နှလုံးရောဂါ အထူးကု ဆေးခန်းများတွင် သက်ကြီးရွယ်အိုများထက် လူလတ်ပိုင်းအရွယ် ရောဂါသည်များ ပိုများလာသကဲ့သို့ ရပ်ကွက်၊ ကျေးရွာများရှိ အထွေထွေရောဂါကု ဆေးခန်းများတွင်လည်း များပြားနေ ကြောင်းသိရှိရသည်။ ယနေ့ခေတ် လူငယ်၊ လူလတ်ပိုင်းများတွင် နှလုံးရောဂါ အဖြစ်များလာသော အကြောင်းအရင်းပေါင်း များစွာ ရှိပါသည်။ နှလုံးရောဂါကြောင့် အရွယ်မတိုင်မီ သေဆုံးကြရသည်။ နာတာရှည် ရောဂါကို ငွေကုန် လူပန်းစွာဖြင့် ခံစား နေရပါသည်။
လူငယ်၊ လူလတ်ပိုင်း အရွယ်များသည် တိုးတက်လာသော ခေတ်နှင့်အညီ တိုးတက်လာသော အသိ၊ အမြင်၊ ဗဟုသုတများ ရှိလာကြသည်။ ရည်မှန်းချက်များကို ကြီးကြီးထားပြီး အလုပ်များကို နေ့မအား၊ ညမနား မနား တမ်းအလုပ် လုပ်ကြသည်။ အလုပ်လုပ်ရင်းနှင့် အလုပ် ဖိစီးသောဒဏ်များကို ခံနေရသည်။ ထိုအလုပ်ဖိစီး မှုကိုအယူအဆ လွဲမှားစွာ စီးကရက်နှင့် ဖြေဖျောက် နေကြသည်။ စီးကရက်ကြောင့် နှလုံးရောဂါများ ဖြစ်ပွား လာကြသည်။ မူးယစ်ဆေး စွဲနေကြသည်။
အလုပ်ကိုသာ ဖိလုပ်နေခြင်းကြောင့် ကိုယ်လက်လှုပ်ရှားမှု မရှိသလောက် လွန်စွာ နည်းလာခြင်း၊ ကျန်းမာ ရေးနှင့် မညီညွတ်သော အဆီများကို လွန်ကဲစွာ စားသုံးခြင်းနှင့် မိတ်ဆွေ အပေါင်းအသင်းများနှင့် စီးပွား ရေးကိုအကြောင်းပြ ဆွေးနွေးပြီး အရက်ကို အတိုင်းအဆမရှိ သောက်တတ်လာခြင်း တို့ကြောင့် နှလုံးရော ဂါသည် လူငယ်၊ လူလတ် အရွယ်များတွင် အနှေးနှင့်အမြန် ဆိုသကဲ့သို့ ဖြစ်ပေါ် လာပါသည်။
လူငယ်၊ လူလတ် အရွယ်များတွင် နှလုံးသွေးကြော ကျဉ်းခြင်း၊ နှလုံးသွေးကြော ကျယ်ခြင်းနှင့် နှလုံးတွင် အဆီ ဖုံးခြင်းများ မကြာခဏ ဖြစ်ပေါ် နေပါသည်။ ကျွန်တော်တို့နိုင်ငံ အပါအဝင် တခြားနိုင်ငံများရှိ လူငယ်၊ လူလတ် အရွယ်များတွင် နှလုံးရောဂါ ဖြစ်ပွားသူ တစ်နေ့တခြား များပြားလာသည်။ နှလုံးရောဂါနှင့် သေဆုံးသူ ဦးရေသည်လည်း အများဆုံး ဖြစ်လာနိုင်သည်။ ထို့ကြောင့် လူငယ်၊ လူလတ် အရွယ်များကို နှလုံးရောဂါဆိုင်ရာ ပညာပေး လှုံ့ဆော်မှုများကို ပြုလုပ်ရမည်။ နှလုံးရောဂါကို ကြိုတင် ကာကွယ်နိုင်ရန် ဆောင်ရွက်ရမည်။ လူငယ်၊ လူလတ် အရွယ်များကလည်း လမ်းညွှန်ချက်များကို အပြည့်အဝ လိုက်နာသင့် ပါသည်။
(၁) ခန္ဓာကိုယ် အလေးချိန် တိုးမလာအောင် ထိန်းထားရမည်။
(၂) လေ့ကျင့်ခန်း မှန်မှန် ပြုလုပ်ရမည်။ နှလုံးရောဂါကို ကာကွယ်ရန်အတွက် တစ်ပတ်ကို သုံးကြိမ် သို့မဟုတ် လေးကြိမ်၊ တစ်ကြိမ်လျှင် မိနစ် ၃ဝ ခန့် ကာယ လေ့ကျင့်ခန်းကို လုပ်ဆောင် ပေးရမည်။ အင်တာနက်၊ ကွန်ပျူတာ ထိုင်ခြင်းနှင့် ကြာရှည်စွာ ဖုန်းပြောခြင်းများကို မပြုလုပ်ရပါ။
(၃) အစားအသောက်၊ အနေအထိုင်နှင့် သက်ဆိုင်သော ကောင်းသော အကျင့်များ ရှိလာအောင် ပြုစု လေ့ကျင့် ပျိုးထောင် ပေးရမည်။
(၄) အဆီဖြစ်စေသော အစားအစာများကို ရှောင်ကြဉ်ပါ။
(၅) အပျော်အပါး၊ သောက်စား မူးယစ်မှုနှင့် ဆေးလိပ်သောက်ခြင်းကို မပြုလုပ်ရပါ။ ဆေးလိပ်နှင့် မူးယစ် ဆေးဝါးကို ဖြတ်ရမည်။
(၆) အစားအစာကို ကျန်းမာရေးနှင့် ညီညွတ်အောင် အစာမစားမီ ကတည်းက ချင့်ချိန်ပြီးမှ စားရမည်။
(၇) ကိုလက်စထရော (CHOLESTEROL) များသော အစားအစာများကို လျှော့စား ရမည်။
(၈) ဗီတာမင်အီးသည် နှလုံးရောဂါ ဖြစ်ပွားမှုကို လျော့ကျစေသောကြောင့် ဗီတာမင်အီးပါသော ဖြည့်စွက် စာများကို သတိထားပြီး စားသုံးရမည်။
(၉) စိတ်ဖိစီးမှုများကို လျှော့ချရမည်။ ဘာသာရေး လုပ်ငန်းများကို ဆောင်ရွက်ရမည်။ ကိုယ်ရောစိတ်ပါ အနား ယူရမည်။
(၁ဝ) လမ်းလျှောက်ခြင်း၊ စက်ဘီးစီးခြင်း၊ ရေကူးခြင်း၊ ကခုန်ခြင်းနှင့် ဖြည်းညင်းစွာ ပြေးခြင်း စသည်တို့ကို ပြုလုပ်ခြင်းဖြင့် နှလုံးခုန်နှုန်း ကောင်းစေသောကြောင့် လိုက်နာ ဆောင်ရွက် ပြုလုပ်ရမည်။
(၁၁) ကိုယ်အလေးချိန် ချိန်ခြင်း၊ သွေးဖိအား တိုင်းတာခြင်းနှင့် ကျန်းမာရေး စစ်ဆေးမှုများကို ပြုလုပ်ရမည်။ သွေးထဲရှိ ကိုလက်စထရောဓာတ်နှင့် သကြားဓာတ်ကို တိုင်းတာ ထားရမည်။
(၁၂) အဝလွန်ကဲခြင်း၊ သွေးတိုးခြင်း၊ ကိုလက်စထရောဓာတ် များခြင်းနှင့် ဆီးချို၊ သွေးချို ရောဂါများ ရှိပါက တတ်ကျွမ်းသော ဆရာဝန်များနှင့် ပြသပြီး ထိရောက်စွာ ကုသရမည်။
(၁၃) သွေးတိုးရောဂါနှင့် ဆီးချို၊ သွေးချိုရောဂါများကြောင့် နှလုံး ရောဂါဖြစ်တတ်၍ ထိုရောဂါများကို စနစ်တကျ မှန်မှန် ကုသရန် အရေးကြီးသည်။
လူငယ်၊ လူလတ်များတွင် ဖြစ်ပေါ်နေသော နှလုံးရောဂါကို ဝိုင်းဝန်းတားဆီး ကာကွယ်ရမည်။ လူ့ဘဝ နေထိုင်မှု ပုံစံ ပြောင်းလဲလာမှုကို ထိန်းသိမ်းရမည်။ နှလုံးရောဂါကို ဖြစ်စေသော အရက်၊ ဆေးလိပ်၊ အဆီ အအိမ့်၊ အဝလွန်ကဲမှု၊ စိတ်ဖိစီးမှုနှင့် ကိုယ်လက်လှုပ်ရှားခြင်း မရှိမှုများကို လျှော့ချသင့်ကြောင်း အကြံပြု အပ်ပါသည်။ ။
ဒေါက်တာ မြင့်သန်းထွန်း (ပြည်သူ့ကျန်းမာရေး)
https://www.facebook.com/photo.php?fbid=526409877456848&set=a.351047714993066
No comments:
Post a Comment