ပွဲဦးထွက်ရာသီမှာ မြင့်မြင့်ပျံနေတဲ့ ပရီးမီးယားလိဂ် လူသစ်ကစားသမားများ

အင်္ဂလန်ပရီးမီးယားလိဂ်ဆိုတာ ကမ္ဘာပေါ်မှာ အကောင်းဆုံးဘောလုံးပြိုင်ပွဲဟုတ်၊ မဟုတ်ဆိုတာကို သဘောထားကွဲလွဲမှုတွေရှိနိုင်ပါတယ်။ ဒါပေမဲ့ ကမ္ဘာပေါ်မှာ ပြိုင်ဆိုင်မှု အပြင်းထန်ဆုံး၊ အခက်ခဲဆုံးပြိုင်ပွဲတစ်ရပ်ဆိုတာကိုတော့ဘယ်သူမှ ငြင်းဆန်မှာ မဟုတ်ပါဘူး။ ခေတ်ရဲ့ တောင်းဆိုမှုအရ နည်းပညာ၊ နည်းစနစ်ပိုင်းမှာ အဆင့်မြင့်လာပြီ ဖြစ်ပေမယ့် ကာယကြံ့ခိုင်မှုအားပြုချဉ်းကပ်တဲ့ အင်္ဂလိပ်မူပိုင်ဟန်ကို ဆက်လက်ထိန်းသိမ်းထားခြင်းကြောင့် ပရီးမီးယားလိဂ်မှာ တော်ရုံဒေါင်ဒေါင်မြည်အဆင့်မျိုးနဲ့ မဟုတ်ရင် ဝင်ကစားဖို့မဖြစ်နိုင်တာ အမှန်ပါပဲ။
ပရီးမီးယားလိဂ်ကို ရောက်လာတဲ့ ကမ္ဘာကျော်ဘောလုံးသမား တော်တော်များများဟာ ဒီဒဏ်ကို မခံနိုင်ဘဲ ခြေစွမ်းပျောက်သွားကြတယ်။ တချို့ကျတော့လည်း လပေါင်းအတန်ကြာ၊ ဒါမှမဟုတ် နှစ်နဲ့ချီ အချိန်ယူပြီးမှ ပရီးမီးယားလိဂ်မှာ ဝင်ဆံ့လာကြပါတယ်။ ခြွင်းချက်အနေနဲ့ ရာသီတိုင်းမှာ ပထမဆုံးပရီးမီးယားလိဂ်အတွေ့အကြုံကို ဖြတ်သန်းရပေမယ့် ခြေစွမ်းပြနိုင်တဲ့ ကစားသမားတချို့လည်း ထွက်ပေါ်ခဲ့ဖူးပါတယ်။ ဒီရာသီမှာလည်း ပွဲစဉ် (၆) အထိ ပြီးဆုံးချိန်မှာ ပရီးမီးယားလိဂ်ကို ပထမဆုံးခြေချခွင့်ရလာပြီး အံ့ဩစရာကောင်းလောက်အောင် ပြောင်ပြောင်မြောက်မြောက် ကစားပြနိုင်သူ တချို့ကို တွေ့ရပါလိမ့်မယ်။ အဲဒီထဲကမှ အပေါ်လွင်ဆုံး၊ အကောင်းဆုံး ၁၀ ယောက်ကို ကောက်နုတ်ဖော်ပြလိုက်ရပါတယ်။

၁။ ဒီမီထရီပေယက် (ဝက်စ်ဟမ်းယူနိုက်တက်)
ဒီရာသီဝက်စ်ဟမ်းအသင်းရဲ့ စွမ်းဆောင်မှုတွေကတော့ ချီးကျူးစရာပါပဲ။ ခြောက်ပွဲကစားပြီးချိန်မှာ နာမည်ကြီး သုံးသင်းဖြစ်တဲ့ မန်ချက်စတာစီးတီး၊လီဗာပူးနဲ့ အာဆင်နယ်တို့ကို အဝေးကွင်းတွေမှာ အနိုင်ယူပြီး တစ်ဂိုးပဲ ခွင့်ပြုခဲ့ရတာက အံ့ဩစရာပါ။ အဲဒီပွဲစဉ်တွေမှာ အပေါ်လွင်ဆုံးကစားသမားတစ်ယောက်ကတော့ နွေရာသီကမှ အိုလံပစ်မာဆေးလ်ကနေ ပြောင်းရွှေ့လာတဲ့ ပြင်သစ် ကွင်းလယ်ဖန်တီးရှင်ပေယက်ပါပဲ။ ပြီးခဲ့တဲ့ရာသီက ပြင်သစ်လီဂူးဝမ်းရဲ့ အခွင့်အလမ်းဖန်တီးနိုင်စွမ်း အမြင့်ဆုံး ကစားသမားအဖြစ် သတ်မှတ်ခံရတဲ့ ပေယက်ဟာ ပရီးမီးယားလိဂ်မှာလည်း သူ့ရဲ့ ကိုယ်ရည်ကိုယ်သွေးကောင်းတွေကို ဆက်ပြီး ထိန်းထားနိုင်ပါတယ်။ သူဟာ ပရီးမီးယားလိဂ် ခြောက်ပွဲစလုံးမှာ ပွဲချိန်ပြည့်နီးပါးကစားခဲ့ပြီး ကိုယ်တိုင် သုံးဂိုးသွင်းခဲ့သလို အသင်းဖော်တွေ ဂိုးရအောင် နှစ်ကြိမ်ဖန်တီးပေးခဲ့ပြီး ဖြစ်ပါတယ်။

 
၂။ အန်ဒရီအေယူး (ဆွမ်ဆီးစီးတီး)
အိုလံပစ်မာဆေးလ်ကနေ ပရီးမီးယားလိဂ်ကို ပြောင်းလာပြီး တောက်တောက်ပပ ခြေစွမ်းပြနေတာ ပေယက်တစ်ယောက်တည်းတော့မဟုတ်ပါဘူး။ ဆွမ်ဆီးဟာလည်း အေယူးကို ခေါ်ယူခဲ့ခြင်းအတွက် ကောင်းကျိုးတွေ ခံစားနေရပါတယ်။ ညာတောင်ပံကနေ မြန်နှုန်းနဲ့ ကျွမ်းကျင်မှုကို ထိထိရောက်ရောက်ရောယှက်ပြီး ထိုးဖောက်ပြခဲ့တဲ့ ဂါနာလက်ရွေးစင်ဟာအခုအချိန်မှာတော့လေဘာတီပရိသတ်ရဲ့အချစ်တော် ဘဝကို မြန်မြန်ဆန်ဆန် ပိုင်ဆိုင်လာပါပြီ။ သူဟာ မန်ချက်စတာယူနိုက်တက်ကို အနိုင်ရတဲ့ပွဲက ဂိုးအပါအဝင် အသင်းအတွက် သုံးဂိုးသွင်းယူပြီး အသင်းဖော်တွေ ဂိုးရရှိဖို့ တစ်ကြိမ် ဖန်တီးပေးထားပါတယ်။

၃။ အန်ထော်နီမာရှယ် (မန်ချက်စတာယူနိုက်တက်)
ပြင်သစ်ကနေ အင်္ဂလန်ကို ပြောင်းလာတဲ့ကစားသမားတွေ အဆင်ပြေကောင်းစားနေတာ ပေယက်၊ အေယူးတို့တင်မကပါဘူး။ မန်ချက်စတာယူနိုက်တက်ဟာ ဈေးကွက်ပိတ်ရက်မှာ အသက်(၁၉)နှစ်အရွယ် ချာတိတ်လေးတစ်ယောက်ကို စတာလင်ပေါင်၃၉ သန်းနဲ့ ခေါ်ယူလိုက်တော့ သွေးရူးသွေးတန်း လူဝယ်မှုအဖြစ် ရယ်သွမ်းသွေးခံရပါတယ်။ ဒါပေမဲ့ အဲဒီလှောင်ပြောင် ရယ်မောသံတွေဟာ လီဗာပူးနဲ့ပွဲမှာ အရန်ခုံကထလာတဲ့ မာရှယ်က ပရီးမီးယားလိဂ်ဝါရင့်ခံစစ်မှူးတွေဖြစ်တဲ့ မာတင်စကာတယ်လ်၊ နသန်နီရယ်လ်ကလင်းတို့ကို လှလှပပ တစ်ကိုယ်တော်ကျော်ဖြတ်ပြီး ဂိုးသွင်းလိုက်ချိန်မှာ တိတ်ဆိတ်သွားပါတယ်။ စိန့်မေရီမှာ ဆောက်သမ်တန်ကို ယူနိုက်တက်က အနိုင်ရပြန်တော့ မာရှယ်က နှစ်ဂိုးထပ်သွင်းပြလိုက်တဲ့အခါ ပေးရတဲ့ဈေးက နည်းတောင် နည်းနေသေးတယ်ဆိုတဲ့ လေသံတွေ ပြောင်းလဲသွားပါပြီ။ မာရှယ်သာအင်္ဂလိပ်စကားသေချာပြောတတ်လာရင် အသင်းဖော်တွေနဲ့ အချိတ်အဆက်ပိုမိပြီး ခြေစွမ်းလည်းပိုပြလာနိုင်မယ်လို့မျှော်လင့်ရပါတယ်။ ဘာပဲဖြစ်ဖြစ် (၁၉)နှစ်သားလေး တစ်ယောက်အတွက် ပရီးမီးယားလိဂ်လို ခက်ခဲတဲ့ ပြိုင်ပွဲမှာ နှစ်ပွဲ ကစားပြီး သုံးဂိုး ရထားတယ်ဆိုတာ အထင်ကြီးစရာပါပဲ။

၎။ ကာလမ်ဝီလ်ဆင် (ဘုန်းမောက်)
ဘုန်းမောက်အသင်း ပရီးမီးယားလိဂ်ကို တန်းတက်မလာခင်က ဝီလ်ဆင်ဟာ အင်္ဂလန်ရဲ့ အဆင့်နိမ့်ပြိုင်ပွဲတွေမှာပဲ ကျင်လည်နေခဲ့ရတာ ဖြစ်ပါတယ်။ ပရီးမီးယားလိဂ်ကို တန်းတက်ရေးအတွက် ဘုန်းမောက်ရဲ့ အားထုတ်မှုမှာ ဝီလ်ဆင်က အရေးပါသူ ဖြစ်ခဲ့ပြီး ပထမတန်းမှာ သွင်းဂိုး ၂၀ ထိရယူပြီး အသင်းကို ကူညီပေးခဲ့တယ်။ ဒီရာသီမှာတော့ သူ့ရဲ့ ပထမဆုံးပရီးမီးယားလိဂ်အတွေ့အကြုံတွေကို ပိုင်ဆိုင်ဖြတ်သန်းနေပြီး ဂိုးသွင်းစွမ်းရည်ကိုလည်း ဆက်ထိန်းသိမ်းထားပါတယ်။ အသက်(၂၃)နှစ်အရွယ် ကစားသမားဟာ ဝက်စ်ဟမ်းယူနိုက်တက်နဲ့ ပွဲမှာ သွင်းယူခဲ့တဲ့ ဟက်ထရစ်အပါအဝင် စုစုပေါင်း ပရီးမီးယားလိဂ်ခြောက်ပွဲကစားပြီး ငါးဂိုးထိရရှိထားပါတယ်။

၅။ မက်တီယိုဒါမီယန် (မန်ချက်စတာယူနိုက်တက်)
ပြီးခဲ့တဲ့ နှစ်တွေကို ပြန်ကြည့်ရင် အီတလီကစားသမား အများစုဟာ ပရီးမီးယားလိဂ်မှာ အံဝင်ဖို့ ခက်ခက်ခဲခဲရုန်းကန်ခဲ့ရတာကို တွေ့နိုင်ပါတယ်။ ဒီတော့ ဒါမီယန်ကို ယူနိုက်တက်က ခေါ်ယူလိုက်ချိန်မှာ သူ့အပေါ်သံသယတွေနဲ့ စောင့်ကြည့်နေကြတာ မဆန်းပါဘူး။ ဒါပေမဲ့ ဒီအီတလီလက်ရွေးစင် ညာနောက်ခံလူဟာ မန်နေဂျာ လူးဝစ်ဗန်ဂါးလ် စိတ်ကြိုက်အတွေ့ဆုံးဖြစ်တဲ့ အန်တိုနီယို ဗလန်စီယာကို အရန်ခုံပို့လိုက်နိုင်တဲ့အထိ ခြေစွမ်းပြနိုင်ခဲ့တယ်။ အခုဆိုရင် သူဟာယူနိုက်တက်ရဲ့ ဦးစားပေး ညာခြမ်းခံစစ်သမားအဖြစ် ဂဏန်းငြိမ်နေပါပြီ။ ဒါမီယန်ဟာ လိုအပ်ရင် ဗဟိုနေရာရော၊  ဘယ်ခြမ်းမှာပါ ကစားနိုင်သူလည်းဖြစ်ပါတယ်။ ရာသီအဖွင့်မှာ ယူနိုက်တက်ရဲ့ ခံစစ်က စွမ်းဆောင်ရည်တည်တည်ငြိမ်ငြိမ်နဲ့ Clean Sheet သုံးပွဲရခဲ့ရာမှာ ဒါမီယန်က အရေးပါတဲ့ အစိတ်အပိုင်းတစ်ရပ်ဖြစ်ခဲ့ပါတယ်။

၆။ ပက်ထရိုရိုဒရီဂွတ်ဇ်(ချယ်လ်ဆီး)
ချယ်လ်ဆီးကို ပက်ထရို ရောက်လာပုံက သူက တစ်ချိန်လုံးလိုလို မန်ချက်စတာယူနိုက်တက်နဲ့ နာမည်ထွက်နေရာက ရုတ်တရက် ချယ်လ်ဆီးက စာချုပ်လိုက်တာကြောင့်ပါပဲ။ ဘာစီလိုနာ၊ စပိန်လက်ရွေးစင်အသင်းတွေနဲ့အတူ အောင်မြင်မှုမှန်သမျှ ရထားဖူးတဲ့ စပိန်သားဟာ သူ့ရဲ့ ချယ်လ်ဆီး ကစားသမားဘဝ အဖွင့်ရာသီမှာလည်း ထည်ထည်ဝါဝါ ဆက်ပြီး ရပ်တည်နေပါတယ်။ မြန်နှုန်းနဲ့ ဘောလုံးကျွမ်းကျင်မှု ကောင်းမွန်ပေမယ့် လူကောင်သေးတာကြောင့်  အင်္ဂလန်မှာ အဆင်ပြေပါ့မလားဆိုတဲ့ သံသယတွေကို ပက်ထရိုက သာသာယာယာပဲ ချေဖျက်ပြနိုင်ခဲ့ပါတယ်။ ဒီရာသီ ချယ်လ်ဆီးရဲ့ စွမ်းဆောင်ရည်မကောင်းလှသေးပေမယ့် ပက်ထရိုကတော့ အပေါ်လွင်ဆုံး ကစားသမားတစ်ယောက်ဖြစ်နေသလို အရင်က အားနည်းခဲ့တဲ့ ညာခြမ်းတိုက်စစ်ကိုလည်း အသက်ဝင်လာစေပါတယ်။ ပက်ထရိုဟာ ချယ်လ်ဆီးနဲ့အတူ ပရီးမီးယားလိဂ် လေးပွဲကစားထားရာမှာ တစ်ဂိုးသွင်းပြီး အသင်းဖော်တွေ ဂိုးရအောင် နှစ်ကြိမ် ပံ့ပိုးထားနိုင်ခဲ့ပါတယ်။
၇။ ဘာကရီဆာကို(ခရစ္စတယ်ပဲလေ့စ်)
ဆာကိုဟာ ချန်ပီယံရှစ်ကလပ်  ဝုလ်ဖ်ဗာဟမ်တန်နဲ့အတူ အင်္ဂလန်ဘောလုံးလောက အတွေ့အကြုံတချို့တော့ ရှိခဲ့ပါတယ်။ ဒါပေမဲ့ ပဲလေ့စ်ကို ပြောင်းရွှေ့လာပြီးမှသာ မာလီလက်ရွေးစင်ဟာ ပရီးမီးယားလိဂ်ကို နဖူးတွေ့ဒူးတွေ့ ကြုံဖူးတာ ဖြစ်ပါတယ်။ ရာသီအစ  နှစ်ပွဲဆက်တိုက်  ပဲလေ့စ်မှာ ကစားခွင့်မရပေမယ့် ပထမဆုံးပွဲထွက်ခွင့်ရတဲ့ အက်စ်တွန်ဗီလာနဲ့ ပွဲမှာ  ဆာကိုက ဂိုးသွင်းပြလိုက်ပါတယ်။ အဲဒီနောက်မှာတော့ အသင်းရဲ့ အဓိကကျတဲ့ ကစားသမားတစ်ယောက်ဖြစ်လာခဲ့တယ်။ ကွင်းလယ်တိုက်စစ်မှာ အကောင်းဆုံးကစားနိုင်ပြီး လိုအပ်ရင်လည်း ဆာကိုက တောင်ပံတွေကို ရွေ့လျားနေရာယူနိုင်သူ ဖြစ်ပါတယ်။ စတမ်းဖို့ဒ်ဘရစ်ဂ်ျမှာ လက်ရှိချန်ပီယံ ချယ်လ်ဆီးကို အနိုင်ရတဲ့ပွဲမှာလည်း ဂိုးသွင်းနိုင်ခဲ့တာက သူ့အတွက် အမှတ်တရပါပဲ။ ဆာကိုဟာ ပရီးမီးယားလိဂ်လေး ပွဲမှာ နှစ်ဂိုးသွင်းပြီး အသင်းဖော်တွေ ဂိုးရအောင် ဖန်တီးမှု တစ် ကြိမ်ပြုလုပ်ထားနိုင်ပါတယ်။
၈။ ဆွန်ဟောင်မင် (တော့တင်ဟမ်ဟော့စပါး)
စပါးမန်နေဂျာ မော်ရစ်စီယို ပိုချက်တီနိုဟာ တိုက်စစ်အတွက် ဝက်စ်ဘရွန်းက ဆိုင်ဒိုဘီရာဟီနိုကို ဦးစားပေးချိတ်ဆက်ခဲ့ပေမယ့် မအောင်မြင်တဲ့နောက် တောင်ကိုရီးယားလက်ရွေးစင်ဆွန်ကို စတာလင်ပေါင် ၂၂ သန်းနဲ့ ဂျာမန်ကလပ် ဘေယာလေဗာကူဆင်ကနေ ခေါ်ယူလိုက်ပါတယ်။ ဆွန်ဟာ အစောပိုင်းမှာ စပါးရဲ့ လူစားဝင် တိုက်စစ်မှူးအဖြစ်သာရှိခဲ့ပေမယ့် ကွာရာဘက်ကို အနိုင်ရတဲ့ ယူရိုပါလိဂ်ပွဲစဉ်မှာ နှစ်ဂိုးသွင်းပြလိုက်တော့ မန်နေဂျာရဲ့ ယုံကြည်မှုကို ရလာခဲ့တယ်။ ခရစ္စတယ်ပဲလေ့စ်နဲ့ ပွဲမှာတော့ တစ်လုံးတည်းသော အနိုင်ဂိုးကို ဆွန်က သွင်းယူပြီး သူ့ရဲ့ ကစားသမားဘဝ စာမျက်နှာသစ်ကို ဖွင့်လှစ်လိုက်ပါပြီ။ တိုက်စစ်မှာ နေရာစုံ ပြောင်းရွှေ့ကစားနိုင်တယ်ဆိုပေမယ့် ဆွန်ဟာ တိုက်စစ်မှူးစစ်စစ်တော့ မဟုတ်ပါဘူး။ ဒါပေမဲ့ ဟယ်ရီကိန်း ဂိုးပေါက်ပျောက်နေချိန်မှာ သူဟာ စပါးရဲ့ အားအထားရဆုံး ဂိုးသွင်းစက် ဖြစ်လာမယ်လို့ ပရိသတ်တွေက မျှော်လင့်ယုံကြည်နေပြီ ဖြစ်ပါတယ်။
၉။ အိုဒီယွန်အစ်ဂ်ဟာလို (ဝက်ဖို့ဒ်စီးတီး)
ပြင်သစ်၊ အီတလီနဲ့ စပိန်ကလပ် တချို့မှာ ကျင်လည်ခဲ့ဖူးပြီးတဲ့နောက် အစ်ဂ်ဟာလိုဟာ ဒီရာသီမှာတော့ တန်းတက်ဝက်ဖို့ဒ်နဲ့အတူ ပထမဆုံး ပရီးမီးယားလိဂ်အရသာကို မြည်းစမ်းကြည့်ခွင့်ရလာပါပြီ။ အရပ်  ခြောက်ပေ နှစ်လက်မ မြင့်တဲ့ နိုက်ဂျီးရီးယားတိုက်စစ်မှူးဟာ လူကောင်ထွားထွားကြီးနဲ့ မလိုက်ဖက်အောင် မြန်ဆန်လွန်းသူတစ်ယောက်အဖြစ် အသိအမှတ်ပြုခံရပါတယ်။ ရာသီအဖွင့်အဖြစ် အဲဗာတန်ကို ၂ ဂိုးစီ သရေကျရာမှာ သူက ၁၇ မိနစ်ပဲ ကစားရပေမယ့်တစ်ဂိုးသွင်းပြီး အသင်းကို အမှတ်ရအောင် ကူညီပေးခဲ့တယ်။ နောက်ပိုင်းမှာတော့ ဝက်ဖို့ဒ်ရဲ့ ပွဲထွက် တိုက်စစ်မှူးဖြစ်လာပြီး ပရီးမီးယားလိဂ် ၆ ပွဲကစားပြီးရာမှာ ၄ ဂိုးထိ သွင်းယူထားပါတယ်။

၁၀။ ဂျိုးဂိုမက်ဇ် (လီဗာပူး)
နွေရာသီဈေးကွက်ကာလမှာ လီဗာပူးဟာ ငွေသုံးခပ်ကြမ်းကြမ်းနဲ့ ကစားသမားသစ်တွေ ခေါ်ယူပြီး အသင်းကို ပုံစံပြောင်း အထိုင်ချတည်ဆောက်ခဲ့ပါတယ်။ အဲဒီမှာ ပထမတန်းကလပ် ဖူလ်ဟမ်ကနေ ဝယ်ယူခဲ့တဲ့ အသက် ၁၈ နှစ်အရွယ် ချာတိတ်လေး ဂိုမက်ဇ်ကိုတော့ အသင်းပရိသတ်ကတောင် မှတ်မှတ်ထင်ထင်မဖြစ်ခဲ့ဘူး။ အနာဂတ်အတွက် ရည်ရွယ်ပြီး စတာလင်ပေါင် ၃ သန်းလောက် မြှုပ်နှံခဲ့တာဖြစ်မယ်လို့ ခပ်ပေါ့ပေါ့ပဲ တွေးခဲ့ကြပါတယ်။ ဒါပေမဲ့ ရာသီကြိုခြေစမ်းပွဲတွေမှာ ပြသခဲ့တဲ့ စွမ်းဆောင်ရည်တွေကြောင့် မန်နေဂျာ ဘရန်ဒန်ရော်ဂျာက ဂိုမက်ဇ်ကို ပထမအသင်းမှာ နေရာပေးပွဲထုတ်ခဲ့ပါတယ်။ အံ့ဩစရာကောင်းတာက ဂိုမက်ဇ်ဟာ သူအားအသန်ဆုံးဖြစ်တဲ့ ဗဟိုခံစစ်နဲ့ ဒုတိယဦးစားပေးဖြစ်တဲ့ ညာခြမ်းခံစစ်တို့မှာ မကစားရဘဲ ဘယ်နောက်ခံလူအနေနဲ့ ခြေစွမ်းပြနေတာပါပဲ။ လီဗာပူးအသင်း ပရီးမီးယားလိဂ်ရာသီအစ သုံးပွဲဆက် Clean Sheet ရခဲ့ချိန်မှာ ဂိုမက်ဇ်ဟာ အရွယ်နဲ့ မလိုက်အောင် တည်တည်ငြိမ်ငြိမ်ကစားပြခဲ့တယ်။ ဝက်စ်ဟမ်းယူနိုက်တက်နဲ့ မန်ချက်စတာယူနိုက်တက်ကို အရေးနိမ့်ရာမှာ သူ့အနေနဲ့ အမှားလေးတချို့ရှိခဲ့တယ် ဆိုပေမယ့် ဂိုမက်ဇ်ရဲ့ အသက်က(၁၈)နှစ်ပဲရှိသေးတာကို မေ့မထားသင့်ပါဘူး။ ဒီချာတိတ်ဟာ လီဗာပူးမှာ ဒီထက်ပိုပြီး တောက်ပလာဖို့ အများကြီးမျှော်လင့်နိုင်ပါသေးတယ်။

http://www.7daydaily.com/story/47229