ဘ၀အတွေ့အကြုံဟာ အကောင်းဆုံးဆရာပါ

လူရယ်လို့ ဖြစ်လာကြပြီဆိုရင် ချမ်းသာ၊ဆင်းရဲ မရွေး ဘဝက ပေးတဲ့ သင်ခန်းစာတွေကို ခံစားကြရပါတယ်။ လူတွေနေ့စဉ်ဖြတ်သန်းကြုံတွေ့နေကြရတဲ့ အကောင်း၊အဆိုးတွေဟာ လူတွေရဲ့ ဘဝသင်ခန်းစာတွေဘဲဖြစ်ပါတယ်။ တစ်ချို့က ဒီလိုနေ့စဉ်သင်ခန်းစာတွေက သင်ယူလေ့လာပြီး မိမိဘဝအတွက် ဆောင်ရန်၊ရှောင်ရန်အဖြစ် ကြိုးစားဆောင်ရွက်သွားကြသူတွေရှိသလို တစ်ချို့က နောက်ပြန်လှည့် အရှုံးပေးသွားကြသူတွေလည်းရှိပါတယ်။

ဘဝမှာ အတွေ့အကြုံဆိုတာ အကောင်းဆုံးသင်ပြပေးနေတဲ့ဆရာတစ်ဆူလိုပါဘဲလို့ လူကြီးသူမတွေရဲ့ပြောစကားကို ငယ်ရွယ်ချိန်တုန်းက နားမလည်ခဲ့ပေမယ့် အရွယ်ရောက်လို့ လက်တွေ့ဘဝတွေမှာ ကျင်လည်ဖြတ်သန်းလာရတဲ့အခါ ကောင်းကောင်းနားလည်လာခဲ့ရပါတယ်။ တကယ်တော့ လူတွေမှာ မိမိကြုံတွေ့နေရတဲ့အဖြစ်အပျက်တွေထဲက လေ့လာမှတ်သားစရာတွေကို မှတ်သား၊ ရှောင်စရာတွေကို ဆင်ခြင်ရှောင်ကြည်ခြင်းဖြင့် ဘဝကို အမှားတွေနည်းအောင် အေးချမ်းမှုကိုပိုမိုခံစားရရှိနိုင်အောင်ကြိုးစားပိုင်ခွင့်ရှိကြပါတယ်။

လူတွေမှာ တစ်ဦး နဲ့ တစ်ဦး ဘဝပေးကံကြမ္မာ မတူညီကြပေမယ့် မိမိကိုယ်ကိုအေးချမ်းအောင် ဘယ်လိုနေထိုင်ရမလဲဆိုတာကိုတော့ သဘာဝတရားက တန်းတူအခွင့်အရေးပေးထားပါတယ်။ ဒါတွေကို လူတွေရဲ့နေ့စဉ်ဘဝမှာ ရှာဖွေသင်ယူရရှိနိုင်တာဘဲဖြစ်ပါတယ်။

ထပ်ခါ ထပ်ခါ အမှားလုပ်ခြင်းကို ရှောင်ကြဉ်ပါ

လူတွေမှာ အမှားကိုထပ်ခါထပ်ခါ လုပ်မိတတ်ကြတဲ့အခါ မိမိကိုယ်ကို ယုံကြည်မှုနည်းသွားသလို ပတ်ဝန်းကျင်အသိုင်းအဝိုင်းအလယ်မှာ လူတွေရဲ့ ယုံကြည်မှုကိုလည်း ဆုံးရှုံးကြရပါတယ်။ လူတိုင်းဟာ အမှားနဲ့မကင်းကြတာအမှန်ပါ။ ဒါပေမယ့်အဲဒီအမှားကို အမှားမှန်းသိပြီး ပြင်ဆင်နိုင်လိုက်ရင် မိမိအတွက် များစွာ ကောင်းကျိုးကို ရရှိစေပါတယ်။ အမြဲတမ်း မိမိကိုယ်ကိုလေ့လာဆန်းစစ်ပြီး ဘာကြောင့် ခက်ခဲနေရတယ်၊ ဘာကြောင့် လွယ်ကူချောမွေ့နေရတယ်ဆိုတဲ့အချက်ကို ရှာဖွေပြီး ပြုပြင်ကြိုးစားခြင်းဖြင့် မိမိဘဝအတွက် လွယ်ကူချောမွေ့တဲ့နေ့ရက်တွေကို ပိုင်ဆိုင်စေမှာဖြစ်ပါတယ်။

ရှုံးနိမ့်မှုကို မကြောက်ပါနဲ့

အောင်မြင်တဲ့ပုဂ္ဂိုလ်တွေရဲ့ ဘဝဖြတ်သန်းမှုပုံစံကိုလေ့လာကြည့်လိုက်တဲ့အခါ သူတို့ဟာလည်း လူသားတစ်ယောက်ဖြစ်တာကြောင့် ရှုံးနိမ့်မှုများစွာကို ရင်ဆိုင်ခဲ့ကြရပါတယ်။ လူဖြစ်လာပြီဆိုရင် ဘဝ မှာ ရှုံးနိမ့်မှု ၊အောင်မြင်မှုဆိုတာကို ရင်ဆိုင်ကြုံတွေ့ကြရမှာဖြစ်ပါတယ်။ ကမ္ဘာလောကမှာ လူတွေဟာ မတူညီတဲ့ ရှုံးနိမ့်မှုတွေနဲ့ ရှုံးနိမ့်ဖူးကြပါတယ်။ ဒါကြောင့် မရှုံးနိမ့်ဖူးတဲ့ ပုဂ္ဂိုလ်မရှိဘူးဆိုတာ ကိုနားလည်ထားဖို့လိုပါတယ်။ ဒါ့အပြင် ရှုံးနိမ့်မှုဆိုတာ အောင်မြင်မှုရဲ့ အစိတ်အပိုင်းတွေဖြစ်တာကြောင့် ရှုံးနိမ့်မှုထဲက လူတွေကို အောင်မြင်စေဖို့ သော့ချက်ပေးတာတွေအများကြီးရှိပါတယ်။ ရှုံးနိမ့်မှုဆိုတာ အောင်မြင်ဖို့အတွက် ခြေလှမ်းတွေဖြစ်တာကြောင့် ဘဝမှာ ရှုံးနိမ့်ဖို့ကို မကြောက်ဘဲ အမှားထဲက သင်ခန်းစာယူပြီး ကြိုးစားခြင်းဖြင့် အောင်မြင်မှုရဲ့ အနှစ်သာရကို ချိုမြိန်စွာ ခံစားရနိုင်ပါတယ်။

ပြောင်းလဲခြင်းတရား

လူတွေရဲ့ဘဝ ဟာ အမြဲတမ်း ပြောင်းလဲဖြစ်ပျက်နေကြတာကြောင့် ဘဝရဲ့နေ့စဉ်စိန်ခေါ်မှုတွေကို သတိရှိရှိတွေးဆတတ်ဖို့ လိုပါတယ်။ အပြောင်းအလဲတရားအပေါ်မှာ လက်ခံပြီး ဆောင်ရွက်တတ်ဖို့လိုပါတယ်။ အပြောင်းအလဲတွေထဲက မိမိအတွက် ဘယ်လို ကောင်းကျိုးတွေရရှိနိုင်မလဲ ရှာဖွေတတ်ဖို့လိုပါတယ်။ မိမိအတွက် သက်ရောက်မှုရှိသလား ၊မရှိဘူးလားဆန်းစစ်လေ့လာပြီး ရှောင်ရှားတတ်ဖို့လိုပါတယ်။ မိမိကြုံခဲ့တဲ့ အပြောင်းအလဲအပေါ်မူတည်ပြီး ဘာတွေပြင်ဆင်ဖို့လိုသလဲ၊ ဘာတွေဆင်ခြင်ဖို့လိုသလဲ၊ ဘယ်လို ရှောင်ကြဉ်ဖို့လိုသလဲဆိုတာ ဘဝရဲ့နေ့စဉ်မတူညီတဲ့ပြောင်းလဲမှုတွေက ပေးနေတဲ့ သင်ခန်းစာတစ်ခုဖြစ်ပါတယ်။ ငယ်ငယ်တုန်းက ကျောင်းသင်ခန်းစာတွေလိုပါဘဲ။ သင်ခန်းစာတစ်ခု တတ်မြောက်ပြီးသွားရင် နောက်ထပ်သင်ခန်းစာအသစ်တစ်ခုကို သင်ယူရပြီး သင်ခန်းစာကျေညက်တဲ့ ကျောင်းသားတွေဟာ အမှတ်ကောင်းကောင်း ရရှိကြသလိုမျိုး ဘဝသင်ခန်းစာတွေကို ကျေညက်တဲ့လူတွေဟာလည်း ဘဝမှာ နေထိုင်မှုပုံစံကောင်းပြီး စိတ်အေးချမ်းမှုကို ပိုင်ဆိုင်နိုင်ကြပါတယ်။
Yangon Life
http://www.searchmyanmar.com/link/comment/cid/52537