ဘာကြောင့် ခန္ဓာကိုယ်ဝိတ် မကျရတာလဲ

(အောင်ဟိန်းခိုင်၊ NewsWatch ဂျာနယ်)

ယနေ့ခေတ်မှာ ခန္ဓာကိုယ်အလေးချိန်များလာခြင်းနှင့် ဝိတ်တက်လာခြင်းကို သတိပြုမိလာကြသည့် လူအများစုဟာ သက်ဆိုင်ရာ လေ့ကျင့်ခန်းများပြုလုပ်ခြင်းနှင့် အားကစားခန်းမများသို့သွားရောက်ကာ ခန္ဓာကိုယ်အလေးချိန်ကိုလျော့ချဖို့ပြုလုပ်ကြလျက်ရှိပါတယ်။ အများစုက ခန္ဓာကိုယ်ဝိတ်ချခြင်းမှာ အထိရောက်ဆုံးလေ့ကျင့်ခန်းဖြစ်သည့် အပြေးလေ့ကျင့်ခန်းကို ပြုလုပ်ကြသော်လည်း လက်ရှိမြန်မာနိုင်ငံတွင် အများစုမှာ အပြေးလေ့ကျင့်ရန်နေရာရှားပါးခြင်းနှင့် အပြေးလေ့ကျင့်မှုပြုလုပ်နိုင်သော နေရာများသို့ တကူးတကသွားရောက်ရခြင်းနှင့် အခြားသော အခက်အခဲအချို့ကြောင့် အပြေးလေ့ကျင့်ခန်းကို ပြုလုပ်ကြခြင်းမရှိပါဘူး။ အပြေးလေ့ကျင့်ခန်းပြုလုပ်နိုင်ခြင်းမရှိကြသူအများစုဟာ မိမိတို့နှင့်နီးစပ်ရာ ကိုယ်ကာယလေ့ကျင့်ရေးခန်းမများသို့ သွားရောက်ကြပြီး အပြေးစက်ဖြင့်လေ့ကျင့်ခြင်းနှင့် အခြားသောလေ့ကျင့်ခန်းအချို့ကိုသာ အချိန်အတိုင်းအတာတစ်ခုအထိပြုလုပ်ကြရပါတယ်။ 

၎င်းကဲ့သို့ လေ့ကျင့်ခန်းများပြုလုပ်ရာမှာ အချို့လူများက ထိထိရောက်ရောက် ခန္ဓာကိုယ်ဝိတ်ကျပြီး အချို့မှာတော့ ထိရောက်မှုအားနည်းတာကို NewsWatch ဂျာနယ်ပရိတ်သတ်ကြီး သတိပြုမိမှာပါ။ ထိရောက်မှုအားနည်းရခြင်း၏အဓိကအကြောင်းရင်းကို ထောက်ပြရမယ်ဆိုရင် လူတစ်ယောက်ရဲ့ နေထိုင်ပုံနှင့် စားသောက်ပုံ အလေ့ကျင့်များကိုသာ ညွှန်းပြပေးရမှာဖြစ်ပြီး မျိုးရိုးဗီဇနှင့် အခြားသော ကျန်းမာရေးသက်ရောက်များကလည်း ခန္ဓာကိုယ်အလေးချိန်လျော့ကျမှု နှေးကွေးရခြင်း၏ အကြောင်းအရင်းအဖြစ် အစိတ်အပိုင်းအဖြစ်ပါဝင်နေတာတွေ့ရပါတယ်။ မည်သို့သော နေထိုင်ပုံအလေ့ကျင့်ဆိုးတွေက မိမိတို့ရဲ့ ခန္ဓာကိုယ်အလေးချိန်လျော့ကျမှုမှာ အဟန့်အတားဖြစ်စေသလဲဆိုသည်ကို သိရှိထားမည်ဆိုပါက ကျန်းမာလှပပြီး မြင်သူတကာငေးမောရသည့် ခန္ဓာကိုယ်အလှပိုင်ရှင်များဖြစ်လာရေးအတွက်ကြိုးပမ်းမှုမှာ အထောက်အကူဖြစ်လာစေမှာဖြစ်ပါတယ်။ ဒါကြောင့် NewsWatch ဂျာနယ်ပရိတ်သတ်ကြီးအနေဖြင့် ခန္ဓာကိုယ်အလေးချိန်လျှော့ချနေသူတစ်ယောက်ဖြစ်ပြီး ဘာကြောင့် ဝိတ်မကျရလဲဆိုတဲ့အချက်အပေါ်သံသယဝင်နေသူတစ်ယောက်ဖြစ်နေမယ်ဆိုရင်တော့ အောက်ဖော်ပြပါ နေထိုင်ပုံအချက်အလက်များကို သတိပြုသင့်ပါတယ်။

၁။ ခန္ဓာကိုယ် ဟောမုန်းဓါတ် မညီမျှခြင်း
ခန္ဓာကိုယ်အလေးချိန် လျော့ချလျက်ရှိသောအမျိုးသမီး ပရိတ်သတ်များ အထူးသတိပြုရမည့်အချက်က မိမိတို့အနေဖြင့် ရာသီသွေးဆင်းချိန်မမှန်ခြင်း၊ မောပန်းခြင်း၊ စိတ်ဓါတ်ကျခြင်းနှင့် စိတ်တိုလွယ်ခြင်း အစရှိသည့်ကျန်းမားရေးဆိုးကျိုးများကိုဖြစ်ပေါ်စေတတ်သည့် ခန္ဓာကိုယ်အတွင်း ဟော်မုန်းဓါတ်မညီမျှမှုသည် ခန္ဓာကိုယ်အလေးချိန်လျော့ခြင်းဖြစ်စဉ်မှာလည်း အနှောင့်ယှက်ဖြစ်စေသည်ဆိုသည့် အချက်ပင်ဖြစ်သည်။ ၎င်းကဲ့သို့ ဟော်မုန်းဓါတ်မညီမျှခြင်းကိုခံစားနေရပါက နီးစပ်ရာဆရာဝန်များနှင့်အမြန်ဆုံးပြသသင့်ပြီး သင့်တော်သည့် ကုသမှုများကို ခံယူခြင်းက အကောင်းနည်းလမ်းပင်ဖြစ်သည်။

၂။ ဗိုက်တာမင် ဒီ လုံလောက်စွာမရရှိခြင်း
ယနေ့ခေတ်လူဦးရည်၏ အချိုးစားအများစုဟာ ဗိုက်တာမင်ဒီဓါတ်ကို ကြွယ်ဝစွာရရှိခြင်းမရှိကြပါဘူး။ ၎င်းအချက်ကို လူအများစုက အရေးကြီးသောကျန်းမာရေးပြစ်ချက်အဖြစ် သတ်မှတ်ထားခြင်းမရှိသော်လည်း ဗိုက်တာမင် ဒီ ဓါတ်လုံလောက်စွာမရရှိခြင်းသည် ခန္ဓာကိုယ်အလေးချိန်တိုးခြင်းနှင့် အခြားသာ ဇီဝကမ္မဖြစ်စဉ်များနှင့်ဆက်စပ်မှုရှိနေသည်ကို သတိချပ်သင့်ပါတယ်။ ဒါကြောင် မိမိတို့ဗိုက်တာမင် ဒီ ဓါတ် ပမာဏကို ရံဖန်ရံခါသက်ဆိုင်ရာ ဆရာဝန်များနှင့် စစ်ဆေးပေးသင့်ပါတယ်။

၃။ လေ့ကျင့်ခန်းပြုလုပ်သော်လည်း ခန္ဓာကိုယ်အတွက် သက်ရောက်မှုမရှိခြင်း
လေ့ကျင့်ခန်း အလွန်အကျူးပြုလုပ်ခြင်းသည် ခန္ဓာကိုယ်ကိုပင်ပန်းနွမ်းနယ်ခြင်းနှင့် ဒါဏ်ဖြစ်စေသည်ကို သတိပြုသင့်သည်။ သက်သေပြချက်တစ်စုံတစ်ရာမရှိသော်လည်း လက်တွေ့ဘဝတွင် မိမိတို့ ခန္ဓာကိုယ်မှ တတ်စွမ်းနိုင်သည်ထက် လေ့ကျင့်ခန်းကိုအလွန်အကျူးပြုလုပ်သူများသည် ခန္ဓာကိုယ်အလေးချိန်ပိုတိုးလာသည်ကိုသာ တွေ့ရမည်ဖြစ်သည်။ ဒါကြောင့် ခန္ဓာကိုယ်အလေးချိန်လျော့ကျဖို့ရန်လေ့ကျင့်ခန်းများဖြစ်ကြသည့် ခန္ဓာကိုယ်လေ့ကျင့်ခန်းပြုလုပ်ခြင်း၊ ရောဂ ကျင့်ခြင်း စသည့်လေ့ကျင့်ခန်းများကို မိမိတို့ခန္ဓာကိုယ်မှ တတ်စွမ်းသလောက်သာ ပုံမှန်ပြုလုပ်သင့်ပါတယ်။

၎။ အစာချေခြင်းနှင့် အဟာရဓာတ်စုပ်ယူမှု ကျန်းမာရေးမကောင်းခြင်း
မိမိတို့ပါးစပ်မှ စားသောက်လိုက်သောအစားအစာအားလုံးဟာ လည်ပင်းမှတစ်ဆင့် အစာပြွန်လမ်းကြောင်းအတိုင်း အစာအိမ်ထဲသို့ရောက်ရှိသွားကာ ထိုမှတစ်ဆင့် အူလမ်းကြောင်းမှတစ်ဆင့် ၎င်းအစားအစာမှအဟာရဓါတ်များကိုခန္ဓာကိုယ်အတွက်စုပ်ယူသည့်ဖြစ်စဉ်ကို ပရိတ်သတ်များသိရှိဖြစ်ပါလိမ့်မယ်။ ဒါကြောင့် အူလမ်းကြောင်းကျန်းမာရေးသည်လည်း လူတစ်ယောက်အတွက် အရေးကြီးပြီး ခန္ဓာကိုယ်အလေးချိန်တိုးပွားခြင်းနှင့် ဆက်စပ်နေသည်ကို သတိပြုသင့်ပါတယ်။

၅။ အထိုင်များခြင်း
ခန္ဓာကိုယ် အလေးချိန်တိုးပွားနှင့်ပတ်သက်သော ခန္ဓာကိုယ်အနေအထိုင်အဖြစ် အထိုင်များခြင်းကပါဝင်ပတ်သက်လျက်ရှိပါတယ်။ တစ်နေ့လုံး ခန္ဓာကိုယ်ကို လှုပ်ရှားဖြင်းမပြုလုပ်ဘဲ ထိုင်နေခြင်းက ခန္ဓာကိုယ်ကျန်းမာရေးအတွက် ဆိုးကျိုးသာဖြစ်ထွန်းစေပါတယ်။ အချို့သော ရုံးအလုပ်များက မိမိတို့ကို ထိုင်ခုံမှာသာ နေတယ်စေတယ်ဆိုသော်လည်း တစ်နာရီလျှင် သင့်တင့်လျှောက်ပတ်သော လမ်းလျှောက်ချိန်ကို မိမိကိုယ်တိုင် ဖန်တီးသင့်ပါတယ်။ အကြောင်းအမျိုးမျိုးကြောင့် မကြာခဏလမ်းလျှေက်ခွင့်မရရှိခဲ့သော် နေ့ခင်းထမင်းစားနားချိန်များတွင် မိနစ် ၂၀ ခန့်လမ်းလျှောက်ပေးခြင်းအားဖြင့် ခန္ဓာကိုယ်အလေးချိန်တိုးပွားခြင်းနှင့် ကျန်းမာရေးကို ထိန်းသိမ်းသင့်ပါတယ်။

၆။ ကျန်းမာရေးကို ကောင်းကျိုးပြုသောအဆီများကို မစားသောက်ခြင်း
တိရစ္ဆာန်မှရရှိသော အဆီများနှင့် အချို့သောအဆီများဟာ လူ့ကျန်းမာရေးအတွက် ဆိုးကျိုးများဖြစ်ပေါ်စေတတ်သော်လည်း ကျန်းမာရေးကိုအထောက်အကူဖြစ်စေသည့် အဆီဓါတ်များသည် မိမိတို့၏ ဦးနှောက်ကျန်းမာရေးနှင့် ဟော်မုန်းများဖြစ်ထွန်းစေရေးများအတွက် လွန်စွာအရေးပါသည့်အချက်ကိုတော့ မေ့လျော့ထားလို့မရပါဘူး။ အဆီဓါတ်နည်းပါးသည့် အစားသောက်များကိုသာ စားသောက်တတ်သူအများစုဟာ ခန္ဓာကိုယ်အတွင်းဟော်မုန်းဓါတ်မညီမျှခြင်းကြောင့်ဖြစ်ပေါ်တတ်သည့်ရောဂါများနှင့် နှလုံးဆိုင်ရာရောဂါများကိုဖြစ်ပေါ်စေတတ်ပါတယ်။ ကျန်းမာရေးအတွက်ကောင်းမွန်သော အဆီဓါတ်များဟာ ခန္ဓာကိုယ်အတွက်အမှန်တကယ်လိုအပ်ပြီး LDL ကိုလက်စထရော များကိုလျော့ကျစေပါတယ်။

အထက်ဖော်ပြပါ အချက်များအပြင် အစားသောက်များကို ကောင်းမွန်ကြေညက်စွာမဝါးဘဲ စားသောက်ခြင်း၊ လုံလောက်စွာ အိပ်စက်မှုမရှိခြင်း၊ သွေးအတွင်း သကြားဓါတ်ကိုမျှတစေသော အသားဓါတ်များကိုစားသောက်ရန်ပျက်ကွက်ခြင်း စသည့်အချက်များသည်လည်း ခန္ဓာကိုယ်အလေးချိန်တိုးပွားခြင်းကို ဖြစ်စေနိုင်တာကြောင့် NewsWatch ဂျာနယ်ပရိတ်သတ်များအနေဖြင့် ရှောင်ရှားသင့်ပါတယ်။

https://www.facebook.com/NewsWatchJournal/photos/a.343944972309977.69916.34355