများကို မေးမြန်းထားသည်။

မေး ။ ။ မြန်မာနိုင်ငံ ရဲ့ စာတတ်မြောက်သူဦးရေက ၉၅ ရာခိုင်နှုန်းနဲ့ ဒေသတွင်း နိုင်ငံတွေ အနက် အမြင့်ဆုံး အဖြစ်ရပ်တည်နေပေမယ့် အရည်အသွေးပြည့်မီတဲ့ စာအုပ်စာပေတွေနဲ့ စာဖတ်ခြင်းကတော့ အားနည်းနေသေးတာ တွေ့ရပါတယ်။ အဲဒါကို ဘယ်လိုထင်ပါသလဲ ။

ဖြေ ။ ။ စာတတ်မြောက်မှု ဦးရေမြင့်တက်လာရတာက ၁၉၇၅ ခုနှစ် ၀န်းကျင်လောက်က အစိုးရက ကျေးလက်ဒေသတွေကို ကောလိပ်ကျောင်းသားတွေ၊ လုပ်အားပေးကျောင်းသူ ကျောင်းသားတွေကို လွှတ်ပြီးတော့ စာဖတ်တတ်အောင်၊ စာအုပ်တွေနဲ့ ရင်းနှီးအောင် လုပ်ပေးတဲ့ စီမံချက်မျိုးတွေ လုပ်ခဲ့တဲ့အတွက် မြင့်တက်လာရခြင်းလို့ ထင်ပါတယ်။ အစိုးရကလည်း အဲဒီတုန်းက စီမံချက်တွေ ပြုလုပ်ဆောင်ရွက်ခဲ့တဲ့အတွက် UNESCO (ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့) ကနေပြီး ဆုချီးမြင့်ခဲ့ပါတယ်။ မြန်မာအတော်များမျာက စာတွေ ဖတ်နိုင်ကြပါတယ်။
ဒါပေမယ့် အရည်အသွေးမီတဲ့ စာအုပ်တွေ၊ စာအုပ်ဝယ်ဖတ်နိုင်တဲ့ အခြေအနေ အဲဒီ ၂ ခုက စိန်ခေါ်မှုတွေအဖြစ် ကျန်နေပါသေးတယ်။ ကျနော်တို့ နယ်လှည့်စာကြည့်တိုက်တွေ စလုပ်တော့ လူတွေက အားတက်သရောနဲ့ စာအုပ်တွေ ငှါးဖတ်ကြတာကို တွေ့ရပါတယ်။ သူတို့တွေမှာ စာဖတ်လိုစိတ်တွေ ရှိနေကြပါတယ်။ ဒါကြောင့်လည်း နိုဘယ်ဆုရှင် ဒေါ်အောင်ဆန်းစုကြည်ရဲ့ ကွယ်လွန်သွားပြီ ဖြစ်တဲ့ မိခင် ဒေါ်ခင်ကြည် နာမည်နဲ့လုပ်တဲ့ ဒေါ်ခင်ကြည် ဖောင်ဒေးရှင်းရဲ့ နယ်လှည့်စာကြည့်တိုက် အစီအစဉ်က အောင်မြင်ခဲ့တာပါ။ သူတို့က လူတွေအိမ်ကို အရောက်သွားကြပါတယ်၊ လူတွေ ကနေပြီး စာကြည့်တိုက်ဆီကို လာစရာမလိုပါဘူး။ စာကြည့်တိုက်မှာ စာရင်းအရ စာအုပ် ၉၀၀၀၀ ရှိခဲ့ပြီး အဖွဲ့ဝင် ၈၀၀၀ ကျော် ရှိခဲ့ပါတယ်။

မေး ။ ။ စာဖတ်ခြင်း အလေ့အထ နဲ့ ပညာရေး အပေါ် စိတ်ပါဝင်စားမှုတွေ က ဘယ်ကနေရလာတယ်လို့ ထင်ပါသလဲ။

ဖြေ ။ ။ ရွာထဲမှာတို့၊ လမ်းထောင့်လေးတွေမှာတို့ ဆိုရင် စာအုပ်အငှား ဆိုင်တဆိုင်ဆိုင်တော့ တွေ့ရမှာပါ။ မြန်မာနိုင်ငံမှာက ပညာရေးရဲ့တန်ဖိုးကို သိပ်အလေးထားတတ်ကြပါတယ်။ တကယ်တမ်းပြောရမယ် ဆိုရင် ၁၉၃၀ နဲ့ ၄၀ ပြည့်နှစ်တွေက အရှေ့တောင်အာရှက ကျောင်းသူကျောင်းသားတွေဟာ ရန်ကုန်တက္ကသိုလ်ကို ပထမ ဦးစားပေးအနေနဲ့ ရွေးချယ်ခဲ့ကြပါတယ်။ သူတို့ ကိုယ်တိုင်လည်း အခုချိန်အထိ ကျောင်းသားဟောင်းတွေ ဖြစ်ခဲ့ကြဖူးတယ် ဆိုတာကို ဂုဏ်ယူပြီး ပြောပြနေကြတုန်းပါပဲ။

ဘုန်းကြီးကျောင်းတွေကလည်း ကျေးလက်ဒေသနေ ကလေးသူငယ်တွေ စာတတ်မြောက်ရေးအတွက်ကို အဓိကကျတဲ့ အခန်းကဏ္ဍကနေ ပါဝင်လုပ်ဆောင်ပေးနေပါတယ်။ မြန်မာ့ပညာရေးစနစ် သမိုင်းကြောင်းက တကယ်တော့ ခိုင်မာကောင်းမွန်ခဲ့ပါတယ်။ ၁၉၆၂-၁၉၈၈ ခုနှစ်နဲ့ ၁၉၈၈-၂၀၁၀ အတွင်း စစ်အစိုးရအုပ်ချုပ်တဲ့ ခေတ်မှာ ဆိုရှယ်လစ်နဲ့ စစ်အုပ်ချုပ်ရေးစနစ်တွေ လက်အောက်မှာ အပြောင်းအလဲတွေ ဖြစ်ခဲ့ရတာ အခုလက်ရှိ နိုင်ငံရေး ပြုပြင်ပြောင်းလဲမှုတွေ မတိုင်ခင်အထိပဲ။ အဲဒီနှစ်တွေအတွင်းမှာ အုပ်ချုပ်ခဲ့တဲ့ အစိုးရတွေက အရည်အသွေး စစ်မှန်တဲ့ ပညာရေးစနစ်တခု အကောင်အထည်ဖော်ဖို့လည်း စိတ်မ၀င်စားခဲ့ကြပါဘူး။ ထပ်ပြောရရင် စာသင်ကြားတဲ့ စနစ်က စာတွေကို လက်တွေ့ကျကျ နားလည်တတ်မြောက်ဖို့ထက်ကို အလွတ်ကျက်ဖြေတဲ့ စနစ်ကို ကျင့်သုံးလာကြပါတယ်။ အခုအစိုးရကတော့ ကျောင်းသားဗဟိုပြု နည်းဗျူဟာကို စတင်ကျင့်သုံးဖို့ ကြိုးစားနေပေမယ့်လည်း အချိန်တွေ အများကြီး ပေးရဦးမယ်လို့ ထင်ပါတယ်။

မေး ။ ။ မြန်မာနိုင်ငံရဲ့ ပညာရေးအပေါ် သုံးစွဲတဲ့ ဘတ်ဂျက် ပမာဏက သိပ်ကို နည်းပါးလွန်းနေပါသေးတယ်။ ဘာကြောင့်လို့ ထင်ပါသလဲ။

ဖြေ ။ ။ ဒါကတော့ အစိုးရက ကာကွယ်ရေးကို ကျန်းမာရေးနဲ့ ပညာရေးထက်ပိုပြီး ဦးစားပေးတဲ့ အတွက်ကြောင့်ပါ။ ကျန်းမာရေးကို ၃ရာခိုင်နှုန်းနဲ့ ပညာရေးအတွက် ဘတ်ဂျက်ရဲ့ ၅ ဒသမ ၄ ရာခိုင်နှုန်းပဲ အသုံးပြုတာဟာ ဗီယက်နမ်နိုင်ငံရဲ့ ပညာရေးကဏ္ဍအတွက် အသုံးပြုတဲ့ ၂၁ ရာခိုင်နှုန်းနဲ့ယှဉ်ရင် အများကြီး ကွာဟနေပါတယ်။ မြန်မာနိုင်ငံရဲ့ ကာကွယ်ရေးအတွက် အသုံးပြုတဲ့ငွေဟာ ဘတ်ဂျက်ရဲ့ ၂၃ ရာခိုင်နှုန်း ၀န်းကျင်ရှိပါတယ်။ ဒီကိစ္စနဲ့ ပတ်သက်ပြီး လွှတ်တော်မှာလည်း အကျေအလည် ဆွေးနွေးမှုတွေ လုပ်နေပါတယ်။ ဒီနှစ် ဇန်န၀ါရီလမှာ အစိုးရက ကျန်းမာရေးနဲ့ ပညာရေးကဏ္ဍမှာ အသုံးပြုတဲ့ ဘတ်ဂျက်ငွေ ရာခိုင်နှုန်းကို ပမာဏ နည်းနည်းစီ တိုးမြင့်မယ်ဆိုပြီး ထုတ်ပြန်ထားပါတယ်။

 ကျောင်းဆရာမ လစာကလည်း တလကို ဒေါ်လာ ၁၀၀ ၀န်းကျင်လောက်ပဲ ရပြီးတော့ အတော်လေး နည်းနေတာကို တွေ့ရပါတယ်။ မြန်မာနိုင်ငံ လူဦးရေရဲ့ ၂၆ ရာခိုင်နှုန်းလောက်က တရက်လုပ်အားခ ၁ ဒသမ ၂၅ ဒေါ်လာဝန်းကျင် လောက်ပဲ ရကြတာပါ။ နောက်ပြီးတော့ ကျနော်တို့မှာ လျှပ်စစ်မီး မှန်မှန် မရရှိပါဘူး။ ဆင်းရဲမွဲတေမှုတွေကြောင့် ကျောင်းထွက်တဲ့နှုန်းကလည်း မြင့်နေပါတယ်။ စာသင်ကျောင်းမှာ ပညာသင်ကြားနေတဲ့ ကျောင်းသာ ဦးရေ ၈ သန်းကျော် ရှိနေပေမယ့် တက္ကသိုလ် တက်ရောက်နိုင်တဲ့ ဦးရေကတော့ ၄ သိန်းလောက်ပဲရှိပါတယ်။ ဒီအချက်က ဘာကို ပြနေသလဲ ဆိုတော့ သူငယ်တန်းကနေ တက္ကသိုလ်ဝင်တန်းအထိကို ကျောင်းထွက်နှုန်းက ၈၅ ရာခိုင်နှုန်းအထိ ရှိနေပြီး ၅ ရာခိုင်နှုန်းလောက်ကပဲ တက္ကသိုလ်အဆင့်ထိ တက်နိုင်တဲ့သဘော ဖြစ်နေပါတယ်။

မေး ။ ။ မြန်မာနိုင်ငံမှာ စာအုပ်စာပေနဲ့ စာပေပညာကို ဆက်လက် ရှင်သန်နေအောင် ဆောင်ရွက်ခဲ့တဲ့အတွက် နယူးယောက်မြို့မှာ Jeri Laber International Freedom to Publish ဆုကို လက်ခံရရှိခဲ့တယ်နော်။ စပြီး လုပ်ဆောင်ခဲ့တဲ့အချိန်နဲ့ အခုအချိန် ဘယ်လိုကွာခြားမှုတွေ ရှိပါသလဲ။

ဖြေ ။ ။  အဲဒီ အချိန်တွေက စာအုပ်တခုခုက အကဲဆတ်တဲ့ အကြောင်းအရာတွေ ပါဝင်နေပြီဆိုတာနဲ့ စာပေစိစစ်ရေးက ချက်ချင်းသိမ်းပါတယ်။ ဥပဒေအရ စာအုပ်တအုပ် ထုတ်ဝေတော့မယ်ဆိုရင် စာပေစိစစ်ရေးကနေ ခွင့်ပြုချက်ယူရပါတယ်။ စာတလုံး၊ စာပိုဒ်တပိုဒ် ဒါမှမဟုတ် စာမျက်နှာ တမျက်နှာကို အကဲဆတ်တယ်လို့ ယူဆတာနဲ့ ပယ်ချပစ်နိုင်ပါတယ်။ ဥပမာအနေနဲ့ ပြောရရင် ဒေါ်အောင်ဆန်းစုကြည်ရဲ့ ဓာတ်ပုံ သေးသေးလေးတောင် ပါလို့မရပါဘူး။ ကျနော်တို့ စာအုပ်တွေဟာ အသေအချာ စီစစ်ခံရပါတယ်။

တခါတလေ ပြန်သိမ်းခံရပါတယ်။ တခါတလေ ကျနော်တို့လုပ်နေတဲ့ အလုပ်တွေက ရပ်ပစ်လိုက်ဖို့အထိတောင် စဉ်းစားမိပါတယ်။ ၂၀၁၀ အစပိုင်းလောက်က အခုလက်ရှိအစိုးရက ဒီ စာပေစိစစ်ရေးနဲ့ ပတ်သက်ပြီး ဖြေလျှော့မှုတွေ ရှိလာပါ့မလားဆိုတဲ့ စိုးရိမ်မှုမျိုးတွေ ရှိခဲ့ပါတယ်။ ဒါပေမယ့် သူတို့ ဖြည်းဖြည်းချင်းစီ ဖြေလျှော့ပေးခဲ့ပါတယ်။ ပထမဆုံး အပတ်စဉ်ဂျာနယ်တွေ၊ ကျန်းမာရေး၊ အားကစားနဲ့ ပညာရေး စာစောင်တွေကို ဖြစ်ပါတယ်။ အခု အစိုးရက စာပေစိစစ်ရေးကို ဖျက်သိမ်းဖို့ လတ်တလောမှာ ဆုံးဖြတ်ချက်ခဲ့ပြီး ကျနော်တို့ အားလုံးကလည်း ဒါကို ကြိုဆိုပါတယ်။ ကျနော်တို့ စာကြည့်တိုက်ပေါင်း ၈၀၀ ကျော်ကို စာအုပ်ပေါင်း ၈ သောင်း လှူဒါန်းခဲ့ပါတယ်။

မေး ။ ။ မြန်မာ့လူဦးရေ ၇၀ ရာခိုင်နှုန်းဟာ ကျေးလက်နေ ပြည်သူတွေ ဖြစ်ကြပြီးတော့ လမ်းပန်းဆက်သွယ်ရေးတွေ၊ အခြေခံအဆောက်အအုံတွေ အများကြီး လိုအပ်နေပါတယ်။ စာကြည့်တိုက်တွေအတွက် လျှပ်စစ်မီး မလုံလောက်မှုတွေက ကျေးလက်နေ ပြည်သူတွေအတွက် တိုးတက်လာတဲ့ အသီးအပွင့်တွေကို မြို့ပြမှာ နေတဲ့သူတွေလို မရရှိ မခံစားနိုင်ကြဘူးပေါ့နော်။

ဖြေ ။ ။ အခုလို ကြီးမားတဲ့ ကွာခြားချက်ကြီး ဖြစ်နေတာကို ကျနော်တို့လည်း သိပါတယ်။ ကျေးလက်နေ ပြည်သူတွေရဲ့ ၇၀ ရာခိုင်နှုန်းက လယ်သမားတွေ ဖြစ်ပြီး အလုပ်လုပ်ကိုင်တဲ့ အရွယ်တွေဟာလည်း နိုင်ငံခြားမှာပါ။ မလေးရှားနဲ့ ထိုင်းနိုင်ငံတွေမှာ အလုပ်လုပ်နေတဲ့ မြန်မာတွေ ၂ သန်း လောက်ရှိပါတယ်။ သူတို့တွေက လခ ကောင်းကောင်း ရကြပါတယ်။ နိုင်ငံထဲမှာကျတော့ လယ်လုပ်ငန်းလုပ်ဖို့တောင် လူတွေ လိုအပ်နေပါတယ်။ ဒီလို ကွာဟချက်ကို ချုံ့နိုင်ဖို့ဆိုတာ အခုလို နိုင်ငံခြားသွားပြီး အလုပ်လုပ်နေတဲ့ သူတွေအတွက် တခြားကို မသွားဘဲ နိုင်ငံတွင်းမှာပဲ အလုပ်လုပ်ကိုင်လို့ ရဖို့အတွက် အလုပ်အကိုင်တွေ ဖန်တီးပေးဖို့လိုပါတယ်။ ဒါကြောင့်လည်း ကျွန်တော်တို့က ကျေးလက်စာကြည့်တိုက် အစီအစဉ်တွေမှာ ပါဝင်ဆောင်ရွက်နေတာ ဖြစ်ပါတယ်။ ဒီလို ကျေးလက်စာကြည့်တိုက်တွေက တဆင့် လူထုကို စာပေများများ ဖတ်ရှုနိုင်အောင် ကူညီပေးနိုင်ပြီး သတင်း အချက်အလက်တွေကိုလည်း ရရှိစေနိုင်ပါတယ်။ အခု လက်ရှိအချိန်မှာ ကျနော်တို့ဘက်က ကျေးလက်စာကြည့်တိုက်တွေကို လုံလောက်တဲ့ စာအုပ်တွေအပြင် ကွန်ပြူတာတွေပါ တပ်ဆင်ပေးနိုင်အောင် စီစဉ်နေပါတယ်။

အဲဒီအပြင်ကို ကျနော်တို့က ခေတ်သစ် စာကြည့်တိုက် အုပ်ချုပ်ရေး ပညာတွေကို သင်ယူနိုင်ဖို့ အတွက်လည်း အခွင့်အလမ်းတွေ ဖော်ပေးနေပါတယ်။ မြို့ပြဒေသများမှာ အင်္ဂလိပ်စာ လေ့လာလိုသူတွေအတွက် စာအုပ်ကောင်းများ လိုအပ်သလိုပဲ ကျေးလက်ဒေသတွေမှာတော့ ဒေသိယဘာဘာစကားတွေနဲ့ ပတ်သက်တဲ့ စာအုပ်တွေ လိုအပ်လျက်ရှိပါတယ်။ ဒီလို လိုအပ်ချက်တွေ ပြည့်မီစေဖို့အတွက် ကျနော်တို့ အလှူရှင်တွေနဲ့ ကျနော်တို့ဆီမှာ ရှိတဲ့ အင်္ဂလိပ်ဘာသာ စာအုပ်တွေရဲ့ ၃၀ ရာခိုင်နှုန်းကို ရောင်းချပြီး ဒေသတွင်းဘာသာနဲ့ ထုတ်ဝေတဲ့ စာအုပ်တွေ ၀ယ်ယူသွားဖို့ ရှိပါတယ်။ ကျနော်တို့ တနှစ်မှာ ၂ ကြိမ်လောက် စာအုပ်ဈေးပွဲတော်တွေ လုပ်ဖြစ်ပါတယ်။ စာအုပ်တွေကို ဈေးသက်သက်သာသာနဲ့ ၀ယ်ယူနိုင်ကြပါတယ်။
မေး ။ ။ မြန်မာ့လူဦးရေရဲ့ ၂ ရာခိုင်နှုန်းလောက်ပဲ အင်တာနက်ကို အသုံးပြုနိုင်တဲ့ အချိန်မှာ မိုဘိုင်းဖုန်း ဆက်သွယ်ရေးကတော့ သိသိသာသာ တိုးတက်နေပါတယ်။ ပညာရေးနဲ့ ပတ်သက်ပြီး နည်းပညာတွေရဲ့ အခန်းကဏ္ဍကလည်း ပါဝင်နေတယ်ဆိုတဲ့ အချက်ကို ဘယ်လိုမြင်မိပါသလဲ။
ဖြေ။ ။  မိုဘိုင်းဖုန်း အသုံးပြုနှုန်းက အခုဆိုရင် ၁၀ ရာခိုင်နှုန်း ရှိနေပါပြီ။ 

ပြီးတော့ နောင်လာမယ့် နှစ်လောက်အတွင်းမှာ ၅၀ ရာခိုင်နှုန်းအထိ တက်သွားနိုင်ပါတယ်။ မြို့ပေါ်က လူငယ်လူရွယ်တွေက မိုဘိုင်းဖုန်းတွေအပေါ် အရူးအမူး ဖြစ်လာကြပါတယ်။ အခုလက်ရှိအချိန်မှာ ကျနော်တို့က Beyond Access နဲ့ Ooredoo တို့နဲ့ ပူးပေါင်းပြီး ကျေးလက် စာကြည့်တိုက်တွေမှာ ကွန်ပြူတာနဲ့ အင်တာနက် အသုံးပြု နိုင်အောင် ဆောင်ရွက်သွားဖို့ ရှိပါတယ်။ အခုအချိန်မှာ လူထုက ကျန်းမာရေး၊ ပညာရေးနဲ့ စီးပွားရေးလိုမျိုး အကြောင်းအရာတွေကို ရှာဖွေ ဖတ်ရှုနေနိုင်ပါပြီ။

(Reading the Future ကို ဆုလာဘ်ရတနာ ဆီလျော်အောင် ဘာသာပြန်ဆိုသည်။)


http://burma.irrawaddy.org/interview/2014/10/01/65394.html