"ဂျပန်ပြည်က မြန်မာဟင်း "

ခင်ပွန်းသည်နှင့်အတူ တွေ့ရသည့် မစ္စစ်ဖုမိအိဇုက (The Yomiuri Shimbun)

‘‘အရမ်းကောင်းပြီး အရသာသိပ် ရှိတာပဲ’’

ဂျပန်နိုင်ငံ အင်န်အိတ်ခ်ျကေရုပ်သံက တိုက်ရိုက်အသံလွှင့် အစီအစဉ်တစ်ခုမှာ ဘီရုမာဂျီရုဆို သည့် မြန်မာဟင်းကို မြည်းစမ်းလိုက်ရသော ဂျပန်လူရွှင်တော် ယုဆာဝါဘီက အားပါးတရ ပြော သည်။
ရုပ်သံကနေတစ်ဆင့် သူ့ ဟင်းကို တစ်နိုင်ငံလုံးသို့ ပထမ ဆုံးအကြိမ် မိတ်ဆက်တင်ပြလိုက် ရသည့် မြန်မာဟင်းချက်ပြုတ်သူ အသက် (၆၈)နှစ်အရွယ် မစ္စစ် ဖုမိအိဇုက,က ပီတိအပြုံးများဖြင့်လူရွှင်တော် ယုဆာဝါဘီကိုကြည့် နေသည်။

မြန်မာဟင်း ဆိုသည်မှာ ဟင်းပုံစံ အစပ်ဟင်းရည်တစ်မျိုး ဖြစ်ပြီး နွေရာသီမှာရရှိသည့် ဟင်း သီးဟင်းရွက်များဖြင့် ချက်ပြုတ် ထားပါသည်။

ဂျပန်နိုင်ငံ မာရှီကိုမြို့လေး၏ လက်ရာဟင်းတစ်ခုအဖြစ် လူသိများသည့် သည်ဟင်းလျာသည် အိဇုက မိသားစု၏ စစ်ပြီးခေတ်သမိုင်းကြောင်းက အခြေခံခဲ့ပါ သည်။
ဒုတိယ ကမ္ဘာစစ်တုန်းက မစ္စစ်ဖုမိအိဇုက၏ ယောက္ခမဖြစ် သူ ကီမိုနိုအထည်ဆိုင်ပိုင်ရှင် ဂျူနီချီသည် မြန်မာပြည်စစ်မြေပြင်မှာ စစ်မှုထမ်းခဲ့ရသည်။

စစ်အပြီး ဂျပန်ပြည်သို့ ပြန်လာသောအခါ သူက မြန်မာပြည် စစ်တွင်း အတွေ့အကြုံများကို ပြန်ပြောခဲ့သော်လည်း မြန်မာပြည်မှ စားခဲ့သည့် မြန်မာဟင်း၏ အရသာကိုမူ မမေ့နိုင်ခဲ့။

သူက မြန်မာဟင်းကို ဂျပန်မှာရသည့် ဟင်းချက်အဆာပလာ များနှင့် ဖန်တီးချက်ပြုတ်ခဲ့သည်။
သည်အကြောင်းက မြန်မာ ဟင်းဖြစ်လာရခြင်း အခြေခံဖြစ် သည်။
ဂျူနီချီက အသားကြိုက်သူ ဖြစ်၏။ ထို့ကြောင့် မြန်မာဟင်းကို ငါးအစား ဝက်သားနှင့်ချက်ပြီး ဒါရှီခေါ် ဂျပန်ဟင်းချက်မှုန့်များကို လည်း ထည့်ချက်၏။

ဂျပန်နိုင်ငံမှာ မြန်မာနိုင်ငံကလို ဟင်းခတ်မဆလာမရနိုင်သဖြင့် ဂျပန်ဟင်းချက်မှုန့်များကို အစားထိုးချက်ပြုတ်ခဲ့သည်။

သူက ထိုဟင်းချက်နည်းကို ဇနီးဖြစ်သူ တဆူနီကို (ယခုအချိန် မှာ အသက် ၉၁ နှစ်ရှိ)နှင့် သား အကြီးဆုံး၏ ဇနီး သူ့ချွေးမ မစ္စစ် ဖုမိတို့ကို လက်ဆင့်ကမ်းခဲ့၏။
ထို့ကြောင့် သည်ဟင်းက အိဇုက မိသားစု၏ ရိုးရာနွေရာသီ ဟင်းလျာဖြစ်လာခဲ့သည်။
အိဇုကမိသားစုကနေ မိတ်ဆွေသူငယ်ချင်းတွေဆီကို လက်ဆင့်ကမ်းပြီး မြန်မာဟင်းအဖြစ် အသိများလာသည်။

‘‘နွေရာသီမှာ သုံးလေးခါ လောက် ချက်စားကြတယ်။ အိမ် နီးချင်းတွေက ဟင်းသီးဟင်းရွက် တွေအများကြီးပေးကြတယ်လေ။ ဟင်းသီးဟင်းရွက်တွေကို ချက် ချင်တာနဲ့ သည်ဟင်းကို ချက်ဖြစ် တယ်။ ခရမ်းချဉ်သီးတွေကို အဲဒီ ထဲမှာ ချေပြီးထည့်ဖို့ကလည်း အရေးကြီးပါတယ်’’
စစ်ပြန်ဂျူနီချီ မြန်မာပြည် တွင် စားခဲ့ရသော ဟင်းကို ပြန် လည်ဖန်တီး ချက်ပြုတ်ထားတာမို့ ဂျပန်ဘာသာဖြင့် ဘီရုမာဂျီရူ (မြန်မာဟင်း)ဟု ခေါ်ခြင်းဖြစ်ပါ ၏။

ဒုတိယကမ္ဘာစစ်အပြီး နှစ် ပေါင်း ၇၀ မျှကြာသောအခါ သည်ဟင်းကို စားသောက်ဆိုင်နှင့် ကျောင်းများတွင် ရောင်းချနေကြ ပြီဖြစ်သည်။
အိဇုကမိသားစု နေထိုင်ရာ မာရှီကိုမြို့လေး၏ မူပိုင်ခွင့်မှတ်ပုံ တင်လည်း တင်ထားပြီး ဖြစ်ပါ သည်။
‘‘ကျွန်တော်တို့ မိသားစုမှာ စားတဲ့ဟင်းက ဒီမာရှီကိုမြို့လေး ကို လူသိလာအောင် လုပ်နိုင်တဲ့ အတွက် ဝမ်းသာပါတယ်’’ဟု မစ္စစ်ဖုမိ၏ခင်ပွန်း ဟီရိုရှီက ပြောပါသည်။

သူ၏ အစီအစဉ်ထုတ်လွှင့် အပြီးမှာ မစ္စစ်ဖုမိက ကွယ်လွန် သူ ယောက္ခမ ဂျူနီချီ၏ ဓာတ်ပုံရှိ ရာသို့သွားပြီး ကျေးဇူးတင်စကား ပြောခဲ့ပါသည်။

‘‘ကျေးဇူးပါအဖေ။ မြန်မာ ဟင်းက အခုတော့ နာမည်ကြီး သွားပါပြီ’’

မြန်မာဟင်းနှင့်ပတ်သက်ပြီး သတိတရပြောပြနေသည့် စစ်ပြန်ကြီး ဆုဆုမူဂိုမိဘုချီ (The Yomiuri Shimbun)

စစ်အတွင်း အလွမ်းပြေဟင်းလျာ
 နာဆုကာရာဆုရာမဒေသက အသက် (၉၇)နှစ်အရွယ် စစ်ပြန် ဆုဆုမူဂိုမိဘုချီကလည်း မြန်မာစစ်မြေပြင်၌ မြန်မာဟင်းကို စားဖူးခဲ့သူဖြစ်၏။
သူက ၁၉၄၃ တွင် စစ်တိုက်ဖို့ မြန်မာပြည်ကို ရောက်ခဲ့ပြီး လက်နက်နှင့် ကျည်ဆန်တွေကို တင်ပို့ရသော ကုန်တင်ကားကို မောင်းခဲ့ရသည်။

ထိုစဉ်က သူတို့အတွက် နေ့ စဉ်ဟင်းမှာ ကြီးမားသောအိုးကြီး များဖြင့် စစ်သားများကချက်ထား သည့် မြန်မာဟင်းဖြစ်သည်။

‘‘ကျွန်တော်တို့က ငါးကိုတုံး ခရမ်းချဉ်သီးရယ်၊ တခြားအသီး အရွက်တွေရယ်ရောပြီးချက်စား ကြတာ။ မီဆောဟင်းချိုကို စားရ သလိုပဲ။ စားလို့ကောင်းတယ်’’
မာရှီကိုမြို့က မြန်မာဟင်း အကြောင်းရေးထားသော သတင်းစာကိုဖတ်ရသောအခါ ဂိုမိဘုချီ က လွန်ခဲ့သော ၂ နှစ်ခွဲခန့်က အိဇုက မိသားစုဆီကို လာလည် ခဲ့သည်။

ထိုဟင်းကို သူ စားလိုက်ရ သည့်အခိုက်တွင် ယခင်စစ်ကာလအတိတ်ကို ပြန်သတိရသွားစေ သည်။
‘‘ဒါ ရှေ့တန်းမှာ ကျွန်တော် စားခဲ့ရတဲ့ အရသာအတိအကျပဲ။ မြန်မာပြည်ကို သွားရတဲ့ စစ်သား အားလုံး ဒီဟင်းကို စားဖူးကြ တယ်’’ဟု သူက ပြောပါသည်။
မြန်မာစစ်မြေပြင်မှာ အခြေ အနေ ဆိုးရွားလာသည့်အခါ သူ တို့လည်း မြန်မာဟင်းကိုပင် ကောင်းကောင်း အရသာခံမစား နိုင်တော့။

နေ့တိုင်း လူသေအလောင်း တွေကို မြင်နေရပြီး လူသေတွေကို မြှုပ်နှံခြင်းဖြင့်သာ အလုပ်များခဲ့ရသည်ဟု ဂိုမိဘုချီက စစ်တွင်းက မြန်မာပြည်အတွေ့အကြုံကို ပြန်ပြောပြပါသည်။
ယခု အနှစ် ၇၀ အကြာတွင် မစ္စစ်ဖုမိ မိသားစုက မြန်မာဟင်း ကို လူသိများလာအောင်လုပ်နိုင်ခဲ့ သဖြင့် သူက ချီးမွမ်းခဲ့ပါသည်။

‘‘သူတို့အနေနဲ့ သည်ဟင်း ကို ဆက်ပြီးလူသိများလာအောင် လုပ်သင့်တယ်။ ဒါမှ လူများများ စားလာပြီး ပိုသိလာကြမှာ’’

ဂျပန်ချက်သောဟင်းကို မြန်မာ ဘယ်လိုထင်ပါသလဲ
မြန်မာတွေကကော သည်ဟင်းက ဘယ်လိုပါလဲ။ တိုကျိုက‘မင်္ဂလာပါ’ မြန်မာစားသောက် ဆိုင်ကို ဖွင့်ထားသော ဒေါ်ယုယုဝေအား ထိုဟင်းကို မြည်းစမ်းကြည့်စေပါသည်။
သည်ဟင်းက ဂျပန်တွေအတွက် စပ်သော်လည်း သူ့အ တွက်တော့ ချိုနေသည်ဟု ဒေါ်ယုယုဝေက ပြောပါသည်။

‘‘ဒါက တကယ့်မြန်မာဟင်း ရဲ့ အရသာတော့ မဟုတ်ဘူး။ ဂျပန်စတိုင်ဖြစ်နေတယ်။ ဟင်းက အသီးအရွက်တွေနဲ့ ဒေရှိဂျပန် ဟင်းခတ်မှုန့်ကြောင့် ချိုနေတယ်။ အရသာတော့ ကောင်းပါတယ်။ ဂျပန်တွေအကြိုက်နဲ့ ကိုက်တာ ပေါ့’’

မြန်မာပြည်မှာတော့ သည် လိုဟင်းမျိုးကို ငါးခြောက်ကို အချဉ်အရသာ မန်ကျည်းသီးသုံး ကာ ချက်ပြုပြီး မဆလာခတ်တာ က ပိုလူကြိုက်များသည်ဟုဆိုပါ သည်။

သည်ဟင်းကို မြန်မာဟင်း လို့ ခေါ်သင့်သလား ဆိုတာက တော့ သူကသိပ်မသေချာပါ။
သို့သော်လည်း ‘‘သည်မြို့ကလေးကို သည်ဟင်းက လူသိများအောင် လုပ်ပေးနိုင်တာ ကောင်းပါတယ်။ ပြီးတော့ ဂျူနီချီအိဇုက ဟာ သူမှတ်မိတဲ့ အရသာလေးနဲ့ ပြန်ဖန်တီးချက်နိုင်တာလည်း တကယ်တော်ပါတယ်’’

(ယူမီယိုရှီရှင်ဘွန်းသတင်းစာပါ Burma soup's roots in memoryof Japan soliders ဆောင်းပါးကို ထားထားမြင့် ဘာသာပြန်ဆို သည်။)
http://www.7daydaily.com/story/41275