Posted by Rule Of Law In Myanmar
မြန်မာပြည်မှာ အမျိုးသမီးတွေအတွက် ကာကွယ်ပေးထားတဲ့ ဥပဒေတွေ ဘယ်လောက်ရှိပါသလဲ၊ ဘယ်လို အကာအကွယ် ပေးထားပါသလဲ။
ဒေါ်မိုးမိုး- မြန်မာပြည်မှာ အမျိုးသမီးတွေအတွက် သီးသန့်ထုတ်ထားတဲ့ ဥပဒေဆိုတာ သိပ်မရှိပါဘူး။ အထူးသဖြင့် အမျိုးသမီး လိင်အလုပ်သမတွေဟာ အဓိက လိင်ကိစ္စနဲ့ ပတ်သက်ပြီး အများဆုံး အနိုင်ကျင့်ခံနေရပါတယ်၊ အဓိက မြန်မာပြည်ရဲ့ အမျိုးသမီးတွေအတွက် လိင်ကိစ္စနဲ့ပတ်သက်ပြီး ထိရောက်တဲ့ ကာကွယ်ပေးမှုပေးဖို့ ထုတ်ထားတဲ့ ဥပဒေကတော့ ရာဇသတ်ကြီး ဥပဒေမှာဆိုရင်..
၁။ အမျိုးသမီးများအား အနိုင်အထက် မုဒိမ်းကျင့်ရန် အကြံနှင့် လက်ရောက်ခြင်းနှင့် ကာမရာဂစိတ်ကို ဓမ္မတာအတိုင်း မဟုတ်ပဲ ရောင့်ရဲအောင် ပြုရန်အကြံနှင့် လက်ရောက်ခြင်းတို့ကို ကျူးလွန်သူအား သေသည်အထိ ခုခံကာကွယ်ပိုင်ခွင့်။
၂။ အမျိုးသမီးကာအိနြေ္ဒကို ပျက်စီးစေမှု။
၃။ အသက် ၁၆ နှစ်အောက် အမျိုးသမီးကို ဥပဒေနှင့်အညီ အုပ်ထိန်းသူထံမှ လူခိုးမှု။
၎။ အတင်းအဓမ္မ ထိမ်းမြားပေးစားရန် စသည်အတွက် အမျိုးသမီးကို ခိုးယူမှု (သို့) သွေးဆောင်ဆွဲခေါ်ယူမှု (သို့) သွေးဆောင်မှု။
၅။ ကာမပွဲစားအဖြစ် အရွယ်မရောက်သေးသော မိန်းကလေးကို ရှာပေးခြင်း။
၆။ နိုင်ငံခြားမှ မိန်းကလေးကို နိုင်ငံအတွင်း တင်သွင်းမှု။
၇။ အပြင်းအထန် နာကျင်စေခြင်း။ ကျွန်ပြုခြင်းတို့ကို ခံစေရန် လူခိုးမှု (သို့) သွေးဆောင်ခေါ်မှု။
၈။ အရွယ်မရောက်သေးသူကို ပြည့်တန်ဆာကိစ္စ စသည်များအတွက် ရောင်းဝယ်ခြင်း (၁။ ပြည့်တန်ဆာကိစ္စအလို့ငှာ အရွယ်မရောက်သေးသူကို ရောင်းမှု၊ ၂။ ပြည့်တန်ဆာကိစ္စ အလို့ငှာ အရွယ်မရောက်သေးသူကို ၀ယ်မှု)။
၉။ မုဒိမ်းမှု။
၁၀။ ဓမ္မတာနှင့် ဆန့်ကျင်သော ပြစ်မှု။
၁၁။ လိမ်လည်မှု။
၁၂။ ရာဇ၀တ်ထိုက်သင့်သော ပြစ်မှုကို ကျူးလွန်ရန် ညဥ့်အချိန် အိမ်ကျော်နင်းမှု။
၁၃။ ထိမ်းမြားခြင်းဆိုင်ရာ ပြစ်မှုများ။
၁၄။ မိန်းမတို့ ကာအိနြေ္ဒကို စော်ကားရန် ရည်ရွယ်သော (သို့) ကိုယ်အမူအယာ (သို့) ပြုလုပ်မှုပြုခြင်း။
ဒါတွေကတော့ အမျိုးသမီးတွေအတွက် လိင်ကိစ္စနဲ့ ပတ်သက်ပြီး အဓမ္မပြုကျင့်ခံရမှုတွေအတွက် ကာကွယ်ပေးထားတဲ့ ဥပဒေတွေဖြစ်ပါတယ်။ အထက်မှာ ဖော်ပြထားတဲ့ ပြစ်မှုတွေနဲ့ ပတ်သက်ပြီး
ကျူးလွန်သူက အနည်းဆုံး ထောင်ဒဏ် ၃ နှစ်ကနေ ၁၀ နှစ်အထိ ကျခံရမှာ ဖြစ်ပါတယ်။ ထိမ်းမြားမှုနဲ့ ပတ်သက်ပြီးတော့ ဗုဒ္ဓဘာသာဝင် အမျိုးသမီးတွေအတွက် ကာကွယ်ပေးတဲ့ ဥပဒေရှိပါတယ်။ အဲဒီဥပဒေကတော့ ၁၉၅၄ ခုနှစ်၊ ဗုဒ္ဓဘာသာဝင်အမျိုးသမီးတွေ အထူးထိမ်းမြားမှုနဲ့ အမွေဆက်ခံမှု အက်ဥပဒေဖြစ်ပါတယ်။ ဒီဥပဒေက ဗုဒ္ဓဘာသာဝင် အမျိုးသမီးတွေအတွက် အဓိက ပြဌာန်းထားတာပါ။
အဲဒီမှာ မေးစရာမေးခွန်း ပေါ်လာပါတယ်၊ ဗုဒ္ဓဘာသာဝင် အမျိုးသမီးတွေအတွက်တော့ ပြဌာန်းပေးပြီး တခြားအမျိုးသမီးတွေအတွက် ဘာမှ ပြဌာန်းမပေးဘူးလားလို့ မေးစရာ ဖြစ်လာပါတယ်။ အဓိက ပြောချင်တာကတော့ မြန်မာနိုင်ငံက ဗုဒ္ဓဘာသာနိုင်ငံမို့လို့၊ လူမျိုးကြီး မြန်မာတွေ အုပ်စိုးလို့ဆိုပြီး ဒီဥပဒေကို ပြဌာန်းထားတာ မဟုတ်ပါဘူး။ အဓိက ရည်ရွယ်ချက်ကတော့ မြန်မာနိုင်ငံရဲ့ ရှေးခေတ်ဓမ္မသတ်များအရပဲဖြစ်
အမျိုးသမီးတွေ ကျူးလွန်တဲ့ အခြားရာဇသတ်ကြီးအရ ပြစ်မှုများမှာဆိုရင် လူ့အဖွဲ့အစည်းထဲမှာ အမျိုးသမီးတွေက အားနွဲ့သူတွေဖြစ်တယ်၊ ဒါကြောင့် အမျိုးသမီးတွေ ကျူးလွန်ကြတဲ့ ရာဇ၀တ်ပြစ်မှုတွေက နည်းပါးလှပါတယ်။ အမျိုးသမီးတွေ ကျူးလွန်ရတဲ့ အကြောင်းအရင်းမှာ.. ၁။ နဂိုမူလ ဗီဇစိတ်အနေအထားကိုက ရာဇ၀တ်မှု ကျူးလွန်လိုစိတ် ရှိခြင်း၊ ၂။ စီးပွားရေး ကြပ်တည်းလွန်း၍ ကျူးလွန်ရခြင်း၊ ၃။ မခံမရပ်နိုင်၍ စိတ်နောက်ကိုယ်ပါ ဒေါသအလျောက် ရှောင်တခင် ကျူးလွန်တတ်ခြင်း၊ ၄။ စိတ်သဘောထား အလွန်နု၍ ရန်ငြိုးထားရှိ ကျူးလွန်ခြင်း၊ ၅။ ဆွေမျိုးသားချင်း မိတ်ဆွေများနှင့် ပတ်သက်၍ ကျူးလွန်ခြင်း၊ ၆။ သားသမီးများနှင့် ပတ်သက်၍ ကျူးလွန်ခြင်း၊ ၇။ အချစ်ကိစ္စကြောင့် ကျူးလွန်ခြင်းဆိုပြီးတော့ ခွဲခြားထားပါတယ်။
သာမန်အားဖြင့် အမျိုးသမီးတွေဟာ ရာဇ၀တ်မှုကို မိမိအလိုအလျောက် ကျူးလွန်ဖို့ဆိုတာ ခဲယဉ်းပါတယ်။ ကျမ အထက်မှာပြောထားတဲ့ အချက်တွေအရ ကျူးလွန်ရင်လည်း ဥပဒေအရ ပြဌာန်းချက်တွေနဲ့အညီ ပြစ်မှုကျူးလွန်တာဖြစ်လို့ အမျိုးသားများနည်းတူ ပြစ်ဒဏ်ခံရမှာဖြစ်ပါတယ်။ ဒါပေမဲ့ အမျိုးသမီးတွေကိုတော့ အကြောင်းကြောင်းကြောင့် ရာဇ၀တ်တရားရုံးက သက်သက်ညှာညှာ စဉ်းစားပေးတာတွေလည်း ရှိပါတယ်။
ရာဇ၀တ်ကျင့်ထုံးမှာလည်း အမျိုးသမီးတွေအတွက် ပြဌာန်းချက်တွေ ပါရှိပါတယ်။ သက်သေခံဥပဒေ၊ တရားမ မှုခင်းဆိုင်ရာဥပဒေမှာဆိုရင်
ဦးမင်းလွင်- မြန်မာပြည်မှာ အမျိုးသမီးတွေရဲ့ အခွင့်အရေးကို ကာကွယ်ပေးထားတဲ့ ဥပဒေတွေ တော်တော်များများ ရှိတဲ့အတွက် ဘယ်နှစ်ခုရှိတယ် ဆိုတာကိုတော့ အတိအကျ မပြောနိုင်ပါဘူး။ ပြစ်မှုဆိုင်ရာ ဥပဒေ၊ ပြစ်မှုဆိုင်ရာ ကျင့်ထုံးဥပဒေ၊ မြန်မာ့ဓလေ့ထုံးတမ်း ဥပဒေ၊ လက်ထပ်ထိမ်းမြားခြင်းနှင့် အမွေဆက်ဆံခြင်းဆိုင်ရာ ဥပဒေ၊ အလုပ်ရုံ စက်ရုံဥပဒေ၊ ရေနံမြေအလုပ်သမားများ အက်ဥပဒေ၊ ခွင့်ရက် အလုပ်ပိတ်ရက်ဥပဒေ၊ လူမှုဖူလုံရေး အက်ဥပဒေ စတာတွေမှာ အမျိုးသမီးတွေအတွက် သီးသန့်ပြဌာန်းထားတဲ့ ပြဌာန်းချက်တွေကို အများဆုံး တွေ့နိုင်ပါတယ်။ လက်တွေ့အသုံးချနေရတဲ့ ဥပဒေအများစုကလည်း ပြောခဲ့တဲ့ ဥပဒေတွေပါပဲ။ ဘယ်လို အကာအကွယ်ပေးထားသလဲ ဆိုတာကတော့ ဥပဒေတခုချင်းအလိုက် ပြောရမယ်ဆိုရင် ဥပမာ- ပြစ်မှုဆိုင်ရာ ဥပဒေမှာ အမျိုးသမီးတဦးကို လက်ထပ်ထိမ်းမြားယူပါမယ်လို့
နောက်ပြီး ပြစ်မှုဆိုင်ရာ ကျင့်ထုံးဥပဒေပါ ပြဌာန်းချက်တွေထဲက ကလေးစရိတ်၊ မယားစရိတ် တောင်းဆိုတဲ့ မှုခင်းမျိုးတွေမှာ အမျိုးသမီးတွေရဲ့ ဥပဒေအရ ခံစားပိုင်ခွင့်ရှိတဲ့ အခွင့်အရေးတွေကို အချိန်တိုကာလအတွင်း ရရှိခံစားစေနိုင်ဖို့ ရည်ရွယ်ပြီး ပြဌာန်းထားတဲ့ ပြဌာန်းချက်တွေ ဖြစ်တာကိုလည်း တွေ့ရမှာဖြစ်ပါတယ်။
လုပ်ငန်းခွင်တွေမှာ ၀င်ရောက်လုပ်ကိုင်နေကြတဲ့ အမျိုးသမီးတွေအတွက်လည်း နိုင်ငံတကာ ပြဌာန်းချက်တွေနဲ့အညီ စက်ရုံ အလုပ်ရုံ ဥပဒေများ၊ ခွင့်ရက် အလုပ်ပိတ်ရက် နည်းဥပဒေများ၊ လူမှုဖူလုံရေး ဥပဒေများ စတာတွေနဲ့ အကာအကွယ်ပေးထားတာတွေ ရှိပါတယ်။ အရင်တုန်းက ပုဂ္ဂလိက လုပ်ငန်းပိုင်ဆိုင်မှုကို ပြောရရင် အကြီးစား စက်မှုလုပ်ငန်း ပိုင်ဆိုင်မှုတွေကို အစိုးရကသာ အများဆုံး ပိုင်ခဲ့တာဖြစ်တယ်။ ၁၉၈၈ နောက်ပိုင်း ဈေးကွက်စီးပွားရေး၊ တံခါးဖွင့်စီးပွားရေး စတာတွေကို ပြောင်းလဲကျင့်သုံးလာတော့မှ
ဥပမာ- ဖက်စပ်အထည်ချုပ် စက်ရုံမှာ အလုပ်လုပ်တဲ့ အလုပ်သမားတွေ အကြောင်းမဲ့ အလုပ်ဖြုတ်ခံရပြီ ဆိုပါတော့။ ဒီအလုပ်သမားတွေရဲ့ နစ်နာချက်တွေအတွက် ဘယ်သူက ဥပဒေနဲ့အညီ ခံစားခွင့်ရအောင် ဆောင်ရွက်ပေးမှာလဲ၊ ပြစ်မှုဆိုင်ရာအမှုတွေမှာ အစိုးရဖက်က လိုက်ပါဆောင်ရွက်ပေးမယ့် ဥပဒေအရာရှိ ရှိပေမယ့် အလုပ်သမားတွေရဲ့ အခွင့်အရေးနဲ့၊ လုပ်ခတွေအတွက် အရေးဆိုတဲ့ မှုခင်းဟာ ပြစ်မှုဆိုင်ရာအမှု မဟုတ်တဲ့အတွက် ရှေ့နေငှားရမ်းဖို့ကအစ အလုပ်သမားတွေအတွက် အခက်အခဲဖြစ်လာတယ်။ အလုပ်သမားတွေအနေနဲ့ မတရား အလုပ်ခံရမှန်းသိပေမယ့် မတတ်သာလို့ ငြိမ်ခံနေရတဲ့ အဖြစ်တွေ အများကြီး ရှိနေပါတယ်။ ဒီလိုကိစ္စများကို လိုက်ပါဆောင်ရွက်ပေးနိုင်ဖိ
ဓလေ့ထုံးတမ်း ဥပဒေနဲ့ ပတ်သက်လို့ကတော့ မြန်မာနိုင်ငံမှာ ဗုဒ္ဓဘာသာကိုးကွယ်သူများအတွက
ဥပမာ- ထက်ထပ်ထိမ်းမြားရေးဆိုင်ရာ ကိစ္စရပ်နဲ့ ပတ်သက်လို့ ပြောရရင် ရှေးယခင်က ကျင့်သုံးလာတဲ့ ဓလေ့ထုံးတမ်းအတိုင်း လိုက်နာကျင့်သုံးတာဖြစ်ပေမယ
မရမ်နိုးနိုးထက်စံ- ကျမလေ့လာမိသလောက်ကတော့ မြန်မာပြည်မှာ အမျိုးသမီးတွေအတွက် အကာအကွယ် ပေးထားတယ်လို့ ထင်ရတဲ့ ဥပဒေတချို့ရှိပါတယ်။ ဥပမာ မြန်မာပြည်ရဲ့ အမြင့်ဆုံး ဥပဒေဖြစ်တဲ့ (၁၉၄၈) ဖွဲ့စည်းအုပ်ချုပ်ပုံ အခြေခံဥပဒေကို ကျမတို့ ကြည့်မယ်ဆိုရင် rights and equality ညီမျှမှု အခွင့်အရေးများဆိုတဲ့ အခန်း (၂) ကို ကြည့်ရမှာဘဲ။ အနှစ်သာရအရကတော့ ခွဲခြားခြင်း မပြုရ၊ ညီမျှသော အခွင့်အလမ်းရှိရမည်။ တူညီတဲ့ လုပ်ခအတွက် တူညီတဲ့ လခရ ရမယ်ပေါ့ (ဇာတိ၊ ယောက်ျား၊ မိန်းမ၊ လူမျိုး၊ ဘာသာ မရွေးပေါ့လေ)။ နောက် ၁၉၇၄ ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်ရဲ့ ဖွဲ့စည်းအုပ်ချုပ်ပုံ အခြေခံ ဥပဒေမှာပါတဲ့ အခန်း (၁၁)၊ ပုဒ်မ (၁၄၇) ခွဲခြားမှု မရှိဘဲ တန်းတူညီမျှမှု ရှိရမည်။ ပုဒ်မ (၁၅၄-က) မှာဆိုရင်လည်း အမျိုးသမီးတွေဟာ အမျိုးသားတွေနည်းတူ စီးပွားရေး၊ လူမှုရေး၊ ယဉ်ကျေးမှုနဲ့ နိုင်ငံရေးတွေမှာ တန်းတူ ရည်တူ အခွင့်အရေးရှိတယ်လို့ ရေးထားသလို၊ ပုဒ်မ (၁၅၄- ဃ) မှာလည်း အမျိုးသမီးတွေဟာ လက်ထပ်ထိမ်းမြားရေး၊ လင်မယား ကွာရှင်းရေး၊ ပစ္စည်းခွဲဝေရေး၊ အမွေဆက်ခံရေးနှင့် သားသမီး စောင့်ရှောက် ထိမ်းသိမ်းရေးတို့နဲ့ ပတ်သက်ပြီး ဥပဒေအရ လွတ်လပ်ပိုင်ခွင့်နှင့် ရပိုင်ခွင့်တွေ ခံစားစေရမည်လို့ ဆိုထားပါတယ်။
အဲဒီပုဒ်မ (၁၅၄-ဃ)က သိပ်အရေးကြီးပါတယ်။ ဘာကြောင့်လဲဆိုရင် မြန်မာပြည်က အင်္ဂလိပ်လက်အောက် ကျရောက်ခဲ့တုန်းက အမျိုးသမီးတွေက အဲဒါတွေနဲ့ အတော်လေး ဝေးခဲ့ရတယ်။ ဒါကြောင့် အင်္ဂလိပ်အုပ်ချုပ်တဲ့ လက်ထက်မှာပဲ (၁၉၃၄-၁၉၃၈) ဗုဒ္ဓဘာသာ မိန်းမများ အထူးလက်ထပ်ထိမ်းမြားမှု ဥပဒေဆိုပြီး ထုတ်ပြန်လိုက်တယ်။ ဒါပေမဲ့ အဲဒီဥပဒေက ကမ္ဘာစစ်ဖြစ်တဲ့ ကာလဆိုတော့ သိပ်ပြီး အကောင်အထည်ဖော် မသုံးလိုက်ရဘူးတဲ့။ ဒါကြောင့် လွတ်လပ်ရေးရပြီးတဲ့ နောက်ပိုင်း (၁၉၅၄)ခုနှစ်မှာ အဲဒီ ဥပဒေကို ပြန်မွမ်းမံပြီး (၁၉၅၄) ဗုဒ္ဓဘာသာ မိန်းမများ အထူလက်ထပ် ထိမ်းမြားမှု၊ အမွေဆက်ခံမှု ဥပဒေဆိုပြီး ပြဌာန်းထားပြန်တယ်။ နောက်ပိုင်း အဲဒီဥပဒေကို ဘာသာရေးနဲ့ လူမှုရေး ရောယှက်နေတယ်ဆိုပြီး မြန်မာ့ဓလေ့ထုံးတမ်း ဥပဒေလို့ ဥပဒေပညာရှင်တွေက ပြန်ပြီးပြောင်းထားတယ်။ အဲဒီဥပဒေကို ခေတ်နဲ့အညီ မွမ်းမံနေတာကိုလည်း တွေ့ရပါတယ်။ နောက် ပြစ်မှုဆိုင်ရာ ဥပဒေမှာလည်း အမျိုးသမီးတွေအတွက် ပြဌာန်းထားတဲ့ ဥပဒေတချို့ကတော့ မုဒိန်းမှုလိုမျိုး၊ ကာအိနြေ္ဒပျက်ပြားစေမှုလိုမျု
မြန်မာ့ ဓလေ့ထုံးတမ်း ဥပဒေသည် အမျိုးသမီးများအတွက် ဘယ်လို အကျိုးပြုတယ်လို့ ယူဆပါသလဲ။ တကယ်လို့ အကျိုးမပြုတာတွေ များနေရင် ဘယ်လိုပြုပြင်သွားလို့ရနိုင
ဒေါ်မိုးမိုး- မြန်မာ့ဓလေ့ထုံးတမ်း ဥပဒေဟာ အမျိုသမီးများအတွက် အကျိုးပြုတာ များတယ်လို့ ကျမအနေနဲ့ ယူဆလို့ရပါတယ်။ ဘာကြောင့်လဲဆိုရင် မြန်မာ့ဓလေ့ထုံးတမ်း ဥပဒေဟာ (၁) မှန်ကန်ခြင်း (၂) တရားမျှတခြင်း (၃) အများအကျိုးပြုခြင်းတို့ အပေါ်မှာ အခြေခံခြင်းကြောင့် ဖြစ်ပါတယ်။ ဒါကြောင့်လည်း ကာလကြာရှည်စွာ တည်တံ့နေတာဖြစ်ပါတယ်။ ဓလေ့ထုံးတမ်းဥပဒေတခုကို လက်ခံဖို့ဆိုရင် အကျိုးအကြောင်း ဆီလျော်မှုရှိရမယ် တရားမျှတခြင်း၊ မှန်ကန်ခြင်း၊ အများအကျိုးပြုခြင်းစတဲ့ အရည်အသွေးများ ရှိပါက ကျိုးကြောင်းဆီလျော်ရမယ်။ ဥပဒေနဲ့ သဘောသွားညီရမယ်။ ဥပဒေနဲ့ ဆန့်ကျင်နေရင် ဓလေ့ထုံးတမ်းမှာ ပျက်ပြယ်တယ်။ အခွင့်အရေးအနေနဲ့ တောင်းဆိုပိုင်ခွင့်ရှိရမယ်
တကယ်လို့ ဓလေ့ထုံးတမ်း ဥပဒေဟာ ပြဌာန်းဥပဒေနဲ့ မကိုက်ညီပဲ ဆန့်ကျင်နေမယ်ဆိုရင် ပြဌာန်းဥပဒေကိုပဲ အတည်ယူရမှာ ဖြစ်ပါတယ်။ ဓလေ့ထုံးတမ်းဥပဒေကို ပြဌာန်းဥပဒေက လွှမ်းမိုးနိုင်တယ်လို့ ဆိုလို့ရပါတယ်။ ၁၈၉၈ ခုနှစ် မတိုင်ခင်က မြန်မာ့ဓလေ့ထုံးတမ်းဥပဒေဟာ ဗုဒ္ဓဘာသာဝင်အမျိုးသမီးတွေအတ
တခြား ဘာသာများဟာ လက်ထပ်ထိမ်းမြားခြင်းကို ဘာသာရေး အခမ်းအနားအဖြစ် သတ်မှတ်ကြပါတယ်။ ဘယ်လိုမှ မသက်ဆိုင်ဘူးဆိုဆို ခရစ်ယာန် ဘာသာဝင်များ အနေနဲ့ ထိမ်းမြားလက်ထပ်ရေးမှာ ဘာသာရေး အခမ်းအနားတရပ် ဖြစ်ပေမယ့် ထိမ်းမြားလက်ထပ်စဉ် ဘာသာရေးအရ လိုက်နာရမယ့် ကျင့်စဉ်များနဲ့ မညီ၊ နည်းလမ်းမကျ ဖြစ်ခဲ့ရတာကို အခွင့်ကောင်းယူပြီး တရားဝင် လင်မယားအဖြစ် မရောက်ခဲ့ကြောင်း ငြင်းဆိုခွင့်မရှိဆိုပြီး ကိုသန်းငွေနှင့် မခင်ရီ အမှုစီရင်ထုံး (၁၉၆၆ ခု၊ မြန်မာနိုင်ငံ စီရင်ထုံး ၆၀၇) မှာ ဖော်ပြထားတယ်။ အမှုဖြစ်ကြသူ လင်မယားမှာ တိုင်းရင်းသား ခရစ်ယာန်ဘာသာဝင်များ ဖြစ်ကြပါတယ်။ အချင်းချင်း မသင့်မတင့်ဖြစ်ကြပြီး ခွဲခွာနေကြသော အခါမှာ မိန်းမက ပြစ်မှုဆိုင်ရာ ကျင့်ထုံး ဥပဒေအရ မယားစရိတ် လျှောက်ထား တောင်းခံပါတယ်။ အဲဒီတော့ ယောက်ျားက သူတို့ မူလလက်ထပ်စဉ် ဘာသာရေးအရ လိုက်နာရမည့် ကျင့်စဉ်နဲ့ မညီ ချွတ်ယွင်းခဲ့သဖြင့် တရားဝင် လင်မယားအဖြစ်သို့ မရောက်ခဲ့ကြောင်း လျှောက်လှဲသည်။ ရုံးတော်က စီရင်ဆုံးဖြတ်တဲ့ အခါမှာ အမျိုးသမီးများဘ၀ လုံခြုံမှု ကာကွယ်ပေးဖို့ အစိုးရမှာ တာဝန်ရှိတယ်။ သူတို့ ဘယ်ဘာသာ ကိုးကွယ်တယ်ဆိုတာက ပဓါနမဟုတ်ပါ။ လက်ထပ်ထိမ်းမြား အိမ်ထောင်ပြုရေးသည် ဘာသာရေးကိစ္စမဟုတ်၊ လူမှုရေးကိစ္စသာ ဖြစ်သည်ဆိုပြီး တရားရုံးမှ ဖြေရှင်းပေးခဲ့သော စီရင်ထုံးများလည်း ရှိပါတယ်။
အဲဒီမှာ ဘာပြဿနာဖြစ်လဲဆိုတော့ ဗုဒ္ဓဘာသာဝင် အမျိုးသမီးတယောက်နဲ့ လူမျိုးခြား ဗုဒ္ဓဘာသာဝင် ယောက်ျားတယောက် လက်ထပ်ခဲ့ရင် ဘယ်ဓလေ့ထုံးတမ်း ဥပဒေနဲ့ ဖြေရှင်းမလဲဆိုတဲ့ ပြဿနာ ဖြစ်လာပါတယ်။ ဗုဒ္ဓဘာသာဝင် အမျိုးသမီးများ၊ အမျိုးသားများဟာ ဘယ်ဘာသာနဲ့မှ ယူခွင့် ရှိပါတယ်ဆိုတဲ့ ကန့်သတ်မှု မရှိပါဘူး။ မိမိတို့ ဘာသာထဲကို မဖြစ်မနေ ၀င်ရမယ်လို့ သတ်မှတ်ထားတာမျိုးလည်း မရှိပါဘူး။ လူမှုရေးကိစ္စဖြစ်တဲ့အတွက် ဘယ်ဘာသာဝင်မဆို ယူခွင့်ရှိပါတယ်။ ဒါကြောင့် ဗုဒ္ဓဘာသာဝင် အမျိုးသမီးတွေက လူမျိုးခြားနဲ့ ယူတဲ့အခါမှာ နစ်နာဆုံးရှုံးမှုတွေ ဖြစ်ခဲ့ရပါတယ်။
ဥပမာပြောရမယ်ဆိုရင် တီဝီရှိန်နှင့် မနှင်းလှိုင် (၄၊ ဘား မားလော တိုင်း၊ ၁၂၄) အမှုစီရင်ထုံးမှာ ကြည့်မယ်ဆိုရင် မြန်မာနိုင်ငံမှာ အမြဲနေထိုင်သည့် တရုတ်လူမျိုး ဗုဒ္ဓဘာသာဝင်တဦးနဲ့ မြန်မာဗုဒ္ဓဘာသာဝင် မြန်မာအမျိုးသမီးတဦးတို့ နှစ်ဦးဆန္ဒအရ မြန်မာဓလေ့ထုံးတမ်း ဥပဒေနဲ့အညီ ထိမ်းမြားလက်ထပ်ခဲ့ကြတယ်။ တရားဝင် လင်မယားအဖြစ် အထင်အရှား ပေါင်းဖက်နေထိုင်ခဲ့တယ်။ သားသမီးများ ထွန်းကားလာပြီးမှ တရုတ်အမျိုးသား ကွယ်လွန်ခဲ့တယ်။ သေဆုံးသွားသော တရုတ်အမျိုးသား ဆွေမျိုးများက ကျန်ရစ်သည့်အမွေကို ဆက်ခံလိုသဖြင့် အမွေမှုစွဲဆိုရာ ရုံးတော်က သေဆုံးသွားပြီးဖြစ်သည့် ထိုတရုတ် အမျိုးသားနှင့် မြန်မာဗုဒ္ဓဘာသာဝင် အမျိုးသမီးတို့၏ ထိမ်းမြားမှုမှာ မြန်မာ့ဓလေ့ထုံးတမ်း ဥပဒေအရ တရားဝင် လက်ထပ်ထိမ်းမြားခဲ့ခြင်း ဖြစ်သော်လည်း တရုတ်ဓလေ့ထုံးတမ်းအရ တရားဝင် အတည်ဖြစ်သည့် ထိမ်းမြားမှုမပြုခဲ့သဖြင့် ၄င်းတို့နှစ်ဦးသည် တရားဝင် လင်မယားအရာ မရောက်ခဲ့ကြောင်း လူမျိုးခြား ဓလေ့ထုံးတမ်းနဲ့ စီရင်ခဲ့တယ်။
အဲဒီလို စီရင်ထုံး အများအပြား ရှိခဲ့လို့ ဘယ်တိုင်းရင်းသား ဗုဒ္ဓဘာသာဝင်မဆို မြန်မာဓလေ့ထုံးတမ်း ဥပဒေနှင့် ဆန့်ကျင်ကြောင်း မပြနိုင်ရင် မြန်မာ့ဓလေ့ထုံးတမ်း ဥပဒေနဲ့ သက်ဆိုင်တယ်။ အလားတူပဲ မြန်မာနိုင်ငံထဲမှာ နေထိုင်တဲ့ တိုင်းရင်းသားလူမျိုး ဗုဒ္ဓဘာသာဝင်များဟာ မြန်မာ့ဓလေ့ထုံးတမ်း ဥပဒေနဲ့ သက်ဆိုင်တယ်။ ကိုးကွယ်မှု ပြဿနာကို ကြည့်မယ်ဆိုရင် မြန်မာ့ဓလေ့ထုံးတမ်း ဥပဒေအရ ထိမ်းမြားလက်ထပ်ပြီးနောက် လင်ဖြစ်စေ၊ မယားဖြစ်စေ အခြားဘာသာကို ကူးပြောင်း ကိုးကွယ်စေကာမူ ထိမ်းမြားမှုဟာ ပျက်ပြယ်ခြင်း မရှိပါဘူး။ ဆက်လက် တည်မြဲနေပါတယ်။
ဦးမင်းလွင်- ဓလေ့ထုံးတမ်းတခုကို လိုက်နာကျင့်သုံးဖို့ လိုအပ်တဲ့ သတ်မှတ် ပြဌာန်းချက်တွေ ရှိပါတယ်။ အလွယ်တကူနဲ့ ဓလေ့ထုံးတမ်းအဖြစ် သတ်မှတ်ကျင့်သုံးလို့ မရပါဘူး။ ဓလေ့ထုံးတမ်း ဥပဒေအဖြစ် လက်ခံကျင့်သုံးမယ်ဆိုရင် အဆိုပါ ဓလေ့ထုံးတမ်းဟာ...
၁။ ကာလကြာရှည်စွာ အခိုင်အမာနဲ့ တည်ရှိလာတဲ့ ဓလေ့ထုံးတမ်း ဖြစ်ရမယ်။
၂။ တရားမျှတမှု ရှိရမယ်။
၃။ လူအများ လက်ခံကျင့်သုံးမှု ရှိရမယ်။
၎။ နစ်နာချက်များကို တောင်းဆိုနိုင်ခွင့်၊ သက်သာခွင့်၊ ခံစားခွင့် စတာတွေပါ ရှိရမယ်။ အဲဒီလို သတ်မှတ်ချက်တွေနဲ့ ပြည့်စုံပါမှလည်း ဓလေ့ထုံးတမ်း ဥပဒေတခုဟာ တရားမျှတမှုကို ဖော်ဆောင်ပေးနိုင်မှာ ဖြစ်တယ်။
မြန်မာနိုင်ငံမှာ လက်ရှိကျင့်သုံးနေတဲ့ ဓလေ့ထုံးတမ်းဥပဒေဟာ အထက်က ပြောခဲ့သလို လက်ထပ်ထိမ်းမြားရေး၊ လင်မယား ကွာရှင်းရေး၊ အမွေခွဲဝေရေး၊ အမွေပုံ စီမံခန့်ခွဲရေးကိစ္စရပ်တွေနဲ
အဲဒီဥပဒေရဲ့ အကာအကွယ်ရနိုင်ဖို့အတွက် ပြဌာန်းထားတဲ့ဥပဒေ ပြဌာန်းချက်များအတိုင်း လိုက်နာဆောင်ရွက်ဖို့တော့ လိုပါတယ်။ နောက်တခုအနေနဲ့ ယခင်က ကိတ္တိမသားအဖြစ် မွေးစားရင် စာချုပ်စာတမ်းတွေ မလိုအပ်ခဲ့ဘူး။ ဒါပေမယ့် နောက်ပိုင်း အမွေပုံ စီမံခန့်ခွဲတဲ့အခါ အမွေရလိုမှုတွေ တရားစွဲဆိုတဲ့အခါမှာ အငြင်းပွားမှုတွေ ဖြစ်လာတဲ့အတွက် ၁၉၃၉ ခုနှစ် ကိတ္တိမသားသမီး မွေးစားခြင်း မှတ်ပုံတင် အက်ဥပဒေကို ပြဌာန်းခဲ့တယ်။ ၁၉၄၁ ခုနှစ်၊ ဧပြီလ (၁) ရက်နေ့မှာ စတင် အတည်ဖြစ်လာတယ်။ ဒါကြောင့် ၁၉၄၁ ခုနှစ်နောက်ပိုင်းမှာ ကိတ္တိမသားသမီး မွေးစားမယ်ဆိုရင် မှတ်ပုံတင် စာချုပ်စာတမ်းနဲ့ မွေးစားမှသာ တရားဝင်မွေးစားတဲ့ အဆင့်အတန်းကို ရမှာ ဖြစ်ပါတယ်။ ကိတ္တိမသားသမီးအဖြစ် တရားဝင်ခဲ့ပြီဆိုရင် သားသမီးအရင်းများနဲ့အတူ အမွေပုံကို အညီအမျှ ခံစားရမှာ ဖြစ်တယ်။
ကျွန်တော်တို့ရဲ့ မြန်မာဓလေ့ထုံးတမ်း ဥပဒေပါ ပြဌာန်းချက်များအရ လက်ထပ်ထိမ်းမြားရေးကိစ္စမှာ အခမ်းအနား မလိုဘူး။ စာချုပ်စာတမ်း မလိုဘူး။ အသက်အရွယ် ကန့်သတ်ချက် အနေနဲ့ မိန်းခလေးဆိုရင် အသက် (၂၀) ပြည့်ပြီးမှသာ မိဘသဘောတူညီချက် မလိုဘဲ လက်ထပ်နိုင်တယ်လို့ သတ်မှတ်ထားတာ ရှိတယ်။ အခုအခါမှာ မိဘစသဘောမတူတဲ့သူနဲ့ ခိုးရာလိုက်ပြောပြီး တရားရုံးမှာ နှစ်ဦးသဘောတူ လက်မှတ်ရေးထိုး စာချုပ်ချုပ်ဆိုပြီး လက်ထပ်တဲ့ ကိစ္စရပ်များကို အများဆုံး တွေ့လာရတယ်။ အရွယ်ရောက်သူများ အက်ဥပဒေအရ အသက် (၁၈) နှစ် ပြည့်ရင် ပဋိညာဉ်စာချုပ် ချုပ်ဆိုနိုင်တယ်။ ယောက်ျားလေးက အလိုမတူဘဲ အဓမ္မခေါ်ယူတာ မဟုတ်ဘဲ နှစ်ဦးသဘောတူ ဆောင်ရွက်တဲ့ ကိစ္စဖြစ်ကြောင်း၊ နှစ်ဦးသဘောတူ လက်ထပ်ထိမ်းမြားခြင်း ဖြစ်ကြောင်း အသိပေး ၀န်ခံစာချုပ် ချုပ်ဆိုတဲ့ သဘောပါပဲ။ မိဘက သဘောမတူရင် အမျိုးသမီးကို မိဘနှစ်ပါးက ပြန်လည်ခေါ်ယူပြီး ထိန်းသိမ်းထားနိုင်ပါတယ်။ ယောက်ျားလေး ဖြစ်သူကိုတော့ သွေးဆောင်ဖြားယောင်းတယ်၊ အဓမ္မ ခိုးယူပေါင်းသင်းတယ်၊ လိမ်လည်လှည့်ဖြားပြီး ခေါ်ယူစေတယ် စတဲ့ ပြစ်မှုဆိုင်ရာ ဥပဒေတွေနဲ့ အရေးယူလို့ မရနိုင်ဘူး။ ဘာဖြစ်လို့လဲဆိုတော့ နှစ်ဦးသဘောတူ စာချုပ်ချုပ်ဆိုထားတဲ့အတွက်
အခုအခါ မြန်မာနိုင်ငံမှာ မြန်မာ့ ဓလေ့ထုံးတမ်းအရ လက်ထပ်ပြီး တရားရုံးတွေမှာ နှစ်ဦးသဘောတူ လက်ထပ်ထိမ်းမြားခြင်း စာချုပ် ချုပ်ဆိုလာကြတာကို တွေ့ရတယ်။ တရားရုံးချုပ် တရားသူကြီးများ၏ ရှေ့မှောက်မှာ လက်ထပ်ထိမ်းမြားစာချုပ် ချုပ်ဆိုကြောင်း သတင်းစာတွေမှာ ဂုဏ်တခုအနေနဲ့ ထည့်သွင်းဖော်ပြရာ တဖြည်းဖြည်းနဲ့ လူအများ လိုက်နာ ကျင့်သုံးလာခဲ့တာ ဖြစ်တယ်။ မြန်မာ့ဓလေ့ထုံးတမ်း ဥပဒေအရ လက်ထပ်ထိမ်းမြားရာမှာ စာချုပ်စာတမ်းနဲ့မှ ဖြစ်ရမယ်ဆိုတာ မရှိခဲ့ပါဘူး။ ဒါပေမယ့် စာချုပ်စာတမ်းချုပ်ဆိုတာကို
လင်မယား ကွာရှင်းတဲ့ ကိစ္စတွေမှာလည်း မြန်မာ့ဓလေ့ထုံးတမ်း ဥပဒေအရ ယောက်ျား၊ မိန်းမ အခွင့်အရေးတွေ ရှိပါတယ်။ ဘယ်လို အခြေအနေတွေမှာ လင်မယား ကွာရှင်းနိုင်တယ် ဆိုတာတွေကို ပြဌာန်းထားပါတယ်။ တဆက်တည်းမှာဘဲ လင်မယား ကွာရှင်း ပြတ်စဲပြီးရင် ပစ္စည်းခန်းနဲ့ ပက်သက်လို့လည်း ဘယ်လိုခွဲဝေရမယ် ဆိုတာကို အတိအကျ သတ်မှတ်ထားတာ ရှိပါတယ်။ သားသမီးတွေကို ဘယ်သူက အုပ်ထိန်းသင့်သလဲ၊ သားသမီးတွေအတွက် ပညာသင်စရိတ်ကို ဘယ်လို စီမံခန့်ခွဲမလဲ ဆိုတာတွေကို ဓလေ့ထုံးတမ်း ဥပဒေမှာ ပြဌာန်းထားပါတယ်။ တခါတလေမှာ ဓလေ့ထုံးတမ်း ဥပဒေ ပြဌာန်းချက်နဲ့ ပြဌာန်းဥပဒေရဲ့ ပြဌာန်းချက်တွေ ပဋိပက္ခဖြစ်နေတာကိုလည်း တွေ့ရတယ်။ မြန်မာ့ ဓလေ့ထုံးတမ်းဥပဒေအရ လင်သေရင် ကျန်ရှိတဲ့ ပစ္စည်းဥစ္စာကို မယားဖြစ်သူက ခံစားရမှာ ဖြစ်တယ်။ ဒါပေမဲ့ ယောက်ျားဖြစ်သူက မသေခင်မှာ စာချုပ်စာတမ်းနဲ့ လွှဲအပ်သွားတဲ့ ကိစ္စမျိုးတွေလည်း ရှိပါတယ်။
ဥပမာ အသက် အာမခံထားတဲ့ ကိစ္စမျိုးပေါ့။ ယောက်ျားဖြစ်သူက အသက်အာမခံ ထားရာမှာ ၄င်း သေဆုံးတ့အခါ မိဘနှစ်ပါး၊ ဒါမှမဟုတ် ညီအစ်ကို မောင်နှမထဲက တဦးဦးကို တရားဝင် လွှဲပြောင်းပေးထားခဲ့တယ်ဆိုရ
မရမ်နိုးနိုးထက်စံ- မြန်မာ့ဓလေ့ထုံးတမ်း ဥပဒေအကြောင်းကိုသာ ဦးတည်ပြီး ပြောရမယ်ဆိုရင် အကျိုးမပြုနိုင်တာတွေကိုဘဲ ပိုပြီး ပြောပြချင်ပါတယ်။ ဒါမှလည်း ပြုပြင်ရမယ်ဆိုရင် အမြင်တခါတည်း ပေးပြီးသား ဖြစ်သွားတာပေါ့။ တစ် အချက်ကတော့ မြန်မာ့ဓလေ့ထုံးတမ်း ဥပဒေဟာ မြန်မာနိုင်ငံမှာ ရှိတဲ့ ဗုဒ္ဓဘာသာ မြန်မာ အမျိုးသမီးတွေအတွက်သာ ဦးတည်ရေးသားထားတယ် ဆိုတာ ခေါင်းစဉ်ပြောင်းသွားပေမယ့်
နှစ် အချက်ကတော့ မယားပြိုင်စနစ်ကို ပြဌာန်းထားတာပါဘဲ။ အဲဒီလို မယားပြိုင်စနစ်ကို ပြဌာန်းထားတာဟာ မိန်းမတွေရဲ့ စိတ်ပိုင်းဆိုင်ရာကို အလွန် ထိခိုက်စေပါတယ်။ ခေတ်နဲ့အညီ ပြောင်းလဲတယ် ဆိုပေမယ့် ငါတို့ မြန်မာနိုင်ငံဟာ တလင် တမယားစနစ်ဘဲ ရှိတာပါတို့ (ဥပဒေကို မသိသူ တချို့ ဆိုပါသည်) HIV/AIDS ကျန်းမာရေး ပညာပေးတွေမှာ တလင်တမယား စနစ်ကိုသာ တည်ဆောက်ကြပါ ဆိုတဲ့ ဆောင်ပုဒ်ကြီးတွေ တပ်ပြီး ကြားကောင်းအောင် အော်နေကြမယ့်အစား ဥပဒေမှာ ပြဌာန်းပြီး တင်းတင်းကြပ်ကြပ် အရေးယူသင့်တယ်လို့ ထင်ပါတယ်။ ဥပဒေစာအုပ် ရှင်းလင်းချက်မှာတောင်မှ (၄င်းသည် မင်းတုန်းမင်းဘုရား လက်ထက်ကပင် စတင်၍ ဖြစ်ပေါ်လာခြင်း ဖြစ်သည်။ လင်ပြိုင်စနစ်တော့ တခါမှ မရှိသည်ကို တွေ့ရသည်ဟု ဆိုပါသည်။) တခြားလူမျိုးတွေရဲ့ ဓလေ့ထုံးတမ်း ဥပဒေ တချို့မှာတော့ တလင် တမယား စနစ်ကို သွားတာမျိုး တွေ့ရတယ်။
သုံး အချက်ကတော့ အိမ်ထောင်ပြုတဲ့အချိန်မှာ ယောက်ျားနဲ့ မိန်းမ အသက်မတူတာပေါ့။ ယောက်ျားလေးက ၁၆ နှစ်မှာ အိမ်ထောင်ပြုလို့ ရတယ်။ ၁၈ နှစ်မှာ ဆုံးဖြတ်ချက် မချနိုင်ရင် မိဘသဘောတူမှု ယူရတယ်။ နောက်တချက်က မြန်မာဗုဒ္ဓဘာသာ ယောက်ျားလေးသည် ကျန်းမာရေးနှင့် ပြည့်စုံလျှင် မည်သည့် အရွယ်တွင်မဆို ထိမ်းမြားလက်ထပ်နိုင်တယ်။ အုပ်ထိန်းသူ၏ သဘောတူညီချက် ရယူရန်မလိဆိုပြီး ဆိုထားပြန်တယ်။ ဆိုတော့ ယောက်ျားလေးအသက်ကို အတိအကျ သတ်မှတ်ထားတာ မရှိဘူး။ ဥပဒေဆိုတာ တိကျဖို့ လိုလိမ့်မယ်လို့ ကျမ ထင်ပါတယ်။ အမျိုးသမီးတွေကိုတော့ ၂၀ ကျော်ရင် မိဘအုပ်ထိန်းသူ မပါဘဲ လက်ထပ်နိုင်တယ်။ ၂၀ အောက် ဆိုရင်တော့ တလင်ကွာ ဒါမှမဟုတ် ၂၀ မပြည့်သေးတဲ့ အမျိုးသမီး မဟုတ်ရင် လက်ထပ်လို့ မရဘူးလို့ ဆိုထားတယ်။ နောက်ပြီး မိန်းကလေးက အသက် ၁၄ နှစ်ထက် မငယ်ရဆိုပြီး ပြဌာန်းထားတာ ရှိနေပြန်သေးတယ်။ အဲဒီလိုမျိုး မညီမျှမှုတွေ ရှိနေတယ်။ နောက်ပိုင်း ယောက်ျားလေးအသက် ၁၆ နှစ်ပြည့်ရမယ်ဆိုပြီး ပြဌာန်းထားတာ ပါတယ်။ အဲဒီ နောက်ပိုင်းမှာဘဲ ယောက်ျားလေးဆိုရင် လူပျိုဖော် ၀င်ဖို့သာ လိုတယ် ဆိုတဲ့ စီရင်ထုံးကို တွေ့ရပြီး၊ အခုထိ အတည်ဖြစ်နေတာကို တွေ့ရပါတယ်။
နောက်တခုက တရားဝင်လင်မယားဖြစ်ရန် လိုအပ်ချက် ဆိုတဲ့ နေရာမှာလည်း မိန်းမမှာ မပြတ်စဲသော တရားဝင် လင်ယောက်ျား မရှိစေရဆိုပြီး ပြောထားပေမယ့် ယောက်ျားတွင် တရားဝင် မိန်းမ မရှိစေရ ဆိုတာကိုတော့ မတွေ့ရဘူး။ ယောက်ျားကိုလည်း မယားပြိုင်စနစ် သတ်မှတ်ထားတယ် ဆိုပေမယ့် ဘယ်နှစ်ယောက်ဆိုတာ မသတ်မှတ်ထားတာဟာ မြန်မာ့ဓလေ့ထုံးတမ်းရဲ့ အထူးခြားဆုံး တခုပါပဲ။ အဲဒီဟာက နိုင်ငံတကာ စံချိန်စံညွှန်းတွေကို ကျော်သွားပြီ ဖြစ်ပါတယ်။ တခြားတဖက်မှာတော့လည်း ကိုယ့်မှာ အိမ်ထောင်ရှိကြောင်း ပြောရမယ်ဆိုတာ ပြထားပြန်ရော ဆိုတော့ အတော် ရှုပ်ထွေးသလိုတော့ ဖြစ်နေတယ်။ အမျိုးသမီး ရှုထောင့်ကရော လူ့အဖွဲ့အစည်း စံတွေအရပါ စဉ်းစားစရာ ဖြစ်နေတာပေါ့။ အုပ်ထိန်းသူ ဆိုတဲ့နေရာမှာလည်း ကွဲပြားတာတွေ တွေ့ရတယ်။ အဖေရဲ့ အခန်းကဏ္ဍနဲ့ အနေရဲ့ အခန်းကဏ္ဍတွေကလည်း မတူပြန်ဘူး။ အမေကတော့ အုပ်ထိန်းသူအဆင့်ရဲ့အောက်မှ
ပြုပြင်သွားနိုင်တာကတော့ ဥပဒေဆိုတာကို အမျိုးသမီး ရှုထောင့်ကနေ ကြည့်တတ်အောင် အမျိုးသမီးရေးဆိုတာ ဘာလဲဆိုတာကို ပညာပေးဖို့ လိုပါတယ်။ အဲဒီထဲမှာ ဥပဒေနဲ့ အမျိုးသမီးတွေ ဆက်စပ်မှုအပိုင်းတွေကို ထောက်ပြနိုင်ရပါမယ်။ ဘယ်သူကမှ ဥပဒေကို ကျော်လွှားလို့ ရမှာ မဟုတ်သလို ဥပဒေဆိုတာကလည်း ဘယ်သူကမှ ဘက်လိုက်အောင် ဆောင်ရွက်လို့ မရဘူး ဆိုတာကိုလည်း တဆက်တည်း ပါသွားမှာပါဘဲ။ အဲဒီထဲမှာ ပြောချင်တာကတော့ အမျိုးသမီးရေးလို့ ပြောရင် ကျယ်ပြန့်လွန်းတာကြောင့် ရုတ်တရက်ဆိုရင် တမျိုးကြီးလို့ ထင်နေနိုင်ပါတယ်။ စကားတလုံးစီကို ရှင်းပြချင်ပေမယ့် ဥပဒေပိုင်းကို ပိုပြီး ဦးတည်နေတာကြောင့် မရှင်းပြလိုတော့ပါဘူး။ နောက် အမျိုးသမီးတွေကို ဥပဒေနဲ့ ပက်သက်ပြီး သိနားလည်လာအောင် သီးသန့် သင်တန်းတွေပေးဖို့ လိုအပ်တယ်။ တခုတော့ ရှိတာပေါ့၊ သင်တန်းတော့ ပေးပါရဲ့၊ ပြန်အသုံးချဖို့ အခွင့်အလမ်း မရှိဘူး ဆိုရင်လည်း မဖြစ်ဘူး။ တကယ် ဥပဒေကို လေ့လာပြီးတာနဲ့ လက်တွေ့ ပြန်ဝင်နိုင်ဖို့ တက်ရောက်တဲ့သူမှာလည်း တာဝန်ရှိသလို တက်ရောက်ခိုင်းတဲ့ အဖွဲ့အစည်းကလည်း တာဝန်ရှိတယ်။ နည်းလမ်းရှာပေးရမှာဘဲ၊ ဘယ်ဘာသာရပ်မဆို ကြာရင် မေ့တာဘဲ။ များများလုပ်တော့ များများ နားလည်လာမှာပေါ့။
နောက် အမျိုးသမီးတွေ ကိုယ်တိုင်ကလည်း ဥပဒေဘာသာရပ်ကို လေ့လာတဲ့အခါ အမျိုးသမီးရေးနဲ့ တွဲပြီး မြင်တတ်ဖို့လိုတယ်။ အမျိုးသမီးရေး ပညာပေးရေးဆိုတာ အမျိုးသမီးတွေကိုဘဲ ပေးဖို့ ဆိုလိုတာ မဟုတ်ပါဘူး။ အမျိုးသားတွေကိုရောပါ တဖက်က နားမလည်ဘဲ တဖက်ကနားလည်နေရင် ပြဿနာ ဖြစ်နိုင်တယ်။ အငြင်းပွားမှုတွေ ကြားမှာဘဲ လိုရင်းမရောက်နိုင်ဘူးပေါ့။
ဖွဲ့စည်းအုပ်ချုပ်ပုံ အခြေခံဥပဒေမှာ အမျိုးသမီးတွေအတွက် အကျိုးရှိပြီး ထိရောက်မှု ရှိသော ဥပဒေတွေ ထည့်သွင်း ပြဌာန်းနိုင်ရေးအတွက် ဘယ်လိုချဉ်းကပ်မှုများနဲ့ ဘယ်လို အဆင့်ဆင့် ဆောင်ရွက်သွားရန် လိုပါသလဲ။
ဒေါ်မိုးမိုး- အမျိုးသမီးတွေရဲ့ အခန်းကဏ္ဍကို အမျိုးသားတွေနဲ့ နည်းတူ တန်းတူ ပါဝင်ခွင့် ပေးဖို့ လိုပါတယ်။ အစဉ်အလာအရ အမျိုးသမီးတွေက နောက်ကျကျန်ခဲ့ရတဲ့ အခြေအနေမှာ တန်းတူပါဝင်လာနိုင်ဖို့ ဆိုတာကတော့ အချိန်အတော်ကြာ ယူရဦးမှာပါ။ ဓလေ့ထုံးတမ်းအရ အမျိုးသမီးတွေက အမျိုးသားတွေရဲ့ ဦးဆောင်မှုအောက်မှာ အမြဲတမ်း ရှိနေခဲ့ရပါတယ်။ ဘယ်အခန်းကဏ္ဍ မှာပဲဖြစ်ဖြစ် အမျိုးသမီးတွေကို ရှေ့တန်းတင်တယ်ဆိုတာ မရှိခဲ့ဘူး။ အနိမ့်ဆုံးအဆင့် မိသားစု တခုမှာပဲ အိမ်ထောင်ဦးစီးဖြစ်တဲ့ ယောက်ျားလုပ်တဲ့သူက စီးပွားရှာ ဦးဆောင်ပြီး မိန်းမက အိမ်ထဲမှာနေပြီး ယောက်ျားရှာလာတဲ့ စီးပွားကို ထိန်းဖို့၊ သားသမီးတွေကို ထိန်းဖို့သက်သက် အိမ်ထဲက အိမ်ပြင် မထွက်ပဲ အိမ်ထောင်ကို ထိန်းသိမ်းရမယ် ဆိုတဲ့ခေတ် မဟုတ်တော့ပါဘူး။ အစဉ်အဆက်က ဒီလိုအမြင်မျိုးတွေ ရှိခဲ့လို့လဲ ဒီခေတ် ဒီအချိန်မှာ ကျမတို့ အမျိုးသမီးတွေက နောက်ကျကျန်ခဲ့ရတာပါ။ ကျမတို့ အမျိုးသမီးတွေကို မိဘတွေရဲ့ အမြင်မှာတောင် သမီးမိန်းကလေးဆိုရင် အတန်းပညာကို ရအောင် ဘယ်တော့မှ သင်ပေးလေ့ မရှိဘူး။ မိန်းကလေးပဲ၊ ယောက်ျားရရင် သူ့ယောက်ျား လုပ်ကျွေးလိမ့်မယ်။ ၄ တန်းအောင်ရင် တော်ပြီ။ ရေးတတ်ဖတ်တတ်ရင် တော်ပြီး ဆိုတဲ့ အမြင်တွေက ကျမတို့ လူ့အဖွဲ့အစည်းမှာ အခုအချိန်ထိ ရှိနေတုန်းပါပဲ။ မိဘတွေရဲ့ ဒီလို အမြင်မျိုးတွေကြောင့် သမီးမိန်းကလေးတွေရဲ့ ပညာရေးက တခေတ် နောက်ကျ ကျန်ခဲ့ရတာပါ။ ဒီအမြင်မျိုးတွေကိုတော့ ဖျောက်ဖို့ လိုပါတယ်။
ကျမတို့ လူ့အဖွဲ့အစည်းမှာ အမျိုးသမီးတွေရဲ့ ပါဝင်ခွင့်ကို အလှမ်း ၁၀၀ မက နောက်ဆုတ်ထားခဲ့လို့ အခုလို အခြေအနေ ဖြစ်ခဲ့ရတာပါ။ နိုင်ငံရေး၊ စီးပွားရေး၊ လူမှုရေးစတဲ့ နေရာတွေမှာ အမျိုးသမီးတွေ ပါဝင်မှုကို လမ်းဖွင့်ပေးဖို့ လိုပါတယ်။ ကျမတွေ့ရသလောက် ပေ့ါလေ။ တချို့ အမျိုးသမီးတွေက အိမ်ထောင် ကျသွားပြီဆိုရင် သူတို့ရဲ့ ဘ၀ နိဂုံးချုက်လိုက်သလို ခံစားနေကြသလိုပဲ၊ မိသားစုထဲမှာပဲ အချိန်တွေကို အကုန်ခံတော့တယ်။ တခြားနေရာတွေမှာ အချိန်မပေးနိုင်ကြတော့ဘူး။ ဒါက အမျိုးသမီးတွေဖက်က အားနည်းချက်ပေါ့လေ။ မြန်မာနိုင်ငံရဲ့ ဖွဲ့စည်းပုံ အခြေခံဥပဒေဖြစ်တဲ့ ၁၉၄၇ ခုနှစ် ဖွဲ့စည်းပုံ အခြေခံ ဥပဒေမှာ ညီမျှမှု အခွင့်အရေးများ ပုဒ်မ ၁၄ မှာ ဘယ်လိုရေးထားသလဲ ဆိုရင် ပြည်သူ့ဝန်ထမ်းဆိုင်ရာ ရာထူးတို့၌ လည်းကောင်း၊ အလုပ်လုပ်ကိုင်မှု၊ ကုန်သွယ်ရောင်းဝယ်မှု၊ စီးပွားရှာမှု အတတ်ပညာနှင့် အသက်မွေးမှုတို့၌ နိုင်ငံသားအားလုံးသည် ညီမျှသော အခွင့်အလမ်းကို ရရှိရမည် ဆိုတဲ့ ဒီလိုပြဌာန်းချက်မျိုးကိုတေ
ဥပမာ - ပြောမယ်ဆိုရင် လွှတ်တော်မှာ အမျိုးသမီး ပါဝင်မှုကို အနည်းဆုံး ၁၀ ရာခိုင်နှုန်း သတ်မှတ်မယ်ဆိုရင် မဖြစ်မနေ ပါဝင်လာရမယ့် အခြေအနေ တခုတော့ ဖန်တီးပေးသလို ဖြစ်တာပေါ့လေ။ ဒါပေမယ့် အမျိုးသမီးတွေရဲ့ အရည်အချင်းတွေက ၂၀ ရာခိုင်နှုန်းထက် ကျော်နေမယ် ဆိုရင်လည်း အရည်အချင်းတွေ ရှိရင် ရှိသလောက် ပါဝင်ခွင့် ရသွားနိုင်ပါတယ်။
ဦးမင်းလွင်- ကျွန်တော် လေ့လာမိသလောက်ပြောရရင် နိုင်ငံ တော်တော်များများရဲ့ ဖွဲ့စည်းပုံ အခြေခံ ဥပဒေတွေမှာ ယောက်ျား၊ မိန်းမ လိင်ခွဲခြားမှု မရှိစေဘဲ အားလုံး တန်းတူ အကျိုးခံစားခွင့် ရှိတယ် ဆိုတာကို ထည့်သွင်း ပြဌာန်းထားပါတယ်။ ယခုအခါမှာ အချို့နိုင်ငံများရဲ့ ဖွဲ့စည်းပုံ အခြေခံဥပဒေမှာ လွှတ်တော် ကိုယ်စားလှယ်များရဲ့ သုံးပုံ တပုံ အမျိုးသမီးများ ပါဝင်သင့်တယ် ဆိုတဲ့ အတွေးအခေါ်၊ အယူအဆတွေကို အကောင်အထည်ဖော် ကျင့်သုံးနိုင်ဖို့ ဖွဲ့စည်းပုံ အခြေခံ ဥပဒေမှာ ထည့်သွင်း ပြဌာန်းပြီး အကောင်အထည်ဖော် ဆောင်ရွက်လာတာကို တွေ့ရပါတယ်။ အမျိုးသမီးများဟာ ယခင်ကလို အိမ်မှုကိစ္စတွေနဲ့ဘဲ မတင်းတိမ်သင့်တော့ဘူး။ ယောက်ျားတွေနဲ့ အရာရာမှာ ရင်ဘောင်တန်း ပါဝင်သင့်ပြီ ဆိုတဲ့ အယူအဆကို အခြေခံပြီး ပေါ်လာတဲ့ ကိစ္စရဲ့ နောက်ဆက်တွဲလို့ ကျွန်တော် မြင်ပါတယ်။ ကျွန်တော်တို့ မြန်မာနိုင်ငံရဲ့ ဖွဲ့စည်းပုံ အခြေခံဥပဒေတွေမှာ အထက်ပါအတိုင်း ပြဌာန်းထားပေမယ့် တချို့ကိစ္စတွေမှာ ခွဲခြားမှုတွေ ရှိခဲ့တာကို တွေ့ရပါတယ်။
ဥပမာ- တက္ကသိုလ်တွေမှာ သက်မွေးပညာ သင်ကြားရေးနဲ့ ပက်သက်လို့ ယောက်ျားလေးနဲ့ မိန်းခလေး ခွဲခြားထားတာတွေ ရှိခဲ့ပါတယ်။ စက်မှုတက္ကသိုလ် ၀င်ခွင့်၊ ဘူမိဗေဒပညာ သင်ယူခွင့်၊ သစ်တောပညာ သင်ယူခွင့်တွေမှာ မိန်းခလေးတွေကို အမှတ်ပိုများပြီး ကန့်သတ်ထားတာတွေ၊ လုပ်ငန်းသဘော သဘာဝအရ မိန်းခလေးတွေနဲ့ မသင့်တော်ဘူး ဆိုပြီး မရွေးချယ်တာတွေကို တွေ့ရမှာ ဖြစ်တယ်။ သစ်တောပညာဆိုရင် အမျိုးငမီးတွေ လျှောက်ထားခွင့်တောင် မရရှိဘူး။ ဒါတွေကိုတော့ ပြင်ဖို့ လိုပါတယ်။ ကာကွယ်ရေး စစ်တက္ကသိုလ် စတာတွေမှာလည်း အမျိုးသမီးတွေကို တက်ရောက်ပညာ သင်ကြားခွင့် မပြုတာတွေကိုလည်း ပြင်ဖို့ လိုပါတယ်။ လုပ်ငန်းရဲ့ သဘောသဘာဝအရ ခက်ခဲပင်ပန်းလို့ လျှောက်တာ မလျှောက်တာက ကာယကံရှင်ရဲ့ ရွေးချယ်မှုဘဲ ဖြစ်သင့်ပါတယ်။ ဥပဒေနဲ့ ကန့်သတ်ဖို့ မလိုပါဘူး။ နိုင်ငံရေးနဲ့ ပက်သက်တဲ့ အပိုင်းမှာလည်း ထိုနည်းတူဘဲ စိတ်ဝင်စားမှု ရှိတယ်၊ ရွေးချယ်ခံပိုင်ခွင့် ရှိတယ်ဆိုရင် ပါဝင်နိုင်တာဘဲ။ သီးသန့် ဘယ်နှစ်ရာခိုင်နှုန်း ပါဝင်သင့်တယ် ဆိုတာကတော့ ပြည်သူလူထုတွေရဲ့ ဆန္ဒကသာ အသင့်တော်ဆုံးနဲ့ မှန်ကန်တဲ့ အဆုံးအဖြတ် ဖြစ်မယ်ထင်ပါတယ်။
မရမ်နိုးနိုးထက်စံ- မြန်မာနိုင်ငံကတော့ ၁၉၈၈ နောက်ပိုင်းမှာကတည်းက ဖွဲ့စည်းအုပ်ချုပ်ပုံ မရှိဘဲ အုပ်ချုပ်နေတော့၊ အေးလေ စစ်အာဏာရှင်ဘဲကိုး၊ တကယ့် မလွယ်တဲ့ကြားကနေ ပြည်သူ့ကိုယ်စားလှယ်တွေနဲ့သ
နောက် ပြင်ဆင်နေတဲ့သူတွေကလည်း အဒီအတွက်ကို သေချာ အချိန်ပေးဖို့ လိုတယ်။ ပညာရှင်တွေနဲ့လည်း ဆွေးနွေးရမှာဘဲ။ တခါတလေ ပညာရှင်တွေ မြင်တဲ့အမြင်ကိုလည်း ပြန်ဆွေးနွေးရင်လည်း ဆွေးနွေးရမှာပါဘဲ၊ အမြင်ဖလှယ်တာပေါ့လေ၊ နောက် မြန်မာနိုင်ငံက အမျိုးသမီးများအား ဖိနှိပ်ခွဲခြားမှု ပပျောက်ရေး စာချုပ်ကို လက်မှတ် ထိုးထားသလို လူ့အခွင့်အရေး စာတမ်းကိုပါ သဘောတူခဲ့တဲ့ အစိုးရ တရပ်အနေနဲ့ တာဝန်ရှိတယ် (ကျမပြောတဲ့ အစိုးရဆိုတာကတော့ နောင်လာမယ့် ပြည်သူ့ကိုယ်စားပြု အစိုးရကို ဆိုလိုတာပါ)၊ အစိုးရက ဒါတွေကို ကိုးကားရေးသားရမှာ ဖြစ်တဲ့အတွက် အစိုးရ ဖြစ်လာမယ့် သူတွေကိုလည်း တိုက်တွန်းရမှာပေါ့လေ။ အဲဒီ ဖွဲ့စည်းအုပ်ချုပ်ပုံ အောင်မြင်အောင် ဖြတ်ကျော်သွားတဲ့ နိုင်ငံတွေကိုလည်း လေ့လာရမှာပေါ့လေ။
ဥပမာ- ဖိလစ်ပိုင် နိုင်ငံမှာဆိုရင် ၁၉၈၇ ခုနှစ်မှာ ရေးဆွဲတဲ့ ဖွဲ့စည်းပုံ ဆိုရင် အခြေခံဥပဒေ ရေးဆွဲရေး ကော်မရှင် တရပ် ဖွဲ့စည်းတယ်။ ပြီးတော့ ပြည်သူ့ဆန္ဒ အများဆုံး ပါဖို့အတွက် သက်ဆိုင်ရာ အကြောင်းအရာအလိုက် အထူးအာရုံစိုက် ဆောင်ရွက်ပေးဖို့ ဆပ်ကော်မတီ ၁၈ ခုကို ထပ်မံဖွဲ့စည်းပြီး ပြည်သူတွေရဲ့ လိုလားတင်ပြချက်တွေ၊ အကြံဉာဏ်တွေကို နားထောင်တယ်။ စုဆောင်းတယ်။ နောက် လူထု ကြားနာပွဲတွေ နိုင်ငံအနှံ့မှာ စီစဉ်ပေးတယ်။ ပြည်သူလူထုကို ပြန်ပြီး ရှင်းပြပေးတဲ့ အစည်းအဝေးတွေ ကျင်းပပေးတယ်။ အဲဒီလုပ်ငန်းတွေကို ကျယ်ကျယ်ပြန့်ပြန့် လုပ်ဆောင်ပေးတယ်လို့ ဆိုပါတယ်။ ဆိုတော့ ပြည်သူတွေကိုယ်တိုင် ပါဝင်လုပ်ဆောင်နိုင်တဲ့ အခြေခံဥပဒေ ရေးဆွဲရေး လုပ်ငန်းစဉ်ကို အစိုးရက ကမကထ ပြုပေးတဲ့ သဘောပါပဲ။ အဲဒီအချိန်ကတော့ စစ်အာဏာရှင် လက်အောက်ကနေ လွတ်ပြီး ပြည်သူ့ခေါင်းဆောင် ကိုရာဇန်အကွီနို အုပ်ချုပ်ခွင့် ရတဲ့ကာလမှာ ဖြစ်ပါတယ်။
ကျမတို့ နိုင်ငံမှာလည်း အာဏာရှင် ပြုတ်ကျရေးကို ပြည်သူလူထုက အပြည့်အ၀ တတ်နိုင်တဲ့ ဖက်ကနေ လစ်လျူမရှုဘဲ ပါဝင်ဖို့က ပိုပြီး ပထမဆုံး အချက်ကျမယ် ထင်တယ်။ ဘာကြောင့်လဲဆို ဖိလစ်ပိုင် နိုင်ငံမှာ စစ်အာဏာရှင် ပြုတ်ကျရေးအတွက် အဓိက လူထုအားကို အပြည့်အ၀ အသုံးချ တိုက်ပွဲဝင်ခဲ့လို့ပါပဲ။ နောက် နိုင်ငံ တခုကတော့ ထိုင်းနိုင်ငံပေါ့။ အဲဒီမှာလည်း ပုံစံချင်း ကွဲပြားပေမယ့် အနှစ်သာရကတော့ အတူတူပါဘဲ။ သူတို့လည်း ပြည်သူအများရဲ့ အကြံဉာဏ်ကို တောင်းပြီး အကျင့်ပျက် နိုင်ငံရေးသမားတွေကို တင်းတင်းကြပ်ကြပ် အရေးယူပေးဖို့နဲ့ ရေးဆွဲထားတဲ့ မူကြမ်းပါ အချက်တွေကို ပြည်သူက လက်ခံထားတာကြောင့် အတည်မပြုပေးရင် လူထုက ဆန္ဒပြမှာပါဘဲ။ ဒီလိုနဲ့ လူ့အခွင့်အရေးနဲ့ ဒီမိုကရေစီကို အများဆုံး အကာအကွယ် ပေးနိုင်တဲ့ အခြေခံဥပဒေတရပ် ပေါ်လာတာပါဘဲ။ အဲဒီလို ဖြစ်လာဖို့ရဲ့ အခြေခံ အကြောင်းရင်းကလည်း စစ်အာဏာရှင်ကြောင့်ဘဲ။ ၁၉၉၁ မှာ စစ်အာဏာ သိမ်းမှု ဖြစ်တယ်။ ပြီးတော့ ၁၉၉၂ Black May လို့ လူသိများတဲ့ ကိစ္စရပ်ရဲ့ တွန်းအားပေးမှုကြောင့်ပါဘဲ။
နောက်ထပ် နိုင်ငံ တခုကတော့ တောင်အာဖရိက နိုင်ငံပါဘဲ။ အားလုံး သိပြီးသားဖြစ်တဲ့ အသားအရောင် ခွဲခြားမှု အုပ်ချုပ်ရေး စနစ်ကနေ နိုင်ငံသားတိုင်း သာတူညီမျှ နိုင်ငံရေးတွင် ပါဝင်ဆောင်ရွက်နိုင်သော ဒီမိုကရေစီ နိုင်ငံရေးစနစ် အသွင်ကူးပြောင်းရေး လုပ်ဆောင်ရာမှာ နိုင်ငံဖွဲ့စည်း အုပ်ချုပ်ပုံ အခြေခံဥပဒေရဲ့ ကိစ္စရပ်တွေမှာ အတော်လေး ထဲထဲဝင်ဝင် ပါဝင်လာတာကို တွေ့ရပါလိမ့်မယ်။ သူတို့ လုပ်ဆောင်သွားတဲ့ နည်းလမ်းလေးတွေကလည်း ဒီလိုပါဘဲ။ လူထုအတွက် ကြားခံဆက်သွယ်ပေးရေး အစီအစဉ်၊ သတင်းလောကမှ လှုံ့ဆော် စည်းရုံး ပညာပေးရေး၊ လူထုထံမှ ရေးသားထားသော အကြံပြုလွှာ တောင်းခံရေး ဆိုတဲ့ အချက်အလက်တွေကို အသုံးပြုသွားတယ်လို့ မှတ်သားရပါတယ်။ အဲဒီမှာလည်း သူတို့က လူထုဆန္ဒကို အများဆုံး ထင်ဟပ်နိုင်တဲ့ အခြေခံဥပဒေ တရပ်ကို အစစ်အမှန် ရွေးချယ်ခံထားရတဲ့ ပြည်သူ့ကိုယ်စားလှယ်တွေက တာဝန်ယူ ရေးဆွဲပေးတယ်လို့ သိရပါတယ်။ ပညာရှင်တွေရဲ့ အကူအညီ ရယူဖို့အတွက်လည်း သက်ဆိုင်ရာ ကဏ္ဍအလိုက် ကော်မတီတွေ ဖွဲ့ပြီး အကြံ ရယူတယ်လို့ ဆိုပါတယ်။
နောက် ကမ္ဘောဒီးယားမှာတော့ အစိုးရဖွဲ့စည်းရေး ကိစ္စကို မပြေလည်ရင် အခြေခံဥပဒေ ရေးလို့ မရလောက်အောင်ဘဲ အစိုးရဖွဲ့စည်းရေးက လွှမ်းမိုးနေတယ်လို့ ဆိုတယ်။ ဒါဆိုရင် ကျမတို့ နိုင်ငံမှာက စစ်အာဏာရှင် ပြုတ်ကျရေးကို အရင် ပြင်ဆင်ရမလား၊ ပြီးမှ အစိုးရဖွဲ့စည်းရေးလား၊ ပြီးမှ ဖွဲ့စည်းအုပ်ချုပ်ပုံလားပေါ
နောက်တခုက မာနနဲ့ ငါတို့ကို သီးသန့် လုပ်ပေးတာထက် ရတယ်၊ နေရာ မရချင်နေ၊ ကိုယ့်ဖာသာ ကြိုးစားမယ်လို့ ကျမတော့ တွေးခဲ့ဖူးတယ်။ ဒါပေမယ့် တကယ်တမ်းကျတော့ လူ့အဖွဲ့အစည်းက ချည်နှောင်ထားတဲ့ ကြိုးတွေကို ရုန်းထွက်ရတာ အရည်အချင်းသာ ပြည့်သွားမယ်၊ ဘယ်တော့မှ ကိုယ်လုပ်ချင်သလောက် လုပ်လို့ ရမှာ မဟုတ်ဘူး။ အိုကေ၊ ကျမတို့က နေရာ ရလာပါပြီတဲ့၊ ကိုယ်တိုင် မကြိုးစားပြန်ရင်လည်း မရဘူး။ အဲဒီလိုဘဲ နေရာလည်း ရပြီ၊ ကြိုးစားမှုလည်း ရှိပြီဆိုရင် ခင်ဗျား ဘယ်သူလဲ ဆိုတာကို သိနိုင်ဖို့အတွက် လက်တွဲပေးဖို့ လိုတယ်။ ဒါမှ ခင်ဗျား ဘာလုပ်နိုင်မလဲ ဆိုတာကို သိမှာပေါ့။ ဒါမှ လုပ်ခွင့်ရမယ်။ တဖြည်းဖြည်းနဲ့ ပိုကျယ်ပြန့်လာမယ်။ မနာလိုစိတ်တွေ ဖယ်ထား၊ ခင်ဗျားကို လူသိများလာရင် ကျမသက်သာတာပေါ့လို့သာ မှတ်၊ ဒါဆိုရင် ကိုယ့်အလုပ်တွေကို သူပခုံးပြောင်း ထမ်းယူလိမ့်မယ်။ ၀န်ပေါ့သွားမှာကို မကြောက်ပါနဲ့။ နောက်ဝန်တခုက ကိုယ့်အပေါ် ရောက်လာဦးမယ်။ အဲဒီလို လူတွေကဘဲ ပိုပြီးလေးစားဖွယ် ရှိတယ်လို့ ကျမတို့ လူ့အဖွဲ့အစည်းက လက်ခံထားပြီးသား မဟုတ်လား။ ဒီတော့ လက်တွဲခေါ်ယူရေးမှာ အားနည်းနေသရွေ့ကတော့ ကျမတို့ အိပ်မက်ထဲမှာ လမ်းလျှောက်ကြရဦးမှာပေ့ါ။
ဥပဒေက တရားရုံးတွေ၊ ရှေ့နေတွေ၊ တရားသူကြီးတွေနဲ့သာ ဆိုင်တာမဟုတ်ပဲ လူတိုင်းနဲ့ ဆိုင်တယ် ဆိုတဲ့အကြောင်းကို ကျယ်ကျယ်ပြန့်ပြန့် ပညာပေးနိုင်ဖို့ ဘယ်လိုအစီအစဉ်မျိုးတွေ ချမှတ် လုပ်ဆောင်သွားသင့်ပါသလဲ။
ဒေါ်မိုးမိုး- ကျမတို့ မြန်မာနိုင်ငံရဲ့ လက်ရှိ အခြေအနေကတော့ တရားစီရင်ရေးတွေ အားမကောင်းဘူး။ တရားသူကြီးတွေ လာဘ်စားနေတယ်။ တရားစီရင်တဲ့ နေရာမှာ ငွေများ တရားနိုင် ဖြစ်နေတယ်။ တရားမျှတမှု မရှိဘူး။ ဥပဒေကို လိုသလို ပုံသွင်းယူပြီးတော့ လိုသလို တရားစီရင်နေတဲ့ အပေါ်မှာ ပြည်သူလူထုအနေနဲ့ ဥပဒေတွေနဲ့ ထိတွေ့ရမှာ၊ ငြိစွန်းလာမှာ ကြောက်လာတယ်။ ရဲစခန်းဆိုတာလည်း ကြားရုံနဲ့တင် ကြောက်နေကြတယ်။ တရားရုံးဆိုတာလည်း မတရားတဲ့ သူတွေအတွက်၊ မကောင်းတဲ့သူတွေ သွားတဲ့ နေရာတခုလို့ ဒီလို မြင်လာကြတယ်။
ဒီလိုအမြင်တွေ ပျောက်ဖို့ဆိုရင်တော့ ပညာပေးလုပ်ငန်းကတော့ အဓိကကျတဲ့ အခန်းကဏ္ဍမှာ ပါဝင်နေပါတယ်။ ပြည်သူလူထုကြားထဲမှာ ဥပဒေတွေနဲ့ အမြဲထိတွေ့မှုရှိအောင် ဥပဒေစာအုပ်တွေကို အလွယ်တကူ ဖတ်ခွင့်ရအောင် ဖန်တီးပေးဖို့ လိုပါတယ်။ ဥပဒေရေးရာ သင်တန်းများကိုလည်း မကြာခဏ လုပ်ပေးနိုင်မယ် ဆိုရင် ထိရောက်တဲ့ ပညာပေးမှု တခုပါပဲ။ စာစောင်တွေ၊ ဂျာနယ်တွေမှာလည်း ဥပဒေရေးရာတွေကို ထည့်သွင်း ဖော်ပြသွားမယ်ဆိုရင်လည်း ဖြစ်နိုင်ပါတယ်။ အဓိကကတော့ ပြည်သူလူထုကို ဒီဥပဒေတွေကို ဖတ်ဖြစ်အောင် ဖန်တီးပေးဖို့ပါပဲ။ ဥပဒေဆိုတာ ပြည်သူလူထုကို ဒုက္ခပေးဖို့ မဟုတ်ဘူး။ ကာကွယ်ပေးဖို့ပဲ ဖြစ်တယ်ဆိုတာ လူထုကြားထဲမှာ ကျယ်ကျယ်ပြန့်ပြန့် နားလည်ထားဖို့ လိုပါတယ်။ တကယ်တော့ တရားဥပဒေဆိုတာ မှန်ကန်ုခြင်း၊ မျှတခြင်းနဲ့ ညွှန်ကြားချက်၊ ညွှန်ကြားခြင်း နှစ်ခုကို ပေါင်းစပ်ထားတာပါ။ ဒါကြောင့် တရားမျှတ မှန်ကန်တဲ့ ညွှန်ကြားချက်လို့ အဓိပ္ပာယ် ရပါတယ်။ ဒီလို မျှတ မှန်ကန်တဲ့ ဥပဒေတွေကို ပြည်သူလူထုအနေနဲ့လည်း လိုက်နာဖို့ လိုပါတယ်။
ဥပဒေတွေကို ဂရုမစိုက်ကြတဲ့ အဓိက အချက်တခုကတော့ တရားစီရင်ရေး စနစ်အပေါ်မှာ ယုံကြည်မှု နည်းနေတာကြောင့်ပါ။ တရားစီရင်ရေးက ထိရောက်တဲ့ တရားစီရင်ရေး မဖြစ်တာကြောင့်လည်း ပြည်သူလူထုက ယုံကြည်မှု နည်းလာကြခြင်း ဖြစ်ပါတယ်။ ဥပဒေက မည်သို့ပင် ဆိုစေကာမူဆိုပြီး ငွေဘက်ကို လိုက်သွားကြတဲ့ ငွေများ တရားနိုင် တရားစီရင်ရေး စနစ်ကြောင့် ဥပဒေအပေါ်မှာ ယုံကြည်မှု နည်းလာကြခြင်း ဖြစ်ပါတယ်။ အဲဒီလို ယုံကြည်မှု ပျက်ယွင်းလာခြင်းဖြင့် သက်ဆိုင်ရာ ပြည်သူလူထုက ဥပဒေရဲ့ လုပ်ထုံးလုပ်နည်းတွေကို ပြောင်းလဲပြီးတော့ပဲ ဖြစ်ဖြစ်၊ ဥပဒေဆိုင်ရာ လုပ်ထုံးလုပ်နည်းများအတိုင်
တချို့နေရာတွေမှာ ဆိုရင် သံသယ သက်သက်နဲ့ပဲ ပြစ်ဒဏ် စီရင်လာတတ်ကြတယ်။ လူမှုရေး လုံခြုံမှု နည်းပါးတဲ့ နေရာတွေမှာ ဆိုရင် ခိုးမှု၊ ဓားပြတိုက်မှု စတဲ့ မှုခင်းတွေကို တရားရုံးတင် စစ်ဆေးခြင်းမရှိဘဲ ပြစ်ဒဏ်စီရင်ပေးဖို့ တောင်းဆိုတတ်ကြတယ်။ ဒီလို အခြေအနေမျိုးတွေကို ကာကွယ်ဖို့ ဆိုရင်တော့ ဥပဒေကို လေးစားလိုက်နာ စောင့်ထိန်းရန် တာဝန်ရှိသည့် အာဏာပိုင်များ၊ အခွင့်အာဏာရှိသော စုံစမ်း စစ်ဆေးရေး အရာရှိများ၊ တရားသူကြီးများက ဥပဒေအတိုင်း တိကျစွာ လိုက်နာလုပ်ဆောင်ရန် ကြီးကြပ် ကွပ်ကဲကြခြင်းနှင့် တရားရုံး လုပ်ထုံးလုပ်နည်းများနှင့် အညီ ပြစ်ဒဏ်စီရင်မှုအပေါ် ပြည်သူလူထု၏ ယုံကြည်မှု ရလာဖို့ လိုအပ်ပါတယ်။ တရားစီရင်ရေး အပေါ်မှာ ယုံကြည်မှု ရှိမှသာလျှင် ဥပဒေအပေါ်မှာလည်း ပြည်သူလူထုအနေနဲ့ ယုံကြည်မှု ရလာမှာ ဖြစ်ပါတယ်။
ဦးမင်းလွင်- ကျွန်တော်တို့ မြန်မာနိုင်ငံက ပြည်သူလူထုတွေ အနေနဲ့ အရိုးစွဲနေတဲ့ အချက်တချက်က ရဲစခန်းတို့ တရားရုံးတို့ကို မသွားသင့်တဲ့ အရပ်လို့ စိတ်စွဲနေတာပါဘဲ။ ဒါကလည်း ကိုလိုနီခေတ်က ရဲစခန်းနဲ့ တရားရုံးတို့ကို ရောက်တဲ့ သူတွေကို ရာဇ၀တ်သားတွေလို့ အထင်ခံရအောင် အင်္ဂလိပ် အစိုးရက ဖန်တီးပေးခဲ့တဲ့ ဆိုးမွေပေါ့။ တရားရုံး မသွားတော့ တရားရုံးနဲ့ ပက်သက်တဲ့ ကိစ္စတွေကို မသိဘူး၊ တရားရုံးနဲ့ ပက်သက်လို့ ဥပဒေ ဗဟုသုတ မရှိကြဘူး။ ဒီတော့လည်း အမှုအခင်းတွေနဲ့ ကြုံတွေ့ရတဲ့ အခါမှာ ရှေ့နေတွေ၊ ဥပဒေ၀န်ထမ်းလို့ ခေါ်တဲ့ ဆွဲချဆိုသူတွေ၊ ဥပဒေနဲ့ အကျွမ်းဝင်နေတဲ့ တရားရုံး အမှုထမ်းတွေ၊ ရဲအမှုထမ်းတွေ ပြောတဲ့အတိုင်း ယုံကြည်လိုက်တာဘဲ။ အယုံလွယ်တတ်တဲ့ သူတွေထဲမှာ မြန်မာပြည်သူတွေက ရှေ့ဆုံးကလို့ ပြောရင်တောင် ရမယ်ထင်ပါတယ်။ နောက်ပြီးတော့ ကျွန်တော်တို့နိုင်ငံရဲ့ ပညာရေးစနစ် မကောင်းခဲ့တာလည်း အပါအ၀င်ပေါ့။ အလယ်တန်း၊ အထက်တန်းတွေမှာ ကျွန်တော်တို့ နိုင်ငံမှာ ကျင့်သုံးနေတဲ့ ဥပဒေတွေနဲ့ ပက်သက်လို့ အနည်းငယ် မိတ်ဆက် သင်ပေးတာ မရှိခဲ့ဘူး။ ဒါတွေကို ကျွန်တော်တို့ ပညာပေးဖို့လိုပါတယ်။ တရားရုံးကို ရောက်လာတဲ့အခါ မိမိတို့မှာ ဘယ်လိုအခွင့်အရေးတွေ ရှိတယ်ဆိုတာကို အနိမ့်ဆုံး သိအောင် ပညာပေးထားသင့်တယ်လို့ ထင်ပါတယ်။
ပြီးတော့ ကျွန်တော်တို့ မြန်မာနိုင်ငံမှာ ဥပဒေ ကိစ္စရပ်တွေကို အကောင်အထည် ဖော်တဲ့အခါမှာ မျှတတဲ့ တရားစီရင်ရေးကို အထောက်အကူ ပေးမယ့် ဥပဒေဆိုင်ရာ အထောက်အကူပြု အဖွဲ့အစည်းတွေ အားနည်းနေသေးတယ်။ ထောင်ဒဏ် ၁၀ နှစ်နဲ့ အထက် သေဒဏ်ကျခံနိုင်တဲ့ အမှုကိစ္စများမှာ ဆင်းရဲနွမ်းပါးသူများအတွက် နိုင်ငံတော် စားရိတ်နဲ့ ရှေ့နေငှားရမ်းပေးရမယ်ဆိုတာ
ဆင်းရဲနွမ်းပါးမှုတွေ အပေါ်မှာ အခြေခံပြီး ရာဇ၀တ်မှုတွေ တိုးတက် များပြားလာပါတယ်။ ဒါကလည်း ထုံးစံပါဘဲ။ မြန်မာစကားပုံတောင် ရှိသေးတယ် မဟုတ်လား။ အူမတောင့်မှ သီလစောင့်နိုင်မယ် ဆိုတာ၊ မဖွံ့ဖြိုး မတိုးတက်သေးတဲ့ နိုင်ငံထဲမှာ မြန်မာနိုင်ငံလည်း အပါအ၀င် ဖြစ်နေတာမို့ ရာဇ၀တ်မှုတွေ တိုးပြီး ဖြစ်နေဦးမှာဘဲ။ စီးပွားရေး အဆင်မပြေမှုကို အခြေခံပြီး လူမှုရေး ပြဿနာ မျိုးစုံကိုလည်း ရင်ဆိုင် ကြုံတွေ့နေရမှာဘဲ။ ဒီအခါမှာ တရားရုံးတွေရဲ့ အရေးပါမှုကလည်း မပါမဖြစ် ရှိနေဦးမှာဘဲ။ တရားရုံးတွေမှာလည်း နိုင်ငံတော်က ပေးတဲ့ လစာငွေနဲ့ မလုံလောက်ရင် လာဘ်စားမှုဆိုတာ ရှိနေဦးမှာဘဲ ဖြစ်တယ်။ အထက်တန်း ရှေ့နေ စာမေးပွဲများကို ကျင်းပပြီး ရှေ့နေ အမြောက်အများ မွေးထုတ်နိုင်ဖို့ လိုပါတယ်။ သက်မွေးပညာရပ် တခုအနေနဲ့ ပြည်သူလူထုတွေ ကြားထဲမှာ လေ့လာ လိုက်စားချင်တဲ့စိတ် ပေါ်ပေါက်လာအောင်လည်း သင်တန်းကျောင်းတွေကို တိုးချဲ့ ဖွင့်လှစ်ပြီး အခမဲ့ သင်ကြားလေ့လာခွင့် ပြုသင့်တယ်လို့ မြင်ပါတယ်။ လူထုကြားမှာ ဥပဒေပညာ ပြန့်ပွားလာရင် ရာဇ၀တ်မှုတွေနဲ့ အခြား လုမှုရေးအရ ပေါ်ပေါက်လာတဲ့ ပြဿနာတွေ လျော့နည်းသွားလိမ့်မယ်လို့ ယူဆပါတယ်။
တဖက်ကလည်း အမှန်တရားကို တကယ်တမ်း ဖော်ဆောင်နိုင်မယ့် လွတ်လပ်တဲ့ တရားစီရင်ရေး၊ မျှတတဲ့ တရားခွင်တွေ ပေါ်ပေါက်ဖို့အတွက် နိုင်ငံတော် အစိုးရကလည်း အကောင်အထည်ဖော် အားပေးဖို့ လိုတယ်။ အနာဂတ် ဖွဲ့စည်းပုံ အခြေခံ ဥပဒေမှာလည်း လွတ်လပ်တဲ့ တရား စီရင်ရေးကို ဖော်ဆောင်နိုင်မယ့် ဥပဒေ ပြဌာန်းချက်များလည်း ထည့်သွင်း ပြဌာန်းပေးထားဖို့ လိုပါတယ်။ ရှေ့နေ ရှေ့ရပ်လုပ်ငန်းများနဲ့ အသက်မွေးဝမ်းကြောင်း ပြုသူများကလည်း ရရှိတဲ့ ငွေကြေးပေါ်မှာ အဓိကထား လိုက်ပါဆောင်ရွက်တာမျိုး မဖြစ်သင့်ဘဲ ရှေ့နေများရဲ့ ကျင့်ဝတ် သိက္ခာများနဲ့ အညီသာ မှုခင်းများမှာ လိုက်ပါဆောင်ရွက်ဖို့ လိုပါတယ်။
မရမ်နိုးနိုးထက်စံ- အိမ်မှာနေရင် အိမ်စည်းကမ်း၊ လမ်းပေါ်သွားရင် လမ်းစည်းကမ်း၊ ကျောင်းတက်ရင် ကျောင်းစည်းကမ်း ဆိုတဲ့ မလွတ်တဲ့ စည်းကမ်းတွေနဲ့ အတူ နိုင်ငံမှာ နေရင် နိုင်ငံရဲ့ ဥပဒေတွေကို သိဖို့ဆိုတာ ပြောပြဖို့ လိုပါတယ်။ အိမ်မှာနေရင် မိဘက ပြောတယ်၊ လမ်းပေါ်သွားရင် ရပ်ကွက်က ပြောရင် မသိဘူး၊ မသိတော့ အဖမ်းခံရ၊ အဲဒီလို အတွေ့အကြုံတွေ လမ်းဘေး စာဖတ် ကျင့်ရတဲ့ လူတွေက သိလာတယ်။ နောက်ပြီး ကျောင်းတက်ရင် ကျောင်းဆရာမ၊ ဆရာတွေက ပြောတယ်။ ဒီတော့ ကျောင်းစည်းကမ်းက ဘာလဲဆိုတာကို သိလာတယ်။ ဒီလိုဘဲ ဥပဒေဆိုတာ ဘာလဲဆိုတာ စပြောရမှာဘဲ။ ဘယ်လိုပြောရမလဲ ဆိုရင် စာပေနဲ့လည်း ရေးပြောရမှာဘဲ။ ဆောင်ပုဒ်လည်း ရေးရမှာဘဲ။ အပေါ်မှာ ပြောသွားသလိုပေါ့။ သီချင်းလည်း ဥပဒေဆိုတာ ဘာလဲဆိုတာကို ဖော်ပြီး ဆိုရမှာဘဲ။ ရုပ်ရှင်လိုမျိုး၊ နောက် ခုနက အပေါ်မှာ ပြောသွားသလိုဘဲ ဖွဲ့စည်းအုပ်ချုပ်ပုံတွေက ကျမတို့ ကျွန်တော်တို့ အခွင့်အရေးနဲ့ လုပ်ပိုင်ခွင့် ဖြစ်သလို ကျန်တဲ့ ဥပဒေတွေကလည်း ဒီလိုဘဲ ဆိုတာမျိုးပေါ့။
ကျောင်းတွေမှာလည်း သင်ရမယ်၊ အိမ်တွေမှာလည်း ပြောပြနေရမှာဘဲ။ နောက်ဆုံး ကလေးပုံပြင် စာအုပ်မှာတောင် ရဲဖမ်းသွားတာ ဘယ်ဥပဒေနဲ့ ငြိလို့ပေါ့ ဆိုတာမျိုး၊ ဆိုလိုတာက ပုဒ်မ ဘယ်လောက် ဆိုတာ သိချင်မှ သိမယ်၊ ခိုးမှု၊ လူသတ်မှုလို့ စသည်ဖြင့်၊ မုဒိမ်းမှုတို့ လူသိပ်စိတ်ဝင်စားတယ်။ ဒါ ဥပဒေဘဲ။ ဒါပေမဲ့ အရေးယူ နည်းတွေလည်း သိမှ တဖက်နဲ့ တဖက် ဘယ်လောက် တရားသူကြီး ဆုံးဖြတ်တာ တရားမျှတသလား၊ မမျှတဘူးလား ဆိုတာ သိနိုင်မှာ။ ဥပဒေတွေကို မသိရင် ရမ်းပြီး ပြောနေလို့ မရတော့ဘူး။ ဒီလိုဆိုရင် ဘယ်ဥပဒေက ဘယ်လိုဖြစ်တယ် ဆိုတာထက်၊ ကိုယ့်ဖက်ကို ယက်ပြီး စဉ်းစားကြတော့မှာပေါ့။ ဒါကြောင့် သင်တန်း ရက်တို၊ ရက်ရှည်တွေနဲ့ရော ပြောပြဖို့ လိုတယ်။
နိုင်ငံက အစိုးရတွေကလည်း လူထု သိရမယ် ဆိုတာမျိုး၊ ဘယ်လို ပညာပေးမလဲ ဆိုတာမျိုးကို ရေးဆွဲပြီး လုပ်ဆောင်ရမှာ။ အထူးသဖြင့် သူတို့မှာလည်း တာဝန်ရှိတာပါဘဲ။ ကိုယ့်ရှေ့ကလမ်းမှာ ကွမ်းမထွေးရမှန်း မသိရင် ထွေးသွားမှာဘဲ။ မပြောဘူး၊ ရေးမထားဘူး ဆိုရင်ပေ့ါ။ ရေးထားရင်တောင် ပြဿနာက စာမဖတ်တတ်တဲ့ လူတွေအတွက်တော့ ဆောင်ပုဒ်ကိုတောင် ကွမ်းတံတွေး ထွေးသွားနိုင်တာပါဘဲ။ ဒါကြောင့် စာမတတ်တဲ့သူတွေအတွက်လည်း လွယ်ကူတဲ့ သရုပ်ဖော်ပုံနဲ့ နားလည်နိုင်တဲ့ စကားတွေကို ပြောနိုင်တဲ့ နည်းလမ်းလေးတွေ ဖော်ဆောင်ပေးရမှာဘဲ။ သရုပ်ပြနဲ့ သင်ရင်လည်း သင်ရမှာဘဲ။ ပညာပေးရေး အစီအစဉ်တွေမှာ အလိုအပ်ဆုံးကတော့ ငွေပေါ့။ အစိုးရက ဒီစားရိတ်တွေကို ကောင်းကောင်း ထုတ်ပေးနိုင်တယ် ဆိုရင်တော့ မဖြစ်နိုင်စရာ မရှိဘူးပေါ့။ သေချာ ပြင်ဆင်ပြီး လုပ်ဆောင်ထားဖို့ လိုအပ်ပါတယ်။
ဤကဏ္ဍတွင် ပါဝင်ဆွေးနွေးကြသူများမှာ ဒေါ်မိုးမိုး (မြန်မာနိုင်ငံ ရှေ့နေများကောင်စီ)၊ ဦးမင်းလွင် - ရှေ့နေ (မြန်မာနိုင်ငံ ရှေ့နေများ ကောင်စီ) နှင့် မရမ် - နိုးနိုးထက်စံ - အထွေထွေ အတွင်းရေးမှူး (မြန်မာ့အမျိုးသမီး သမဂ္ဂ) တို့ ဖြစ်ကြပါသည်။
(၂၀၀၃ ခုနှစ် သြဂုတ်လ ချိုးလင်းပြာအမျိုးသမီးစာစေ
ဒီနေရာမှ ကူးယူမျှဝေပါသည်။
No comments:
Post a Comment