ကွမ်းစားခြင်းနှင့် ကျန်းမာရေး

အရှေ့တောင်အာရှနှင့် တောင်အာရှနိုင်ငံများတွင် ကွမ်းစားသော အလေ့အထရှိပါသည်။ ရှေးအခါက ကွမ်းကိုပါးစပ်မှ မကောင်းသော အနံ့အသက်များ ပြေပျောက်စေရန် ထမင်းစား ပြီးချိန်များတွင် စားသုံးခဲ့ကြသည်ဟု သိရှိရပါသည်။

အများအားဖြင့် ကျေးလက်ဒေသမှ တောင်သူလယ်သမားကြီးများ၊ သက်ကြီးရွယ်အိုများသာ အများဆုံး စားသုံးလေ့ရှိခဲ့ကြသော်လည်း ယခုအခါတွင် အသက်အရွယ်မရွေး၊ ကျားမမရွေး ကွမ်းယာဝါးသော အကျင့်ရှိနေကြသည်ကို တွေ့ မြင်နေရပါသည်။

ကွမ်းယာဆိုသည်မှာ ကွမ်းရွက်၊ ကွမ်းသီး၊ ထုံး၊ ရှားစေး၊ ဆေးရွက်ကြီး၊ စမုန်စပါး၊ နွယ်ချို၊ ဖာလာ၊ လေးညှင်း၊ နာနတ်ပွင့်၊ အာမွှေး စသည်တို့ကို ရောစပ်စုပေါင်းပြီး ဝါးစားရသော စားစရာ တစ်မျိုးဖြစ်ပါသည်။ အချို့ကလည်း ရိုးရိုးကွမ်း ယာအဖြစ် ကွမ်းရွက်၊ ကွမ်းသီး၊ ထုံး၊ ရှားစေး၊ ဆေးရွက်ကြီးတို့ကို ရောစပ်ပြီး စားသုံးလေ့ရှိကြ ပါသည်။ ရှေးအခါက ရိုးရိုးကွမ်းယာကိုသာ စား သုံးခဲ့ကြသော်လည်း ယခုအခါ၌ အသင့်စားသုံး နိုင်သော Ready made(ရယ်ဒီမိတ်)ကွမ်းယာ ထုတ်များရှိနေပါပြီ။

ရှေးယခင်အခါက ကွမ်းစားခြင်းနှင့်ပတ်သက်၍ ကျန်းမားရေးရှုထောင့်မှ လေ့လာသုံးသပ်မှုများ မရှိခဲ့ သဖြင့် ကွမ်းစားသော အလေ့အထ ယနေ့ထက်တိုင် တည်တံ့နေခြင်း ဖြစ်နိုင်ပါသည်။ ယခုအခါ ကွမ်းစားခြင်းအပေါ်ဆိုကျိုးများကို ဆေးပညာရှင်များက သုတေသနပြုလေ့လာခြင်းများ ပြုလုပ်ခဲ့ကြ သဖြင့် သိရှိခဲ့ကြ ရပြီးနောက်တွင် ကွမ်းစားသော အလေ့အထကို မပြုလုပ်သင့် ကြတော့ပါ။

ကွမ်းယာထဲ၌ ထည့်သွင်းအသုံးပြုသော ဆေးရွက်ကြီးတွင် လူတို့၏ ကျန်းမာရေးကို ထိခိုက်စေသော နီကိုတင်း Nicotine ဓာတ်အပါအဝင် ဘေးဥပဒ်ဖြစ်စေနိုင်သော ဓာတ်ပစ္စည်းများစွာ ပါရှိပါသည်။ အချို့သော လယ်သမားကြီးများသည် လယ်ယာလုပ်ငန်းခွင်ဝင်ပါက ဆေးရွက်ကြီးကို ငုံထားလေ့ရှိပြီး မျော့တွယ်လျှင် တွယ်သောနေရာ ကို ငုံထားသော ဆေးရွက်ကြီးမှ အရည်ထွေးချပေးခြင်း ပေးခြင်းဖြင့် မျှော့များကို ကွာကျစေပါသည်။ ဆေးရွက်ကြီးကို ပါးစပ်အတွင်း ငုံသော အလေ့အထသည် ကျန်း မာရေး ရှုထောင့်မှ ကြည့်လျှင် ကောင်းသော အပြုအမူမဟုတ်ပါ။ ကလေးများ၏ စအိုဝတွင် တုတ်ကောင်များကြောင့် ယားယံလျှင် ဆေးရွက်ကြီးကို လိပ်၍ စအိုဝမှ အကောင်လေးများကို ထိပေးပါက သေ၍ ပါလာတတ်ပါသည်။ အချို့ကလည်း အရေပြားယား လျှင် ဆေးရွက်ကြီးကို ရေနွေးနှင့်ဖျော်၍ အရေပြားကို သုတ် လိမ်းဆေးကြော တတ် ပါသည်။ ဤကဲ့သို့ ပိုးမွှားများအား သေစေနိုင်သည့် အာနိသင်ရှိသော ဆေးရွက်ကြီးသည် လူတို့၏ ကျန်းမာရေးကိုများစွာ ထိခိုက်စေပါသည်။


ကွမ်းယာထဲတွင် ဆေးရွက်ကြီးကိုထည့်သွင်း စားသုံးခြင်းဖြင့် နီကိုတင်းအဆိပ်အတောက် အပါအဝင် အန္တရာယ်ဖြစ်စေသော ဓာတ်များသည် ပါးစပ်မှတစ်ဆင့် ခန္ဓာကိုယ် တွင်းသို့ စားသုံးခြင်းဖြင့် နီကိုတင်း (Nicotine) အဆိပ်အတောက် အပါအဝင် အန္တရာယ်ဖြစ်စေသော ဓာတ်များသည် ပါးစပ်မှတစ်ဆင့် ခန္ဓာကိုယ်တွင်းသို့ တိုက်ရိုက်ရောက်ရှိပြီး ဆိုးကျိုးများစွာပေးနိုင်ပါသည်။ ဆေးရွက်ကြီးတွင် အဓိကပါဝင်သော N – Nitrosononicotine သည် တံတွေး နှင့် ပေါင်းပြီး ကင်ဆာဖြစ်စေသည့် carcinogen အဖြစ်ပြောင်းလဲနိုင်ပါသည်။ ။

အဆိုပါပစ္စည်းများ၏ အာနိသင်ကို ကွမ်းသီးတွင် ပါဝင်သော Arecoline (အေရီကိုလင်း)က ပိုမိုအစွမ်းထက်စေကြောင်း သိရသည်။

ကွမ်းယာထဲတွင် ရောစပ်စားသုံးခြင်းကြသော ”အာမွှေး”များမှာ Tobacco ခေါ်ဆေးရွက်ကြီးကို ပြုပြင်၍ ထုတ်လုပ်ထားခြင်း ဖြစ်ပါသည်။ ”အာမွှေး”များကို ကွမ်းစားသူများ စွဲလမ်းနှစ်ခြိုက် နေစေရန်အတွက် မည်ကဲ့သို့သော ဓာတုပစ္စည်းများဖြင့် ရောစပ်အသုံးပြုထားသည်ကို ထုတ်လုပ်သူများသာ သိနိုင်ပါသည်။ သို့ဖြစ်၍ အာမွှေးများတွင် ပါဝင်သော ပစ္စည်းများကို သုတေသနပြု ဓာတ်ခွဲစစ်ဆေးသင့်ပါသည်။ အာမွှေးအပါအဝင် အမွှေးအကြိုင်များသည် အာခံတွင်းတွင် ကြာကြာထားပြီး များများစားသုံးသင့်သော အရာများမဟုတ်ပါ။

ကွမ်းစားခြင်းကြောင့် လူကိုရောဂါ အန္တရာယ်ဖြစ်စေမှုမှာ ဆေးလိပ်သောက်ခြင်းကဲ့သို့ပင် ချက်ချင်းမဖြစ်ပေါ်ဘဲ ကာလကြာရှည်လာမှ တဖြည်းဖြည်း ဖြစ်စေနိုင်သောကြောင့် ကွမ်းစားသူများအနေဖြင့် ဂရုမပြုကြခြင်းဖြစ်ပါသည်။ ကွမ်းစားခြင်းကြောင့် ပါးစပ်နှင့်သွားများတွင် ကွမ်းတံတွေးနှင့် ကွမ်းချေးများ စွဲကပ်နေပြီး နဂိုမူလဖြူဖွေးနေသော ကြွေရောင်၊ ပုလဲရောင်သွားများမှ အပေါ်ယံလွှာများ ပျက်စီး၍နီရဲကာ ဖရဲသီးစေ့အရောင်သို့လည်းကောင်း၊ ထိုမှတစ်ဆင့် အနက်ရောင်သို့ လည်းကောင်း ပြောင်းလဲသွားစေ တတ်ပါသည်။

ကွမ်းစွဲသူများတွင် သွားဖုံးရောဂါ အဖြစ်များသည်ကိုလည်း တွေ့ရပါသည်။ သွားဖုံးရောဂါဆိုသည်မှာ လူလတ်ပိုင်းနှင့် သက်ကြီးပိုင်းများတွင် သွားဆုံးရှုံးမှု အများဆုံးဖြစ်စေသော ခံတွင်းရောဂါတစ်မျိုး ဖြစ်ပါသည်။ ဆေးရွက်ကြီးပါသော ကွမ်းယာကိုဝါး၍ ကွမ်းဖတ်များကိုပါးစောင်တွင် အချိန်ကြာမြင့်စွာ ငုံထားခြင်း၊ မြုံထားပြီး စားခြင်းများသည် ခံတွင်းအမြှေးပါးများ၏ ဇီဝ ဖြစ်စဉ်ကို ပြောင်းလဲလွယ်ပြီး မျက်နှာပြင်ထူလာခြင်း၊ ကြမ်းလာခြင်း၊ အဖြူကွက်၊ အနီကွက်၊ မီးခိုရောင်၊ အကွက် များ ပေါ်လာခြင်းစသည့် ခံတွင်း ”အကြိုကင်ဆာအနာ” များဖြစ်စေတတ်ပါ သည်။

အချို့သူများ ယူဆပြောဆိုနေကြသလို – ကွမ်းစားခြင်းကြောင့် သွားခိုင်စေသည်ဆိုသည်မှာ လုံးဝ မမှန်ပါ။ ပါးစပ်ထဲတွင် ကွမ်းဝါးနေသမျှ ကာလပတ်လုံး သွားများသည် အချိန်ပြည့်ကြိတ် ဝါးနေရသဖြင့် သွားများ၏ ကြံ့ခိုင်မှုကို လျော့ နည်းစေပါသည်။ ထို့ပြင် ကွမ်းစားသူအများစုသည် အသက်ငယ်ငယ်နှင့် ရုပ်ရင့်သည်ကိုလည်း တွေ့ရ ပါသည်။

ဆေးလိပ်သည် မည်သည့် နိုင်ငံကပင်အစပြု၍ သောက်သုံးခဲ့သည်ဖြစ်စေ၊ မိမိတို့နိုင်ငံသို့ မည်ကဲ့သို့ပင် ကူးစက်ရောက်ရှိလာသည် ဖြစ်စေ၊ ယခုအခါတွင် ဆေး လိပ် သောက်ခြင်းသည် လူသားတို့အတွက် ဆိုးကျိုးများကိုသာ ဖြစ်စေသည်ကို သိရှိခဲ့ကြပြီးနောက် ဆေးလိပ်တိုက်ဖျက်ရေးကို အားသွန်လုပ်ဆောင်နေပြီ ဖြစ်သကဲ့သို့ ကွမ်းစားသောဓလေ့သည် မိမိတို့နိုင်ငံ၏ မြန်မာ့ဓလေ့တွင် အစကနဦးကပင် ပါဝင်ခဲ့သည်ဖြစ်စေ၊ မိမိတို့၏ ယဉ်ကျေးမှုဓလေ့အစစ်မဟုတ်ဘဲ အိမ်နီးချင်းနိုင်ငံများ က ကူးစက် ဝင်ရောက်လာသည် ဖြစ်စေ ယခုအခါတွင် ကွမ်းစားခြင်းဓလေ့ကို ပျောက်ကွယ်သွားစေရန် အတွက် လုပ်သင့်သည်များကို လုပ်ဆောင်သင့်ပြီဖြစ်ပါသည်။ မည်သည့်ခေတ်ကအပင်စခဲ့စခဲ့ ကျန်းမာရေးအတွက် မကောင်းမှန်း သိလာပြီဆိုပါက ရှောင်ကြဉ်သင့်ပါသည်။


အချုပ်အားဖြင့်ဆိုရသော် နိုင်ငံသားအားလုံး ကျန်းမာရေးနှင့် ပြည့်စုံကြပြီး သန့်ရှင်းသပ်ရပ် သာယာ လှပသော ခေတ်မီနိုင်ငံတော်ကြီး ဖြစ်စေရန်အတွက် ကွမ်းစားသော အလေ့အထ အားအစမပြုကြ ပါနှင့် ရှောင်ကြဉ်ကြပါ ကွမ်းစားနေသူများအားလည်း ယခုအချိန်မှစ၍ ကွမ်းယာဖြတ်ရေး ကြိုးစားကြပါ ဟု တိုက်တွန်း နှိုးဆော်ရေး သားလိုက်ရပါသည်။

”ကျန်းမာရေး ထိခိုက်စေသော အလေ့အထဆိုးများ အမြန်ဆုံးရှောင်ရှားရင်း ကျန်းမာပျော်ရွှင် သော ဘဝကိုတည်ဆောက်နိုင်ကြပါစေ”

ဒေါက်တာအောင်ဆန်းဝင်း
http://www.facebook.com/photo.php?fbid=394589867305517&set=a.351047714993066.76926