နာမည်ကြီးဘောလုံးအားကစား ၀က်ဘ်ဆိုက်တစ်ခုဖြစ်သော Goal.com ၏ အောက်တိုဘာလအတွက်
အာရှအကောင်းဆုံးဘောလုံးသမား ၁၁ ဦး စာရင်းတွင် မြန်မာ့လက်ရွေးစင်ကစားသမားကြည်လင်း ပါဝင်ခဲ့ကြောင်းသိရသည်။
အဆိုပါဝက်ဘ်ဆိုက်မှ ရွေးချယ်ခဲ့သော ကစားသမား ၁၁ ဦး စာရင်းတွင် ကြည်လင်းသည် ဂျပန်လက်ရွေးစင်ဂိုးသမားကာဝါရှီမာ၊ အင်တာမီလန်အသင်းမှ ဂျပန်လက်ရွေးစင် နောက်ခံလူ နာဂါတိုမို၊ ဟမ်းဘတ်အသင်းမှ တောင်ကိုရီးယားကစားသမား ဆွန်ဟောင်မင် စသည့် နာမည်ကြီးကစားသမားများနှင့်အတူ ရွေးချယ်ခံခဲ့ရခြင်း ဖြစ်သည်။
၃း၎း၃ ကစားကွက်ပုံစံဖြင့် ရွေးချယ်ထားသော အဆိုပါ အကောင်းဆုံးကစားသမား ၁၁ ဦးစာရင်းတွင် ကြည်လင်းသည်ညာတောင်ပံကစားသမားနေရာမှ ရွေးချယ်ဖော်ပြခြင်းခံရခြင်း ဖြစ်သည်။ ကြည်လင်းကို ရွေးချယ်ရခြင်းနှင့်ပတ်သက်၍ဆူဇူကီးဖလားခြေစစ်ပွဲတွင် မြန်မာအသင်း
ခြေစစ်ပွဲအောင်မြင်ရေးအတွက် ခြေစွမ်းပြကစားနိုင်ခဲ့ပြီး သွင်းဂိုးသုံးဂိုး
သွင်းယူပေးနိုင်ခဲ့ကြောင်း၊ ဆူဇူကီးဖလား နောက်ဆုံးအဆင့်ပြိုင်ပွဲတွင် ကြည်လင်းသည် ခြေစွမ်းပြကစားနိုင်ပါကအရှေ့တောင်အာရှ ကလပ်အသင်းကြီးများ၏ စိတ်ဝင်စားမှုကို ခံရနိုင်ကြောင်း Goal.com က သုံးသပ်ဖော်ပြထားသည်။
ကြည်လင်းသည် လက်ရှိတွင် မြန်မာနေရှင်နယ်လိဂ်ချန်ပီယံ ရန်ကုန်ယူနိုက်တက်အသင်းမှ အားထားရသော အဓိကကစားသမားတစ်ဦးလည်း ဖြစ်သည်။
7Day News Journal
Planet Myanmar Network
No comments:
Post a Comment