ရာသီဥတုပြောင်းလဲခြင်းနှင့်အတူ တစ်ခါတစ်ရံ နွေးပြီး တစ်ခါတစ်ရံ စိတ်ကျေနပ်ဖွယ် အပူချိန်ပြောင်းလဲမှုများ နေ့တိုင်းကြုံတွေ့နေရသည်။ ရာသီဥတုအေးလာခြင်းနှင့်အတူ ဆောင်းရာသီတွင် ကာကွယ်သင့်သည့် ကျန်းမာရေးအခြေအနေ အနည်းငယ်ရှိသည်။ ထို့ကြောင့် ဆောင်းရာသီတွင် ခန္ဓာကိုယ်အတွက် လိုအပ်သည့် ဗီတာမင်များကို ဖော်ပြပေးလိုက်ပါသည်။
ဆောင်းဝင်လာလျှင် အအေးမိ၊ ချောင်းဆိုး၊ ငှက်ဖျားနှင့် တုပ်ကွေးရောဂါတို့ကဲ့သို့ ကူးစက်ရောဂါများဖြစ်တတ်ကြသည်။ ဗီတာမင်စီတွင် သဘာဝအတိုင်း ဓာတ်တိုးဆန့်ကျင်ပစ္စည်းများ ပါဝင်သဖြင့် ကိုယ်ခံအားကို မြှင့်တင်ပေးနိုင်သည်။ ဗီတာမင်စီတွင် ခန္ဓာကိုယ်၏ အရိုးအဆစ်များ၌ တွေ့ရသော ပရိုတိန်းဓာတ်ကို အားကောင်းစေနိုင်သည့်ပစ္စည်းပါဝင်ပြီး အရေပြားတည်ဆောက်မှုကို အကူအညီပေးနိုင်သည်။ လိမ္မော်သီး၊ ရှောက်ချိုသီး၊ သံပရာသီးတို့ကဲ့သို့ အချဉ်ဓာတ်ပါဝင်သော သစ်သီးများအပြင် စွန်ပလွံသီးနှင့် ပင်စိမ်းစေ့တို့ကဲ့သို့ ဟင်းသီးဟင်းရွက်များတွင် ဗီတာမင်စီပါဝင်သည်။ ယနေ့ခေတ်တွင် အသင့်ဝါးစားနိုင်သော ဗီတာမင်စီဆေးလုံးများကို ဆေးဆိုင်များ၌ ၀ယ်ယူရရှိနိုင်သည်။
ဗီတာမင်ဒီကို ခန္ဓာကိုယ်က အမြဲလိုအပ်သော်လည်း ဆောင်းရာသီတွင် အပူချိန်ကျဆင်းမှုကြောင့် ခန္ဓာကိုယ်က ဗီတာမင်ဒီကိုပို၍လိုအပ်သည်။ နေရောင်အောက် ခဏကြာထွက်ပေးရန်မှာ အလွန်အရေးကြီးသည်။ ဆောင်းရာသီအတွင်း အရိုးများ ထိခိုက်တတ်ပြီး လူများစွာမှာ ဆောင်းရာသီအတွင်း အဆစ်နာကျင်မှု ဝေဒနာများခံစားရလေ့ရှိသည်။ ထို့ကြောင့် လုံလောက်သော ဗီတာမင်ဒီသောက်သုံးရန် လိုအပ်သည်။ အသက် (၇၀) အောက် လူတစ်ယောက်အနေဖြင့် တစ်နေ့လျှင် အနည်းဆုံးမိနစ် ၃၀ ခန့် အထူးသဖြင့် နံနက်စောစော နေရောင်နှင့်ထိတွေ့ပေးရန်လိုကြောင်းဆရာဝန်များက ပြောသည်။
နေရောင်ခြည် ထိတွေ့ပေးခြင်းဖြင့် ဗီတာမင်ဒီရရှိနိုင်သော်လည်း ဗီတာမင်ဒီပါဝင်သော နို့နှင့် နှံစားသီးနှံဖြင့် ပြုလုပ်ထားသော စားစရာများ စားပေးရန် လိုအပ်သည်။
ဗီတာမင်အီးတွင် စိုစွတ်စေသော ဓာတ်ပစ္စည်းများပါဝင်သဖြင့် အသားအရေအတွက် အထောက်အကူပြုသည်။ ဆောင်းရာသီတွင် အရေပြားများ ခြောက်သွေ့လေ့ရှိသောကြောင့် ခန္ဓာကိုယ်အတွက် ဗီတာမင်အီးလိုအပ်သည်။
အသားနှင့် ငါးတို့အပြင် ဒေါက်ခွရွက်၊ ပန်းဂေါ်ဖီစိမ်းတို့ကဲ့သို့ ဟင်း သီးဟင်းရွက်များတွင် ဗီတာမင်အီးပါဝင်သည်။ ထို့ပြင် မန်ကျည်းသီးကဲ့ သို့ အခွံမာသီးများတွင်လည်း ဗီတာမင်အီး ပါဝင်သည်။
ဆောင်းရာသီအတွင်း ဗီတာမင်ဘီ-၁ မှ ဘီ-၁၂ အထိ ဗီတာမင်ဘီ အုပ်စုများ ခန္ဓာကိုယ်အတွက် မဖြစ်မနေ လိုအပ်သည်။ ဥပမာ ဗီတာမင် ဘီ-၆ ကို အသားအရည် နူးညံ့ချောမွေ့စေရန်နှင့် နှုတ်ခမ်းကွဲခြင်း ကာကွယ်ရန် သောက်သုံးနိုင်သည်။ အရေပြားခြောက်သွေ့အက်ကွဲခြင်းများ အတွက်လည်း ဗီတာမင်ဘီအုပ်စုများ သောက်ပေးသင့်သည်။ ဗီတာမင်ဘီအုပ်စုမှာ ဥများ၊ ဟင်းရွက်များ၊ ကြက်အသည်း၊ ငါး စသည်တို့တွင် ပါဝင်သည်။
အိုမီဂါ ၃ မှာ ဗီတာမင်မဟုတ်သော်လည်း ဆောင်းရာသီအတွင်း အထူးလိုအပ်သော ဓာတ်တစ်မျိုး ဖြစ်သည်။ အိုမီဂါ ၃ ဖက်တီး အက်စစ်များက သွေးအတွင်း ကိုလက်စထရောပါဝင်မှုကို ထိန်းညှိ ပေးသဖြင့် ခန္ဓာကိုယ်ကျန်းမာနေစေရန် အထောက်အကူပြုသည်။အိုမီဂါ ၃ က အကြောအခြင် တောင့်တင်းခြင်းနှင့် အဆစ်နာခြင်းတို့ကိုလည်း သိသိသာသာ လျှော့ချပေးသည်။ ခန္ဓာကိုယ်ထဲရှိ ကယ်လ်ဆီယမ်ပါဝင်မှုကို အားကောင်းစေပြီး အရိုးများအားကောင်းစေရန်လည်း အထောက်အကူပြု သည်။ နှမ်းကြတ်စေ့များတွင် အိုမီဂါ ၃ ဖက်တီးအက်စစ်များ ကြွယ်ဝ စွာပါဝင်ပြီး ဆယ်လ်မွန်ငါး၊ တူနာငါး၊ ငါးသေတ္တာငါးတို့တွင်လည်း အိုမီဂါ ၃ ဖက်တီးအက်စစ်များ ပါဝင်သည်။
-TOI
No comments:
Post a Comment