စက်တင်ဘာ ၂၁ ရက်နေ့က ရေနစ်တဲ့အမျိုးသားတစ်ဦးကိုကူညီခဲ့တဲ့ တရုတ်သူနာပြုမိန်းကလေးတစ်ဦးကို တရုတ်မီဒီယာတွေက အလှဆုံးသတို့သမီးလို့ ကင်ပွန်းတပ်ခဲ့ကြပါတယ်။ အသက် ၂၅ နှစ်အရွယ် ဒီမိန်းကလေးဟာ ဒါလီယန်ကမ်းခြေမှာ မင်္ဂလာပွဲအတွက်ဓာတ်ပုံရိုက်နေတာဖြစ်ပြီး အဲဒီအချိန်မှာ ရေနစ်သူရဲ့အကူအညီတောင်းသံကို ကြားလိုက်ရတာပါ။ သူဟာ အခင်းဖြစ်နေရာကို ချက်ချင်းသွားပြီး အဲဒီအမျိုးသားသတိပြန်လည်လာဖို့ကူညီခဲ့ပေမယ့် ကံတော့မကောင်းခဲ့ပါဘူး။
မျက်မြင်သက်သေတွေရဲ့ပြောစကားအရတော့ ဘယ်သူဘယ်ဝါမှန်းမသိရသေးတဲ့အဲဒီအမျိုးသားဟာ မနက် ၁၀ နာရီလောက်မှာ ပင်လယ်ထဲကနေ လက်ဝှေ့ယမ်းပြီး အကူအညီတောင်းနေတာကိုတွေ့တယ်လို့ သိရပါတယ်။ ကမ်းခြေမှာရှိနေတဲ့ ရေကူးသမားအချို့က ဒီလူကို ပင်လယ်ထဲကနေ ဆယ်တင်နိုင်ခဲ့ပေမယ့် သူကတော့ ရေမွန်းလို့မေ့မျောနေပါပြီ။ ကမ်းပေါ်ရောက်တဲ့အချိန်မှာ နှုတ်ခမ်းနဲ့ မျက်နှာ ပြာနှမ်းနေတဲ့ အဲဒီလူကို အရေးပေါ်အသက်ကယ်နည်းနဲ့ ကူညီပေးနိုင်မယ့်သူတော့ တစ်ယောက်မှမရှိခဲ့ပါဘူး။
အဲဒီနေရာနဲ့ ပေ ၁၀၀ လောက်အကွာမှာတော့ ဒေသခံဆေးရုံက သူနာပြုသတို့သမီးလေးက ဓာတ်ပုံရိုက်နေတာဖြစ်ပါတယ်။ အကူအညီတောင်းသံကိုကြားလိုက်ရပြီးနောက်မှာ သူနာပြုမလေးက ဘာမှမစဉ်းစားတော့ဘဲ မင်္ဂလာဝတ်စုံဝတ်လျက်ကြီးနဲ့ အခင်းဖြစ်နေရာကို အပြေးအလွှားရောက်သွားခဲ့ပါတယ်။ သူဟာ အဲဒီလူကို အရေးပေါ်အသက်ကယ်နည်းနဲ့ မိနစ် ၂၀ ကျော် ပြုစုခဲ့ပေမယ့် အသက်ကတော့ ပြန်မလည်လာခဲ့ပါဘူး။ အဲဒီအချိန်အတွင်းမှာ သူ့ရဲ့မင်္ဂလာဂါဝန်လည်းပျက်စီးသွားပြီး မိတ်ကပ်တွေလည်းပျက်သွားကာ လက်သည်းတွေလည်း ကျိုးသွားခဲ့ပါတယ်။ အသက်ပြန်မလည်နိုင်တော့ဘူးလို့ သူကြေညာလိုက်ပေမယ့် ဘေးနားမှာ ရှိသူတွေကတော့ သူ့ရဲ့ကူညီလိုစိတ်ကို လက်ခုပ်တီးပြီး သြဘာပေးခဲ့ကြပါတယ်။
သူနာပြုမလေးရဲ့ခင်ပွန်းလောင်းကတော့ "သူက လူတွေကိုကူညီချင်တယ်။ သူ့ကို ကျွန်တော်အဲဒါကြောင့်ချစ်တာပါ" လို့ ဆိုပါတယ်။ ဒါ့အပြင် အခင်းဖြစ်နေရာကိုပြေးလာတုန်းကလည်း သူ့ဇနီးလောင်းက သူ့ထက်ပိုမြန်ကြောင်း ပြောခဲ့ပါတယ်။ သူနာပြုမလေးက ရေနစ်သူကိုပြုစုနေချိန်အတွင်း ရိုက်ကူးထားတဲ့ဓာတ်ပုံတွေဟာ တရုတ်လူမှုကွန်ရက်တွေပေါ်ရောက်သွားခဲ့ပြီး အားလုံးကသူ့ကို အလှဆုံးသတို့သမီးလို့ ချီးကျူးထောပနာပြုနေကြပါတယ်။ သူနာပြုမလေးကတော့ "အဲဒီအချိန်တုန်းက ကျွန်မဟာ သူနာပြုဆိုတာပဲ အမှတ်ရပါတယ်။ ကျွန်မအလုပ်ရဲ့တာဝန်ရှိမှုက သတို့သမီးတစ်ယောက်ဖြစ်တာထက် ပိုမြင့်မားပါတယ်" လို့ ဆိုခဲ့ပါတယ်။
ညီမင်းဟန်(ဆန္ဒကူး)
http://www.searchmyanmar.com/link/comment/cid/54198
No comments:
Post a Comment