(ဆောင်းပါးရှင်-ရွှေတိုင်လွင
ဤကမ္ဘာ လောကကြီးတွင် မွေးဖွား သန့်စင် လာကြသော လူသား တိုင်းသည် မာတာမိခင် တို့မှ ရင်နှစ် သည်းချာ မွေးဖွား သန့်စင် လာကြရ သူများ ဖြစ်လေသည်။ သို့ဖြစ်ရာ မြန်မာ နိုင်ငံရှိ အမျိုးသမီး အများစု တို့သည် တစ်ချိန်သော ကာလဝယ် အနာဂတ် သားကောင်း တို့၏ မိခင်လောင်း များ ဖြစ်လာ ကြမည်မှာ ဧကန် မုချပင် ဖြစ်ကြပါမည်။
သို့ဖြစ်ရာ အမျိုးသမီးငယ် တို့ကလည်း လက်ရှိ မိမိနိုင်ငံနှင့် လူမျိုး ဆင်ယင် ထုံးဖွဲ့မှု တို့ကို မြန်မာမှု အစဉ်အလာ ရှိရှိနှင့် မိခင်ကောင်း ပီသစွာ ကြိုးပမ်း လုပ်ဆောင်ပေး လာကြရမည် ဖြစ်ပေသည်။ တိုင်းတစ် ပါး ယဉ်ကျေးမှုနှင့် ဝတ်စား ဆင်ယင် ထုံးဖွဲ့မှုတို့ အစား မြန်မာမှု ဓလေ့ ထုံးစံနှင့် ယဉ်ကျေးမှု အနုပညာ တို့တွင်လည်း မြန်မာမှု ဟန်ပန် မပျက် သွန်သင် ကျင့်သုံး ပေးသွား ကြဖို့ လိုအပ် လှပေသည်။
ယနေ့ခေတ် ကာလသည် တိုးတက် ပြောင်းလဲ နေသောခေတ် ကမ္ဘာကို ရင်ပေါင် တန်းနေသော ကာလ ဖြစ်တာပဲ ဆိုပြီး မြန်မာတို့၏ ယဉ်ကျေးမှု အသွင် သဏ္ဌာန် တို့ကို မေ့ပျောက်လို့ မရပါဘူး၊ ဘာဖြစ်လို့လဲ ဆိုတော့ စာရေးသူ မြို့ထဲမှာ အမျိုးသမီးကြီး အတော် များများပင် တိုင်းတစ်ပါး အဝတ်အစား တို့ကို တိုတိုနံ့နံ့ ကျပ်ကျပ် တည်းတည်း ဝတ်ဆင် နေကြ သည်ကို တွေ့မြင် ရပါသည်။ သူတို့ ကိုယ်တိုင်က မိဘ အရွယ် ဖြစ် ပြီး နောင်လာမည့် မျိုးဆက်သစ် မြန်မာ သမီးငယ် လေးတွေကို ဘယ်လို စံနမူနာပေး သွားမလဲဟု စိတ်မကောင်းဖွယ် ရှုမြင် ခဲ့ရပေသည်။
ဓမ္မပဒထဲမှ ဝိသာခါ ဝတ္ထုကို ထောက်ပြရမည် ဆိုပါလျှင် ဝိသာခါ သတို့သမီး အမျိုးကောင်း သမီးလေးသည် ယဉ်ကျေး သိမ်မွေ့စွာ လမ်းလျှောက် လာရာ ဇရပ် အဆောင်နား မရောက်ခင် ခပ်လှမ်းလှမ်း တွင် မိုးများ ရွာသွန်းလေသည်။ အနည်းငယ် သွက်သွက်လေး ပြေး သွား ရင်း မိုးလွတ် နိုင်သော်လည်း သူမသည် ကာယ ဣနြေ္ဒ မပျက် ပုံမှန်ပင် လျှောက်လှမ်း ခဲ့ရပါသည်။ သူ ဤသို့ ဖြည်းဖြည်းမှန်မှန် မပြေး လွှားဘဲ လမ်းလျှောက် လာရခြင်းသည် မိန်းကလေးတို့၏ ရုပ်အမူအရာ မသင့်လျော် သော လှုပ်ရှားမှုတို့ ကိုယ်နှင့် ဆံပင် တို့ ဖြေလျော့၊ ပြေ ကျမည်ကို လူအများ အမြင် မတင့်တယ် သလို ရုပ်ပျက် ဆင်းပျက် ပုံမရောက်အောင် မိန်းကလေး တို့၏ စောင့်စည်း အပ်ရာ သိမ်မွေ့မှု ကို ပြဆို ထားပေသည်။
သို့ဖြစ်ရာ မြန်မာ အမျိုးသမီးထု ဖြစ်သော မျိုးဆက်သစ် သမီးငယ် တို့ သည် အနာဂတ်၏ သားကောင်း မိခင်များ ဖြစ်လာ ကြရမှာ ဖြစ်သလို ကိုယ့်မျိုး ဆက် များကိုနည်းမှန် လမ်းမှန် မြန်မာ့ ဇာတိမာန်၊ ဝံသာနု စိတ်ဓာတ် တို့ကို ပုံဖော် ပေးနိုင်ဖို့ လိုပါသည်။ တချို့ အမျိုးသမီးငယ် တို့သည် မောင်နှင့်နှမ၊ သမီးနှင့် အဖေကြည့်၍ မတင့်တယ် လောက်သော ဝတ်စား ဆင်ယင်မှု တို့သည် ကိုယ့်လူမျိုးက ဘာလူမျိုးမှန်း မသိ ဖြစ်စေ ခဲ့သည်။
ဗုဒ္ဓဘာသာ မြန်မာ လူမျိုးများ ဖြစ်သည့် အားလျော်စွာ မြန်မာ့ ယဉ်ကျေးမှု အမွေအနှစ် ထုံးတမ်း အစဉ်အလာ တို့ကို အစဉ်သဖြင့် စောင့်ထိန်း သွားကြရန်မှာ အနာ ဂတ်၏ မိခင်ကောင်းများ ဖြစ်ကြသော သမီးငယ်တို့ အထူး ဂရုပြု ကြရပေမည်။ တစ်ခါ က စာရေးသူ ရုံးကို စက်ဘီးဖြင့် သွားစဉ် ဘုံကထိန် အတွက် အမျိုးသမီးငယ် တစ်ဦး အလှူခံ နေ သည်ကို တွေ့ရသည်။ ထိုအမျိုး သမီးမှာ အသက် ၃ဝ နှင့် ၄ဝ ကြား ရှိမည်ထင်ပါသည်။ အပေါ်က အင်္ကျီမှာ လက်ပြတ်၊ ချိုင်းဟောင်းလောင်း ၊ အောက်က ဘောင်းဘီတို ဟာမျိုးနှင့် အလှူခံ နေသည်ကို တွေ့ရသည်။ ဤသို့ ဘာသာရေး နှင့်ဆိုင်သော အလုပ်တွင် ယဉ်ကျေး သိမ်မွေ့စွာ ဝတ်စား ဆင်ယင် အပ်ပါသည်။ လူငယ်များ အတုမယူ သင့်သော လုပ်ပုံပင် ဖြစ်ပါ သည်။
အိမ်တစ်အိမ်တွင် အမျိုးသမီး တစ်ဦးသည် အစားအစာ ချက်ပြုတ် လျှင် ကောင်း သော အာဟာရကို ချက်ပြုတ်ပြီးနောက် သား၊သမီးနှင့် ခင်ပွန်းသည် စသည်ဖြင့် အားလုံးကို ကောင်းကောင်း ကျွေးမွေး ပြုစု တတ်သော စိတ်စေတနာ ယဉ်ကျေးမှုများ ရှိစမြဲ ဖြစ်ပေသည်။ အနာဂတ် တွင် သူရဲကောင်း အာဇာနည် ထူးချွန် ထက်မြက်သော ပုဂ္ဂိုလ် ဖြစ် လာမည့် သားကောင်း သားမြတ်တို့ကို မွေးဖွား ပြုစု ပေးသွား ကြရာမှာလည်း ဤအမျိုးသမီး ငယ်လေးများပင် ဖြစ်သောကြောင့် သားကောင်း မိခင်လောင်း အမျိုးသမီးတို့ ဘဝ ရှင်သန် တက်ကြွနေဖို့ လိုအပ် လှပေ သည်။
သို့ပါ၍ ဗုဒ္ဓဘာသာ မြန်မာ အမျိုးသမီးတို့သည် အထူး အရေးပါသော အ ခန်း ကဏ္ဍပင် ဖြစ်သလို မြင့်မြတ်သော မိခင်လောင်းတို့၏ စိတ် ထား နူညံ့ သိမ်မွေ့သော၊ နှလုံးသား တည်ကြည် ရင့်ကျက်သော အမျိုးသားရေး အမြင်တို့ဖြင့် ဗုဒ္ဓဘာသာ မြန်မာ လူမျိုးတို့၏ ဓလေ့ ထုံးတမ်း ယဉ်ကျေးမှု အမွေအနှစ် သမိုင်းပေး တာဝန်များကို မြန်မာ့ မူဟန်မပျက် စဉ်ဆက်မပြတ် ထိန်းသိမ်း စောင့်ရှောက် ပေးသွားပါလျှင် ယနေ့မြန်မာ အမျိုးသမီးထု ကလေးတို့သည် အနာဂတ်ရဲ့ လမ်းပြကြယ် များ ဖြစ်ကြ ပါပေလိမ့်မည်ဟု ယုံကြည် မိပါတော့သည်။
မြ၀တီ
No comments:
Post a Comment