ဂစ်တာ အကြောင်း သိကောင်းစရာလေးများ

ဂစ်တာတီနေကြတဲ ကိုကို မမတို့ (guiter) အကြောင်းလေးကိုလည်းသိစေချင်(ဗဟုသုတ)


ဂစ်တာ (guiter) သည် ဂီတ တူရိယာ တစ်ခုဖြစ်ပြီး ရှေးနှစ်ပေါင်းများစွာကပင် ပုံစံမျိုးစုံ ဖြင့်တည်ရှိခဲ့သည်။ များသော်အားဖြင့် ဂီတာသည်ကြိုးခြောက်ချောင်းပါတက်ပြီး လေး၊ ခုနှစ်၊ ရှစ်၊ ဆယ် နှင့် ဆယ်နှစ် ချောင်း တပ် ဂီတာများလည်း ရှိသည်။

သမိုင်းကြောင်း
ယနေ့  ဂစ်တာတွေရဲ့ ခေတ်စားမှူ့သက်တမ်းဟာ တိုတောင်းသေးတယ်လို့ ယူဆနိုင်ပေမဲ့ နှစ်ပေါင်းထောင်နဲ့ချီတဲ့ ရှည်လျားသောသမိုင်းကြောင်းကို ပိုင်ဆိုင်ထားပါတယ်။

အာရှမိုင်းနားလို့ ခေါ်တဲ့ဒေသမှာ ဘီစီ ၁၀၀၀ခန့် နဲ့ အီဂျစ်မှာ အေဒီ၆၀၀ခန့်လောက်ကဂစ်တာနဲ့ နီးစပ်သော ရုပ်ကြွင်းတွေကို တွေ့ ရှိခဲ့ပါတယ်။
သမိုင်းအထောက်အထားတွေ အရ ဂစ်တာရဲ့  အစောဆုံးတူရိယာဟာအာရပ်နိုင်ငံတွေကနေ စတင်ဆင်းသက်ပေါက်ဖွားခဲ့ပြီး ဂစ်တာဆိုတဲ့  ဝေါဟာရဟာ ရှေးဂရိလူမျိုးတွေ အမြတ်တနိုး တီးခတ်ခဲ့ကြတဲ့ကီသာရာ(KITHARA) တူရိယာမှ ဆင်းသက်လာတယ်လို့  လက်ခံထားကြပါတယ်။

အေဒီ ၇၁၁ မှာ မူးဝါး(MOOR)လို့ ခေါ်တဲ့ လူမျိုးစုတွေဟာ အာဆီးရီးယန်း၊ ပါရှန်းနဲ့  ဟီးဘရူးနိုင်ငံတွေကို ကျူးကျော်ဝင်ရောက် တိုက်ခိုက်ကြပြီးတော့ ဂစ်တာဖြစ်လာမယ့်တူရိယာလို့  မှန်းဆရမယ့် ရက်ဘတ်(REBEC) တူရိယာ အပါအ၀င် ကြိုးတပ်တူရိယာ အမျိုးမျိုးကို စပိန်နိုင်ငံကိုယူဆောင်သွားကြပါတယ်။ အဲ့ဒီတူရိယာဟာ ယနေ့ခေတ် ကျွန်တော်တို့မြင်တွေ့ နေရတဲ့  ဂစ်တာပုံစံနဲ့  လုံးဝမတူသေးဘဲအရွယ်အစား သေးငယ်ပြီး တယောနဲ့ပိုတူပါတယ်။

ဂစ်တာရဲ့ ပုံသဏ္ဍာန် နှင့်ဖွဲ့စည်း ပြုလုပ်ထားပုံဟာ တီးခတ်တဲ့ အခါ လွယ်ကူစေဖို့  နှင့်ခေတ်မှီစေဖို့  တို့ အတွက်ကိုယ်ကြိုက်သလိုလုပ်ကြတဲ့ အတွက်သူရဲ့ ခိုင်မာတဲ့သမိုင်းကြောင်းဟာေ၀၀ါးမှေးမှိန်ခဲ့ရပါတယ်။

၁၂ရာစုမှာ ဖြစ်ပွားခဲ့တဲ့ ကရူးဆိတ်စစ်ပွဲတွေကနေခုခေတ်ဂစ်တာနဲ့  နဲနဲပါးပါးတူတဲ့ ကြိုးတပ်တူရိယာတခုဟာ ဥရောပ တစ်လွှားမှာ ပြန်နှံ့သွားခဲ့ပါတယ်။ အဲ့ဒီတူရိယာဟာနှစ်ပင်စီပူးထားတဲ့ ကြိုး၎စုံ၊ စုစုပေါင်းကြိုး ၈ချောင်း တပ်တဲ့ တူရိယာဖြစ်ပြီး ဂစ်တန် (GITTERN) လို့ ထင်ရှားခဲ့ပါတယ်။ စောင်းသမားခရီးသွားတွေ၊ ကဗျာဆရာ ခရီးသွားတွေ၊ အဆိုတော်ခရီးသွားတွေဟာ အဲ့ဒီတူရိယာနဲ့တွဲပြီး သူတို့ရဲ့ ခံစားဖွဲ့သီဆိုမှူ့တွေကိုအလယ်ခေတ် (AD 600-1450) တလျှောက်လုံး သီဆိုတီးမှူတ်ခဲ့ကြပါတယ်။

ဂစ်တာရဲ့ တိကျခိုင်မာတဲ့ သမိုင်းကြောင်းကိုတော့ ၁၃ရာစု စပိန်နိုင်ငံက မူးဝါးလူမျိုးတွေရဲ့ သီဆိုဖျော်ဖြေပွဲတွေကနေစတင်လာခဲ့ပါတယ်။နှစ်ပေါင်း ၃၀၀လောက် ကြာသွားပြီးတဲ့နောက် ၁၆ရာစု စပိန် နိုင်ငံမှာ တီးခတ်တဲ့ ပုံစံသစ်၊ ဟန်သစ်တွေအပြိုင်အဆိုင်တိုးတက်လာပြီး ဂစ်တာအမျိုးအစားအနေနဲ့ အနည်းဆုံး ၃မျိုးလောက် ခေတ်စားခဲ့ပါတယ်။
အဲ့ဒါတွေကတော့
၁။ ကြိုး၆စုံ ၊စုစုပေါင်း ၁၂ကြိုးတပ် ဗီဟူလာ(VIHVELA) အဲ့ဒီတူရိယာနဲ့ တွဲဖက်တီးခတ်ဖို့  သင်္ကေတဇယားနဲ့ရေးတဲ့ နှစ်ယောက်တွဲတီးလုံး၊ သီချင်း၊အကသီချင်းတွေ အပါအ၀င် စုစုပေါင်း စာအုပ် ၇ အုပ်ထုတ်ဝေ ခဲ့ပါတယ်။
၂။ ကြိုး၅စုံ၊ စုစုပေါင်း ၁၀ကြိုးတပ်ဂစ်တာရာအက်စပါနိုလာ(GUITRRA ESPANOLA) ၁၆ရာစု အဆုံးပိုင်းကနေ ၁၇ ရာစုတလျှောက်လုံး ခေတ်စားခဲ့ပြီး လူးတ်(LUTE)တူရိယာရဲ့ နေရာမှာ အစားထိုး အသုံးပြုခဲ့ပါတယ်။
ဂစ်တာရာအက်စပါနိုလာကော့ဒ်နဲ့  တီးဖို့ အတွက်ပဲ အသုံးပြုခဲ့ပြီး၊ ၁၇ရာစုနှောင်းပိုင်းမှာတော့ ပြင်သစ်ကို စိမ့်ဝင်ပျံနံ့ သွားခဲ့ပါတယ်။
၃။ ကြိုး၎စုံ၊ စုစုပေါင်း ကြိုး၈ချောင်းတပ် ဂစ်တာရာ(GUITARRA)တို့ ဖြစ်ပါတယ်။

တိုးတက်ကြယ်ပြန့် လာမူ့ 
၁၇ ရာစုမှာတော့ ဂစ်တာရဲ့အခန်းကဏ္ဍဟာ အရှိန်အဟုန်နဲ့ ပြန့်ပွားဖို့  အစပျိုးတဲ့ကာလ တခုပဲ ဖြစ်ပါတယ်။ ကော့ဒ်နဲ့တီးတဲ့စနစ်တွေကနေ အနုစိတ်ပိုမိုချဲ့ထွင်ပြီးတော့ ပိုပြီးစိတ်ဝင်စားဖို့  ကောင်းတဲ့လက်ချောင်းတွေနဲ့ တီးခတ်ရတဲ့ဂန္တ၀င်ဂစ်တာ(CLASSICAL) တီးခတ်ဟန်တွေက အစားထိုးဝင်ရောက်ခဲ့ပါတယ်။

၁၈ ရာစုမှာတော့ ပြောင်မြောက်ထူးချွန်တဲ့ဂစ်တာပညာရှင်တွေ ပေါ်ထွန်းလာခဲ့ကြပါပြီ။ ဂီတပညာရှင်ကြီး ပါဂါနီနီ (NICCOLO PAGANINI 1788-1840) ဟာ တယောသာမကဂစ်တာကိုလည်း ကျွမ်းကျင်တတ်မြောက်တဲ့ ပါရမီရှင်တဦး ဖြစ်ခဲ့ပါတယ်။

သံစုံတီးဝိုင်းကြီးတွေရဲ့ဂီတခေါင်းဆောင်တွေဖြစ်ကြတဲ့ ဟေဒင် (FRANZ JOSEPH HAYDN 1732-1809)၊ ရူးဘတ်၊ (FRANZ SCHUBERT 1797-1828)၊၀က်ဘာ (CARL MARIA VON WEBER 1786-1926)၊ ရိုဆိုနီ (GIOACHINOROSSINI1792-1868)တို့ ဟာဂစ်တာအတွက်ဂီတသင်္ကေတ တွေကို ရေးစပ်တီထွင်
ပေးခဲ့ကြပါတယ်။
ထိပ်တန်းလက်မှူ့ ပညာရှင်ကြီးဖြစ်တဲ့ စထရာဒီဗားရီးယပ် ဟာသူ့ရဲ့နာမည်ကျော် တယောတွေနည်းတူ ဂစ်တာတွေကိုလည်း အထူးပြုလုပ်ပေးခဲ့ပါတယ်။

၁၉ ရာစု အစောပိုင်းမှာ စပိန်နိုင်ငံသား ဖာနန်ဒိုဆော (FERNANDO-SOR 1778-1839) ဟာ အပြည်ပြည်ဆိုင်ရာအတိုင်းအတာအထိ ကျော်ကြားအောင်မြင်ခဲ့တဲ့ ဂစ်တာပညာရှင်တဦး ဖြစ်ခဲ့ပြီး သူနဲ့ ခေတ်ပြိုင်တွေ ဖြစ်ကြတဲ့ ဒီယွန်ဆီယိုအာကွေဒို(DIONISIO AQUADO)၊ မဲတီအိုကာကက်ဆီ (MATTEOCARCASSI)၊ ဖာဒီနန်ကာရူလီ (FERDINAND CARULLI)၊ မူရိုဂျူလီယန်နီ(MAURO GIULIANI) တို့ဟာလည်း နာမည်ကျော် ဂစ်တာပညာရှင်ကြီးတွေ ဖြစ်ခဲ့ကြပါတယ်။

ဖာနန်ဒိုဆောနဲ့သူ၏ ခေတ်ပြိုင်တွေဟာ သင်တန်းကျောင်းတွေ ဖွင့်လှစ်ပို့ချခြင်း၊ ဂီတပွဲတွေ တင်ဆက်ခြင်း စတဲ့ကြိုးပမ်းမှူတွေနဲ့ဂစ်တာပညာကို ပြန့်ပွားဖို့  လုပ်ဆောင်ခဲ့ကြပါတယ်။ အဲ့ဒီနောက်ပိုင်း ဖရန်စစ်စကိုတားရက်ဂါ (FRANCISCO TARREGA 1852-1909)ဟာ အထူးချွန်ဆုံး ဂစ်တာသမားလို့သတ်မှတ်ခံခဲ့ရပြီး မျက်မှောက်ခေတ် ဂန္တ၀င် ဂစ်တာသမား တွေကို ဦးဆောင်ခဲ့သူ တဦးဖြစ်ပါတယ်။

စည်ပင်တိုးတက်လာကာစ အမေရိကန်မှာ စွန့်စားသွားလာသူတွေ၊ နယ်မြေသစ်ရှာဖွေသူတွေဟာ လှည်းတန်းရှည်ကြီးတွေနဲ့လှည့်လည်သွားလာကြပြီး စခန်းချ အပန်းဖြေတဲ့အခါ မီးပုံဘေးတွေမှာ ဂစ်တာတီးပြီး အမောဖြေ ခဲ့ကြပါတယ်။

ဒီလိုနဲ့ဂစ်တာတွေဟာလည်း အမေရိကန်၏ နေရာ အနှံ့အပြားလိုက်ပါခဲ့ရပြီး ၁၉ရာစု အကုန် ၁၉၀၀ပြည့်နှစ် တစ်ဝိုက်မှာတော့အမေရိကန်လူမည်းတွေရဲ့ ရင်တွင်းခံစားချက်တွေက ပေါက်ဖွားလာတဲ့ အာဖရိကနွယ်တဲ့ ရက်ဂေးနဲ့ဘလူးစ်အမျိုးအစားတွေဟာအစပျိုးအားယူနေပြီဖြစ်ပါတယ်။
ကျေးလက်တောနေသူတွေရဲ့ ပျော်ပွဲရွှင်ပွဲတွေတိုင်းမှာလည်း ဂစ်တာနဲ့တယောဟာ မပါမဖြစ်အသုံးပြုနေကြပါပြီ။ ဖာနန်ဒိုဆောကနေ စတင်ပြန့်ပွားခဲ့တဲ့ ဂန္တ၀င်ဂစ်တာ တီးဟန်တွေဟာလည်း အဆင့်ဆင့်တိုးတက်လာခဲ့ပြီးစပိန်လူမျိုး အဲန်ဒရက်ဇရိုးဘီးယား (ANDRES SEGOVIA 1893-1987) ရဲ့ ၁၉၂၈ နယူးယောက်မြို့မှာ ကျင်းပခဲ့တဲ့ ဂန္တ၀င်ဂီတပွဲ ကစပြီးဂစ်တာကို ကမ္ဘာက အာရုံစိုက် လာကြပါတယ်၊ ဇရိုးဘီးယားဟာ သူ့ဘ၀တလျှောက်လုံး ဂစ်တာကို အမြတ်တနိုး တီးခတ်ခဲ့ပြီးဂစ်တာဂန္တ၀င် တေးသီချင်းပေါင်း များစွာကို ဖွဲ့ဆိုရေးစပ် ခဲ့ပါတယ်။ သူ့ရဲ့ဂစ်တာ လေ့ကျင့်ခန်းတွေကိုအမေရိကန်မှာရှိတဲ့ ကျောင်းပေါင်း ၁၆၀၁ ကျောင်းမှာ သင်ကြားပို့ချနေဆဲပါ။

၁၉၃၀ ပြည့်နှစ်မှာတော့ဂစ်တာရဲ့ ဖြစ်ပေါ်ပြောင်းလဲမူကိုတဟုန်ထိုးတိုးတက်စေတဲ့ ဖြစ်ရပ်တခုကတော့ ရှာလီခရစ်စတင်ဟာ ဂစ်တာရဲ့အသံကို ပစ်ကပ် (PICK UP) တပ်ဆင်ပြီးအထူးချဲ့ထွင်ပေးတဲ့ အသံချဲ့စက်နဲ့ တွဲဖက်ပေးနိုင်ခဲ့တာဘဲ ဖြစ်ပါတယ်။
အဲ့ဒီအချိန်ကစပြီး ဂစ်တာသံရဲ့အတိုးအကျယ်ကိုလိုအပ်သလိုလုပ်နိုင်တဲ့အနေအထားကိုတဆင့်ပြီးတဆင့်
ပြောင်းလဲတိုးတက်ရောက်ရှိ လာပါတော့တယ်။

ဂစ်တာနှင့် ဂီတအဖွဲ့များ၏ ထိုးဖောက်လာမှုရော့ခ်အင်ရိုး (ROCK AND ROLL) လူငယ်အဆိုတော် ပရက်စလေဟာ ၁၉၅၆ မေလမှာ ထုတ်ဝေခဲ့တဲ့ (HEART BREAK HOTEL)ဓါတ်ပြားနဲ့ ထိပ်ဆုံးကို ရောက်ရှိခဲ့ပြီး သူ့ရဲ့ဂစ်တာလွယ်ပြီး သီချင်းဆိုဟန်တွေကြောင့် လူငယ်ထုကြားမှာ ဂစ်တာဟာအရှိန်အဟုန်နဲ့ ပြန့်ပွားခဲ့ပါတယ်။

၁၉၆၀ နှစ်တွေမှာ ရိုးရာဘလူးစ် (TRADITIONAL BLUES) နဲ့ ခေတ်ပေါ်ဂီတ (WHITE POPMUSIC) ရောမွှေထားတဲ့ (RHYTHM AND BLUES (or) R n ဂီတ အမျိုးအစား ခေတ်စားလာခဲ့ပြီး လူမည်း ဂစ်တာသမား ချပ်ဘာရီ(CHUCK BERRY) ရဲ့ လက်သံတွေဟာ အင်္ဂလိပ်ခေတ်ပေါ် ဂီတအုပ်စုတွေ အပေါ်မှာ သြဇာလွှမ်းမိုး သက်ရောက်ခဲ့ပါတယ်။

ပရက်စလေရဲ့ သီချင်းတွေကြားမှာ ကြီးပြင်းလာတဲ့ လူငယ်တွေထဲကနေ ဖွဲ့ စည်းဖြစ်ပေါ်လာခဲ့တဲ့ အင်္ဂလိပ်ပေါ့နဲ့ ရော့အဖွဲ့ ဖြစ်တဲ့(BEATLES 1960) ဟာ ကမ္ဘာမှာ အကြီးအကျယ် အောင်မြင်ခဲ့ပြီး ဂစ်တာကို ခေတ်ပေါ်ဂီတရဲ့ အဓိကမဏ္ဍိုင်တူရိယာအဖြစ်ကို ရောက်ရှိအောင်ပို့ ဆောင်ပေးခဲ့ကြပြန်ပါတယ်။

(COUNTRY) နဲ့ (JAZZ) ဂစ်တာအကျော်အမော် တွေဖြစ်ကြတဲ့ချက်အက်ကင် (CHETATKINS)၊ မာ့ခ်နော်ဖလာ (MARKNOPELER) နဲ့ ရွိုင်းကလာစ် (ROY CLARK) တို့နဲ့ ကမ္ဘာကျော်ဂစ်တာတီးဝိုင်း VENTURES တို့ရဲ့ ဂစ်တာလက်သံတွေဟာ ဂစ်တာဝါသနာရှင်တွေ အများအပြားကို ဖြစ်ပေါ်စေခဲ့ပါတယ်။

ယနေ့ကမ္ဘာမှာ အင်အားကောင်းနေတဲ့ ROCK ဂီတရဲ့ Distortion အသံတွေ. Feedback အသံတွေ၊ wah wah effect စတာတွေရဲ့ဖခင်ကြီးတဦးကတော့ လူမည်းဂစ်တာသမား ဂျင်မီဟန်းဒရပ် (JIMMI HENDRIX 1942-1970) ဘဲဖြစ်ပါတယ်။ သူ့ရဲ့ ဘယ်ဖက်နဲ့ဂစ်တာကို ကျွမ်းကျင်စွာ တီးခတ်ခဲ့တဲ့ ဟန်ပန်တွေဟာလည်း လူငယ်ပရိသတ်တွေကို အရူးအမူးဖြစ်အောင် ဆွဲဆောင်နိုင်ခဲ့ပါတယ်။

ဂစ်တာထုတ်လုပ်ရေးကမ္ဘာကျော် ဂစ်တာကုမ္ပဏီကြီးများ ဖြစ်ကြတဲ့ ဂစ်ဘဆင် (GIBSON)၊ ဖန်ဒါ (FENDER) တို့ဟာလည်း ဂစ်တာအမျိုးအစား အမျိုးမျိုးကိုပုံစံပေါင်းမြောက်များစွာနဲ့ ထုတ်လုပ်ခဲ့ကြပါတယ်။

ယနေ့ခေတ် အချိန်အခါတွင် လျှပ်စစ်ဂစ်တာ (ELECTRIC GUITAR) တွေနဲ့ အသံကိုအမျိုးမျိုးပြောင်းနိုင်တဲ့စက် (GUITAR EFFECT PROCESSOR )၊ အသံချဲ့စက် (AMPLIFIER) တွေကို တဆင့်ထက်တဆင့်ပိုမိုကောင်းမွန် တိုးတက်လာအောင် တီထွင်ဖန်တီး အသုံးပြုနေကြပြီ ဖြစ်ပါတယ်။ 

ယနေ့ ဂီတအမျိုးအစားများ ဖြစ်ကြတဲ့ ဂန္တ၀င်ဂီတ(CLASSICAL)၊ စပိန်ဖလန်မန်ကို (FLAMINCO)၊ ဘလူးစစ် (BLUES)၊ ဂျက်ဇ် (JAZZ)၊ ကလပ်စစ်ရော့ခ် (CLASSICROCK)၊ ရော့ခ်အဲန်ရိုး (ROCK n ROLL)၊ ရစ်သန်အဲန်ဘလူးစ် (R n B)၊ ကျေးလက်ရော့ခ် (COUNTRY ROCK)၊ ဟာ့ဒ်ရော့ခ် (HARDROCK)၊ ဟဲဗီးရော့ခ် (HEAVY ROCK)၊ မယ်တယ်ရော့ခ် (METAL ROCK)၊ လိုက်ရော့ခ် (LIGHT ROCK)၊ အော်တာရော့ခ်(ALTERNATIVE ROCK)၊ အင်ဒီရော့ခ် (ANDI ROCK) စတဲ့ အမျိုးအစားများစွာ တွေမှာ ဂစ်တာကို လုံးဝမပါမဖြစ် တီးခတ်ကြရပြီးဂစ်တာနဲ့ပတ်သတ်တဲ့ စက်ပစ္စည်း အစိတ်အပိုင်းတွေ အားလုံး ကိုလည်း အပြိုင်အဆိုင် ဆက်လက်တီထွင် ထုတ်လုပ်တီးခတ်နေကြတဲ့အတွက် ဂစ်တာတူရိယာရဲ့ အခန်းကဏ္ဍဟာလည်း နောင်နှစ်ပေါင်းများစွာ တိုင်အောင်ဆက်လက်ရှင်သန်နေဦးမှာပင် ဖြစ်ပါတယ်။

မြန်မာပြည်တွင်းမှာလည်း အရည်အသွေးမီ ဂစ်တာတူရိယာ ထုတ်လုပ်သူအချို့ရှိနေပါတယ်။ အရည်အသွေးပိုင်းနှင့်ပတ်သက်ပြီးနာမည်ရသောထုတ်လုပ်သူတစ်ဦးအားမဂ္ဂဇင်းတစ်ခုမှ(ဂျာနယ်မဟုတ်ပါ) သွားရောက်တွေ့ဆုံမေးမြန်းပြီးသတင်းရယူခဲ့ရာတွင်ဂစ်တာတူရိယာကောင်းတစ်လက် ထုတ်လုပ်နိုင်ရန် ခဲတန်နှင့် ပေတန်ကောင်းကောင်းလိုကြောင်း ပြောကြားခဲ့ဖူးပါတယ်။
ဖလက်တံ ပေါ်တွင် ဘားများကို အကွာအဝေး တိကျစွာ တပ်ဆင်နိုင်ရန်ရည်ညွှန်းကြောင်းလည်းရှင်းလင်းပြောကြားခဲ့ပါတယ်။

ထွင်းအိုးဂစ်တာထုတ်လုပ်သူများလည်းရှိနိုင်သောကြောင့်ဝါသနာပါတတ်ကျွမ်းနားလည်သူတို့က
ပြည်ပပို့ရန်အဆင့်မီမမီအကဲဖြတ်ပြီး ဈေးကွက်ရှာဖွေပေးရန် သင့်လျော်ပါတယ်။

https://www.facebook.com/photo.php?fbid=581134068594913&set=a.445129605528694.