ကံကောင်းခြင်းလက်ဆောင်များဖြင့် မြန်မာ့ကမ်းလွန်

oilprice.com

၂၀၁၄ ခုနှစ်က ရေနံတစ်စည် ဒေါ်လာ ၁၀၀ ခန့်ရှိရာမှ ၂၀၁၆ နှစ်ဦးမှာ တစ်စည် ဒေါ်လာ ၃၀ ခန့်အထိ ကျဆင်းခဲ့သည်။ ကမ္ဘာ့ရေနံဈေးကွက်ပျက်တော့ ရေနံကုမ္ပဏီတွေမှာ ပျက်သူပျက်၊ လျော့သူလျော့။ ရေနံလုပ်ငန်းနဲ့ ဆက်စပ်သည့် လုပ်ငန်းလုပ်ကိုင် သူတွေမှာလည်း အလုပ်အကိုင် အခွင့်အလမ်းတွေ လျော့နည်းခဲ့တာကြောင့် ကမ္ဘာမှာဘယ်နေရာ လုပ်ငန်းရှိနေသလဲ ခြေရာခံခဲ့ကြရတော့သည်။ မြန်မာပြည် ရေနံလုပ်ငန်းဈေးကွက်ကတော့ အရှိန်မပျက် ဆောင်ရွက်နေဆဲ။

၂၀၁၃ မှာ ကုန်းတွင်းကမ်းလွန်လုပ်ကွက်များကို နိုင်ငံတကာ တင်ဒါခေါ်ခဲ့သည်။ ယခင်ကာလများက နီးစပ်ရာအဆင်ပြေသလို လုပ်ကွက်တွေချပေးခဲ့တာကြောင့် တကယ်လုပ်သူတွေရှိသလို အမြတ်ရရင် ပြန်ရောင်းစားချင်တဲ့ ပွဲစားသာသာ ရေနံကုမ္ပဏီပေါက် စတွေကလည်း ပိုင်ရာဆိုင်ရာနှင့်ဝင်ပြီး နေရာယူခဲ့ကြသည်။ တကယ်တူးခိုင်းတော့ ငွေမတတ်နိုင်လို့ ဟိုရှောင်ဒီရှောင် အချိန်ဆွဲရင်း စာချုပ်ပြည့်တော့ ရပ်ခဲ့ကြသည်။

၂၀၁၃ နိုင်ငံတကာ တင်ဒါအောင်ခဲ့သည့် ရေနံကုမ္ပဏီတွေကတော့ ခက်ခက်ခဲခဲ ယှဉ်ပြိုင်ခဲ့ကြရတာကြောင့် ရလာသည့် အခွင့်အရေးကို မဆုံးစေရန် ProductionSharing Contract တွေကို ၂၀၁၄၊၂၀၁၅ နှစ်များ အတွင်း စာချုပ် ချုပ်ခဲ့ကြသည်။ ကုန်းပိုင်း ၁၆ ကွက်၊ ကမ်းလွန် ၂၀ ကွက် စာချုပ်နိုင်ခဲ့သဖြင့် မြန်မာ့ရေနံသမိုင်းအတွက် ထူးခြားသော မှတ်တမ်းတစ်ခု ဖြစ်သလို နိုင်ငံခြားရင်းနှီးမြှုပ်နှံမှုအတွက်လည်း စွမ်းအင်ကဏ္ဍမှာ မှတ်ကျောက်တစ်ခုဖြစ်ခဲ့သည်။

ရေနံကုမ္ပဏီများကလည်း စာချုပ်ပါအတိုင်း သဘာဝပတ်ဝန်းကျင်နှင့် လူမှုစီးပွားထိခိုက်မှု ဆန်းစစ်ခြင်း (EIA/SIA) လုပ်ငန်းများကို ဆောင်ရွက်ခဲ့ကြရသည်။ ကမ်းလွန်ပိုင်းတွင် အခက်အခဲမရှိလှသော်လည်း ကုန်းတွင်းပိုင်းတွင် အခက်အခဲတွေ့ကြရသည်။ သဘာဝပတ်ဝန်းကျင် ထိန်းသိမ်းရေးဌာနအနေဖြင့်လည်း ဌာနသစ်ဖွဲ့စည်းခါစ အထိုင်မကျသေးပေမယ့် ဌာနပေါင်းစုံက တင်ပြလာသော အလုပ်တွေက များလွန်းလှသည်။ သက်ဆိုင်ရာကုမ္ပဏီတွေကလည်း အချိန်ကန့်သတ်ချက်ရှိသဖြင့် အလုပ်တွေစနိုင်အောင် တွန်းအားပေးကြသည်။ အချို့ရေနံကုမ္ပဏီတွေကတော့ EIA/SIA ခွင့်ပြုချက်မရသေးတာ အကြောင်းပြပြီး လုပ်ပိုင်ခွင့်အတွင်းက ရေနံဈေးတက်လိုတက်ငြား အချိန်စောင့်ကြသည်။
မည်သို့ပင်ဆိုစေ ကမ်းလွန်ရေနံရှာဖွေရေး ကုမ္ပဏီကြီးများအနေဖြင့် ရေနံဈေးကျဆင်းမှုကြောင့် တိုင်းတာရေး၊ တူးဖော်ရေးလုပ်ငန်းများ အလုပ်ပါးနေခြင်းကို အခွင့်ကောင်းယူကာ ဈေးသက်သက်သာသာဖြင့် လုပ်ငန်းတွေ အမြန်စကြသည်။

 ၂၀၁၅ နှစ်ဦးပိုင်းတွင် Ophir ရေနံကုမ္ပဏီက လုပ်ကွက် AD-3 တွင် သုံးဘက်မြင် ဆိုက်စမစ်တိုင်းတာရေး အမြန်ဆုံးဆောင်ရွက်ခဲ့ကာ ၂၀၁၆ နှစ်ကုန်တွင် ရှာဖွေရေးတွင်းတူးနိုင်ရန် စီစဉ်လျက်ရှိသည်။ BG, Shell, Woodside, UNOCAL Chevron တို့က ၂၀၁၅ နှစ်ကုန်တွင် သက်ဆိုင်ရာ လုပ်ကွက်များအတွင်း တိုင်းတာရေးလုပ်ငန်းတွေ အရှိန်မပျက် ဆောင်ရွက်ခဲ့ကြ သည်။ ကျန်ကုမ္ပဏီများကလည်း ၂၀၁၆ အတွင်း ဆိုက်စမစ် တိုင်းတာရေးလုပ်ငန်းများ ဆက်လက် ဆောင်ရွက်ကြမည်။ လက်ရှိ ထုတ်လုပ်နေသည့် စီမံကိန်းများက ဖွံ့ဖြိုးရေးတွင်းများ တူးဖော်ခြင်း နှင့် ရှာဖွေရေးအတွက် တိုင်းတာခြင်းလုပ်ငန်းများကို လုပ်ငန်းအစီအစဉ်အတိုင်း ဆောင်ရွက်နေကြသည်မို့ ၂၀၁၆၊ ၂၀၁၇ နှစ်များက မြန်မာ့ရေနံလုပ်ငန်းအတွက် အလုပ်အများဆုံး ကာလများဖြစ်လာပေလိမ့်မည်။

လာခြင်းကောင်းသော Woodside
၂၀၁၆ ခုနှစ်ကား မြန်မာ့ကမ်းလွန်အတွက် ထူးခြားသော ကံကောင်းခြင်း လက်ဆောင်များ ဆောင်ကြဉ်းလာသည့်နှစ်ဟု ဆိုရပေလိမ့်မည်။ လုပ်ကွက် A-6 ဆိုသည်မှာ ယခင်က မည်သူမျှ စိတ်မဝင်စားသဖြင့် မယူခဲ့သည့် ရေနံလုပ်ကွက်။ MPRL က စွန့်စားကာ A-6 လုပ်ကွက်ကို ယူခဲ့ပြီး ရှာဖွေရေးတွင်း ပြည်သာ-၁ နှင့် ဘေးထွက်တွင်း ပြည်သာ-၁ (က) ကို ရေတိမ်ပိုင်းမှာ တူးဖော်ခဲ့ရာ ပြည်သာ-၁ (က) တွင် သဘာဝဓာတ်ငွေ့ တည်ရှိမှုကို တိုင်းတာတွေ့ရှိခဲ့သည်။

 ကြီးကြီးမားမား မဟုတ်သော်လည်း အလားအလာ ကောင်းဖြစ်သဖြင့် နောက်ထပ်လေ့လာမှုများအတွက် အချိန်၊ ငွေလိုအပ်သည်မို့ ဝန်ကြီးဌာနက စာချုပ်နှင့်အညီ အချိန်တိုးပေးခဲ့သည်။
နည်းပညာနှင့်ငွေအတွက် စိတ်ဝင်စားသည့် အတွေ့အကြုံရှိ လုပ်ဖော်ကိုင်ဖက်ကို ရှာဖွေခဲ့သည်။ Woodside နှင့် Total ရေနံ ကုမ္ပဏီကြီးများက MPRL နှင့်ပူးပေါင်းခဲ့ကြသည်။

၂၀၁၅ နိုဝင်ဘာတွင် ရေအနက်မီတာ ၂,၀၀၀ ခန့်၌ ရွှေရည်ထွန်း-၁ တူးဖော်ခဲ့ရာ ၂၀၁၆ နှစ်ဦးတွင် သတ်မှတ် အနက်မီတာ ၅,၀၀၀ ကျော်အထိ အောင်မြင်စွာ တူးဖော်နိုင်ခဲ့သည်။ မီတာ ၄,၃၀၀ ခန့်တွင် အလားအလာကောင်းသော သဘာဝဓာတ်ငွေ့သိုက်တစ်ခုကို ဖော်ထုတ်ခဲ့သည်။ MPRL,Woodside နှင့် Total ရေနံကုမ္ပဏီကြီးများက A-6 ၏ အတိတ်က ရေနံနှင့် သဘာဝဓာတ်ငွေ့မရှိနိုင်ဟု ယူဆခဲ့သည့် ရာဇဝင်ကို အပြီးမြှုပ်နှံကာ သမိုင်းသစ်ရေးထိုးပေးခဲ့လေသည်။

 သြစတြေးလျအခြေစိုက် Woodside ရေနံကုမ္ပဏီသည် ၂၀၁၃ ခုနှစ် အစိုးရသစ်လက်ထက်တွင် မြန်မာ့ကမ်းလွန် ရေနံလုပ်ငန်းများဆီသို့ စတင်ဝင်ရောက်ခဲ့သည်။ ရေနံလုပ်ငန်း အတွေ့အကြုံရင့် ကုမ္ပဏီကြီးတစ်ခု ကိုယ့်တိုင်းပြည်ထဲသို့ ယုံကြည်စွာ လာရောက်ရင်းနှီးမြှုပ်နှံခြင်းအတွက် ကြိုဆိုရပေလိမ့်မည်။ ၂၀၁၃ တွင် Woodside ရေနံကုမ္ပဏီသည် ဦးစွာဒေဝူးရေနံကုမ္ပဏီမှ ရှာဖွေရေးလုပ်ငန်း ဆောင်ရွက်နေသည့် မြန်မာ့ကမ်းလွန်လုပ်ကွက် AD-7 တွင် အစုဝင်အဖြစ် စတင်ပါဝင်ဆောင်ရွက်ခဲ့သည်။

http://www.7daydaily.com/story/59838