ကာမေသုမိစ္ဆာစာရ သိက္ခာပုဒ်

••••••••••••••••••••••••••••••••••
ကာမေသု၊ ကာမဂုဏ်တရားတို့၌၊ မိစ္ဆာစာရ = မှားယွင်းစွာကျင့်ခြင်းဟု အနက်ထွက်သည်။ သိလွယ်အောင် မြန်မာမှုပြုလိုက်သောအခါ သူတစ်းပါးသားမယားကို ပြစ်မှားလွန်ကျူးခြင်းဟု ဖြစ်သွားသည်။ မသွားလာ မကျူးလွန်ထိုက်သောမိန်းမ နှစ်ဆယ်ရှိသည်။

"မကျူးလွန်ရသော မိန်းမနှစ်ဆယ်"
•••••••••••••••••••••••••••••••••••••
၁။ မိခင်အုပ်ထိန်းသောမိန်းမ
၂။ ဖခင်အုပ်ထိန်းသောမိန်းမ
၃။ မိဘနှစ်ပါးလုံး အုပ်ထိန်းသောမိန်းမ
၎။ မောင်ကြီး မောင်ငယ် အုပ်ထိန်းသောမိန်းမ
၅။ အစ်မ ညီမ အုပ်ထိန်းသောမိန်းမ
၆။ ဆွေမျိုးသားချင်း အုပ်ထိန်းသောမိန်းမ
၇။ အမျိုးအနွယ် အုပ်ထိန်းသောမိန်းမ
၈။ တရားကျင့်ဖော် အုပ်ထိန်းသောမိန်းမ

ဤရှစ်ယောက်သော မိန်းမတို့ကား အပျိုများသာဖြစ်သည်. သူတို့၏ ကာမကို ပိုင်ဆိုင်သူမရှိ၊ စောင့်ရှောက်သူသာရှိသည်။ ထို့ကြောင့် ယောက်ျားတစ်ပါးတို့နှင့် ကျူးလွန်ပျော်ပါးလျှင် ထိုအမျိုးသမီး ရှစ်ယောက်တို့မှာ ကာမေသုမိစ္ဆာစာရ မဖြစ်။ ကျူးလွန်သောယောက်ျားမှာသာ ကာမေသုမိစ္ဆာစာရ ဖြစ်သည်။

သို့သော် ထိုအပျိုမရှစ်ယောက်တို့သည် ငါတို့မှာ ကာမေသုမိစ္ဆာစာရ မဖြစ်ဟုဆိုပြီး အညှာလွယ်ကြမည်ဆိုလျှင် လောကအလယ် အရှက်တကွဲ အကျိုးနည်းဖြစ်ပြီး လင်ကောင်းသားကောင်း ရတော့မည် မဟုတ်ပေ။ အကြောင်းကား ယောက်ျားတို့၏ သဘာဝသည် အညှာလွယ်သောမိန်းမများကို “တစ်ခြားယောက်ျားလည်း ဒီလိုပဲ လိုက်လျောနေတာနေမှာ” ဟုယူဆပြီး အထင်အမြင်သေးကာ အပျော်သာ ကြံတတ်ကြသောကြောင့်တည်း။

"သမီးပျိုတို့အတွက် တစ်သက်တာနီတိ"
••••••••••••••••••••••••••••••••••••••••••
လူတို့သည် သောက်ရေအိုးစင်ကရေကို သောက်ရုံသာသောက်ကြ၏။ ဘယ်တော့မှခြေမဆေး။ ခြေဆေးရေအိုးကရေကိုလည်း ခြေဆေးရုံသာ ဆေးကြသည်။ ဘယ်တော့မှ မသောက်ကြ။

ထို့အတူ ယောက်ျားအများစုတို့သည် ကိုယ်ကျင့်သီလနှင့် ပြည့်စုံ၍ ဣနြေ္ဒရှိသော မိန်းကလေးကို ရာသက်ပန် အတည်သာကြံ၏။ အပျော်မကြံ။

အညှာလွယ်၍ ကိုယ်ကျင့်သီလမရှိသောမိန်းမကို သာယာမှုရှာရုံ အပျော်သာကြံ၍ ရာသက်ပန် အတည်မကြံကြပေ။

ဆက်လက်ဖော်ပြမည့် မိန်းမ (၁၂) ယောက်တို့သည်ကား ကာမပိုင်ယောက်ျားရှိသော အအိုများဖြစ်သည်။ ယင်းတို့ကား -

၉။ ကိုယ်ဝန်တည်ကတည်းက မှတ်သားသိမ်းဆည်းခံရသောမိန်းမ
၁၀။ ဤမိန်းမကိုသွားလာလျှင် ဒဏ်သင့်စေဟု မင်းမိန့်ထုတ်ထားသောမိန်းမ
၁၁။ ဥစ္စာဖြင့် ဝယ်ယူပေါင်းသင်းနေသောမိန်းမ။ ယောက်ျားတစ်ယောက်ယောက်က တစ်ပတ်ဖြစ်စေ၊ တစ်လဖြစ်စေ ငွေပေး၍ ပျော်ပါးနေသော ပြည့်တန်ဆာမကို ဆိုလိုသည်။ ထိုရက်ထိုလအတွင်း တစ်ခြားယောက်ျား တစ်ပါးသူနှင့် ပျော်ပါးလျှင် ထိုပြည့်တန်ဆာမရော၊ ပျော်ပါးသော ယောက်ျားပါ ကာမေသုမိစ္ဆာစာရဖြစ်သည်။
၁၂။ အလိုတူ၍ ပေါင်းသင်းနေသောမိန်းမ
၁၃။ ဥစ္စာစည်းစိမ်းအပ်နှံ၍ ပေါင်းသင်းနေသောမိန်းမ
၁၄။ အဝတ်တန်ဆာပေး၍ ပေါင်းသင်းနေသောမိန်းမ
၁၅။ လူကြီးစုံရာနှင့် လက်ထပ်ပေါင်းသင်းနေသောမိန်းမ
၁၆။ ထင်းခွေ၊ ရေခပ် လုပ်ကိုင်နေသောမိန်းမအား ထိုအလုပ်ကို မလုပ်စေဘဲ ပေါင်းသင်းနေသောမိန်းမ
၁၇။ မယားပြုထားသောမိန်းမ
၁၈။ မယားပြုထားသော အလုပ်သမားမိန်းမ
၁၉။ မယားအဖြစ် ပေါင်းသင်းနေသော သုံ့ပန်းမိန်းမ
၂၀။ ခေတ္တငှားရမ်းပေါင်းသင်းနေသောမိန်းမ တို့ ဖြစ်သည်။

ယင်းမိန်းမ (၁၂) ယောက်တို့သည် ကာမပိုင်ယောက်ျားများ ရှိကြသောကြောင့် ယောက်ျားတစ်ပါးနှင့်ပျော်ပါးလျှင် နှစ်ဦးလုံး ကာမေသုမိစ္ဆာစာရဖြစ်သည်။ မသွားလာကောင်းသော မိန်းမနှစ်ဆယ်ကိုသာ ဟောကြားပြီး မသွားလာကောင်းသော ယောက်ျားနှစ်ဆယ်ကို အဘယ့်ကြောင့် မဟောသနည်း။

အဖြေကား ကာမေသုမိစ္ဆာစာရကံကို မိန်းမတို့ ဦးဆောင်ကျူးလွန်၍ မဖြစ်နိုင်ဘဲ ယောက်ျားတို့က ဦးဆောင်ကျူးလွန်မှ ဖြစ်နိုင်သောကြောင့်ပေတည်း။ ထိုကာမေသုမိစ္ဆာစာရကံထိုက်ရန် အင်္ဂါ (၄) ချက်ရှိ၏။ ယင်းတို့ကား -

(၁) မသွားလာအပ်သော မိန်းမနှစ်ဆယ်ဖြစ်ခြင်း
(၂) ထိုမိန်းမ၌ မှီဝဲလိုသောစိတ်ရှိခြင်း
(၃) လုံ့လပြုခြင်း
(၄) သာယာခြင်း
တို့ ဖြစ်ပေသည်။ ကာမေသုမိစ္ဆာစာရကံကို ကျူးလွန်ကြသူများ ခံစားရမည့်ဆိုးကျိုးနှင့် ရှောင်ကြဉ်လျှင် ခံစားရမည့် ကောင်းကျိုးများမှာ -

မိစ္ဆစာရ၊ ကျူးလွန်ကလည်း၊
မုန်းကြသူများ၊ ရန်သူပွား၍၊
ရှားပါးလာဘ်တိတ်၊ ချမ်းသာဆိတ်၏။
ဣတ္ထိပဏ္ဍုတ်၊ မျိုးယုတ်ခါခါ၊
မျက်နှာမလှ၊ အရှက်ရလျက်၊
လက္ခဏဣနြေ္ဒ၊ ယွင်းသွေချို့သိမ်၊
စိုးရိမ်များစွာ၊ ချစ်သူကွာသည်၊
ရှောင်ကာပြန် အကျိုးတည်း။
ဟူသော လင်္ကာအတိုင်း ကာမေသုမိစ္ဆာစာရကံကို ကျူးလွန်သူများသည် -

- လူမုန်းများမည်။
- ရန်သူများမည်။
- ပစ္စည်းလာဘ်လာဘ ရှားပါးမည်။
- ဆင်းရဲမွဲတေမည်။
- မိန်းမ၊ သို့မဟုတ် ပဏ္ဍုတ်သာဖြစ်ရမည်။
ထိုပဏ္ဍုတ်သည်လည်း ငါးမျိုးရှိသည်။ ယင်းတို့ကား -
- သူတစ်ပါးသုတ်ကိုစုတ်ယူပြီး မေထုန်ပြုလိုစိတ်ကို ဖြေပျောက်စေသော အာသိတ္တကပဏ္ဍုတ်၊
- သူတစ်ပါး မေထုန်ပြုသည်ကိုကြည့်ရှုပြီး မေထုန်ပြုလိုစိတ်ကို ပြေပျောက်စေသော ဥဿယပဏ္ဍုတ်၊
- ဝှေးစေ့ထုတ်ပစ်ခံရသော သြပက္ကမိကပဏ္ဍုတ်၊
- လဆန်းပက္ခ၌ဖြစ်စေ၊ လဆုတ်ပက္ခ၌ဖြစ်စေ၊ ပက္ခတစ်ခုခု၌ မေထုန်ပြုကျင့်ရမှ နေသာထိုင်သာရှိသူကို ပက္ခပဏ္ဍုတ်။
- ယောက်ျားအင်္ဂါ၊ မိန်းမအင်္ဂါ၊ နှစ်မျိုးလုံး ထင်းရှားစွာမပါသော နပုံးပဏ္ဍုတ် တို့တည်း။

- လူဖြစ်လျှင် ယုတ်ညံ့သောအမျိုး၌ ဖြစ်ရသည်။
- အရုပ်ဆိုး အကျည်းတန် ဖြစ်ရသည်။
- အရှက်တကွဲအကျိုးနည်း ဖြစ်ရသည်။
- ယောက်ျားလက္ခာဏာ မိန်းမလက္ခာဏာနှင့်
- မျက်စေ့၊ နား၊ နှာ၊ လျှာ၊ ကိုယ်၊ စိတ် ဟူသော ဣနြေ္ဒခြောက်ပါး ချို့ယွင်းတတ်သည်။
- စိုးရိမ်သောကဖြစ်နေရတတ်သည်။
- ချစ်သောသူနှင့် ကွေကွင်းရတတ်သည်။

ကာမေသုမိစ္ဆာစာရမှ ရှောင်ကြဉ်မည်ဆိုလျှင်ကား -
- ချစ်သူပေါများမည်။
- ပစ္စည်းလေးပါ လာဘ်လာဘ ပေါများမည်။
- မြင့်မြတ်သော ယောက်ျားသာ ဖြစ်ရမည်။
- အမျိုးမြတ်သာ ဖြစ်ရမည်။
- ရုပ်ရည်ချောမောလှပမည်။
- လက္ခဏာဣနြေ္ဒ ပြည့်စုံမည်။
- ချစ်သောသူနှင့် ပေါင်းသင်းရမည်ဟူသော ဆိုးကျိုးနှင့် ဆန့်ကျင်ဘက် ကောင်းကျိုးများကို ပြန်လည်းခံစားရမည်။

"အနှစ်သာရအရောက် စောင့်ရှောက်ပါ"
•••••••••••••••••••••••••••••••••
ကာမေသုမိစ္ဆာစာရအရ သူတစ်ပါး၏ သားမယားကို ပြစ်မှားခြင်းမှ ကြဉ်ရှောင်ခြင်းသည် ဤသိက္ခာပုဒ်၏ တိုက်ရိုက်အနက် အဓိပ္ပာယ်ဖြစ်၏။ သွယ်ဝိုက်အနက်အဓိပ္ပာယ်အရ ဆိုပါလျှင် လူမှုဆက်ဆံရေး နယ်ပယ်၌ မိမိတို့၏ ဆိုင်ရာဆိုင်ရာ လုပ်ငန်းများအတွက် အကျိုးအမြတ်ကိုရယူသောအခါ စည်းလွတ်ဘောင်လွတ်မယူဘဲ စည်းနှင့်ဘောင်နှင့် ယူရန်ဖြစ်၏။

ရာထူးကိုရယူရာ၌လည်းကောင်း၊ ပစ္စည်းကို ရယူရာ၌လည်းကောင်း၊ မိမိတို့၏အတိုင်းအတာကိုသိပြီးမှ ထိုအတိုင်းအတာနှင့် လျှော်စွာ ယူရန်ဖြစ်၏။

လိုချင်သလောက်ယူခြင်းသည် ကာမေသုအရ ကာမဂုဏ်တို့အပေါ် မှားယွင်းစွာကျင့်ခြင်းဖြစ်၏။ ရသင့်သလောက် ယူခြင်းသာလျှင် ကာမေသု၌ ကာမအရ ကာမဂုဏ်တို့အပေါ် မှန်ကန်စွာကျင့်ခြင်းမည်ပါ၏။

ထို့ကြောင့် ကာမေသု၌ ကာမအရ သူတစ်ပါးသားမယား၌ ပြစ်မှားခြင်းကို အသွင်သဏ္ဍာန်အားဖြင့်ယူ၍ ငါးဖြာအာရုံ ကာမဂုဏ်တို့၌ သင့်လျော်သော အတိုင်းအတာထက် ပိုလွန်၍ယူခြင်းကို အနှစ်သာရအားဖြင့် ယူသင့်ပါ၏။

ထိုသို့ ယူပါမှလည်း ကာမေသုမိစ္ဆာစာရာ ဝေရာမဏိ၏ အနက်အဓိပ္ပာယ်သည် လောက၌ ငြိမ်းချမ်းသာယာမှုကို ဖြစ်စေနိုင်လိမ့်မည်။ (ဘဝအမြင်သစ်-စာ-၁၁၉)

မေတ္တာရှင်(ရွှေပြည်သာ)၏
‘သီလအစွမ်း အံ့မခန်း’ မှမျှဝေပါတယ်။

စာဖတ်သူအားလုံး ဘေးရန်ကြောင့်ကြဆင်းရဲကင်း၍ ကိုယ်စိတ်နှစ်ဖြာ ချမ်းသာကြပါစေ၊ ကောင်းကျိုးလိုရာဆန္ဒ ပြည့်ဝကြပါစေ။

https://www.facebook.com/photo.php?fbid=745143962192322&set=a.283048988401