ကျွန်မတို့ ငယ်စဉ်ကပင် ဦးခေါင်းထိပ်ရှိ ဆံပင်၊ ဆံထုံးအလှကို တန်ဖိုး ထားခဲ့ကြသည်။ မိန်းမတို့၏ ကောင်းခြင်း ငါးဖြာ လက္ခဏာတွင် ဆံပင်၏ ကောင်းခြင်း၊ အသား၏ကောင်းခြင်း၊ အရိုးအဆစ်၏ ကောင်းခြင်း၊ အရေ၏ ကောင်းခြင်း၊ အရွယ်၏ ကောင်းခြင်းဟု ဓမ္မပဒ၊ ပုပ္ဖဝဂ်၊ ဝိသာခါ ဝတ္ထုတွင် ဖွင့်ဆိုထားခဲ့သည်။
နန်းတော်ရှေ့ ဆရာတင် တေးပြုသော ''ရွှေမင်းဂံ'' သီချင်းတွင် ဆံကေသာနှင့် ပတ်သက်၍ ''ပိတုန်းရောင် ကေသာ ဖြန့်လိုက်လျှင် တစ်ကိုယ်လုံး ဝေဝေဆာဆာ ကြည်ကြည် လင်လင်၊ မင်းဂံဘုတ်ရွာသူများ အသားတော် ဝင်းလို့ ဝါဝါရည်ရွှင်'' ဟု စပ်ဆိုခဲ့သည်။
လှပကြော့ရှင်းသော မိန်းမပျိုက နက်မှောင်သော ပိတုန်းရောင်ဆံ ကေသာ ပိုင်ဆိုင်ရမှုကို ဂုဏ်တင်ဝင့်ကြွား လေ့ရှိသည်။ နက်ရှိုင်းမှုရုပ်သွင် အပေါ် မာန်ကလေးချီ၍ ဟန်ကလေး ဝင့်ရသည်။ မိန်းမပျို လေးများ၏ လှ တစ်မျက်နှာ ယဉ်တကျေးကျေး ကိုယ်နေဟန်ထားတွင် ဆံကေသာ ၏ကောင်းခြင်းက အရေးပါလှသည်။
ယနေ့အချိန်တွင် ဆင်ယင်ထုံးဖွဲ့မှုများက ပြောင်းပြန် ဖြစ်ကုန်သည်။ ခေတ်ဆန်သည်ပဲ ပြောပြော ခေတ်မီသည်ပဲ ဆိုဆို...၊ မူလအနက်ရောင် ဆံပင်ကို နီရဲနေအောင် ဆေးဆိုးလာခြင်းအပေါ် မြန်မာအမျိုးသမီး တစ်ဦးအနေဖြင့် မနှစ်မြို့မိတာ အမှန်ပါ။ ''ပိတုန်းရောင်ကေသာ'' အဆိုမှ ''ပဒိုင်းရောင်ကေသာ'' အဆိုသို့ ပြောင်းပစ်ရမည့် အခြေအနေမျိုးကိုတော့ မလိုလားပါ။
ဖြောင့်စင်းနေသော ဆံပင်အလှကို ကောက်၍ တွန့်၍ လိမ်၍ မြန်မာ မလေးများဘဝမှ အာဖရိကန် မလေးများ ဘဝသို့ ငွေကုန်ကြေးကျခံပြီး အရှင်လတ်လတ် ဘဝပြောင်းကြပြန်၏။ ကျက်သရေရှိသော ပိတုန်းရောင် ကေသာ အလှကို ဂုတ်ထောက်၊ ဂုတ်ဝဲ၊ ဆံတိုမလေးများအဖြစ် ပုံစံပြောင်း လဲကြကုန်၏။ ဂုတ်ဝဲ၊ ကျောဝဲ ဆံပင်ဖားလျားချ အလှပြမှု စတိုင်ကို တီဗီကြော်ငြာများမှ အတုယူပြီး ငွေသောင်းချီကုန်ခံကာ ပုံစံပြောင်းကြ ပြန်၏။
ဆံပင်လျှော်ပြီးခါစ ဖားလျားချထားသည့် ပုံမျိုးဖြင့် စက်ဘီး၊ ဆိုင်ကယ် စီးနင်းခြင်းမှ ပေးသော ဒုက္ခဆင်းရဲကို လက်တွေ့ ကြုံဖူးသူများမှ နားလည် ကြပေမည်။ ခေါင်းလျှော်ပြီးစ ဆံပင် မခြောက်၍ ဖားလျားချ ပြီး ရပ်ထဲရွာထဲ သွားလာမှုကို ရှေးဘိုးဘွား မိဘများက အတိတ်နိမိတ် မကောင်းဟုဆိုကာ တားမြစ်ခဲ့ကြသည်။၏
မြန်မာအမျိုးသမီးများ ဆံပင်ကိုအမြတ်တနိုးဖြင့် တန်ဖိုးထားခဲ့သည် မှာ ခေတ်အလီလီ နှစ်အဆက်ဆက်ကျော်ဖြတ်ခဲ့ပြါ
''ယောက်ျားတို့ဘုန်း လက်ရုံး၊ မိန်းမတို့ဘုန်း ဆံထုံး'' ဟူသည်ကို မေ့၍ မရသလို ပစ်ပယ်၍လည်းမရပါ။ မြတ်နိုးဖွယ်ရာ တန်ဖိုးထား ထိန်း သိမ်းရမည်သာဖြစ်သည်။
မိမိတို့၏ဆံပင်၊ ဆံစုများကို ဖြတ်တောက်၍ ပြတိုက်၊ ဌာပနာတိုက် များ၌ ထည့်လှူဒါန်းခြင်းသည် တန်ဖိုးရှိသော အရာ၊ မြတ်နိုးဖွယ်အရာကို စွန့်လှူ ခြင်းဖြင့် အတ္တကို ဖယ်ခွာခြင်းပင်ဖြစ်သည်။
မိန်းမတို့၏ ကောင်းခြင်း ဆံကေသာအလှကို မြတ်နိုးဂုဏ်ယူစွာ ထိန်းသိမ်း သင့်ပါကြောင်း၊ ဖုံးလွှမ်း ကြီးစိုးလာမည့် အနောက်တိုင်း ယဉ်ကျေး မှုများကို မျိုးချစ်စိတ် လူမျိုးချစ်စိတ် မဟာ အုတ်တံတိုင်းကြီးဖြင့် ကာရံ တားဆီး သင့်ပါ ကြောင်း ရေးသားတင်ပြလိုက်ရပါသည်။ ။
ဇင်မာသင်း
Royal Hero Media
https://www.facebook.com/
https://www.facebook.com/royalheromedia/photos/a.452811328083074.110728.45
No comments:
Post a Comment