ခံတွင်းနံ့ နံခြင်း(Halitosis)

                        

ပါးစပ်နံတာပာာ လူအများနဲ့ထိတွေ့ဆက်ဆံနေရတဲ့အလုပ်ကို လုပ်နေတဲ့သူတွေအတွက်တော့ တကယ့်ကိုစိတ်ညစ်စရာပါ။ ပါးစပ်နံ့ နံတတ်တဲ့သူတွေမှာ သွားဘယ်လောက်တိုက်တိုက်၊ Mouthwash ဘယ်လောက်သုံးသုံး၊ အဲဒါတွေအနံ့ပြယ်သွားတဲ့ အချိန်မှာ ပြန်ပြီးနံလာ တတ်ပါတယ်။ အများအားဖြင့် ပါးစပ်နံခြင်းရဲ့ အဓိကတရားခံကတော့ ပါးစပ်ထဲမှာခိုအောင်းနေတဲ့ ဘက်တီးရီးယားပိုးတွေက အစားစားလိုက်တဲ့ အခါမှာ ပါလာတဲ့ ပရိုတင်းဓါတ်တွေကိုဖြိုခွဲပစ်တာကြောင့်ပါ။

 အခြားဖြစ်နိုင်တာတွေကတော့ ရောဂါများ(ဆီးချိုရောဂါ၊ အသည်းရောဂါ၊ ကျောက်ကပ်ရောဂါ၊ အဆုတ်ရောဂါ)၊ ဆေးဝါးများ (အချို့ဆေးတွေပာာ ပါးစပ်ကိုခြောက်နေစေပါတယ်။ ပါးစပ်ခြောက်နေရင် ပါးစပ်ကအနံ့ထွက်ပါတယ်။)၊ အစားအသောက်များ(ကြက်သွန်ဖြူ၊ ကြက်သွန်နီ)၊ ဆေးလိပ်သောက်တာ၊ ဆေးရွက်ကြီးဝါးတာ (အရေးအကြီးဆုံးပါပဲ။ ဆေးလိပ်သောက်တတ်သူတွေ၊ ဆေးရွက်ကြီးဝါးတတ်သူတွေမှာ ပါးစပ်အနံ့ဆိုးတတ်ပါတယ်။)

ပါးစပ်နံနေတာကို ဘယ်လိုသိနိုင်မလဲ။
-----------------
အရိုးရှင်းဆုံးနည်းလမ်းတစ်ခုကတော့ အမှန်ပြောမယ်လို့ယုံကြည်ရတဲ့သူကို အနံ့ခံခိုင်းကြည့်ဖို့ပါ။ နောက်တနည်းကတော့ သင့်ရဲ့ လက်ခုံပေါ်ကိုလျှာနဲ့လျက်လိုက်ပါ။ ခြောက်သွားတဲ့အချိန်ကိုစောင့်ပါ။ ပြီးရင် အနံ့ခံကြည့်ပါ။ အဲဒီအနံ့ပာာ သင့်ရဲ့ ပါးစပ်နံ့ပဲဖြစ်ပါတယ်။

ဘယ်လိုကာကွယ်မလဲ။
---------------------
၁။ ခံတွင်းကို သန့်ရှင်းစွာထားပါ။
အစာစားပြီးတိုင်း သွားတိုက်တဲ့အလေ့အထလုပ်ပါ။ အဲလိုမှမလုပ်နိုင်ဘူးဆိုရင် အနည်းဆုံးတော့ တစ်နေ့ကို ၂ခါလောက်တော့သွားတိုက်ပါ။ တစ်ခါတိုက်ရင် အနည်းဆုံး၂မိနစ်လောက်ကြာအောင်တိုက်ပါ။ သွားတိုက်တဲ့နေရာမှာ သွားတင်မကဘဲ လျှာ၊ ပါးစောင်ကိုပါတိုက်ပါ။ သွားကြိုးကို အသုံးပြုပြီး အစာစားပြီးချိန်မှာ သန့်ရှင်းပေးပါ။ သွားကြားတွေထဲမှာ ညပ်ကျန်နေတဲ့အစာတွေပာာ ပါးစပ်နံတတ်တဲ့အတွက် ကြိုးအသုံးပြုပြီးရှင်းပေးပါ။ သွားတိုက်တိုင်းမှာ လျှာခြစ်တံကိုပါ အသုံးပြုပါ။ သွားတိုက်တံကို ၂လ၃လမှာတစ်ကြိမ်လဲပေးပါ။ သွားတိုက်တဲ့အချိန်မှာအတင်းကြီးဖိတိုက်တာပာာ အကျိုးမရှိစေပါ။ သွားဖုံးတွေကိုပျက်ဆီးပြီး ခံတွင်းနံ့နံတာပိုတောင်ဆိုးလာပါဦးမယ်။ နည်းလမ်းမှန်မှန်နဲ့ ညင်ညင်သာသာတိုက်ပါ။

၂။ မချိုတဲ့ပီကေ၀ါးပါ။
ပီကေ၀ါးခြင်းပာာ သွားရည်ဂလင်းတွေကို သွားရည်ထွက်အောင်လှုံဆော်ပေးနိုင်တဲ့အတွက် ပါးစပ်ကိုစိုစွတ်နေစေပြီး သန့်ရှင်းနေစေပါတယ်။

၃။ ဆေးလိပ်၊ ဆေးရွက်ကြီး သုံးစွဲမှုကိုလုံးဝရှောင်ကြဉ်ပါ။

၎။ ပိုးသတ်ဆေးပါတဲ့ ပါးစပ်သန့်စင်ဆေးရည်ကိုအသုံးပြုပြီး တစ်နေ့ကို အနည်းဆုံး၂ကြိမ်ခန့် ပါးလုပ်ကျင်းပါ။

၅။ သွားဆရာဝန်ဆီ တစ်နှစ်ကိုအနည်းဆုံး နှစ်ခေါက်လောက်တော့သွားပါ။

၆။ ရေများများသောက်ပါ။ ရေများများသောက်ခြင်းပာာ ပါးစပ်ကိုစိုစွတ်နေစေတဲ့အတွက် ပါးစပ်နံတာကို သက်သာစေပါတယ်။

၇။ မိမိစားသောက်တဲ့အစားအသောက်တွေကို မှတ်ထားပါ။ မိမိစားသောက်တဲ့အထဲက ပါးစပ်နံစေတယ်လို့ထင်တဲ့ အစားအသောက်ကိုမှတ်ထားပြီး ဆရာဝန်နဲ့တိုင်ပင်ကြည့်ပါ။ ခံတွင်းနံ့နံနေတာပာာ အထက်ပါနည်းလမ်းတွေကို လုပ်ကြည့်လို့မှ မသက်သာလာဘူးဆိုရင်တော့ မူရင်းအကြောင်းခံရောဂါ တစ်မျိုးမျိုးရှိနေနိုင်တဲ့အတွက် ကျွမ်းကျင်တဲ့ဆရာဝန်နဲ့သေချာတိုင်ပင် စစ်ဆေးသင့်ပါတယ်ခင်ဗျာ။

ကျန်းမာရေးသတင်းများ

https://www.facebook.com/photo.php?fbid=527325117365324&set=a.35104771499306