မြန်မာပြည်မှာ လူဖြစ်ရခြင်းအတွက် ၀မ်းသာစရာများ

     ပုထုဇဉ်တွေရဲ့ သဘာဝက - စိတ်ချမ်းသာစရာ ၊ ကုသိုလ်ဖြစ်စရာက ဆယ်ခုရှိတယ် ။ စိတ်ဆင်းရဲစရာ ၊ ကုသိုလ်ဖြစ်စရာက တစ်ခုရှိတယ်ဆိုရင်တောင် စိတ်ချမ်းသာစရာ ဆယ်ခုကိုမတွေးဘဲ စိတ်ဆင်းရဲစရာတစ်ခုကိုပဲ တွေးပြီး အမြဲတမ်း စိတ်ဆင်းရဲနေတတ်ကြပါတယ်။ ဒါ့ကြောင့်လဲ ရောဂါများတဲ့သူ၊ အသက်တိုတဲ့သူ၊ အပါယ်ကျတဲ့သူတွေကများနေတာပေါ့။
စိတ်ဆင်းရဲရင် ကိုယ်ဆင်းရဲတာပဲ ကိုယ်ဆင်းရဲရင် ရောဂါများပြီး အသက်တိုတာပဲ။ စိတ်ချမ်းသာရင် ကိုယ်ချမ်းသာတယ် ကိုယ်ချမ်းသာရင် ရောဂါကင်းပြီး အသက်ရှည်တာပဲ။ ကမ္ဘာ့ ဘိုးသက်ရှည် ဘွားသက်ရှည်ကြီးတွေရဲ့ ဘ၀နောက်ကြောင်းကို လေ့လာကြည့်တဲ့အခါ စိတ်ချမ်းသာအောင်နေခြင်းဟာ အသက်ရှည်ခြင်းရဲ့ အဓိကအကြောင်းဖြစ်နေတာကို တွေ့ရတယ်။

သက်တော် ( ၁၀၂ )နေသွားရတဲ့ စစ်ကိုင်းရွှေဟင်္သာတောရ ဆရာတော်ကြီးက အသက်ရှည်အောင်နေနည်း ခဏခဏ မေးမြန်းလွန်းလို့ “ နည်းနည်းစား၊ များများလျှောက်၊ ခေါင်းကြည်အောင်ထား ” ဆိုပြီး သက်ရှည်ကျန်းမာခြင်းရဲ့ အဓိကအချက်သုံးချက်ကို ဟောပြထားပါတယ်။ ခေါင်းကြည်အောင်ထားဆိုတာ စိတ်ချမ်းသာစရာ၊ ကုသိုလ်ဖြစ်စရာကိုသာတွေးပါ။ စိတ်ဆင်းရဲစရာ အကုသိုလ်ဖြစ်စရာကို မတွေးနဲ့လို့ပြောလိုရင်းပါပဲ။
အခုချိန်မှာ လူတွေအတွက် စိတ်ဆင်းရဲစရာ အကုသိုလ်ဖြစ်စရာက တစ်ခုပဲရှိပါတယ်။ စိတ်ချမ်းသာစရာ ကုသိုလ်ဖြစ်စရာကများပါတယ်။
စိတ်ဆင်းရဲစရာ အကုသိုလ်ဖြစ်စရာကတော့ အခက်အခဲ တစ်ခုတစ်လေကြောင့်ပါပဲ။ ဒါကလည်း နောက်နေ့အဆင်ပြေရင် ပြေသွားမှာပါ။ စိတ်ချမ်းသာစရာ ကုသိုလ်ဖြစ်စရာတွေကိုပြောပြပါမယ်။

ပထမဆုံး စိတ်ချမ်းသာစရာ၊ ကုသိုလ်ဖြစ်စရာကတော့ လူ့ဘ၀မှာ လူဖြစ်ရတာပါပဲ။ ဒီလူ့ဘ၀ တစ်ခုပဲ ဒါနကုသိုလ်၊ သီလကုသိုလ်၊ သမထဘာဝနာကုသိုလ်၊ ၀ိပဿနာ ဘာဝနာကုသိုလ်၊ မဂ်ကုသိုလ်၊ ဖိုကုသိုလ် ဆိုတဲ့ ကုသိုလ်ခြောက်မျိုးလုံးကို တင်းပြည့်ကျပ်ပြည့်ရယူနိုင်တာပါ။ တခြား ဘယ်ဘုံတွေမှ ဒီကုသိုလ်တွေကို တင်းပြည့်ကျပ်ပြည့်အရမယူနိုင်ပါဘူး။

ဒုတိယ၀မ်းသာစရာ ကုသိုလ်ဖြစ်စရာကတော့ ရပ်ပြစ်ရှစ်ပါးကလွတ်ပြီး မြန်မာပြည်မှာ လူလာဖြစ်ရတာပါပဲ။ မရောက်သင့်တဲ့ အရပ်ရှစ်ပါးကို ရပ်ပြစ်ရှစ်ပါးလို့ခေါ်ပါတယ်။ မဖြစ်သင့်တဲ့ ဘ၀မျိူးမှာဖြစ်ရတာကိုလဲ ရပ်ပြစ်ရှစ်ပါးထဲမှာ ထည့်ထားပါတယ်။ လင်္ကာလေးတောင်ရှိပါသေးတယ်-
ဘုရားပွင့်ရာ ၊ ပယ်သုံးရွာနှင့်
ဒီဃာယုနတ် ၊ ရောက်လတ်ပစ္စန်
မိစ္ဆာဥာဏ်ရှိ ၊ ဥာဏ်မရှိသား
ဥာဏ်ရှိငြားလည်း ၊ ဘုရားမဖြစ်
ကျမ်းဂန်လှစ်သည် ၊ ရပ်ပြစ်ရှစ်ပါး သရုပ်တည်း - တဲ့။

အဓိပ္ပါယ်က မရောက်သင့်တဲ့ ရပ်ပြစ်ရှစ်ပါးဆိုတာ ဘုရားပွင့်သောကာလဖြစ်သော်လည်း -
(၁) ငရဲဘုံ ရောက်နေသူ
(၂) တိရစ္ဆာန်ဘုံ ရောက်နေသူ
(၃) ပြိတ္တာဘုံ ရောက်နေသူ
(၄) ရုပ်သာရှိသော အသညသတ်ဗြဟ္မာ့ဘုံ ရောက်နေသူ

နာမ်သာရှိသော အရူပဗြဟ္မာ့ဘုံ ရောက်နေသူ
(၅) ရတနာသုံးပါးမရှိသော နိုင်ငံသို့ရောက်နေသူ
(၆) အယူမှားသော မိစ္ဆာဋ္ဌိဘ၀သို့ရောက်နေသူ
(၇)ဥာဏ်မပါသော ဒွိဟိတ်ပုဂ္ဂိုလ်ဖြစ်နေသူ
(၈) ဥာဏ်ရှိသောလဲ ဘုရားမပွင့်သောအခါ၌လူဖြစ်သူ

ဒီရှစ်မျိုးကို ရပ်ပြစ်ရှစ်ပါးလို့ခေါ်ပါတယ်။ နောက်တစ်ခုကတော့ အမေရိကန်တို့၊ အင်္ဂလန်တို့လိုနိုင်ငံတွေမှာ ပြိတ္တာဘ၀ရောက်သွားသူတွေဟာ လွတ်လမ်းကျွတ်လမ်းမရှိတော့တာကို သွားတွေ့ရတာပါပဲ။

ဘာကြောင့်လဲဆိုတော့ သူတို့ကိုးကွယ်တဲ့ဘာသာက ပြိတ္တာဘ၀ရောက်နေသူကို လွတ်အောင် ကျွတ်အောင်လုပ်ပေးနိုင်စွမ်းမရှိတဲ့အတွက်ပဲ။ ဖြစ်ရပ်လေးတစ်ခုကိုပြောပြပါ့မယ်။ အမေရိကန်နိုင်ငံ ဆန်ဖရန်စစ္စကိုမြို့မှာ နေတဲ့ မြန်မာမိသားစုတစ်စုက နှစ်ထပ်တိုက်တစ်လုံးဝယ်လိုက်ပါတယ်။
သူတို့က အဲ့တိုက်ကို ဈေးသက်သာလို့ဝယ်လိုက်ကြတာပါ။ တိုက်ဝယ်ပြီးနေကြည့်တဲ့အခါကျတော့မှ
ဒီတိုက်ဟာ ဘာလို့ဈေးသက်သာတယ်ဆိုတာ သိကြရတော့တယ်။ ဒီတိုက်ရဲ့ ပိုင်ရှင်အဟောင်းမိသားစု သုံးယောက်ဟာ သေပြီး မကျွတ်မလွတ်ဖြစ်နေကြတယ်။

နှစ်ကလဲအတော်ကြီးကိုကြာနေပြီ။ ပုထုဇဉ်တွေဆိုတော့ ကိုယ်နေတဲ့နေရာ ကိုယ်လုပ်တဲ့အလုပ်ကို သိပ်စွဲလန်းတယ်။ လင်မယားနှစ်ယောက်လုံးက သူတို့ကိုယ်သူတို့လူလို့ပဲ ထင်နေကြတယ်။ ဒါ့ကြောင့် အရင်တိုင်း အလုပ်သွားချိန်သွားကြတယ် အလုပ်ပြန်ချိန်ပြန်လာကြတယ်။ သူတို့ရဲ့ ဆယ်နှစ်အရွယ်လောက်ရှိတဲ့သားလေးကလဲ သူတို့လိုပဲ။ ကျောင်းသွားချိန်သွားတယ်။ ပြန်လာချိန်ပြန်လာတယ်။ ခြောက်တယ်လို့တော့မဟုတ်ဘူး။ သူတို့နေ့စဉ်အလုပ်နေကျအလုပ်ကို လူ့ဘ၀ကအတိုင်း လုပ်နေကြတာပဲ။
ဒီမိသားစုကျွတ်သွားအောင် ဘယ်လိုလုပ်ရမလဲလို့ ဘုန်းကြီးကိုမေးကြတယ်။ ဘုန်းကြီးလဲ ဘယ်လိုမှအကြံမပေးတတ်ဘူးဖြစ်နေပါတယ်။ သူတို့ဟာ ဗုဒ္ဓဘာသာဝင်တွေဆိုရင်လဲ သူတို့ကိုယ်စား ကုသိုလ်ပြုပြီး အမျှပေးဝေလိုက်ရင် သာဓုခေါ်လိုက်တာနဲ့ ကျွတ်သွားမှာပါ။ အခုတော့ ဘာသာခြားတွေဖြစ်နေတော့ အမျှပေးလဲ သာဓုခေါ်ရမှန်းမသိဖြစ်နေတော့ ကျွတ်လမ်းလွတ်လမ်းဟာ မရှိသလောက်ဖြစ်သွားတာပေါ့။

ဗုဒ္ဓဘာသာထွန်းကားတဲ့ မြန်မာပြည်မှာ လူလာဖြစ်ရတော့ တစ်စုံတစ်ခုစွဲလန်းပြီးသေလို့ ပြိတ္တာဘ၀ရောက်တောင် သိပ်ပူစရာမရှိပါဘူး။ သက်ပျောက်ဆွမ်း၊ ရက်လည်ဆွမ်း၊ လပါတ်ဆွမ်းတစ်ခုခုမှာ အမျှပေးတာကို သာဓုခေါ်လိုက်တာနဲ့ ပြိတ္တာဘ၀က ချက်ချင်းကျွတ်နိုင်ပါတယ်။ အဲဒါ မြန်မာပြည်မှာလူဖြစ်ရတဲ့အတွက် စိတ်ချမ်းသာစရာ ကုသိုလ်ဖြစ်စရာတစ်ကွက်ပါ။
မြန်မာပြည်မှာ လူဖြစ်သော်လည်း ဘာသာခြားဖြစ်နေပြီဆိုရင်တော့ ကျွတ်လွတ်ဖို့ခဲယဉ်းပြန်ပါတယ်။

မအူပင်မြို့နယ် လေးအိမ်စုရွာမှာ ဗုဒ္ဓဘာသာရော ခရစ်ယာန်ရောနှစ်မျိုးလုံးရှိတယ်။ ဒါပေမယ့် တစ်ယူမသန်ကြဘူး။ ဘာသာမတူပေမယ့် အားလုံးချစ်ချစ်ခင်ခင်နေကြပါတယ်။
တစ်ခါတော့ ခရစ်ယာန်ဘာသာဝင် အမျိုးသားတစ်ယောက်ဆုံးသွားတယ်။ ဗုဒ္ဓဘာသာအလိုအရဆိုရင်တော့ အိမ်မှာ ပြိတ္တာပြန်ဖြစ်နေတာပေါ့။ မကျွတ်မလွတ်ဖြစ်နေတာကို ကိုယ်တိုင်မြင်တွေ့နေရတာဆိုတော့ ကောင်းကင်ဘုံရောက်သွားပါတယ်လို့ ဘယ်လိုမှ ငြင်းလို့မရတော့ဘူး။ ဒါ့ကြောင့် သူတို့ဓမ္မဆရာနဲ့ သူတို့ဘာသာနည်းအတိုင်း ကုသိုလ်ပြုအမျှဝေတယ်။ ဒါပေမယ့် မကျွတ်ဘူး။

မကျွတ်တာကို သူတို့ ဓမ္မဆရာကိုယ်တိုင်လည်းသိတယ်။ နောက်ဆုံးတော့ ဘယ်ဘာသာနည်းနဲ့ပဲလုပ်လုပ် သူတို့လူ ပြိတ္တာဘ၀က ကျွတ်သွားဖို့အရေးကြီးတယ်လို့သုံးသပ်ပြီး ဗုဒ္ဓဘာသာဘုန်းကြီးတွေပင့်ပြီး ကုသိုလ်ပြုအမျှဝေကြတယ်။ အဲ့တော့မှ ကျွတ်သွားတယ်။ ဒီအခါ သူတို့ဓမ္မဆရာက ရယ်ရယ်မောမောနဲ့ဘာပြောသလဲဆိုတော့ စောသာထူးမကျွတ်တာလဲ အဆိုးမဆိုသာဘူးပေါ့။ ဘာကြောင့်လဲဆိုတော့ စောသာထူးနဲ့ငါနဲ့က အရက်သောက်ဖော်သောက်ဖက်တွေကိုးတဲ့။

အဲ့ဒီလို ရေထဲမိုးထဲအဆင့်မျိုး ရောက်လာပြီဆိုရင် ကိုယ့်ဗုဒ္ဓဘာသာကို အထင်မသေးအောင် သေချာလုပ်ပေးရတယ်။ တမလွန်က ပုဂ္ဂိုလ် ကျွတ်လွတ်ဖို့အတွက်လှူမယ်ဆိုရင် ဘုန်းကြီးကိုတောင်ရွေးပင့်ရတယ်။ ကိုယ်နဲ့ဘယ်လောက်ခင်ခင် ဘယ်လောက်ဆွေမျိူးတော်တော် သီလမရှိတဲ့ ဗရုတ်သုတ်ခနေတဲ့ ဘုန်းကြီးဆို မပင့်ရဘူး။ သီလမရှိတဲ့ ဘုန်းကြီးမျိုး ပင့်ပြီးလှူရင် မကျွတ်ဘူးဖြစ်နေတတ်ပါတယ်။

ဒီအကြောင်းတွေကတော့ ဗုဒ္ဓဘာသာရဲ့ အားသာချက်နဲ့ မြန်မာပြည်မှာလူဖြစ်ရခြင်းအတွက် ၀မ်းသာစရာလေးတွေပါပဲ။ အားလုံးပဲဆင်ခြင်သုံးသပ်ပြီး ကိုယ့်ဘာသာအဆင့်မြင့်အောင် ၀ိုင်းဝန်းကြိုးပမ်းပေးကြပါလို့တိုက်တွန်းရင်း …………
မှတ်ချက်။ ။ မေတ္တာရှင် (ရွှေပြည်သာ)၏ စာအုပ်တစ်အုပ်မှ ဖတ်မိသည်များကို အနည်းငယ်ပြင်ဆင်၍ပြန်လည်ဝေမျှပါသည်။

http://www.mm4everfriends.com/profiles/blog/show?id=2863689%3ABlogPost%