Facebook ကိုတည်ထောင်သူ မာ့ခ်ဇူကာဘတ်ဂ်ဟာ ကမ္ဘာ့အချမ်းသာဆုံး ပုဂ္ဂိုလ်စာရင်းရဲ့ နံပတ် ၉ နေရာကို ရောက်ရှိလာခဲ့ပြီဖြစ်ကြောင်း Bloomberg သတင်းဌာနရဲ့ စာရင်းထုတ်ပြန်ချက်အရ သိရပါတယ်။ Ikea ကုမ္ပဏီကို တည်ထောင်သူ ကမ့်ပရက်ရဲ့ ချမ်းသာမှုကို ကျော်လွန်ပြီး ဇူကာဘတ်ဂ်က အဆင့် ၉ နေရာ ရောက်လာတာ ဖြစ်ပါတယ်။
အသက် ၃၁ နှစ်အရွယ်သာရှိသေးတာ ဇူကာဘတ်ဂ်ဟာ လက်ရှိမှာ ကန်ဒေါ်လာ ၄၃.၁ ဘီလီယံ ချမ်းသာကြွယ်ဝသူ ဖြစ်ပါတယ်။ လက်ရှိမှာ Facebook ရဲ့ရှယ်ယာတန်ဖိုးတွေကလည်း စံချိန်မြင့်တက်နေပြီး ထပ်ပြီးတက်လာဖို့တောင်ရှိတယ်လို့ ခန့်မှန်းထားကြပါတယ်။ Facebook ဟာလက်ရှိမှာ ကန်ဒေါ်လာ ၂၇၅ ဘီလီယံလောက် တန်ကြေးရှိတဲ့ လူမှုကွန်ယက်ဖြစ်ပါတယ်။ ဇူကာဘတ်ဟာ အချမ်းသာဆုံး နံပတ် ၈ နေရာမှာ ရှိတဲ့ Oracle တည်ထောင်သူ အယ်လီဆင်နဲ့ ချမ်းသာကြွယ်ဝမှု သန်း ၃၀၀ သာကွာဟပါတယ်။ နံပတ် ၇ နေရာမှာတော့ Amazon တည်ထောင်သူ ဂျက်ဖ်က ၄၃.၅ ဘီလီယံနဲ့ ရပ်တည်နေပါတယ်။
ဒါပေမယ့်လည်း ကမ္ဘာ့အချမ်းသာဆုံးပုဂ္ဂိုလ်ဖြစ်တဲ့ မိုက်ခရိုဆော့ဖ်တည်ထောင်သူ ဘီလ်ဂိတ်ရဲ့ ကြွယ်ဝမှုကိုတော့ သူတို့လိုက်မီဖို့ လိုနေပါသေးတယ်။ ဘီလ်ဂိတ်ဟာ အချမ်းသာဆုံး နံပတ် ၁ နေရာမှာရှိပြီး ကန်ဒေါ်လာ ၈၅.၂ ဘီလီယံချမ်းသာကြွယ်ဝပါတယ်။
PlanetMyanmar
http://www.searchmyanmar.com/link/comment/cid/52543
No comments:
Post a Comment