(တပည့်တော်တိုိ့ ဘာသာမှာ ရဟန်းသံဃာတော် အတု နဲ့ အစစ် ခွဲခြားပြီး ကိုးကွယ်ဆည်းကပ်ချင်ပါတယ်။ ဘယ်လို ခွဲခြားရမလဲ။ ဖြေပေးပါဘုရား။)
ရဟန်းနဲ့ သံဃာက မတူပါဘူး။ အများစုက အတူတူပဲလုိ့ ထင်နေတတ်ကြပါတယ်။ ဒါကို ဦးစွာနားလည်ထားရပါမယ်။
ပါရာဇိကမကျသေးတဲ့ တစ်ဦး တစ်ယောက် တစ်ပါးကို ရဟန်းလို့ခေါ်ပါတယ်။
ရဟန်းတစ်ပါးဟာ
ရဟန်းဖြစ်တဲ့အချိန်မှစ၍
၁။ မေထုန်မဆက်ဆံရသေးဘူးဆိုရင်
၂။
အနည်းဆုံးအားဖြင့် တစ်ကျပ် သို့ တစ်ကျပ်တန်ဖိုးရှိတဲ့ ပစ္စည်းကို
မခိုးယူသေးဘူးဆိုရင်
၃။ လူ့အသက်ကိုလဲ မသတ်ရသေးဘူးဆိုရင်
၎။
ဈာန်မဂ်ဖိုလ်ကို မရပါသေးပဲနဲ့ ငါဟာ ဈာန်မဂ်ဖိုလ်ကို ရပြီဟု
မပြောသေးဘူးဆိုရင်
သူဟာ ရဟန်းစစ်ပါပဲ။ ဒီလေးခုထဲက တစ်ခုခု
လုပ်ပြီးပြီးဆိုရင်တော့ သူဟာ ရဟန်းမဟုတ်တော့ပါဘူး။ လူဖြစ်သွားပါပြီ။
(အကျယ်ကို အရှင်ဇနကာဘိဝံသ၏ ဘုရားဥပဒေတော်ကြီးကျမ်းမှာ ရှု့ပါ)
ဒီလေးခုထဲက
တစ်ခုခုကို လုပ်မိလို့ လူဖြစ်သွားတဲ့ ရဟန်းဟာ ပါရာဇိကကျသွားတယ်လို့
ခေါ်ပါတယ်။ ပါရာဇိကကျတဲ့သူကို ရဟန်းပြန်ဖြစ်အောင် ဘုရားရှင်တို့သော်တောင်မှ
ပြန်လုပ်မပေးနိုင်ပါဘူး။ ဒီဘ၀မှာတော့ သူဟာ ဘယ်လိုနည်းနဲမှ
ရဟန်းပြန်မဖြစ်နိုင်တော့ပါဘူး။ နောက်နောင်ဘ၀များမှာတော့
ကံကောင်းမယ်ဆိုရင်တော့ အကြောင်းတိုက်ဆိုင်မယ်ဆိုရင်တော့
ရဟန်းပြန်ဖြစ်နိုင်ပါသေးတယ်။ ဒီဘ၀မှာတော့ လုံးဝကို မဖြစ်နိုင်တော့ပါဘုး။
ပါရာဇိကမကျသေးတဲ့
(အထက်ပါလေးခုထဲက တစ်ခုခုကို မလုပ်မိသေးတဲ့) ရဟန်းဟာ အခြား
ဘာကိုပဲလုပ်နေပါစေ သူဟာ ရဟန်းစစ်ပါပဲ။ အ၀တ်တော့အ၀တ်ပဲ ဒါပေမယ့် ညစ်ထေးနေတဲ့
အ၀တ်ဆိုတာပေါ့နော်။ ရဟန်းတော့ ရဟန်းစစ်ပဲ ဒါပေမယ့် မစင်ကြယ်တဲ့ ရဟန်းပေါ့။
စင်တော့မစင်ကြယ်ဘူး ဒါပေမယ့် ရဟန်းစစ်။
ပါရာဇိကကျပြီးတဲ့
(အထက်ပါလေးခုထဲက တစ်ခုခုကို လုပ်မိပြီးတဲ့) ရဟန်းဟာ သင်္ကန်းဝတ်ထားစေကာမူ
သူဟာ လူပါ။ ရဟန်းတုပါ။ အခြားဘာတွေပဲ ဘယ်လောက်ကောင်းနေပါစေ
စောင့်ထိန်းနေပါစေ လေးခုထဲက တစ်ခုကို လုပ်မိတဲ့နေ့အချိန်ကစလို့ သူဟာ
သင်္ကန်းဝတ်ထားပေမယ့် လူပါ ရဟန်းတုပါ။
ကဲ ဒီလောက်ဆို၇င်တော့ ရဟန်းစစ်ဆိုတာ ဘယ်လို ရဟန်းတုဆိုတာ ဘယ်လိုဆိုတာ ခွဲခြားပြီးတော့ သိလောက်ပါပြီနော်။ သံဃာကို ဆက်ပြောကြတာပေါ့။
စောစောပြောခဲ့တဲ့
ရဟန်းစစ်တွေတစ်ပါးခြင်း တစ်ဦးခြင်းမဟုတ်ပဲ ငါးပါးနဲ့အထက်ကို စုစည်းထားတဲ့
ရဟန်းအဖွဲ့ကိုမှ သံဃာလို့ခေါ်ပါတယ်။ သံဃဆိုတဲ့ ပါဠိကို မြန်မာပြန်ရရင်
အယူသီလတူမျှကြသော ရဟန်းတော်များ အဖွဲ့အစည်းတဲ့။ ရဟန်းတွေကို
ဖွဲ့စည်းထားတာကို သံဃာလို့ခေါ်ပါတယ်။ သံဃာဆိုတာ ရဟန်းအဖွဲ့အစည်းပါ။
ရဟန်းတစ်ပါးခြင်းဟာ သံဃာမဟုတ်ပါဘူး။ ဒါပေမယ့် သံဃာဆိုတာ
ရဟန်းတွေကနေဖြစ်တာပါ။ ရဟန်းတွေက အခြေခံတည်ရာပါ။ သံဃာဖြစ်ခြင်းရဲ့
အကြောင်းရင်းပါ။
မရှင်းတာပါရင် နားမလည်တာရှိ ဆက်မေးပေါ့။
………………………………………………………………………..မိုးသု(မန္တလေး)
မူရင်း=ရဟန်းစစ် သံဃာမှန်
No comments:
Post a Comment