ယောကျာင်္းဘဝ ရရှိခြင်းသည် ဗလဝ ကုသိုလ်(အားကြီးသည့် ကုသိုလ်)ကံကြောင့်ဖြစ်သည်။ဖြစ်တိုင်း၊ဖြစ်တိုင်း ဘဝတိုင်း၌ ယောကျာင်္းဘဝကို အလိုရှိလျှင် ထိုသူ(ယောင်္ကျား)သည် သူတစ်ပါးမိန်းမ(မယား)ကို ရှောင်ကြဉ်ရ ပေမည်။ယောကျာင်္းတို့မှာ ကိုယ်ပိုင်မယားမှတစ်ပါး အခြား အပျို၊အအို နှစ်ဆယ် တို့နှင့် ဖောက်ပြန် ကျူးလွန်
လျှင် အပြစ်ရှိသည်ဖြစ်၍ “မိန်းမနှစ်ကျိပ် ၊ပျော်ကြောင်းသိပ်လည်း မအိပ်လေရာ” ဟုဆိုရိုးပြု ကြသည်။
ရှောင်ကြဉ်ရမည့် အမျိုးသမီး (၂ဝ)ရှိသည်။ အုပ်ထိန်းမှုမကင်းသော အပျိုမိန်းမ (၈)မျိုးမှာ
မိခင်အုပ်ထိန်းသော မိန်းမ၊
ဖခင်အုပ်ထိန်းသော မိန်းမ၊
မိဘ နှစ်ပါး အုပ်ထိန်းသော မိန်းမ၊
အစ်မ၊ညီမ အုပ်ထိန်းသော မိန်းမ၊
မောင်ကြီး ၊မောင်ငယ် အုပ်ထိန်းသော မိန်းမ၊
ဆွေမျိုး အုပ်ထိန်းသော မိန်းမ၊
အမျိုးအနွယ် အုပ်ထိန်းသော မိန်းမ၊
တရားကျင့်ဖော်ခြင်း အုပ်ထိန်းသော မိန်းမ၊ နှင့် အုပ်ထိန်းမှု မကင်းသော အအို မိန်းမ (၁၂)မျိုးမှာ
မင်းတို့ သိမ်းပိုက်ရန် ရည်ရွယ်ထားသော မိန်းမ၊
စေ့စပ်ကြောင်းလမ်းထားသော မိန်းမ၊
ဥစ္စာဖြင့် ဝယ်ယူပေါင်းသင်းနေသော မိန်းမ၊
အလိုတူ၍ ပေါင်းသင်း နေထိုင်သော မိန်းမ၊
ဥစ္စာစည်းစိမ် အပ်နှင်း၍ ပေါင်းသင်းနေထိုင်သော မိန်းမ၊
အဝတ်တန်ဆာ ပေး၍ ပေါင်းသင်းနေထိုင်သော မိန်းမ၊
လူကြီးစုံရာ လက်ထပ်ပေါင်းသင်းနေထိုင်သော မိန်းမ၊
ဆင်းရဲသူမကို ဆင်းရဲသားအလုပ်မလုပ်စေဘဲ မယားအဖြစ် ပေါင်းသင်းနေထိုင်သော မိန်းမ၊
မယားအဖြစ် ပေါင်းသင်းခံရသော သုံ့ပန်းမိန်းမ၊
အစေခံလည်းဟုတ်၊ မယားလည်းဟုတ်သောမိန်းမ၊
ကျွန် မယား၊
ခေတ္တမယား ပြုထားသော မိန်းမ တို့ကို ရှောင်ကြဉ်အပ်ပေသည်။
သူများ၏ သားမယားကိုပြစ်မှု ကျူးလွန်သော ယောကျာင်္းသည် နောင်ဘဝအဆက်ဆက်လူယောကျာင်္း အဖြစ်ကို မရနိုင်တော့ပါ။တိရိစ္ဆာန် အထီးဖြစ်လျှင်လည်း ဘဝတိုင်း သင်းကွပ် ခံရမည်။မိန်းမကိုယ်နှင့်ယောကျာင်္းစိတ်၊ ယောကျာင်္းကိုယ်နှင့် မိန်းမစိတ် ဖြစ်ရလိမ့်မည်။မိန်းမဘဝလုံးလုံးလျားလျား ဖြစ်လာပြန်သော အခါတွင်လည်း လင်မမြဲသောမိန်းမ၊လင်တိုင်း၏ စွန့်ပစ်ခြင်းခံရသော မိန်းမဖြစ်လိမ့်မည်။ထို့ကြောင့် ယောကျာင်္းဘဝသည် မြင့်မြတ်ပြီး ဘုရားဆုပန်နိုင်သောလူပုဂ္ဂိုလ်ဖြစ်သည်။သံသရာတစ်ကွေ့တွင် လူယောကျာင်္းဖြစ်လာပြီး မမှားသင့်သည်များကို ရေးသားဖော်ပြလိုက်ရပါသည်။
No comments:
Post a Comment