တီဘီရောဂါ ဆိုသည်မှာ......

တီဘီရောဂါသည် အဓိကအားဖြင့် အဆုတ်ကို ထိခိုက်ပျက်စီးစေသော ရောဂါဖြစ်ပါသည်။ ကြိုတင်ကာ ကွယ်ခြင်း၊ ကုသခြင်းတို့ကို ထိရောက်စွာပြုလုပ်ပါက သက်သာပျောက်ကင်း စေနိုင်သော်လည်း စနစ်တကျ ထိထိရောက်ရောက် ကာကွယ်ကုသမှု မပြုလုပ်ပါက ပြင်းထန်ပြီး ကြောက်စရာကောင်းသော ရောဂါဖြစ်ပါသည်။ တီဘီလူနာ ချောင်းဆိုးစဉ် သို့မဟုတ် နှာချေစဉ်တွင် လွင့်စင်ထွက်လာသော အလွန်သေးငယ် သည့် ချွဲ၊ သလိပ်၊ တံတွေးစက်များ (droplets) မှ တဆင့် လူတစ်ဦးမှ တစ်ဦးသို့ ရောဂါကူးစက် ပျံ့နှံ့ပါသည်။

ဖွံ့ဖြိုးပြီး နိုင်ငံများ၌ တီဘီရောဂါ အဖြစ်နည်းသွားရာမှ ၁၉၈၅ နောက်ပိုင်း၊ HIV ဖြစ်ပွားမှုနှင့် ဆက်စပ်ကာ ပြန်လည်ခေါင်းထောင်လာပါသည်။ HIV ကူးစက်ခံရသူသည် ခန္ဓာကိုယ်၏ ရောဂါ ခုခံနိုင်စွမ်း (ကိုယ်ခံအား) ကျဆင်းသွားသည့်အတွက် TB ရောဂါအပါအ၀င် အခြား ရောဂါများကို မကာကွယ်နိုင်တော့ပါ။ ထို့ကြောင့် HIV ကူးစက်မှုနှင့်အတူ တီဘီရောဂါဖြစ်ပွားမှုနှုန်း ပြန်လည် များပြားလာခြင်း ဖြစ်ပါသည်။ တီဘီရောဂါပိုးသည် အမျိုးအစားပေါင်းများစွာရှိပြီး တီဘီရောဂါကုသ ဆေး အများစုကို ဆေးယဉ် လျက် ရှိပါ သည်။ တီဘီရောဂါ လက္ခဏာပြနေသော လူနာသည် ရောဂါကို ကုသရန်နှင့် ဆေးယဉ် ပါးမှု မဖြစ်စေရန် အတွက် ဆေးအမျိုးအစား အမျိုးမျိုးကို တွဲဖက်သောက်သုံးရပါသည်။

“ တီဘီရောဂါလက္ခဏာများ ”

တီဘီရောဂါပိုး ခန္ဓာကိုယ်အတွင်းသို့ ၀င်ရောက်လျှင်ဝင်ရောက်ချင်း ရောဂါလက္ခဏာ ပြလေ့ရှိ သကဲ့သို့ ရောဂါလက္ခဏာ ချက်ချင်းမပြဘဲ အချိန်အတန်ကြာမှ ရောဂါလက္ခဏာ ပြခြင်းမျိုးလည်း ရှိပါသည်။ ထို့ကြောင့် ဆရာဝန်များသည် တီဘီလူနာကို ရောဂါလက္ခဏာ မပြသေးသော တီဘီလူနာ (Latent TB) နှင့် ရောဂါလက္ခဏာပြသော တီဘီလူနာ (Active TB) ဟူ၍ နှစ်မျိုး ခွဲခြားထားပါသည်။

ရောဂါလက္ခဏာ မပြသေးသော တီဘီလူနာတွင် လူနာသည် တီဘီပိုး ကူးစက်ခံထားရပါသည်။ သို့သော် ရောဂါလက္ခဏာ မပြသေးဘဲ ငြိမ်နေပါသည်။ ဤအခြေအနေတွင် အခြားသူတစ်ဦးထံသို့ ရောဂါမကူး စက်နိုင်ပါ။ ခန္ဓာကိုယ်အတွင်းရှိ တီဘီပိုးသည် အချိန်မရွေးထကြွကာ ရောဂါလက္ခဏာ ပြနိုင်သည့်အတွက် စောလျင်စွာ ကုသရန် လိုအပ်ပါသည်။ ကမ္ဘာ့လူဦးရေ၏ သုံးပုံတစ်ပုံသည် ရောဂါလက္ခဏာ မပြသေးသော တီဘီရောဂါရှိသည်ဟု ကျွမ်းကျင်သူများက ခန့်မှန်းထားပါသည်။

ရောဂါလက္ခဏာပြသော တီဘီရောဂါရှင်သည် ဝေဒနာကို ခံစားရပြီး အခြားသူများသို့ ကူးစက်စေနိုင်ပါ သည်။ တီဘီရောဂါပိုး ကူးစက်ခံရပြီး ရက်သတ္တပတ် အနည်းငယ်အတွင်း ရောဂါလက္ခဏာ ပြနိုင်သကဲ့သို့ နှစ်ပေါင်းများစွာ ကြာမှလည်း ရောဂါလက္ခဏာ ပြခြင်းမျိုး ရှိနိုင်ပါသည်။

တီဘီရောဂါလက္ခဏာပြသောအခါ အောက်ပါတို့ကို ခံစားရပါသည်။

(၁) ချောင်းဆိုးခြင်း
(၂) ၀ိတ်လျှော့ချရန် မကြိုးစားဘဲ ကိုယ်အလေးချိန်ကျသွားခြင်း
(၃) နုန်းခွေခြင်း
(၄) ဖျားခြင်း
(၅) ညဘက်ချွေးထွက်ခြင်း
(၆) ချမ်းတုန်ခြင်း
(၇) ခံတွင်းပျက်ခြင်း

တီဘီရောဂါပိုးသည် အများအားဖြင့် အဆုတ်ကို ပျက်စီးစေပါသည်။

အဆုတ်တီဘီဖြစ်သောအခါ-

(၁) နှစ်ပတ်ထက်ကျော်ပြီး ချောင်းဆိုးခြင်း
(၂) ချောင်းဆိုးလျှင် သလိပ်နှင့် သွေးစသွေးနများပါခြင်း
(၃) ရင်ဘတ်အောင့်ခြင်း သို့မဟုတ် အသက်ပြင်းပြင်းရှူလျှင် ရင်ဘတ်အောင့်ခြင်း သို့မဟုတ် ချောင်းဆိုး လျှင် ရင်ဘတ်အောင့်ခြင်းစသည်တို့ကို ခံစားရပါသည်။

တီဘီရောဂါပိုးသည် ကျောက်ကပ်၊ ကျောရိုးနှင့် ဦးနှောက်အပါအ၀င် ခန္ဓာကိုယ်၏ အခြားသော အစိတ်အပိုင်းများကိုလည်း ပျက်စီးစေနိုင်ပါသည်။ တီဘီပိုးတိုက်ခိုက်ခံရသည့် ခန္ဓာကိုယ် အစိတ် အပိုင်းပေါ် မူတည်ကာ ရောဂါလက္ခဏာကို ကွဲပြားစွာ ခံစား ရပါသည်။ ဥပမာ- TB Spine ဟုခေါ် သည့် ကျောရိုးတီဘီ ဖြစ်လျှင် ခါးနာတတ်ပါသည်။ ကျောက်ကပ်တွင် တီဘီဖြစ်လျှင် ဆီးတွင် သွေးပါနိုင်ပါသည်။ ထို့ကြောင့် ဖျားခြင်း၊ အကြောင်းမယ်မယ်ရရ မရှိဘဲ ကိုယ်အလေးချိန် ကျဆင်း သွားခြင်း၊ ညဘက်တွင် ချွေးထွက်ခြင်းနှင့် နှစ်ပတ်ထက်ကျော်လွန်ကာ ရက်ရှည် ချောင်းဆိုး ခြင်း တို့ကို ကြုံတွေ့ရပါက ဆရာဝန်နှင့် ပြသရပါမည်။ အထက်ပါ လက္ခဏာများသည် အများအားဖြင့် တီဘီရောဂါ၏ လက္ခဏာများ ဖြစ်ပါသည်။ တီဘီရောဂါ ဟုတ်မဟုတ်ကို သေချာစေရန်အတွက် ဆရာဝန်မှ လိုအပ်သော စမ်းသပ်စစ်ဆေးမှုများ ပြုလုပ်ကာ ဆုံးဖြတ်ပေးမည် ဖြစ်ပါသည်။

“ တီဘီရောဂါဖြစ်စေသော အကြောင်းများ ”

တီဘီရောဂါပိုးသည် ဘက်တီးရီးယားပိုး အမျိုးအစားဖြစ်ပါသည်။ အလွန်သေးငယ်သော အရည် စက်များ (ချွဲ၊ သလိပ်၊ တံတွေး၊ နှပ်စသည်) မှ တဆင့် တစ်ဦးမှ တစ်ဦးသို့ ကူးစက်ပျံ့နှံ့ သောကြောင့် ရောဂါ လက္ခ ဏာပြသော တီဘီလူနာ ချောင်းဆိုးခြင်း၊ စကားပြောခြင်း၊ နှာချေခြင်း၊ တံတွေးထွေးခြင်း၊ ရယ်မောခြင်း၊ သီချင်းဆိုခြင်းတို့ ပြုလုပ်နေစဉ်တွင် အခြားသူများသို့ ကူးစက် လေ့ရှိပါသည်။ တီဘီရောဂါသည် ကူးစက်နိုင်သော ရောဂါဟုဆိုသော်လည်း ခရီးသွားဟန်လွှဲဖြင့် အလွယ်တကူ ကူးစက် လေ့မရှိပါ။ တီဘီရောဂါဝေဒနာရှင်နှင့် အတူတကွ တပူးတွဲတွဲ နေထိုင်ခြင်း၊ အလုပ် လုပ်ခြင်း တို့ဖြင့် ကူးစက် ခံရနိုင်ပါသည်။ ရောဂါလက္ခဏာပြသော တီဘီလူနာ အများစု သည် မှန်ကန်သော ဆေးဝါးများကို တိတိကျ ကျ လိုက်နာသောက်သုံးပါက ဆေးသောက်ပြီး နှစ်ပတ်ကြာ လျှင် အခြားသူများသို့ မကူးစက်နိုင် တော့ပါ။

တီဘီရောဂါသည် သေဆုံးမှု ရာခိုင်နှုန်းမြင့်သော ရောဂါများအနက် တစ်ခုအပါအ၀င် ဖြစ်နေပါ သည်။ ထိုသို့ဖြစ်ရခြင်းမှာ အကြောင်းရင်းများစွာရှိသော်လည်း ဆေးယဉ်ခြင်း (ဆေးမတိုးခြင်း)က အဓိက အကြောင်း အချက် ဖြစ်ပါသည်။ လွန်ခဲ့သော နှစ်ပေါင်း ၆၀ ခန့်အချိန် ပထမဆုံး တီဘီ ဆေးဝါးများ အသုံးပြုစဉ်ကတည်းက တီဘီရောဂါပိုး အချို့သည် ဆေးဒဏ်ကို ခံနိုင်စွမ်းရှိခဲ့ပါသည်။ ပဋိဇီဝဆေးတစ်မျိုးသည် ခန္ဓာကိုယ်အတွင်းရှိ တီဘီရောဂါ ပိုးအားလုံးကို မသတ်နိုင်သောအခါ ဆေးယဉ်နေသောတီဘီပိုးများ ပေါ်ပေါက်လာသည်။ ၄င်းဆေးယဉ် နေသော တီဘီပိုးသည် ကြုံတွေ့ဖူးသော ပဋိဇီဝဆေး အမျိုးအစားကိုသာမက အခြားသော ပဋိဇီဝဆေးများ ကိုပါ ယဉ်ပါးခြင်းမျိုး ကြုံတွေ့ရလေ့ရှိပါသည်။

“ တီဘီရောဂါကူးစက်ခံရရန် ပိုမို လွယ်ကူစေသော အချက်များ ”

လူတိုင်းသည် တီဘီရောဂါပိုး ကူးစက်ခံရနိုင်ပါသည်။ သို့သော် အောက်ပါအချက်များကြောင့် ကူးစက်ခံရ ခြေ ပိုမို မြင့်မားလာနိုင်ပါသည်။

(၁) ကိုယ်ခံစွမ်းအားလျော့နည်းခြင်း

HIV/AIDS ရောဂါကြောင့် ကိုယ်ခံစွမ်းအား လျော့နည်းသွားသည့်အတွက် တီဘီရောဂါဖြစ်စေရန် အခွင့် အရေးတိုးလာပါသည်။ သွေးချိုဆီးချိုရောဂါ၊ ကျောက်ကပ်ရောဂါ၊ အချို့သော ကင်ဆာ ရောဂါများ၊ ကင်ဆာ ဆေးသွင်းကုသခြင်း၊ ကိုယ်အင်္ဂါအစားထိုး ခွဲစိတ်ကုသမှု ခံယူခြင်း၊ အာဟာရချို့တဲ့ခြင်း၊ အသက်ငယ် လွန်းခြင်း၊ အသက်ကြီးလွန်းခြင်းတို့ကြောင့် ကိုယ်ခံစွမ်းအား အားပျော့သွားသည့် အချိန်တွင် တီဘီရောဂါ ကူးစက်ခံရရန် အခွင့်အရေး များပါသည်။

(၂) ကျန်းမာရေးစောင့်ရှောက်မှုရရှိရန်ခက်ခဲခြင်း

ငွေကြေးချို့တဲ့ခြင်းကြောင့်ဖြစ်စေ၊ ဝေးလံခေါင်သီသော နေရာဒေသများတွင် နေထိုင်ရခြင်းကြောင့် ဖြစ်စေ ကျန်းမာရေးစောင့်ရှောက်မှု ရရှိရန် ခက်ခဲသော သူများသည် တီဘီရောဂါ ကူးစက်ခံရရန် အခွင့်အရေး များပါသည်။

(၃) အရက်နှင့်ဆေးလိပ်

အရက်ကို စဉ်ဆက်မပြတ် သောက်သုံးသောသူသည် ကိုယ်ခံအား အားပျော့သွားပြီး တီဘီရောဂါ ကူးစက်ခံရရန် အခွင့်အရေး ပိုလာပါသည်။ ဆေးလိပ်သောက်သောသူသည် တီဘီရောဂါ ကူးစက် ခံရရန် အခွင့်အရေး အလွန်များပါသည်။

(၄) အလုပ်အကိုင်နှင့် နေရာဒေသ

ကျန်းမာရေးဝန်ထမ်းများသည် တီဘီရောဂါရှင်များနှင့် ထိတွေ့ဆက်ဆံရသည့်အတွက် ရောဂါကူး စက် ခံရဖို့ အခွင့်အရေး များပါသည်။ နှာခေါင်းစည်း တပ်ဆင်ခြင်း၊ မကြာခဏ လက်ဆေးခြင်း တို့ဖြင့် ကူးစက်ခံရ မည့် ရာခိုင်နှုန်းကို လျှော့ချနိုင်ပါသည်။

ထောင်တွင်းအကျဉ်းသားများ၊ ရွှေ့ပြောင်းနေထိုင်သူများ၊ ပြုစုစောင့်ရှောက်ရေးဂေဟာများ၊ ဒုက္ခသည် စခန်းများ စသည့် လူစုလူဝေးဖြင့် စုပေါင်းနေထိုင်ရသည့် နေရာများတွင် တီဘီရောဂါပိုး ကူးစက်ခံရရန် အခွင့်အရေး များပါသည်။

“ တီဘီရောဂါ၏ နောက်ဆက်တွဲဆိုးကျိုးများ ”

ကုသမှု မခံယူပါက တီဘီရောဂါသည် သေစေနိုင်သော ရောဂါဖြစ်ပါသည်။ ရောဂါလက္ခဏာ ပြနေသော တီဘီလူနာသည် ကုသမှုမခံယူပါက အဆုတ်ကို ပျက်စီးစေနိုင်ပါသည်။ ထို့နောက် တီဘီပိုးများသည် သွေးမှ တစ်ဆင့် အခြားသော ကိုယ်အင်္ဂါ အစိတ်အပိုင်းများသို့ ပျံ့နှံ့ရောက်ရှိ သွားပါသည်။ တီဘီပိုးသည် အရိုးသို့ ပျံ့နှံ့ရောက်ရှိသောအခါ ကျောရိုးအတွင်း နာကျင်ခြင်း၊ ကျောရိုးဆစ်များ ပျက်စီး ခြင်းတို့ကို ခံစားရပါသည်။ အချို့သော သူများတွင် နံရိုးများ၌ တီဘီပိုးဖျက်ဆီးခြင်း ခံရတတ်ပါသည်။ တီဘီပိုးသည် ဦးနှောက်သို့ ပျံ့နှံ့ရောက်ရှိသောအခါ ဦးနှောက်မြှေးရောင်ခြင်းကိုခံစားရပါသည်။ ဦးနှောက် မြှေးရောင်ပြီး အရည်များဖြင့် စုဖောင်း လာသောအခါ အသက်သေဆုံးစေနိုင်ပါသည်။

ကျောက်ကပ်နှင့် အသည်းသည် ကိုယ်ခန္ဓာမှ နေ့စဉ်ထွက်ရှိလာသော အဆိပ်အတောက်များကို ဖယ်ထုတ် သန့်စင်ပေးရပါသည်။ ကျောက်ကပ်နှင့်အသည်းသို့ တီဘီပိုးပျံ့နှံ့ ရောက်ရှိပြီး ပျက်စီးစေသောအခါ ခန္ဓာ ကိုယ်မှ နေ့စဉ်ထွက်ရှိသော အဆိပ်အတောက်များသည် ခန္ဓာကိုယ် အတွင်း ၌စုပုံကာ ရောဂါမျိုးစုံကို ခံစားရ စေပါသည်။ တီဘီရောဂါပိုးသည် နှလုံးကို ၀န်းရံထားသည့် တစ်ရှူးများထံသို့ ပျံ့နှံ့ ရောက်ရှိနိုင်ပါသည်။ နှလုံးပတ် ၀န်းကျင်ရှိ တစ်ရှူးများသည် တီဘီရောဂါပိုးကြောင့် ရောင်ရမ်းလာသည့်အခါ နှလုံးပတ်ဝန်းကျင်တွင် အရည်ဓာတ်များစုပုံလာပါသည်။ ၄င်း စုပုံလာသော အရည်ဓာတ်များသည် နှလုံးအား မညှစ်နိုင်အောင် ဖိထားသကဲ့သို့ ဖြစ်နေသည့်အတွက် အချိန်ကြာလာသောအခါ နှလုံးရပ်ပြီး သေဆုံးနိုင်ပါသည်။

“ စမ်းသပ်စစ်ဆေးမှုများ ”

တီဘီရောဂါရှိကြောင်း သေချာစေရန်အတွက် စမ်းသပ်စစ်ဆေးရာတွင် အောက်ပါစမ်းသပ် စစ်ဆေးမှုများ ပါဝင်ပါသည်။

(၁) Tuberculin Test
(၂) သလိပ်စစ်ခြင်း
(၃) ရင်ဘတ်ဓာတ်မှန်ရိုက်ခြင်း
(၄) သွေးစစ်ခြင်း

" တီဘီရောဂါအား ကုသခြင်း "

ဘက်တီရီးယားပိုး အုပ်စုဝင်ဖြစ်သော တီဘီရောဂါပိုးကို ကုသရာတွင် အခြားသော ဘက်တီး ရီးယား ပိုး များကို ကုသခြင်းထက် အချိန်ပိုကြာပါသည်။ သောက်ဆေးဖြင့် ကုသရ ပါသည်။ ပဋိဇီဝသောက်ဆေးများကို အနည်းဆုံး ၆ လမှ ၉ လ အထိ သောက်ရ လေ့ရှိပါသည်။ တီဘီ ရောဂါရှင်၏ အသက်အရွယ်၊ ကျန်းမာရေး အခြေအနေ၊ မတိုးတော့သော ဆေးဝါးများ၊ တီဘီရောဂါအမျိုးအစားနှင့် တီဘီ ရောဂါဖြစ်သည့် ခန္ဓာကိုယ်အစိတ်အပိုင်းတို့အပေါ် မူတည်ကာ သောက်ရမည့်ဆေးပမာဏ၊ သောက်ရမည့် ကာလအပိုင်းအခြားတို့ ကွဲပြားခြားနားသွားပါသည်။

ရောဂါလက္ခဏာ မပြသေးသော တီဘီလူနာများသည် တီဘီဆေးအမျိုးအစား တစ်မျိုးတည်းကို သောက် သုံးရုံဖြင့် လုံလောက်နိုင်ပါသည်။ ရောဂါလက္ခဏာပြသည့် တီဘီလူနာများတွင်မူ တစ်ခါ သောက်လျှင် တီဘီဆေး တစ်မျိုးထက်ပိုကာ သောက်ရလေ့ရှိပြီး ဆေးယဉ် တီဘီ လူနာများ တွင်မူ အမျိုးအစား ပိုမိုသောက် ရ လေ့ရှိပါသည်။ အသုံးအများဆုံးသော တီဘီဆေးများမှာ-

(၁) Isoniazid
(၂) Rifampicin
(၃) Ethambutol
(၄) Pyrazinamide တို့ ဖြစ်ကြပါသည်။

တီဘီဆေးများတွင် အခြားသော ဆေးများနည်းတူ ဘေးထွက်ဆိုးကျိုး ရှိပါသည်။ ယေဘုယျအား ဖြင့် ဘေးထွက်ဆိုးကျိုးကို မပြတတ်သော်လည်း ဘေးထွက်ဆိုးကျိုးခံစားရပြီဆိုပါက ပြင်းထန်နိုင်ပါ သည်။ တီဘီ ဆေး သောက်သုံးနေစဉ်အတွင်း _

(၁) ပျို့အန်ခြင်း
(၂) ခံတွင်းပျက်ခြင်း
(၃) အသားဝါခြင်း
(၄) ဆီးနီ/၀ါခြင်း
(၅) အကြောင်းအရင်း မသိဘဲ သုံးရက်ထက်ပိုကာ ဖျားခြင်း စသည်တို့ကို ခံစားရပါက ဆရာဝန်နှင့် အမြန်ဆုံး တွေ့ဆုံသင့်ပါသည်။

တီဘီဆေးသောက်သုံးပြီး ရက်သတ္တပတ် နှစ်ပတ်ကျော် ကြာလာသောအခါ သူတစ်ပါးသို့ တီဘီရောဂါ မကူးစက်နိုင်တော့ပါ။ ထို့ပြင် ရောဂါလက္ခဏာများ သက်သာသွားပြီး နေရထိုင်ရ သည်မှာ သက်သောင့် သက်သာ ဖြစ်လာပါသည်။ ဤအချိန်သည် အလွန်အရေးကြီးပါသည်။ အဘယ်ကြောင့်ဆိုသော် တီဘီလူနာ သည် နေထိုင်ကောင်းလာပြီး တီဘီဆေးကို ဆက်မသောက်လိုတော့သည့် စိတ်ဆန္ဒ ဖြစ်ပေါ်လာတတ် သောကြောင့် ဖြစ်ပါသည်။

တီဘီဆေး အမျိုးအစား အားလုံးကို သတ်မှတ်ထားသည့်ကာလ ပြည့်မီအောင် တိတိကျကျ သောက်ဖို့ အလွန်အရေးကြီးပါသည်။ တီဘီဆေးသောက်ခြင်းကို ရပ်ချိန်မတိုင်မီရပ်ခြင်းနှင့် တီဘီဆေးကို အချိန်မှန်မှန် မသောက်မိခြင်းများကြောင့် တီဘီပိုးကို ဆေးယဉ်တီဘီပိုး အဖြစ်သို့ ရောက်ရှိစေပါသည်။ ဆေးယဉ်တီဘီ ဖြစ်ပြီဆိုပါက ဆေးမတိုးတော့ဘဲ ပိုမိုအန္တရာယ်ရှိပြီး ပိုမိုကုသရ ခက်ခဲသော တီဘီပိုးအဖြစ်သို့ ရောက်ရှိ သွားပြီ ဖြစ်ပါသည်။

တီဘီဆေးသောက်ဖို့ မမေ့စေရန်အတွက် အစီအစဉ်များ ချမှတ်ဆောင်ရွက်လျက်ရှိရာ လူနာကို နေ့စဉ် တိုက်ရိုက်တွေ့ထိ ဆေးတိုက်သောစနစ် (DOT) ကို ကျင့်သုံးရလေ့ရှိပါသည်။

“ တီဘီရောဂါအား ကြိုတင်ကာကွယ်ခြင်း ”

တီဘီရောဂါ လက္ခဏာ မပြသေးသော်လည်း စမ်းသပ်စစ်ဆေးချက်များအရ တီဘီပိုး ကူးစက်ခံရ သည် ဟု တွေ့ရှိရပါက ရောဂါလက္ခဏာပြသည့် အဆင့်သို့ မရောက်စေအောင် ဆေးဝါးများ ကြိုတင် သောက်သုံး ထားဖို့ လိုအပ်ပါသည်။ ရောဂါလက္ခဏာပြမှ အခြားသူများသို့ ရောဂါကူး စက်နိုင်မည် ဖြစ်သောကြောင့် ရောဂါလက္ခဏာမပြအောင် ဆေးဝါးများ သောက်သုံးခြင်းဖြင့် တီဘီလူနာ၏ ပတ်ဝန်းကျင်မှ သူများကို တီဘီရောဂါ မကူးစက်အောင် ကာကွယ်ထားနိုင်မည် ဖြစ်ပါသည်။

အကယ်၍ တီဘီရောဂါလက္ခဏာပြသော တီဘီလူနာ ဖြစ်ပါက အခြားသူများသို့ မကူးစက်နိုင် သည် အထိ ဆေးဝါးများ သောက်သုံးနေစဉ် အတွင်း အောက်ပါအချက်များကို ပြုလုပ်ခြင်းဖြင့် တီဘီလူနာ ပတ်ဝန်း ကျင်မှ သူများကို ကူးစက်မှု လျော့နည်းအောင် ဆောင်ရွက်နိုင်မည် ဖြစ်ပါသည်။

(၁) အိမ်မှာနေပါ။

လူထူထပ်သည့် နေရာများဖြစ်သော အလုပ်၊ ကျောင်း စသည်တို့ကို မသွားဘဲ တစ်သီးတစ်သန့် နေထိုင် ခြင်းဖြင့် အခြားသူကို ကူးစက်မှု လျှော့ချနိုင်ပါသည်။

(၂) လေ၀င်လေထွက်ကောင်းပါစေ။

အလုံပိတ်အခန်းအတွင်းနေထိုင်ခြင်းဖြင့် အခန်းထဲတွင် တီဘီရောဂါပိုးများ ပိုမိုသိပ်သည်းစွာ ပျံ့နှံ့နေနိုင် ပါသည်။ ထို့ကြောင့် အခန်းအား လေ၀င်လေထွက်ကောင်းအောင် တံခါးချပ်များ ဖွင့်ဟထားသင့် ပါသည်။ တံခါးဖွင့်ပြီး ပန်ကာဖွင့်ထားပါက ပိုမိုထိရောက်မှု ရှိပါသည်။

(၃) ပါးစပ်ကို ကာကွယ်ထားပါ။

တီဘီလူနာ ရယ်မောသောအခါ၊ နှာချေသောအခါ၊ ချောင်းဆိုးသောအခါ တစ်ရှူး သို့မဟုတ် လက်ကိုင် ပ၀ါဖြင့် ပါးစပ်ကို ဖုံးအုပ်ထားရပါမည်။ ထို့နောက် လုံအောင်ပိတ်ကာ စွန့်ပစ်ရပါမည်။

(၄) နှာခေါင်းစည်း စည်းပါ။

ခွဲစိတ်ခန်းများတွင် အသုံးပြုသည့် နှာခေါင်းစည်းကဲ့သို့ နှာခေါင်းနှင့် ပါးစပ်ကို လုံအောင် ကာကွယ်နိုင် သည့် နှာခေါင်းစည်းများ စည်းထားသင့်ပါသည်။ တစ်ခါသုံး နှာခေါင်းစည်းများကို ဈေးပေါပေါဖြင့် ၀ယ်ယူရရှိနိုင် ပါသည်။ အထက်ပါအချက်များကို ဆောင်ရွက်ရမည့်အပြင် တီဘီ လူနာသည် ဆေးကို သတ်မှတ်ရက် ရောက် သည်အထိ အပြည့်သောက်ရပါမည်။ ဆေးကို လိပ်ပတ်လည်အောင်သောက်ခြင်းသည် တီဘီ လူနာနှင့် တကွ ဘေးပတ်ဝန်းကျင်ရှိ လူများအား လုံးကို ကောင်းကျိုးဖြစ်စေပါသည်။

ကလေးသူငယ်များတွင် ပြင်းထန်သော တီဘီရောဂါ မဖြစ်ပွားစေရန်အတွက် တီဘီရောဂါ ကာကွယ်ဆေး ထိုးထားသင့်ပါသည်။ သတိပြုရန်မှာ BCG ကာကွယ်ဆေးသည် ကလေးသူငယ် များတွင်သာ အာနိသင်ထိ ရောက်မှုရှိပြီး လူကြီးများတွင် အာနိသင်အပြည့်အ၀မရရှိသောကြောင့် လူကြီးများတွင် ကာကွယ်ဆေး အနေနှင့် အသုံးမပြုသင့်ပါ။ ပိုမိုအစွမ်းထက်သော တီဘီရောဂါ ကာကွယ်ဆေးများ ရရှိရန်အတွက် သိပံ္ပ ပညာရှင်များက သုတေသနပြုလုပ်လျှက်ရှိပါသည်။

ပရိသတ်များ ကြောက်မက်ဖွယ်ကောင်းသော တီဘီရောဂါအန္တရာယ်မှ ကင်းဝေးနိုင်ကြပါစေ။

ဒေါက်တာကောင်းမြတ်သာ

…………………………………………………………………………………………..

Friday, January 17, 2014

တီဘီရောဂါ မဖြစ်အောင် သင့်နှာခေါင်းနှင့် ပါးစပ်ကို ကာကွယ်ရန် မရှက်ပါနှင့်

ခရီးသည် အပြည့်ဖြင့် ဝရုန်းသုန်းကား မောင်းနှင်လာသော မီနီဘတ်စ် ပေါ်သို့ မစီးချင် သော်လည်း ရုံးချိန်နီးနေပြီဖြစ်၍ မိမိခိုင် တစ်ယောက် ခုန်တက်လိုက်ရ သည်။
ပြည့်ကျပ် နေ သော လူများအကြား တိုးဝှေ့ရင်းပင် မတ်တတ်ရပ်ရန် နေရာ လေးကို ထိုင်ခုံများ ရှေ့ဘက်၌ အလျင်စလို ယူလိုက်ရသည်။မိမိခိုင် ရှေ့မှ ထိုင်ခုံ၌ အသက်လေး ဆယ်အရွယ် အဒေါ်ကြီး တစ်ဦးထိုင်နေ သည်။ အဒေါ်ကြီး လက်ထဲ၌ အထုပ်တစ်ထုပ် ကိုင်ထားသဖြင့် အိမ်မှထည့် လာသော ထမင်းချိုင့်လေးကို အသာအယာ အောက်ရို့၍ ဆွဲထားလိုက်တော့ သည်။ လက်တစ်ဖက်မှလည်း တစ်ချက်တစ်ချက် ကားဆရာ ဆောင့်နင်း လိုက်သော ဘရိတ်စာ မမိစေရန် လက်ကိုင်တန်းကို အမိအရ ဆွဲထားရသည်။
ယင်း အနေအထားတွင် ”အဟွတ် အဟွတ်” ဆိုသော ကျယ်လောင်သည့် ချောင်းဆိုးသံ သည် မိမိခိုင် မျက်နှာ ရှေ့တည့်တည့်မှ ထွက်ပေါ်လာသည်။ သူမ ရှေ့မှ အဒေါ်ကြီးက အားပါးတရ ချောင်းဆိုးလိုက်ခြင်း ဖြစ်သည်။ ချက်ချင်း ဆိုသလိုပင် မိမိခိုင်သည် မျက်နှာကို ကားအပေါ် လက်ကိုင်တန်း ကိုင်ထားသော လက်ဖြင့်ပြေးကပ်၍ နှာခေါင်း ပိတ်ထားလိုက်သည်။

သူ၏ လုပ်ရပ်ကို အနားမှ လူတ ချို့နှင့် ရှေ့မှ အဒေါ်ကြီး ကတော့ မနှစ် မြို့ဟန်ဖြင့် ကြည့်နေ ကြသည်ကို မိမိသိနေသည်ဟု မမိမိခိုင် က ပြန်ပြောပြ သည်။

”ကျွန်မ ဘယ်လိုမှ သည်းမခံနိုင်ဘူး။ သူတို့မှာသာ တီဘီရှိခဲ့ရင် ကျွန်မက နောက်တစ်ကြိမ် ထပ်ပြီးဆေးသောက်ရဦးမှာ။ သူတို့မှာ ရှိမရှိ ကျွန်မလည်း မသိဘူး။ သူတို့လည်းမသိဘူး။ ကိုယ်ဖြစ်ရင် ကိုယ်ပဲခံရမှာ” ဟူသော အတွေးဖြင့် အကြည့်များကို ဂရုမစိုက်သည့်ဟန် လုပ်ခံခဲ့ရသည်ကို သူမက ဆိုသည်။

မိမိခိုင် သည် အစိုးရ ရုံးဌာနတွင် အလုပ်လုပ်နေသော စာရေးမ တစ်ဦးဖြစ် သည်။ ၄င်းတို့ မိသားစု ငါးယောက်အနက် သူမအဖေနှင့် စုစုသာ ဝင်ငွေရှိပြီး အငယ် နှစ်ဦးမှာ တက္ကသိုလ် တက်နေကြသူများဖြစ်သည်။

ခန္ဓာကိုယ် ပြည့်ပြည့်ဖြိုးဖြိုး၊ အရပ် ထောင်ထောင်မောင်းမောင်း ရှိသည့် မိမိခိုင်သည် တဖြည်းဖြည်း ပိန်လာခဲ့ပြီး ချောင်းလေး တဟန့်ဟန့်နှင့် ညနေတိုင်း အဖျားလေး တငွေ့ငွေ့မှ စတင်ကာ ရောဂါလက္ခဏာ ပြလာခဲ့ကြောင်း လွန်ခဲ့သော တစ်နှစ်ကျော်က သူမခံစားခဲ့ ရသည့်ဖြစ်ရပ်ကို ပြောပြသည်။

”အဲဒီတုန်းက ရာသီဥတု ပြောင်းချိန်လည်းဖြစ်တယ်။ မောတာလည်း အရမ်း မောတတ်တယ်။ အလုပ်ပင်ပန်းလို့ပါလို့ပဲ တွေးတာပေါ့။ ချောင်းကလည်း အရမ်းကြီး မဆိုးတော့ တီဘီလို့တော့ ဘယ်ထင်မိမလဲ”ဟု မိမိခိုင်ဆိုသည်။

နှစ်ပတ်ကျော် သုံးပတ်နီးပါး ချောင်းဆိုးချိန်မှာတော့ သွေးများ ပါလာခဲ့သည်။ ချောင်းဆိုသွေး ပါလာသည့် အချိန်မှသာ ကြောက်လန့်တကြားဖြင့် ဆေးခန်း ပြေး ခဲ့ခြင်းဖြစ်ကြောင်း သူမက ပြောပြသည်။

”တက္ကသိုလ်တက်နေတဲ့ ညီမနှစ်ယောက် စရိတ်နဲ့ အိမ်စရိတ်ကိုငဲ့ပြီး ဆေးခန်း စောစော မသွားလိုက်တာ”ဟု သူမက ပြောသည်။

တီဘီရောဂါပိုးသည် ရောဂါပိုးရှိ သူနှာချေခြင်း၊ ချောင်းဆိုးခြင်း၊ တံတွေး၊ သလိပ်မှ တစ်ဆင့် ပိုးများ လေထဲတွင် ပျံ့နှံ့ပြီး တခြားသူများထံသို့ ကူးစက် သည်။

ခန္ဓကိုယ် ခုခံအား ကောင်းမွန်သူများတွင် တီဘီရောဂါပိုး ဝင်ရောက်လာပါက ရောဂါမဖြစ်ပေါ်ဘဲ ငုပ်လျှိုးနေအောင် ခုခံထားနိုင်သည်။ ခန္ဓာကိုယ် ခုခံအား လျော့နည်းလာပါက ငုပ်လျှိုးနေသော တီဘီရောဂါပိုးများ ပြန်လည်ပွားများ လာပြီး တီဘီရောဂါ လက္ခဏာများ ပေါ်ပေါက်လာတတ်သည့် ရောဂါဖြစ် သည်။

မြန်မာနိုင်ငံ လူဦးရေ တစ်သိန်း တွင် ၁၇၂ ဦး တီဘီ ရောဂါဖြစ်ပွားမှုရှိ ကြောင်း၊ နှစ်စဉ် တီဘီရောဂါ လူနာသစ် တစ်သိန်းကျော် တွေ့ရှိရကြောင်း၊ မြို့ပြနှင့် တိုင်းဒေသကြီးများတွင် တီဘီရောဂါပို၍ အဖြစ်များကြောင်း၊ ကျန်းမာရေး ဝန်ကြီးဌာန၏ ထုတ်ပြန်ချက်များအရ သိရသည်။

တီဘီရောဂါနှင့် ပတ်သက်၍ ကမ္ဘာ့ကျန်းမာရေးအဖွဲ့သို့ အစီရင်ခံသည့် ၁၉၈ နိုင်ငံအနက် တီဘီအဖြစ် အများဆုံး ၂၂ နိုင်ငံတွင် လည်းကောင်း၊ ဆေးယဉ် ပါး တီဘီအဖြစ် အများဆုံး ၂၇ နိုင်ငံတွင် လည်းကောင်း၊ တီဘီ၊ HIV အဖြစ် အများဆုံး ၄၁ နိုင်ငံတွင် လည်းကောင်း မြန်မာနိုင်ငံ ပါဝင်နေကြောင်း ယင်း အဖွဲ့၏ ထုတ်ပြန်ချက်အရ သိရသည်။

”တီဘီရောဂါက ကုသလို့ ရတယ်။ ဆေးလည်း အခမဲ့ရတယ်။ ဒါပေမဲ့ ဆေး ကုရပြီ ဆိုကတည်းက ခန္ဓာကိုယ်မှာ အ နည်းနဲ့ အများတော့ ထိခိုက်မှာပဲ။ မဖြစ် အောင် ကာကွယ်နိုင်တာ အကောင်းဆုံး ပဲ”ဟု တီဘီရောဂါ ဆေးပေးခန်းမှ အထွေ ထွေရောဂါကု ဆရာဝန် တစ်ဦးက ပြော သည်။

သာမန် တီဘီရောဂါ ဆိုပါက (DOTS) ကုထုံးဖြင့် ၆ လ၊ ၈ လ ဆေး သောက်ရုံဖြင့် ပျောက်ကင်း သော်လည်း ဆေးယဉ်ပါး တီဘီရောဂါ ဆိုပါက ရောဂါ ရှာဖွေရာတွင် လည်းကောင်း၊ ကုသရာတွင် လည်းကောင်း ပိုမိုခက်ခဲ၍ ငွေကုန် ကြေးကျများသည်။

တီဘီဆေးကုသမှု ပေးရာတွင် ဆေးကုထုံးနှင့် မလျော်ညီဘဲ ကုသခြင်း၊ ဆေးဝါး အချိန်အဆနှင့် အကြိမ်ရေ မမှန်ကန်ခြင်း၊ ဆေးဝါး အရည်အသွေး နိမ့် ကျခြင်း၊ ညွှန်ကြားသည့် အတိုင်း စနစ်တကျ အချိန်မှန် ဆေးမသောက် ခြင်း၊ ကျန်းမာရေး ဝန်ထမ်းများက ဆေးရပ် မပေးမီ မိမိသဘောနှင့် ဆေးသောက်မှု ရပ်တန့်လိုက်ခြင်းနှင့် ဆေးယဉ်ပါး တီဘီရောဂါ ရှိသူထံမှ တိုက်ရိုက် ကူးစက်ခံရခြင်းသည် ဆေးယဉ်ပါး တီဘီရောဂါ ဖြစ်စေသည့် အကြောင်းရင်းများပင် ဖြစ်ကြောင်း အထက်ပါ ဆရာဝန်က ပြောသည်။

မြန်မာနိုင်ငံ၌ တီဘီ လူနာသစ်များတွင် ဆေးယဉ်ပါး တီဘီရောဂါဖြစ်ပွားမှု ၄ ဒသမ ၂ ရာခိုင်နှုန်း ရှိပြီး တီဘီ လူနာဟောင်း များတွင် ဆယ်ရာခိုင်နှုန်း အထိ ရှိကြောင်း သိရသည်။

မြန်မာနိုင်ငံသည် တီဘီရောဂါ ဖြစ်ပွားမှုများသော နိုင်ငံများထဲတွင် ပါဝင် နေခြင်းနှင့် တီဘီရောဂါသည် အသက်ရှူ လမ်းကြောင်းမှ တစ်ဆင့်ကူးစက် နိုင်သည့် ရောဂါတစ်ခု ဖြစ်သည့်အတွက် ရောဂါဖြစ်မှ ကုသမှု ခံယူခြင်းထက် မိမိတွင် ရောဂါကူးစက် မခံရစေရန် နေထိုင်မှုပုံစံ အပြုအမူများကို ပြုပြင် ပြောင်းလဲသင့်ကြောင်း အထက်ပါ ဆရာဝန်က ပြောသည်။

”ချောင်းဆိုးရင်၊ နှာချေရင် အုပ်ရမယ်။ လက်နဲ့အုပ်ရမယ်။ ပုဝါနဲ့အုပ်ရမယ်။ သူများနိုင်ငံတွေမှာ ချောင်းဆိုးရင် အုပ်ပြီးမဆိုးရင် ရိုင်းရာကျတယ်။ ယဉ်ကျေးမှု မရှိဘူး လို့ မြင်ကြတယ်။ ဒီမှာတော့ ဖွင့်ဆိုးနေကြတယ်။ လူတိုင်း ဖွင့်ပြီး ဆိုးရင် ပိုဆိုးကြမယ်။ သလိပ်ပိုးတွေ့ လူနာကပါ ဖွင့်ဆိုးရင် သွားပြီ ပေါ့။ တီဘီရှိရှိ၊ မရှိရှိ ချောင်းဆိုးရင် အုပ်ဆိုးတဲ့ ယဉ်ကျေးမှုလေး ရစေချင် တယ်”ဟု မြောက်ဥက္ကလာပ တီဘီဆေးခန်းမှ ဒေါက်တာ အေးအေးမူက ပြောသည်။

တီဘီရောဂါ ကူးစက် ပြန့်ပွားစေရန် အားပေးသည့် အခြေအနေ များမှာ လူထူ ထပ်များပြားပြီး မှောင်မိုက်သည့် နေရာများတွင် အချိန် ကြာရှည် နေထိုင် ရခြင်း၊ အာဟာရ ချို့တဲ့ခြင်း နှင့် HIV ကူးစက်ခံထားရခြင်းတို့ ဖြစ်သည်။

  မြန်မာနိုင်ငံ၏ မြို့ကြီး တစ်ခုဖြစ် သည့် ရန်ကုန်မြို့ ဆိုပါကလည်း နေထိုင် သည့် လူဦးရေ ထူထပ် များပြားလှသည်။ ၄င်းအပြင် မြို့တွင်း နေ့စဉ် ပြေးဆွဲနေသော ယာဉ် ၅ဝဝဝ နီးပါး ကို ရန်ကုန်မြို့ ရှိ ၂ ဒသမ ၃ သန်းသော လူဦးရေ တို့ သည် သုံးစွဲနေကြရသည်။

ဟိုင်းလတ်မှ အစ အထူး ယာဉ်လိုင်း များပေါ်ထိ ပြည့်သိပ်နေသော ခရီး သည် များကို နေ့စဉ်တွေ့မြင်နေရသည်။ လေတဖြူးဖြူး အေးအေးလူလူ စီးဖို့ မဆိုထားနှင့် မတ်တတ် ရပ်စီးရန်ပင် အပြေးအလွှာ လိုက်နေရသည်။

ဘတ်စ်ကားကျပ်ကျပ်စီး နေကြသူတိုင်းသည် မိမိရှေ့တွင် ချောင်းကို အား ရပါးရ ဖွင့်ဆိုးနေသည်ကို ကြုံဖူးကြလိမ့်မည်။

”တကယ်လို့ ဘတ်စ်ကားပေါ် မှာ သလိပ်ပိုးတွေ့ လူနာတစ်ယောက်ပါ လာမယ်။ သူက ချောင်းဆိုးလိုက်ရင် လေထဲမှာ သန်းပေါင်းများစွာသော ပိုး တွေက ၁ နာရီ ပေ ၆ဝ နှုန

https://www.facebook.com/momopmm/photos/a.1491075344484926.1073741828.149057