ကာမေသု မိစ္ဆာစာရကံအကြောင်း

post By Myawady News, on July 13, 2013

မေး -- ကာမေသု မိစ္ဆာစာရကံကို အမျိုးသားများသာမက အမျိုသမီးများပါ ထိုက်သည်ဆိုပါ လျှင် မည်သည့်အမှုမျိုးမှာ အမျိုးသမီးများ ကံထိုက်ပါသနည်း။
အိမ်ထောင်မရှိသူများလွတ်လပ်စွာနေကြလျှင်ကံထိုက်မထိုက် ဖြေကြားပေးပါဘုရား။


ဖြေ -- မှန်ပါသည်။ လောကတွင် ကိုယ့်လင် ကိုယ့်မယား၊ စည်းစိမ်ခံစားဘက် အချင်းချင်း သွားလာ ဆက်ဆံခြင်း ကို ပုထုဇဉ်တို့ အမြင်ဖြင့် အမှန်ပင်ကဲ့ရဲ့ထိုက်သော အမှု့ဟု မဆိုသာ၊ တိရိစ္ဆာန်တို့ကဲ့သို့ အမိ, နှမ စသည် မခွဲ လွန်ကဲစွာသာ တွေ့သမျှမိန်းမ လာသမျှ ယောက်ျား ကြုံသလိုသွားလာ ပျော်ပါးလျှင်ကား ပညာရှိတို့အမြင်တွင် စင်စစ်ကဲ့ရဲ့ထိုက်သော ယုတ်မာသော အမှုဖြစ်၏။

ထို့ကြောင့် ကာမေသု မိစ္ဆာစာရ- အရ ကိုယ့်လင် ကိုယ့်မယားမှ တစ်ပါး အခြားယောက်ျား အခြားမိန်းမ တို့နှင့် ဆက်ဆံပျော်ပါးခြင်းကို ကောက်ယူရ၏။

ထိုသို့ ဆက်ဆံပျော်ပါးရာတွင် --

(၁)။ အဂမနီယ၀တ္ထု - မသွားလာထိုက်သော ၀တ္တုဖြစ် ခြင်း။

(၂)တသိံ္မ သေ၀နစိတ္တံ - ထို မသွားလာထိုက်သောဝတ္ထု (မဆက်ဆံ မပျော်ပါးသင့် သောမိန်းမ-ယောက်ျားများ) ၌ မှီဝဲလိုသော စိတ်ရှိခြင်း။

(၃)၊ သေ၀န ပယောဂေါ - မှီဝဲမှု့ လုံးလပြုခြင်း။

(၄)၊ မဂ္ဂေန မဂ္ဂပဋိပတ္တိ အဓိဝါသနံ - မဂ်အချင်းချင်းကျင့်ခြင်း (ဆက်ဆံရခြင်း)ကို သည်းခံ သာယာခြင်း၊ ဟူသော ဤလေးပါးစုံမှ ကာမေသု မိစ္ဆာစာရကံ မြောက်ပါသည်။

-ယောက်ျားဘက်တွင်ကား မိမိပိုင် မိန်းမမှတစ်ပါး အခြားမည်သည့် မိန်းမနှင့်မဆို ကံထိုက်ပါသည်။

-(အပျိုနှင့်ဆက်ဆံရာတွင်မထိုက်ဟုထင်ကြသည်။သတိပြုပါ။) ပြည့်တန်ဆာမနှင့်ဆက်ဆံရာတွင်ကိုယ့်ထက်အရင် ငွေပေးထားသူရှိက နောက်ယောက်ျား ကံထိုက်၏။

-ပြည့်တန်ဆာမဘက်ကလည်း ငွေလက်ခံထားပြီး ထိုယောက်ျားနှင့် မပြီးပြတ်ခင် အခြားယောက်ျားကို လက်ခံလျှင် ကံထိုက်၏။

-အိမ်ထောင်မရှိသူများ လွတ်လပ်စွာနေကြရာ၌မယားအမှတ်ဖြင့် ပေါင်းသင်းဆက်ဆံလျှင် (မိဘ သဘောတူတူ, မတူတူ) ဆန္ဒ၀ါသီနီ - ဟူသော အလိုတူ၍နေသော မယားအရာမြောက်၍ ယောက်ျားကံမထိုက်။ အမျိုးသမီးဘက်တွင် လည်း စေ့စပ်ထားသူ, ငွေပေးထားသူ စသော ပိုင်ဆိုင်သူ မရှိသေးလျှင် ကံမထိုက်။

ကာမေသု မိစ္ဆာစာရကံ၏ အကျိုးရင်း, အကျိုးဆက်တို့ကို အဋ္ဌကထာထိုထိုမှ ထုတ်နုတ်၍ သုတေသန သရုပ်ပြ အဘိဓာန်တွင် `ကာမေသုကံ ကျိုးပြစ်ဒဏ် ထိမှန် ၁၅ပါး´ ဟူသော ခေါင်းစဉ်းဖြင့် အပြစ် ၁၅-ပါး ပြပါသည်။

ထို ၁၅-ပါးမှာ -

၁။ အပါယ်လေးပါး လားရခြင်း၊

၂။ မိန်းမ,ပဏ္ဍုက်ဖြစ်ရခြင်း၊

၃။ ရန်သူနှင့်တွေ့ရခြင်း၊

၎။ လူအများမုန်းခြင်း၊

၅။ အစား အသောက်, အ၀တ် အထည်, အိပ်ရာနေရာ ရခဲခြင်း၊

၆။ ဆင်းဆင်း ရဲရဲ အိပ်ရ, နိုးရခြင်း၊

၇။ အမျက် ဒေါသကြီးခြင်း၊

၈။ လောကုတ္တရာတရား မရနိုင်ခြင်း၊

၉။ စည်းစိမ်ဥစ္စာ ပျက်ပြုန်းရခြင်း၊

၁၀။ ယုံကြည်မှု ကင်းမဲ့ခံရခြင်း၊

၁၁။ ဘေးတွေ့ရခြင်း၊

၁၂။ ယုံမှား သံသယများခြင်း၊

၁၃။ ချစ်သူတို့နှင့် ခွဲနေရခြင်း၊

၁၄။ အသက်တိုခြင်း၊

၁၅။ ဆင်းရဲကြီးစွာ တွေ့ရခြင်း၊ ဟူ၍ ဖြစ်ပါသည်။


: : : ::Scrapmrho Ho:: : : :

Credit ---> ဓမ္မလရိပ်
https://www.facebook.com/photo.php?fbid=442342295863607&set=a.351047714993066